https://www.facebook.com/502749496261493/

Basma Ezzat - بسمة عزت, القاهرة الجديدة, Cairo (2025)

02/08/2025

"أنا عايزة يراجعني.. عايزة أتغير علشان يعرف قيمتي ويرجعلي ندمان."

مرحلة الإنكار بعد الطلاق مؤلمة جدًا. الشخص ير #ض يصدق إن الرحلة الطويلة انتهت، وإن الشريك اللي كان محسوب إنه مضمون ممكن يختفي من حياته.

لكن الحقيقة إن الحياة الزوجية أصبحت جزءًا من معارك البقاء في هذا الزمن. بيوت كثيرة تصارع لتستمر وسط ضغوط ومتغيرات لا تنتهي، ومع ذلك أحيانًا النهاية تكون حتمية.

التعلق بالماضي يستهلك الروح، بينما إدراك الواقع هو أول خطوة للتعافي وبداية حياة جديدة

30/07/2025

لا، ده منطقي جدًا اللي بقوله وحقي”
عبارة ظلّت ترددها طوال الجلسة، والحقيقة أن ما تقوله غير منطقي.

في بعض الاضطرابات النفسية، يصاب أصحابها بمغالطات فكرية وتشوه معرفي لواقع الأمور، فيبدأ الشخص في التبرير المستمر لما يحدث وكأنه الصواب المطلق. حتى وإن حاول المحيطون به تصحيح الموقف، يظل مقتنعًا أن الجميع مخطئ، مهما اجتمعوا على رأي واحد.

ولذلك دائمًا ما نؤكد أن المؤشر الاجتماعي يعدّ من أهم المعايير لقياس مدى صحة الفرد النفسية، لأنه يعكس قدرته على التوافق مع الآخرين ورؤية الأمور بواقعية
#اخصائيه -نفسيه

27/07/2025

أنا مش عارفة ليه طلّقت، بس أنا كنت عايزة أعيش.
جملة في جلسة بدأت بمكالمة تليفون: “أنا عايزة أتكلم، وأعرف هكمّل إزاي.”

وهنا بقى وجب الحديث عن موسم الطلاق.

ظهرت الفترة اللي فاتت بوستات كتير عن ستات اتطلقوا وسابوا وراهم ولاد، وستات في نص الطريق.
منهم الراجل الكريم اللي دفع 💰 وقرر يصرف ويخلّص نفسه من وجع الدماغ علشان يبدأ صفحة جديدة، ومش مهتم بالست اللي بدأت عمرها معاه، بالساعات، وبالأيام اللي ضاعت من عمرها… المهم يخلص ويعمل ريستارت لحياته.

وفي منهم اللي قرر يعتبر الطلاق حصل بينه وبين العيال وأمهم.
هنا بتظهر فقرة الساحر، اللي الست فيها بس عايزة تعرف: “هبدأ منين؟”

وفي رجالة أصلاً حصل الطلاق وهما مع بعض، عادي، “أنا معاكم بس ماليش دعوة بيكم.”
بقينا نشوف الستات في مهن كانت حكرًا على الرجالة، بقت تسوق أوبر، توك توك، أي حاجة تصرف بيها على البيت والعيال… دايسة فيها.

وهنا كمان بيتشوّه دور الراجل والست، وبنشوف جيل مش عارف هو المفروض يعمل إيه.
شباب بتطلب من أهلها فلوس، ومالهاش دعوة الفلوس دي جاية منين.
وبنات بتقسوا على أمهاتهم، ومش مهتمين “ماما عاشت إيه؟”

في النهاية:
الطلاق عمره ما كان حرام.
الطلاق حلّ أخير، بعد محاولات كتير، وبعد ما تبقى العِشرة مستحيلة.

الطلاق بيكون بين الراجل والست… والولاد خارج الطلاق.
الطلاق مش حُجة للانسحاب، ولا الرجوع لوضع “البيبي” وعدم المسؤولية.
الطلاق كَسْرة للست… مهما قالت “أنا عايزة أطلّق.”

في النهاية: استقيموا، يرحمكم الله
.

25/07/2025

"عفاريت الارتباط"🚨

---

قالت بصوت واطي، مليان خوف واستغراب واستنكار:

"يعني أطبخ؟ وأنضف؟ أنا؟!
أنا عمرى ما عملت حاجة في بيتنا!
كنا بنجيب حد يساعدنا.
أنا كنت بذاكر وأخرج... بس!
أنا حتى الكوباية باشرب فيها وأسِيبها،
جنّي بيرجعها مكانها!
شغلي؟ فلوسي؟ بتاعتي!
أنا مش هشارك في حاجة… أمال هو موجود ليه؟"

لبسي؟
"أنسى أغيّر حاجة!
بابا مديني حريتي أصلاً."

