https://www.facebook.com/500455203160626/

Asmaa HaSsan - Psy Mentor, مصر, Cairo (2026)

28/01/2026

العاطفة قوية ولكن العقل أقوى
العقل قوي ولكن الارادة أقوى
فاذا أردت التحكم في عاطفتك وعقلك فعليك ان تسعى لامتلاك إرادة قوية

23/01/2026

بعد ان عاقبته المدرسة بسبب رسمه المتكرر على الجدران
حصل هذا الطفل على وظيفة تزيين جدران المطاعم وهو بعمر 9 سنوات
وظف قدراتك في المكان الذي يقدرها

23/01/2026

لما تطلب حاجه ومحدش يجيبهالك اتعلم تجيبها لنفسك
وانا هنا مش بتكلم عن حاجات ماديه

20/01/2026

الأسرة هي حجر الاساس في تشكيل وتعديل سلوك الطفل، ومن اهم طرق تعديل سلوك الطفل هي طريقة التعزيز الإيجابي.

يعني ايه تعزيز ايجابي؟
- يعني اننا نكافيء الطفل بشيء بيحبه بعد السلوك الجيد علشان نشجعه يكرر السلوك الجيد مرات عديده.
طيب التعزيز الايجابي ده بنعمله بتلاقائيه مننا؟
- لأ ... التعزيز الايجابي له شروط علشان يبقى اسلوب ناجح وله نتيجه ايجابية.

اول شرط اننا نكافيء الطفل بعد السلوك الجيد مباشرة منأجلش المكافأة، الا لو احنا متفقين مع الطفل انه لو عمل السلوك ده يومياً خلال اسبوع مثلا هجيبله المكافأة.
ثانياً تنوع المعززات ( المكافآت) علشان الطفل ميحسش بالملل ولا يحصلة اشباع من المعزز فيفقد الحماس والرغبه في الحصول عليه وبالتالي يفقد الرغبه في عمل السلوك اللي بيجلب المعزز.
ثالثاً يكون المعزز مرغوب فيه. يعني نكون مجهزين حاجات الطفل بيحبها وبيهتم بيها علشان يشعر بالسعاده عند الحصول عليها.
رابعاً يكون معزز غير مضر يعني نتجنب المكافأه بالشاشات والاطعمه المضرة.
خامساً يكون المعزز متناسب مع السلوك يعني مجيبش للطفل لعبة غاليه لمجرد أنه شال الطبق مكانه لمره واحده فقط مثلا.

في البوست الجاي هنتعرف على انواع المعززات وهنقول افكار متنوعه تساعدك تعملي لسته تختاري منها بدون حيرة.
سيبي كومنت علشان يوصلك منشوراتي بإستمرار 🌷

19/01/2026

طريق التعافي النفسي مقرون بالوعي والمعرفه. وأهم المعارف هي معرفتك بذاتك الحقيقية زي ما هي (لا تشوفها اضعف فتعجز عن اتخاذ الخطوات ولا حتى اقوى فتحملها ما لا تطيق) . ووعيك كمان باحتياجاتك وقدراتك وحدودك وادوارك .... وحاجات تانيه كتير في حياتك كنت مش شايفها او شايفها بصورة غلط نتج عنها سلوكيات غلط سببتلك ضغوط نفسية او خسرتك فرص وعلاقات ندمت عليها.

وعيك بذاتك يعني أنك تتعرف على نفسك من اول وجديد بمحايده بدون تحامل او احكام وتصاحبها وتمضي معاها معاهدة سلااااام😇، يعني مفيش صراعات نفسيه تاني، يعني انت عارف انت مين وبتعمل ايه وعايز ايه لا انت مشتت ولا منساق ولا حاسس باغتراب نفسي.

انك تفهم نفسك صح ومتظلمهاش معاك وانك تبقى مطمئن وواثق في نفسك وماِلك زمام امورك في ايدك.

اللي بيسلك طريق الوعي بيسبق اللي حواليه بخطوة ويمكن بمشوار.
بيشوف اللي غيره مش شايفه وبيفهم الامور بشكل اعمق وحقيقي مش مغلف بمخاوف ورغبات زي ما الاخرين الغير واعيين شايفينها.

