https://www.facebook.com/519442264575880/

Eman Naeem99, Cairo (2025)

31/12/2024

اللهم بارك لنا في رجب و شعبان و بلغنا رمضان
كل عام و انتم بخير ♥️

28/12/2024

ارجوكم لا تنسوا اخواتنا المستضعفين من دعاؤكم ربنا يرحمهم في البرد عايشين في الخيام و فيهم الرضيع و اللي لسه يدوب مولود و الشيوخ و النساء، ارجوكم ارجوكم افتكروهم في دعاؤكم
اللهم اغثهم يا ارحم الراحمين اللهم اغثهم يا حي يا قيوم😭

25/12/2024

في الزمن ده الاغلب بقي عايش بمبدأ

"رأيي صواب يحتمل الصواب؛ و رأيك خطأ يحتمل الخطأ"
الا من رحم ربي 😅

25/12/2024

تربيه الطفل و تعديل سلوكه بتكون عقد اتفاق بين الوالدين و ابنهم او بنتهم و عقد اتفاق مع كل الافراد في البيئه المحيطه ، بمعني ان كل الافراد تكون متفقه علي خطه معينه و خطوات هتمشي عليها و تلتزم بيها .

مش كل واحد يكون في وادي شارد عن الخطه سواء بقي بمعتقداته او قناعاته ، ضروري الكل يكون متفق علي نفس الخطه و تكون خطه واضحه يعني نبقي عارفين هنبتدي فين و ازاي و هنوصل لاي نتيجه و اي هدف في الاخر ، ممنوع تحت اي ظرف نسمح لاي تدخل خارجي للتاثير علي فاعليه و صحه اتباع الخطه.

و لما نتفق مع اولادنا فمش معناه ان هوصل للولد او البنت انهم سبب قلق و ازعاج لا ، عادي احنا بنساعدهم يعيشوا و يتعاملو باسلوب صحي مقبول ، لكن مش بنشكلهم في شخصيه مختلفه تماما ؛ لا انا فقط بعلمه ازاي يعرف يعيش لنفسه بسلوكيات سليمه يعني بعلمه الصح باخد بايده انه يعرف الصح و المقبول بحيث انه يتجنب اي صعوبات تقابله في اي بيئه اجتماعيه يتواجد فيها و يعرف التصرف الصحيح في مواجهه اي تحديات او صعوبات .

فاولادنا زي ما هم مقبولين بالشكل اللي الله سبحانه و تعالي خلقهم عليه ؛ لكن اللي مش مقبول فقط السوك الخاطئ و المؤذي للطفل و كذلك لكل المحيطين بيه.

فالاساس يبدا من الوالدين نتفق علي نفس المنهج لكن مش كل واحد بشد الولد في ناحيه ، لان الهدف اكيد واحد ليك كأب و ليكي كأم و نمنع تدخل بقي الاجداد او الخالات او اعمام لتغيير او عدم الالتزام بالقواعد اللي ماشيين عليها و بكل احترام نطلب من باقي افراد العائله عدم الاقتراب باي مجهود يصدر منهم يبعدنا عن تنفيذ اللي اتفقنا عليه لانه في الاخر هيكون اثره و نتيجته ايجابيه علي الجميع؛ بلاش بقي دول هيتريقو دول هيقولو عليا انا و بنتي كذا كذا دول هيتنمرو بجد بلاش ، لانه دي حياتك و حياه اولادك كون ان في ناس للاسف معندهاش وعي او قصور في الاستيعاب او استهتار و عدم معرفه فده مش غلطك و لاشئ تلوم نفسك عليه .

بالعكس انت كمسؤول بتسعي لحياه افضل لابنك و ليك و لاسرتك لانكم انعكاس لبعض بل صوره للمجتمع كاسره واحده و مترابطه في اتحاد هدفها واحد.

25/12/2024

الكيف!

اكيد كلنا عارفين فيلم الكيف و خصوصا الافيه لما محمود عبد العزيز الله يرحمه قال ( عشان يبرعش و يحنكش و يبقي اخر طعطعه) 🤣🤣

لما نيجي نركز في الرساله اللي في الفيلم هنلاقي النقط المهمه دي:

اولا الفرق بين كمال و صلاح جمله و تفصيلاً؛ بمعني اختلاف في كل شئ رغم انهم اخوات
كمال بيحب يغني و يتبسط و يفرفش و ينعنش و مقضيها من الاخر يعني