أصحابي الولاد؟
"عادي… دول إخواتي."

أهلك؟
"أنت حر معاهم.
أنا ماليش علاقة بيهم.
أمّك؟ تبقى أمّك!
لكن أمّي؟ أمّنا كلنا، عادي!
وليها كل الصلاحيات."

الخروج مع صحابي؟
"فَرض، مش سنة.
وأي حاجة غير كده،
تبقى:
توكسِك، نرجسي،
وعندك مشاكل نفسية…
ارجو تروح تحلّها."

أما الشباب؟
بقى رايق بزيادة…
عايزها مستقلة، متحققة،
وشكلها حلو أوي،
كأنها طالعة من فيديو في تيك توك.
تصحى من النوم…
على وشّها فلتر!

معلومة على الماشي:
الشباب بقت تاخد بالها من كل تفصيلة…
ضوافرها،
عيوب بشرتها،
لفة طرحتها،
لبسها،
صحابها،
طريقتها في الكلام.

الليفل بقى وحش…
الفيديوهات والمحتوى المرئي
رفع سقف التوقعات
وخلى الرضا في حتة تانية خالص!

التقليدي بقى "مش مناسب"،
واللي كنا بنسميه "عادي"
بقى مش "مرضي".
الصورة الذهنية اختلفت،
والغرض من وجود "شريك"
بقى حاجة تانية تمامًا.

وعشان كده؟
انتشر الطلاق،
وتأخر الجواز،
وزادت العلاقات الغلط.
وبدل ما نقعد نندهش ونلوم بعض،
لازم نرجع لورا شويه…
نراجع التربية،
ونسأل نفسنا:
إحنا قلنا لبناتنا يعني إيه جواز؟
إيه الغرض منه أصلاً؟
ولا سبنا السوشيال ميديا والمسلسلات
تعلمهم إن الجواز هو "ستايل لايف"
وإن الشريك لازم يكون شبه بطل المسلسل
اللي أخره نهاية سعيدة ومشهد بطيء على موسيقى حزينة؟!

ده مش فيديو تاخدي عليه "لايك وشير"…
دي حياة!

لازم البنت تفهم دورها،
تفهم إن فيه واقع مختلف عن "الريلز"،
وإنها مش مخلوقة بس تتفرج وتتمنى،
لكن تكون واعية،
فاهمة نفسها،
عارفة يعني إيه مشاركة،
مش بس بطلة في مسلسل...
لكن شريكة في رحلة اسمها: حياة.
#@

24/07/2025

بوست بقلمٍ مليء بوجع الأمومة، بطعم ليالي السهر، وقلة النوم، والسعي وراء نجاح أحدٍ غيرك...

كتبت في كلمات مختصرة:
"بنتي ضربتني وشتمتني علشان بطمن عليها.
اتأخرت في الشغل، اتصلت أدور عليها ليه مش بترد على اتصالي؟
قلب الأم عادي... علشان ترجع البنت البيت،
ومع مناقشة بسيطة،
كانت النتيجة إن الأم ضربت بنتها قلم لما بدأت تتعدى حدودها،
وكان رد البنت - اللي بالمناسبة دكتورة -
إنها ردّت القلم على وش أمها!"

وتطلب الأم، في مشهدٍ موجع، الدعاء لها بالصبر.

وهنا تأتي الفقرة الثانية من المشهد،
تدخلت إحدى المعلقات الكرام لترد على صاحبة البوست بجملة أكثر رعبًا من البوست نفسه:
"أحسن! تستاهلي، علشان لما بنتك تبقى قدك تضربيها!"

بالنسبة لي، كان المشهد الأول مرعبًا،
لأنه فيه انحراف سلوكي...
دي أم! إزاي بنت تعمل كده مع أمها حتى لو غلطت؟

أما المشهد الثاني، ورد المتابعة للجروب،
فهو مؤشر على وجود الحقد، وانتشار القسوة التي لا تفرّق بين القريب والبعيد.
طالت القسوة حتى الحدود الإلهية...
كم من أم وأب يُهان بحجة: "هو اللي بدأ"!

أرجو الحذر، كل الحذر، من اتباع أساليب تربية تسمح للأبناء بتعدي الحدود.