الاخرين الغير واعيين بيشبهوا ذاتك القديمه قبل الوعي، ذاتك اللي نشأت عالخوف واللوم والتضحيات وكل الافكار اللي كانت مقيداها سنين لدرجة انها اعتقدت ان القيود دي جزء من جسمك ومكونتش واخد بالك منها او شايفها بس مش عارف تتخلص منها. هما بقى واقفين عند الحته دي.

فـ انت لما تختار التعافي النفسي ووعيك يزيد مش هينفع ترجع تفكر بطريقتك القديمه ولا تاخود رأي الاخرين في خطواتك..ليه؟
لان ارائهم مبنيه على مخاوفهم وقيودهم اللي لسه متخلصوش منها زي ما قولتك. ركز معايا

امشي في طريقك زي ما انت بصحبة مرشدك النفسي وبص مكان مانت واقف بص على نفسك بس، متشتتش نفسك بالماضي والاخرين لحد ما توصل لاخر الطريق اللي بدأته

وخليني كمان الفت انتباهك انك ممكن تتشاف في محيطك شخص غريب الاطوار لانك خرجت من القطيع وتركت ما وجدوا عليه ابائهم واجدادهم وتلاقي احد الاخرين بيقولك: مرشد نفسي ايه يابني مانا عملالك محشي وفراخ هتاكولهم وتبقى زي الفل.
واخر يقولك: نفسية؟ وجاتلك النفسية دي من ايه. هو انت بتحس زينا هييبهووخخخييهههه.

هيتم انتقادك ومحاولة سحبك تاني لطريقتهم علشان هما يحسوا بأمان وانهم صح فلا داعي للتغيير .
علشان كده بقولك🤌🏼 ركز مع نفسك مش لازم تقول لحد انك بتتعافي ومش لازم تاخود رأي حد في خطواتك (الا لو كان شخص واعي وهيدعمك)
ومش لازم تقنع اللي حواليك بانهم يتعافوا وقد ايه التعافي جميل🕊.
متدخلش في جدل ولا صراع مع حد، انت مسؤول عن نفسك بس.
ومع الوقت ولما توصل للراحة النفسية والتوافق النفسي هتلاقي اللي استغربوك عايزين من اللي معاك ده وهيسلكوا طريقك علشان يوصلوا للى وصلت اليه.

اللي مش بيتحرك مش بيلاحظ اغلاله. ابدأ بنفسك واتحرك. وأول خطوة تعملها هي انك تختار المرشد النفسي اللي هيصاحبك في رحلة وعيك.
الله ثم نفسك ثم المرشد النفسي✋🏻

07/01/2026

التعبير الفني وسيلة بسيطة ومتاحه للجميع بتساعدنا نفهم نفسنا وبتسهل علينا التواصل مع الاخرين من خلال تجسيد افكارنا ومشاعرنا في صورة عمل فني والكلام عنه في جلسة امنه مع معالج فاهمنا ومتقبلنا ومتفاعل معانا بشكل ايجابي
الفن كمان وسيلة تعبير مهمه للاشخاص اللي بيلاقوا صعوبة في التواصل اللفظي او اللي بيعانوا من الوحده والانغلاق على انفسهم فبيكون دور الفن هنا انه بيطور قدرتهم على تقبل وفهم ذاتهم والتعبير عما يدور بداخلهم والقدرة على التواصل الفعال مع الاخرين . وبكده يكون الفن بيخلق بداخل الفرد شعور بتحقيق الذات وتكوين صورة ذهنية واضحه عن نفسه وتطوير احساسه بجوده و دوره.

