10/02/2025
حاسس إنك قلقان طول الوقت حتى لو مفيش حاجة تستدعي القلق بشكل فعلي ؟ دايماّ بتفكر في المستقبل ومتوقع كارثه تحصل !
مش قادر تتحكم في القلق ده ؟
مش عارف تركز في شغلك أو دراستك و طاقتك قليله
حاسس بألم جسدي متكرر غير محدد و بتتعب بسهوله ؟
عندك أرق مستمر ؟
بتحس في زيادة في ضربات القلب أو صعوبه في التنفس أو العرق المستمر بدون وجود أسباب عضويه !
كل دي أعراض تخلينا نفكر في اضطراب القلق العام GAD ، و للأسف ناس كتير بيعانوا من الأعراض دي و فاكرين أن ده الطبيعي ، لكن مع التشخيص و العلاج سواء الدوائي أو المعرفي السلوكي الأعراض دي بتتحسن تدريجياً و يقدر الشخص يمارس حياته بشكل طبيعي بدون قلق مستمر .
عشان كده مهم تلجأ للطبيب النفسي لو بتعاني من الأعراض دي بشكل مستمر و تبدأ رحلة علاجك من أجل سلامة صحتك النفسية والجسدية .