وللأخت المتابعة...
جائز تكوني بتمري بتجربة،
وتحتاجي تفكّري في أمور قد تعود إليكِ يومًا ما

21/07/2025

مع انتشار اللعبة "الأكثر شهرة" لابوبو،👺
كان أول شعور جه في بالي:
إزاي منتج لألعاب الأطفال يصمم لعبة بشكل غريب، مريب، لا ينتمي للطفولة ولا يشبه الأطفال في شيء؟

هي مش دب، مش أرنب، مش إنسان، مش كائن معروف…
وشها لا يحمل براءة، وأسنانها بارزة بشكل يوحي بالعدوانية أو الشر، وملامحها لا تطمئن.

❓فإيه الرسائل اللي بتوصل لأطفالنا من لعبة زي دي؟
١. تعاطف مُبكر مع القبح والتشوهات، كأن الشكل الغريب ده هو الطبيعي.
٢. تطبيع شكل "الشر"، خصوصًا لما الأسنان تبقى بارزة بشكل عدائي ومع كده نضحك ونتسلى بيها.
٣. لا تنتمي لأي مخلوق، وده بيأثر على فهم الطفل للعالم الحقيقي وتفريقه بين الواقع والخيال.
٤. انتشار غير طبيعي، اللعبة موجودة عند الكبار والأطفال، على التيك توك ويوتيوب وحتى في الإعلانات… كأن في حاجة بتتفرض علينا.
٥. تعود الطفل على الغريب والمشوه، لدرجة إنه ممكن يبقى ده ذوقه الطبيعي بعد كده أو حتى ما يخافش من الغريب!

🧠 وده بيخلينا نسأل نفسنا:
هل فعلاً إحنا بنختار ألعاب أطفالنا بعشوائية؟
هل الشركات هدفها تسلية الطفل... ولا في أهداف أعمق بتشتغل على تكوين وجدانه؟

20/07/2025

بعد ويك إند مليان باستشارات من أولياء أمور أبنائنا بالخارج، حبيت أشارك شوية ملاحظات مهمة، يمكن تفيد وتلفت الانتباه:

🔸 اللغة.. ثم اللغة!
اسأل نفسك: هل ابنك قادر يعبّر عن نفسه بشكل كويس؟ هل يعرف يوصل مشاعره واحتياجاته؟ التعبير اللغوي مش رفاهية، دي مهارة حياتية لازم نشتغل عليها.

🔸 التواصل الاجتماعي:
هل ابنك بيعرف يندمج مع بيئة جديدة؟ هل يقدر يكوّن صداقات؟ ولا بيفضل العزلة؟
الاندماج والتفاعل مع الآخرين مهارات بتفرق جدًا في شخصية الطفل وثقته بنفسه.

🔸 التواصل البصري:
خلي ابنك يبص في عين اللي بيتكلم معاه. بلاش نقول “هو بيكسف” أو “ده طبعه كده”. دي مهارة بتتعلم وبتنمي الثقة بالنفس.

🔸 صورة الوطن:
بلاش نتكلم وحش عن بلدنا قدام ولادنا. تجربتك الشخصية مش لازم تبقى مرجعية لابنك.
علمه يحب بلده ويحترمها، لأنه في يوم من الأيام ممكن يرجع، وساعتها هيكون محمل بمشاعر سلبية أنت ساهمت في زرعها.

🔸 الميول الجنسية والتربية الجنسية:
رجاء من كل أب وأم: اتكلموا مع أولادكم، خصوصًا في سن المراهقة، عن البلوغ والجسم والمشاعر.
السكوت والتجاهل بيفتح باب لتشوهات فكرية وسلوكية، وبيخليهم يدوروا على إجابات في أماكن غلط.

🔸 البنات زي الولاد:
متقوليش “بنتي مع بنات عادي” أو “ابني مع أصحابه مفيش مشكلة”.
للأسف، في تغيرات كبيرة في سلوكيات الجيل الجديد، والمشاكل مش دايمًا بتظهر بدري.
خليكي صاحية قبل الصدمة، واعملي وقاية بدل ما نلجأ للعلاج بعد فوات الأوان.

🔸 الدين.. ثم الدين:
علموا أولادكم الخوف من ربنا، وربّوهم على الدين الصحيح بدون تعصب ولا تفريط.
إحنا في الجلسات بنشوف وجع حقيقي في عيون الأهالي، وصدمة لما يكتشفوا حاجات عمرهم ما تخيلوها.

💔 اللهم احفظ أبناءنا واحمِ عقولهم وقلوبهم
في حاله رغبه احد المتابعه والاستشاره
أرجو التواصل ع 010 21388363

15/07/2025

🌀 في طريقك المهني… هتقابل ناس كتير، ومش كلهم هينصفوك.
كل شخصية بتقابلك، هي درس جديد. ومع الوقت، الخبرة هتكون درعك.
لكن لو الخبرة ما علمتكش “إزاي ترد؟”، يبقى لازم تشتغل على نفسك،
علشان توفر على نفسك تعب نفسي وعصبي كبير.