02/01/2026

هالة كاظم قالت حاجه حلوه اوي في حلقتها مع دينا غبور (والحلقه كلها حلوه ❤). هي قالت انها بتحب تجلس في البيت وتدخل المطبخ تعمل كيك و.... وانها وقّفت المحاضرات واكتفت بمساحه محدده من الشغل علشان يتبقى مساحه اخرى لباقي ادوارها ولممارسة هواياتها فقررت تختار لنفسها الفرص اللي تناسبها بس. كأنها بتفصّل فستان على قدها (على تعبيرها).
فتقدر تستمتع بوقت فراغها وتستمتع كمان بشغلها اللي بتحبه من غير ما يضغطها ويجي على مساحة باقي ادوارها في الحياه.
و ده بيشبه مقوله لدكتور مصطفى محمود بيقول فيها : أُفضل أن أعيش حياه صغيره أملكها على أن أعيش حياه كبيره تملكني.
اللي يوصل للنقطه دي هيبقى في سلام مع نفسه. و ده هيحصل لما نكون واضحين مع نفسنا وعارفين نميز بين اللي عايزينه واللي نقدر عليه. ونفهم أدوارنا في الحياه منختزلش حياتنا في دور واحد على حساب باقي الادوار. لما نفهم ده طاقتنا مش هتبقى مستنزفه في اتجاه واحد ولا هتكون مشتته بين كل الاتجاهات لكن هتبقى متوزعه صح حسب الاولويه. وقتها كمان مش كل الابواب المفتوحه هتجذبنا، ومش هنسعى لاقتناص كل الفرص ومش كل اللي فاتنا هيتسمى فرص ضايعه لاننا مش في سباق مع حد احنا بنستثمر في نفسنا ومع ربنا.
مهم نقبل بعدم الكماليه لان الكماليه في جانب معناه اننا جينا على باقي الجوانب وده هيؤدي لخلل في حياتنا وفي نفسيتنا.
فبلاش ندوس على نفسنا علشان بطارية نفسيتنا متخلصش بدري.

Asmaa HaSsan - Psy Mentor

02/01/2026

هل شعرت يومًا أنك غارق في أفكارك، تنتقد نفسك باستمرار، أو تشعر بعدم الرضا عن قدراتك؟ هذه المشاعر شائعة جدًا، لكن هناك وسيلة مبتكرة تساعد على اكتشاف نفسك والتصالح مع ذاتك: العلاج بالفن.
العلاج بالفن ليس مجرد تلوين أو رسم، بل هو رحلة شخصية تسمح لكل فرد بالتعبير عن مشاعره وأفكاره بطريقة حرة وآمنة. من خلال هذه العملية، يبدأ الشخص في فهم نفسه بشكل أعمق، ويرى نقاط قوته وضعفه بدون أحكام أو قيود.
عندما نبدأ في الرسم أو التلوين أو حتى تشكيل المواد الفنية، نكتشف مشاعر لم نكن نعيها قبل ذلك. قد يظهر الغضب في خطوط قوية أو الحزن في ألوان داكنة، وقد نجد الفرح في الألوان الزاهية والأنماط المتناغمة. هذا التعبير المباشر عن المشاعر يساعد على تخفيف الضغط النفسي ويمنحنا فرصة للتفكير بهدوء في أنفسنا.
إحدى أهم فوائد العلاج بالفن هي تعزيز الوعي الذاتي. فبينما نبدع في عمل فني، نلاحظ أنماط تفكيرنا وسلوكنا، ونتعرف على طرق تعاملنا مع التحديات والمشاكل. هذا الوعي يجعلنا أكثر قدرة على تقبل أخطائنا والاعتراف بقدراتنا، ويزيد من شعورنا بالقيمة الذاتية.
كما أن رؤية عملك الفني مكتملًا يعطي شعورًا بالإنجاز، وهو شعور بسيط لكنه قوي جدًا. كل لوحة، كل تصميم، كل قطعة فنية تنتجها بنفسك تصبح دليلًا ملموسًا على قدراتك ومهاراتك، وتذكيرًا دائمًا بأنك قادر على الإبداع والنجاح.
العلاج بالفن أيضًا يتيح لنا مواجهة الصراعات الداخلية بطريقة آمنة. نرسم ما نشعر به، نلون ما يضايقنا، ونشكل ما يربكنا. حين تتحول هذه المشاعر إلى شكل ملموس، يصبح التعامل معها أسهل، ويصبح تقبل الذات أمرًا ممكنًا وبلا ضغط.
وجود أخصائي العلاج بالفن يجعل الرحلة أكثر فعالية. فهو يوجهك، يشجعك، ويقترح طرقًا وأساليب تساعدك على رؤية نفسك بشكل إيجابي، وتطوير احترام الذات والثقة بالنفس.
في النهاية، العلاج بالفن ليس فقط وسيلة للإبداع، بل هو أداة قوية للتعرف على نفسك، لفهم مشاعرك، ولتقوية تقبل الذات. من خلاله، نكتشف جمال قدراتنا ونتعلم كيف نكون في سلام مع أنفسنا، ونعيش حياة أكثر رضاً وثقة.

