Asmaa HaSsan - Psy Mentor

Asmaa HaSsan - Psy Mentor 🎖️اخصائي إرشاد نفسي وتربوي 🪪
🎖️اخصائي العلاج بالفن 🪪
🎖️باحثة ماجستير في علم النفس التربوي👩🏻‍🎓🪪
🎖️الاستشارات وحجز الجلسات من خلال واتساب 201207699790

21/10/2025

العاقل لا يسقط مرتين لأنه يرى الاسباب قبل النتائج

القلق والمرونه مبيجتمعوش في شخص واحد،لو دخلك القلق من الباب هتهرب المرونة من الشباك.معنى كده انك لو عايزة تحمي نفسك من ا...
21/10/2025

القلق والمرونه مبيجتمعوش في شخص واحد،
لو دخلك القلق من الباب هتهرب المرونة من الشباك.
معنى كده انك لو عايزة تحمي نفسك من القلق
يبقى تدربي نفسك على المرونة النفسية والتكيف والتصالح مع الاشخاص والظروف المختلفه.
الموضوع مش سهل على كل الاشخاص زي بعض
لكن الجانب الايجابي في الموضوع ان المرونة مهارة ممكن اكتسابها والتدريب عليها باستخدام تدرييات وادوات مُعدة للغرض ده بيستخدمها معاكي المرشد النفسي اثناء جلسات الارشاد النفسي.
عارفة مقولة " كن كالماء " اللي بيتعمل عليها افيهات
اهي دي كلمتين اختصروا المرونه، كن كالماء بجد.
الماء لو قابلته صخرة مش بيقاومها ولكن بيلف حواليها وبيكمل طريقه.
الماء مش بيحطم الصخور بقوته لكن باصرارة ومرونته ممكن تكرار تساقط قطرة مياة على صخرة يعمل تأثير اقوى من تأثير صدام كم كبير دفعة واحدة بنفس الصخرة.
الماء بيغير حالاته بين صلب وسائل وغازي، بيغير لونة وطعمه مع الاشياء المضافه له ولكن في النهايه ممكن يرجع ماء صافي تاني لانه محافظ على كيانه ويظل الماء لا غنى عنه والكل مدرك اهميته.
دي مش حصة علوم 😅 لكن التأمل بيخلينا نشوف الاشياء بمنظور اخر 🥰
المهم يعني كونوا كالماء دحلاب كده 😆😂
اكتساب المرونه اهم طرق التعافي من القلق 😘❤

السلوك العدواني من كتاب اضطرابات الطفولة والمراهقة وعلاجهااكتبولى ايه المعلومه اللي خرجتوا بيها من الكلام ده 👇🏼
20/10/2025

السلوك العدواني من كتاب اضطرابات الطفولة والمراهقة وعلاجها
اكتبولى ايه المعلومه اللي خرجتوا بيها من الكلام ده 👇🏼

09/10/2025

عندما تتغير الحياه لتصبح أصعب غيّر نفسك لتكون أقوى 💪🏻 انا هنا دليلك لتصنع نسخة افضل من نفسك 🤍

25/09/2025

العلاج النفسي من اصعب انواع العلاجات
فنحن نخيط جروحاً لا يمكن رؤيتها
ولا نستعين باجهزة تحاليل واشعات للكشف عنها 🫂🤍

18/09/2025

التربية بقت صعبه في زمننا ده لكن احنا قدها وقدود 💪🏻


في بداية قصة قـ تـل ال ٦ أولاد وأبوهم تم إتهام أم الأولاد ال ٦ بـ إن هي اللي قتـ لتهم وقتـ لـت زوجها بعد ما ردها لعصمته ...
17/09/2025

في بداية قصة قـ تـل ال ٦ أولاد وأبوهم تم إتهام أم الأولاد ال ٦ بـ إن هي اللي قتـ لتهم وقتـ لـت زوجها بعد ما ردها لعصمته وجابلها بيت جديد وقسم ايام الاسبوع بينها وبين زوجته التانيه !!
سيناريو مش منطقي صح 🤔 بس ده اللي حصل وفعلا اتصدق وتم القبض عليها
عارفين تبريرهم لاتهامها كان ايه🙂 انها بتتعالج نفسياً
اه بجد انها بتتعالج نفسياً يبقى ع طول هي المتهمه الاولى
برغم معرفتنا بالسيناريوهات المتكررة عن جرائـ م زوجات الاب تجاه أبناء أزواجهم الا اننا كذبنا المنطق قصاد معلومة ان الام بتتعالج نفسياً
وفعلا بعد التحقيقات اكتشفوا ان اللي قتلـ تهم هي زوجة الأب وتم اعترافها
وبيُقال إن السبب في عملتها دي قد يكون اكتئاب ما بعد الولاده لأنه فعلاً بيدفع السيدة اللي لسه والده لإيذاء نفسها او إيذاء الاخرين
وطبعا هيتم عرضها على الطبيب علشان يفصل في حالتها وتكتمل باقي الاجراءات
المغزى من الموضوع ده إننا نفهم ان الشخص اللي بيتعالج نفسياً ده شخص عنده دافع يبقى انسان سوي وقرر يعالج الجروح اللي سببهاله الاخرين وياخد خطوات واضحه وشجاعة تجاه العلاج النفسي برغم معرفته بمدى قباحة العالم و انه للان بيتم وصم اي حد يتجه للعلاج النفسي، وبيصبح محط سخريه وشك من الاشخاص الغير واعيين للاسف.