✨ لأن الشخص السيّئ دايمًا بيراهن على إنك ما تعرفش ترد عليه بطريقته.
هيحاول يقلل من مجهودك علشان ياخد منك على قد ما يقدر.
هيخليك تسعى لرضاه، رغم إنك بتقدّم أكتر من المطلوب.
هيحقد عليك في صمت، ويتمنّى زوال النعمة اللي عندك.

🕵️‍♂️ هتقابل:
• المنافس الصامت اللي بيشتغل من تحت لتحت.
• الفضولي اللي يعرف عنك كل حاجة، وانت ما تعرفش عنه غير اسمه.
• المتباهي اللي بيشوف نفسه فوق الكل، ويقلل من غيره.

⚖️ في وسط ده كله، تذكّر:

“إن أكرمكم عند الله أتقاكم” 🌱

الحياة دروس… بس الأهم:
🚫 ما تتراجعش
✅ واستفيد من كل درس عدى عليك
:

⸻

11/07/2025

في مشهد يستحق أن تُسجّله كاميرات السينما، كنت رايحة أقابل أحد العملاء، وأثناء انتظاري جلست على إحدى كنبات الانتظار في مول شهير. وبعد لحظات، جلست بجانبي سيدة قد يتراوح عمرها بين ٥٥ إلى ٦٠ سنة، وأخرجت طبق فيه “محشي ورق عنب” 🫶.

بدأت تعزمني تأكل معي، فابتسمت وشكرتها وقلت: “ألف هنا”.
بعد ثوانٍ، مرّ أمامنا رجل مسن، يبدو في الثمانين من عمره، يمشي وحيدًا في ضعف ووهَن.
فجأة سألتني السيدة، وهي تنظر إليه:
“هو أنا هبقى زيه؟”
ثم انهارت في بكاء، دموعها اختلطت بالأكل، ولم تتوقف عن الأكل ولا البكاء في آنٍ واحد.

بدأت تحكي لي دون أن أسأل:
“أنا بجيب الأكل هنا علشان أونس نفسي…
فين ولادك؟ مشغولين…
فين جوزك؟ مات…
معاكي حد؟ لا، مليش حد.”

حضنتها وقلت لها: “خدي رقمي، لو احتجتي أي حاجة.”
لكنها كانت كأنها مش سامعة… وسابتني ومشيت.

الموقف كله خلاني أفكر:
كم من أم تجلس وحيدة في مكانٍ مزدحم، تبحث فقط عن كلمة حنونة أو نظرة فيها طمأنينة؟
مش كفاية إن أمك يكون عندها بيت وأكل وفلوس… في حق تاني مهم جدًا: حق السؤال، وحق الصحبة، وحق الرعاية النفسية.

فيه مثل بيقول:
“مَكبّرنا زي ما مِصغّرنا.”
هي رعَتك وإنت صغير… جه دورك.

⸻

من_يومياتي_بسمة_عزت

09/07/2025

⸻

“ده مش ابني!”💔

كانت دي أول كلمة قالتها أم منهارة… بتنفي فيها ابنها الوحيد

حاولت أهديها، وقلت لها: “احكيلي بهدوء، ”

قالت:
“ابني الوحيد، من صغره وهو كل حياتي. كنت بدلعه، أطول له شعره، ألبسه توك وفستان، ألعب معاه، وعمري ما حلمت أخلف غيره…
من فترة قال لي إن في ولد بيقرب منه بلمسات مش مريحة، ماخدتش الكلام على محمل الجد، وعدّيت.
لكن الصدمة كانت لما شفته بعيني… ولما واجهته، ما أنكرش! استسلم وكأنه مش شايف اللي حصل غلط… أنا مصدومة، ومش قادرة أتقبل إن ده ابني!”

⸻

اللي حصل مؤلم، لكنه للأسف بيحصل…
ومش قليل من الأطفال بيتعرضوا لتحرش أو استغلال وهم مش فاهمين معنى اللي بيحصل.
وساعات بيكرروا نفس السلوك من غير وعي أو إدراك للصح من الغلط.

اللي محتاجينه دلوقتي مش غضب أو إنكار، بل احتواء، فهم، وعلاج نفسي متخصص.
ابنك مش “منحرف”… لكنه طفل محتار، مجروح، وبيتوه بين حاجات مش فاهمها.

أرجوكم:
• اسمعوا أولادكم
• صدقوهم لما يتكلموا
• علموهم عن أجسادهم، عن الحلال والحرام، عن الخصوصية
• وافتكروا إن أول رد فعل منكم ممكن يغير كل حاجة… للأحسن أو للأسوأ

الوعي مش رفاهية… ده أمان.

⸻

07/07/2025

مش كل خلاف نرجسية!”😱

بقينا نسمع كلمة “نرجسي” في كل حوار عن العلاقات، وكأنها ختم بيتحط على أي تصرف جارح أو أناني من الطرف التاني.
بس الحقيقة إن مش كل زوج عنده أخطاء أو تصرفات مؤذية نقدر نحطه فورًا تحت عنوان “نرجسي”.
أوقات بيكون شخص تاني تمامًا، يمكن مجروح، يمكن مضغوط، يمكن اتربى على نمط معين، ويمكن محتاج حوار حقيقي وفرصة للتغيير.

لما الست تقتنع إن “جوزي نرجسي وخلاص”، ساعات ده بيكون مبرر داخلي إنها تبطل تحاول، وتفقد الأمل في إصلاح العلاقة.
أكيد في حالات النرجسية الحقيقية، وساعتها لازم يكون فيه وعي وخطوات حماية.
لكن كمان في علاقات كتير كانت تستحق المحاولة، وممكن تتحسن لو فهمنا بعض أكتر بدل ما نعلّق كل حاجة على “شماعة” النرجسية.

نصيحة لكل ست:
الحياة مليانة مواقف صعبة، وكل واحدة على قدّ طاقتها وظروفها، بس لازم نرجع لقدسية العلاقة، ونشوف هل تستحق المحاولة؟
ولو لا، نقدر نبعد بهدوء واحترام، من غير ما نحكم على الشخص بأسوأ صفة ممكنة
حبيباتي الستات مش خلاف هيكون الزوج نرجسي شنطه اضطرابات الشخصيه مليانه حاجات تانيه مش مهم اسمها ايه المهم أتعامل معها ازاي ومش كل الحلول بعد في حلول نخلينا نكمل حافظا علي البيوت اللي أصبحت مليانه بس فاضيه

الحقيقه انه مش دايما فات المعاد بس دايما في معاد لبدايه اي حاجه

06/07/2025

جلسة وجع.. وجرس إنذار لكل الأمهات:

قالت بهدوء مؤلم:
“أمي عمرها ما قالتلي (بحبك)،
ولا علمتني إزاي أهتم بنفسي،
ولا إزاي أكون أنثى،
ولا حتى إيه هي النظافة الشخصية،
ولا إيه المفروض يتقال قدام الناس،
وإيه العيب أقوله.
كبرت وأنا بتفرّج على البنات وكأنهم من عالم تاني.. مش عارفة أكون زيهم.”

وجع بسيط في كلماته.. لكنه عميق جدًا.
رغم إنها وصلت لمرحلة عمرية مش محتاجة فيها حد يوجّهها،
لسه جواها طفلة كانت تستحق حضن وكلمة وتوجيه.

الرسالة هنا لكل أم رزقها الله بنت:
• إنتِ أول نموذج بتشوفه بنتك، في كل حاجة.
• علاقتك بجوزك أول درس بتتعلمه بنتك عن الحب والاحترام.
• اهتمامك بنفسك بيترجم عندها إنها لازم تهتم.
• لبسك، كلامك، تعاملك، ردود فعلك.. هي بتسجّل كل ده.
• خلي بالك.. بكرة بنتك هتكون “نسخة منك”.. بس بوعي أعلى، ممكن يخليها تنتقدك.

وخاصة في مرحلة المراهقة:
• المرحلة دي محتاجة منك كتير من الكلام الواضح،
• محتاجة حضن، صبر، توجيه مباشر للأمور الشخصية، مش سكوت أو إحراج.
• علّميها إن الجمال مش بس في الشكل، لكن كمان في التصرف والكلمة والموقف.

وافتكري دايمًا:
• بنتك بكرة هتكون زوجة..
• احكي لها عن الخلافات الطبيعية اللي بتحصل في الزواج، بس بأدب ونُضج.

–

• عرفيها إنك بتحبي بابا، وإن فيه مميزات في شخصيته،
حتى لو في مشاكل.. دايمًا حافظي على صورته جواها طيبة

Basma Ezzat - بسمة عزت

02/08/2025

30/07/2025

27/07/2025

25/07/2025

24/07/2025

21/07/2025

20/07/2025

15/07/2025

11/07/2025

09/07/2025

07/07/2025

06/07/2025

Address

Website

Alerts

Shortcuts

Share

Category