#اطفال #مراهقين #امهات

02/01/2026

خلوني أعرفكم بنفسي اكتر
أنا أ. أسماء حسن أخصائية العلاج بالفن التشكيلي واخصائية الارشاد النفسي والتربوي.
باحثة ماجستير في علم النفس التربوي قسم علم نفس التربية الفنية خبرة 8 سنوات في التعامل مع اضطرابات الاطفال والمراهقين وأيضاً في تقديم الارشاد النفسي والتربوي للامهات من خلال الجلسات الفردية والجماعية وأيضاً من خلال خدمات التطوع في المستشفيات التي تهتم بتقديم الدعم النفسي للمرضى وأسرهم.
ايقنت خلال هذه الفترة ان الفن ليس مجرد وسيلة للتسليه بل هو وسيله علاجية
و أداه قوية لتنمية المهارات الذهنيه والاجتماعية والنفسية
ويهدف محتواي على مواقع التواصل الاجتماعي الى التوعية النفسية بصفة عامة والتوعية بدور الفن بصفة خاصة في حياتنا وانعكاسه على النفسية والسلوك والأفكار سواء للاشخاص الاسوياء او مِن مَن يعانون من الاضطرابات النفسيه والسلوكيه ومساعدتهم على تقبلهم لذاتهم وتقبل المجتمع لهم.

#اطفال
#مراهقين
#امهات

15/12/2025

🚩 ٩ ريد فلاجز لـ المعالج النفسي:
The Nine RED FLAGS OF THERAPY
١. بيحكم عليك
انت: أنا زعقت لبنتي امبارح
المعالج: ليه؟! ماكنش ينفع تعمل كده خالص

٢. بيحكي عن حياته شخصية كتير بشكل بيربكك
انت: من ساعة ما سبتها وأنا حاسس اني مكتئب
المعالج: أنا برضه حسيت اني اتكتئبت لما مراتي سابتني وكانت مرحلة صعبة

٣. بيعدّي حدوده
المعالج: شكلك حلو النهارده.. الازرق بيليق عليكي

٤. بيقلل من مشاعرك
انت : اتضايقت لما جوزي نسى عيد جوازنا :(
المعالج: يا ستي كبري مخك كل الرجالة كده

٥. بيتضايق لما تنتقديه
انت: التمرين ده مش مساعدني... مش حاسة اني مستفيدة من الجلسات
المعالج: عشان إنتي أصلاً ما بتعمليش التمرين هتحسي انك مستفيدة ازاي؟

٦. بيشخّص بسرعة في أول جلسة: إنتي borderline.
من غير أي تقييم أو أسئلة.

8. بينصح وبيفرض معتقداته وآراؤه
- لازم تستقيلي .. لازم تطلقي .. لازم تصلي

9. بتخرج من كل جلسة أسوأ
كل مرة تمشي وانت حاسس بالذنب، أو نقد، أو لخبطة…
من غير ما تكون فاهم حاجة ولا حاسس بأي تقدم.

🟢 جرين فلاجز المعالج الشاطر البروفيشنال
اللي جاي يعلمك تحل مشاكلك بطريقتك مش جاي يربيك!!

١. بتحس انك في مكان آمن
انت: أنا زعقت لبنتي امبارح
المعالج: شكلك كنتِ مضغوطة… تعالي نفهم اللي ورا اللحظة دي.. احكيلي

2. فاكر التفاصيل المهمة
انت: قلقانة من امتحان.
الجلسة اللي بعدها يسألك: "عملت ايه في الامتحان؟" من غير ما تفكّريه.