بينما الخطورة الحقيقية تكمن في الاشخاص اللي عندهم اضطرابات نفسيه ولم يتجهوا للعلاج او معندهمش الوعي هم او اهلهم بانهم محتاجين يتعالجوا او بينكروا مرضهم
وبيتم ادراك خطورة الوضع ده بعد حدوث كارثـ ة

فـ إرفعوا أصابع الاتهام عن المتعالجين نفسياً لأن لهم كل الاحترام.
هم اشخاص واعيين قرروا يركزوا على نفسهم بعد ان ادركوا انهم يستحقوا ان تبقى حياتهم افضل بأيديهم ومقللوش من اهمية العلاج النفسي
نتمنى نشر الوعي وفهم ان العلاج النفسي زي العلاج العضوى لا يقل اهميه ولا يعيب احد
و اي حد يحس انه محتاج مساعده من متخصص ميترددش
او لاحظ ان شخص يعرفه محتاج مساعده يرشده للتوجه للمتخصصين
وشجعوا و ادعموا المتعالجين ❤


ابني متمرد 🥺 بنتي غرقانة في احلام اليقظة 😔ابني منعزل 😢 بنتي بقت عصبيه 🙄 ابني بقى عايز يقعد ع طول مع اصحابه وبيتجنبني 😟لو...
28/08/2025

ابني متمرد 🥺
بنتي غرقانة في احلام اليقظة 😔
ابني منعزل 😢
بنتي بقت عصبيه 🙄
ابني بقى عايز يقعد ع طول مع اصحابه وبيتجنبني 😟

لو ابنك او بنتك عمرهم بين ١١ : ٢١ عام يعني بيمروا بمرحلة المراهقة فأحب اقولك اتطمني التغير في سلوكهم وطباعهم ده طبيعي

✦ ده مش سوء سلوك دي صراعات المراهقة 🚫 دي كلها سمات طبيعية في رحلة النمو وإثبات الذات ✦

المراهقة مش مجرد سن صعب، لكنها مرحلة مليانة أسئلة وصراعات داخلية…
👦👧 المراهق بيسأل نفسه:

"أنا مين؟"

"هو أنا شبه الكبار ولا لسه طفل؟"

"إزاي ألاقي استقلاليتي من غير ما أخسر حب واحتواء أهلي؟"

"أنا مش قادر اتفاهم مع أهلى هما من جيل وأنا من جيل تاني... أنا مش شبههم"

" شكلي بيتغير الناس كلها بتبص عليا.. أنا فيا حاجه غلط؟ لازم يبقي شكلي مثالي 😔"

" مش هسمع كلامكم انا مبقتش صغير 😠 بس انا بحبكم 😢 ربنا مش هيرضا عني علشان مش بسمع كلام امي وابويا 💔"

♦️طبيعي جدًا إن المراهق يدخل في شد وجذب بين رغبة في الحرية وبين احتياجه للدعم. وده بيظهر في:

الجدال والعناد 🙅‍♂️

تقلب المزاج 😔😊

البحث عن أصدقاء يشبهونه 🤝

أو حتى العزلة والانسحاب 🕊️

🎯 دور الأهل هنا مش إنهم يكسبوا كل معركة جدال، لكن إنهم يكونوا جسر أمان: يسمعوا أكتر، يوجهوا بهدوء، ويعرفوا إن الصراع الداخلي اللي بيعيشه ابنهم/بنتهم هو علامة صحية على النمو النفسي والعقلي.

⭕ وعلشان نساعد في علاج مشكلات المراهقين هنحتاج نعمل كام حاجه :

* الوعي بسمات المرحله علشان نفرق بين الطبيعي واللي مش طبيعي

* نشجعهم على الاشتراك في انشطة ترفيهيه

* توجيه اهتمامهم لنشاط رياضي واجتماعي وعلمي

* التوعية الجنسيه السليمة وأضرار السلوكيات الجنسية الخاطئة

* إشراك المراهق في مجتمع الكبار واتاحة الفرصة له لتحمل المسؤليه وإثبات ذاته

* التغذية الصحية حتى تمد الجسم بما يلزم نموه السليم

* الاهتمام بهواياته وتنميتها

* النقاش البناء معهم ترك فرصة لهم للتعلم من خطأهم بدون توبيخ

* ترسيخ عقيدتهم وتنمية القيم الاخلاقيه والدينية

* مراقبة خلواتهم وملء أوقات فراغهم

* مراقبة اي تغير في السلوك والتدخل في الوقت المناسب او الرجوع لمتخصص

✨ وافتكروا دايمًا: المراهقة مش أزمة… المراهقة رحلة. ولو مشيناها مع ولادنا بتفهم وصبر، هتتحول من صراع لعلاقة أقوى.

المراهقة مرحلة مليانة مشاعر وتجارب جديدة، أوقات فيها إحساس بالارتباك، وأحيانًا صراعات داخلية مع النفس أو مع الناس . طبيعي يحسوا بضغط أو تشتّت، لأنهم بيبنوا انفسهم وبيتعرفوا على هويتهم خطوة بخطوة.

المهم إننا نذكرهم دايمًا إن كل تحدي في المراهقة هو فرصة للتعلم والنمو، ومش لازم يكونوا وحدهم في وجه الصعوبات. وجههوهم و شجعوهم يشاركوا مشاعرهم بصدق ويطلبوا الدعم لما يحتاجوا.

خلوا قلبكم صبور وروحكم متفهمة. المراهقة مش مجرد فترة صعبة، لكنها بداية لتكوين شخصية جديدة جميلة ❤️



ينتهي العار عندما نروي قصصنا في مساحات آمنة.. 💖
26/08/2025

ينتهي العار عندما نروي قصصنا في مساحات آمنة.. 💖

Address

مصر
Cairo

Website

Alerts

Be the first to know and let us send you an email when Asmaa HaSsan - Psy Mentor posts news and promotions. Your email address will not be used for any other purpose, and you can unsubscribe at any time.

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram