Dr. Dina Elgammal

29/01/2026

شكرًا من القلب لكل سيدة وثقت فينا وشاركتنا رأيها 🤍
ريفيوهاتكم هي أكبر دعم لينا، وسبب إننا نكمّل ونطوّر من نفسنا كل يوم.
وجودكم معانا فرق حقيقي ✨

#دكتوره

21/01/2026

اهالى السودان ليهم مكانه خاصه ف قلبى ❤🌹
روح جميله واهل كرم
شكرا للمامى الجميله... ربنا يبارك فى ابنها ويجعله بار باهله

welcome baby mobarak ❤

19/01/2026

🌀 غثيان الحمل؟ دوار المواصلات؟
فيه سر صيني بسيط ممكن يساعدك!
الصينيين اكتشفوا من زمان طريقة اسمها P6 Acupressure:
اضغطي بإبهامك على منطقة في رسغك (تحت مفصل اليد بـ حوالي 5 سم) ودلكيها لدقايق… بعدين بدلي على اليد التانية.
🌿 الغريب إن أبحاث بريطانيا الحديثة (NICE) لقت إن الطريقة دي فعّالة فعلًا لكن مش لكل حاجة… هي ممتازة بس في:
✔️ غثيان الحمل
✔️ الغثيان من الكيماوي
✔️ غثيان القلق
✔️ دوار السفر والمواصلات
💚 علشان كده بقى التدليك ده من أنجح وأأمن الطرق الطبيعية لعلاج غثيان الحمل.
جربيها وشاركي رأيك… وصباح مافيهوش غثيان ولا تعب! ☀️✨

07/12/2025

💡 معلومة بعد القيصرية
تعرفى إن مضغ اللبان بعد الولادة القيصرية ممكن يساعدك تتحسني أسرع؟ 🤱✨

✔️ يحسّن حركة الأمعاء
✔️ يقلل آلام الغازات
✔️ يساعد في سرعة خروج الريح
✔️ يقلل الإحساس بالانتفاخ

ده لأن مضغ اللبان بيحفّز الجهاز الهضمي وكأنه “إفطار وهمي” يشغّل الأمعاء من غير أكل حقيقي 😄

🎀 نصيحة: ابدأي بمضغ اللبان بعد 6–12 ساعة من العملية (بعد استشارة طبيبك)، ومرتين لثلاث مرات يوميًا.

04/12/2025

عروسة من 15 يوم… والدكتور قالها “حامل شهر”!

فيديو منتشر لعريس اتهم زوجته في شرفها لمجرد إن الدكتور قال إن عمر الحمل “شهر”
وراح يلجأ لـ البشعة عشان يثبت إنها بريئة أو لا!

كل ده لأن محدش قاله إن:
عمر الحمل بيتحسب من أول يوم لآخر دورة… مش من يوم الجواز ولا العلاقة.

عشان كده طبيعي جدًا إن العروسة تبان “حامل شهر” وهي متجوزة من أسبوعين بس.
ده اسمه حساب الحمل الطبي… ومش دليل خيانة ولا أي حاجة من الظلم اللي بيحصل.

معلومة بسيطة تنقذ بيوت:
الحمل الحقيقي بيبدأ بعد التبويض
لكن الحساب الطبي بيبدأ قبلها بـ 14 يوم
وده سبب كل اللخبطة.

رجاءً…
اسألوا قبل ما تظلموا.
وآن الأوان إن “البشعة” وأساليب الجهل دي تختفي من حياتنا.

د. دينا الجمال

08/10/2025

بعد ماصحتنا وصحت امه لا اله الا الله فى ولادتها
هيا اللى عايزه تنام 😴😴🥱

welcome to our princess celia ♥♥♥

23/09/2025

الكلية الامريكية لامراض النساء والتوليد بتنفى اى ارتباط بين مسكن الاسيتامينوفين (زى البنادول والدوليبران) و حدوث التوحد للمواليد..... مفيش داعى للذعر او لنشر اشاعات مغلوطه حتى لو اللى نشرها

ACOG reaffirms the safety and benefits of acetaminophen use during pregnancy.
More than two decades of research have found no causal link between acetaminophen use during pregnancy and autism, ADHD, or intellectual disability in children. Acetaminophen continues to be an important and safe option for managing pain and fever in pregnancy—conditions that can pose serious risks to pregnant patients and their fetuses if left untreated. Learn more about acetaminophen use during pregnancy: https://bit.ly/4mqIzWr

05/09/2025

ابننا كبر 😍♥

with our beloved handsome aron 😍

20/07/2025

ريفيو جميل فرحنى من قلبى ♥♥

مفيش أحلى من إننا نسمع إن شغلنا وتعبنا لمس الناس
وساعدهم يحسوا براحة واهتمام.
إحنا مش بنقدم خدمة وبس، إحنا بنحاول نكون دايمًا جنبكم، نحس بيكم ونخاف على مصلحتكم وكأنكم من أهلنا
علشان كده، كل كلمة تقدير بتفرق معانا جامد، وبتدينا طاقة إيجابية ومسؤولية كمان إننا نكمل بنفس المستوى وأحسن.
شكرًا من القلب على كلامك الحلو، وعلى ثقتك اللي نعتز بيها جدًا 🌷
وجود ناس زيك هو اللي بيخلي الشغل ليه طعم ومعنى 🙏

اللهم ان هذا من فضلك الذى انعمت على..... فلك الحمد والشكر

06/07/2025

:بطانة الرحم المهاجرة: الألم مش طبيعي!" 🩸💔

كتير من الستات بيعانوا من ألم شديد وقت الدورة، وبيقولوا "ده طبيعي!" لكن ساعات الألم ده ممكن يكون علامة على مرض اسمه بطانة الرحم المهاجرة (Endometriosis).

إيه هي بطانة الرحم المهاجرة؟🧐
هي حالة بتنمو فيها خلايا شبه بطانة الرحم في أماكن تانية بره الرحم (زي المبايض، الأمعاء)، وبتتفاعل مع الدورة الشهرية، فبتسبب ألم شديد والتهابات.

إيه أهم الأعراض اللي لازم تنتبهي ليها؟
👈ألم شديد جداً وقت الدورة: لدرجة إنه بيعطلك عن حياتك اليومية.
👈ألم وقت العلاقة الزوجية.
👈ألم عند التبول أو التبرز، خصوصاً وقت الدورة.
👈أحيانا صعوبة في الحمل.

لو بتعاني من الأعراض دي، متتكسفيش تتكلمي عن ألمك. الألم الشديد مش طبيعي! استشيري طبيب النسا عشان التشخيص والعلاج المناسب اللي يقلل الألم ويحسن جودة حياتك.

05/07/2025

الخرافة: "لو الوحم على حاجة حادقة يبقى البيبي ولد، ولو على حاجة مسكرة يبقى بنت!"

الحقيقة: "دي مجرد تغيرات هرمونية في جسمك ملهاش أي علاقة بنوع البيبي! جنس المولود بيتحدد علمياً بالسونار، وكلها كام شهر وهتعرفي!"

جربتي وحمات غريبة؟ قوليلنا فى التعليقات

30/06/2025

وجع #البيريود مش لازم يكون سر.... احنا هنا علشان نساعدك
اعرفى اكتر عن جسمك