3. ما بيستعجلِكش ولا يسكّتك
تعيّطي وتقوليله: "أنا آسفة."
يقولك: ولا يهمك… خدّي وقتك

4. ما بياخدش كلامك بشكل شخصي
انت: أنا محستش إن الجلسة اللي فاتت فادتني.
المعالج: شكرًا إنك قلتيلي. تعالى نجرب طريقة تانية.

5. عارف حدوده
لو بعتي رسالة عايزة تغيّري معاد.
يرد باحتراف: "أقدر يوم كذا أو كذا، اختاري الأنسب لك."

6. بتخرجي من الجلسة عندك وضوح
مثال: تدخلي تايهة من موقف.
تخرجي فاهمة: "آه… عشان كده اتضايقت بالشكل ده."
7. بيكتشف النمط اللي بتكرريه ومش بيحكم عليه
إنت: كل ما بتخانق مع حد بحس إنه هيسيبني.
المعالج: انتي خدتي بالك ودي حاجة ذكية منك ان ده نمط تفكير وسلوك عندك. فعلا أي اختلاف بسيط بيعمل خوف من الفقد بيأدي لسلوك انسحاب أو هجوم.
احكيلي شوية عن ده
8. عنده وضوح في المنهجية
انت: حاسة إن عندي مشاكل كتير ومش عارفة أبدأ منين.
المعالج: ماتقلقيش. في أول جلسة إحنا مش محتاجين نرتّب كل حاجة مرة واحدة.
اللي هنعمله النهارده اني أسمعك كويس وأحدّد معاكي نوع المشاعر اللي بتتكرر.
ونختار هدف صغير وواضح نشتغل عليه من الأسبوع اللي جاي.
وغالبًا هنستخدم العلاج المعرفي السلوكي لأن الأفكار المتكررة عندك بتأثر على إحساسك وتصرفاتك.
ولو حسّينا إن في طريقة تانية مناسبة أكتر، هنغيّرها مع بعض.

المعالج مش أحسن منك
مش من حقه يعاملك بفوقية
المعالج ذاكر وعرف معلومات هينقلهالك
المعالج اشتغل على فكرة الاستماع المتعاطف والفعال فهيسمعك بشكل نافع.
المعالج محتاج وقت عشان يفهمك زي الصديق لكن انت مش صديقه.
مش من حقه يستخدم آراءه الدينية معاك
لكن ممكن لما توضح له انك قريب من ربنا يستخدم ده معاك كأحد أدوات أنت اديتهاله.

ماتيأسش لما تروح لمعالج مش مريح
أو ماترتاحش معاه لأي سبب حتى لو كان شاطر وعمل كل الحاجات الصح بس انت نفسيا مش مرتاح جرب واحد تاني .. هي مش علاقة جواز وطلاق
مافهاش نجاح وفشل
عادي انك لو مش مرتاح نفسيا تشوف حد انت تحس معاه بالأمان
#منقول

03/12/2025

قاريء اليوم هو قائد الغد ❤
بالقراءة تتسع مداركك وترى دروب لم تكن تبصرها من قبل لذلك قيل مِن مَن سبقونا أن "العلم نور"
فـ إذا أردت تحسين جودة حياتك فعليك بالمعرفة.

03/12/2025

- قد يكسرك أحدهم أو تقهرك الايام.. ولكن لن تقف الحياه عند ذلك.
فهنالك أيادي خلقت من أجلك قد منحها الله القدره على جمع شتاتك وإرشادك الى الطريق الصواب لكي تحتوى نفسك من جديد وتخلق من ذاتك كيان آخر بصورة أجمل مما سبق بشخصيه محملة بالخبرات لا بالمتاعب.
هكذا الارشاد النفسي ❤️

Asmaa HaSsan - Psy Mentor

28/01/2026

23/01/2026

23/01/2026

20/01/2026

19/01/2026

07/01/2026

02/01/2026

02/01/2026

02/01/2026

15/12/2025

03/12/2025

03/12/2025

Address

Website

Alerts

Shortcuts

Share

Category