و ابو صلاح الدكتور المتربي الخلوق المهذب المحترم صاحب القيم

بس في نقطه مهمه و خطيره ان كمال رغم الطريق الغلط اللي هو فيه و حياته كلها سلبيه و مفيهاش تمسك باي قيم و لا اخلاقيات و كلنا عارفين ولا شك انه فعلا ضايع و انه
فعلا مستهتر بل و اناني و هوضح ليه اناني.
لكن رغم كل ده الا انه حقق هدفه ووصل لكل اللي هو عاوزه، السؤال بقي ليه اللي ماشي غلط هو اللي بينجح و ليه اللي ماشي صح هو اللي واقف محلك سر؟
مش ده السؤال الشهير اللي بنساله حتي لنفسنا او حتي لما نيجي نطلب مساعده من حد اول سؤال بنقول اشمعنا و ازاي و ليه الناس دي احسن و حياتها ماشيه؟

ياريت بقي نركز في الكلام ده
كمال في الفيلم مؤمن بكل اللي بيعمله بل بيحب نفسه رغم الكوارث اللي في شخصبته و تفكيره، كمال ثابت علي الطريق اللي اختاره و رسمه لنفسه لا يتزحزح ولا يتنحنح، كمال حابب نفسه بكل ما فيها حتي لما صلاح اخوه بينتقده ( يا جبل ما يهزك ريح) ثابت وواثق في خطواته كالأسد كمال مستمر في سعيه لحلم حياته مهما كلفه الامر حتي لو علي حساب خراب حياه اخوه و اسرته.

كمال ماترددش ماخافش ماقالش لا مش هقدر لا مش هوصل يمكن انا فعلا وحش يمكن محتاج اتغير ، يمكن لما اوصل لهدفي ما الاقيش النتيجه اللي متوقعها او حتي مافكرش لوهله انه غلط و لا فكر ولا هيفكر .

ثانيا بقي نيجي للدكتور صلاح، رغم انه عارف ان اخوه بايظ لكن الدكتور صلاح مكنش مؤمن بنفسه كدكتور تخيلوا! كان متردد لما يشوف اخوه يشك في نفسه ازاي انا مش اموري ماشيه ازاي اخويا بيعرف يجيب فلوس من الهلس و انا لا و مش كان واثق في نفسه بل متردد جدا لدرجه انه اتاثر باسلوب اخوه السام و في الاخر سمع كلامه و مشي وراه ووافقه علي اعماله السيئه ، والنتيجه انه دمر نفسه و اسرته و فوق كل ده اخر الفيلم اصعب لقطه لما صلاح كان مرمي في الشقه و بالنص ( تعابين بتنهش في جسمه ) مستني كمال بيه اللي هو اخوه يخلص نمرته عشان يتفضل و يتعطف و يديله حقنه الهروين!
اخوه ماهتمش يساعده اخوه خرب حياته و طلع هو يعمل في اغاني و حفلات و سابو في الشقه ذليل يستني حقنه هروين.

عرفتو بقي الفكره في ايه ؟ الايمان انت مؤمن بجد مفيش ذره شك تماما تماما انك غلط او هتفشل ،فعلا مفيش شك و لا يقدر الشك يدخل قلبك ولا تفكيرك ؛ وقتها فعلا هتوصل ليه ؟ لان لما بتركز علي حاجه و مؤمن بيها فكل خلايا جسمك و تكوينك و فكرك و احساسك هيبقي ماشي في الخطوات و بينتبه لكل وسيله و باب يتفتح قدامك للطريق ده حتي لو ماشي في الشارع حتلاقي اي حاجه تاكدلك انك صح هتلاقي حياتك كلها ماشيه و بتتسهل للطريق ده .

سيدنا محمد صل الله عليه وسلم قال ( انما الاعمال بالنيات و لكل امرئ ما نوي فمن كانت هجرته الي الله ورسوله فهجرته الي الله و رسوله و من كانت هجرته الي دنيا يصيبها او امراه ينكحها فهجرته الي ما هاجر اليه)

يا جماعه بليز بليز افهمو كلام الله سبحانه و تعالي و الرسول صل الله عليه و سلم في فرق بين الفهم و السمع ، احنا بنسمع لكن للاسف مش بنوصل للمعني و فهم الدرس اللي في كلام الله و رسوله.

فانت اللي هتؤمن بيه هتوصله ايمان بمعني ان كل ذره فيك اتشربت بهدفك بحلمك لا تراجع ولا استسلام
فحديث الرسول صل الله عليه وسلم واضح اللي هتختاره و هتتعب له هتوصله .
خلو بالكم كمان انه لما الرسول عليه الصلاه و السلام ذكر الدنيا قال ( فهجرته الي ما هاجر اليه) مقالش فهجرته الي الدنيا ؛ ليه؟
لانها لاشئ اصلا لقله اهميتها ،هي في الاساس لاتسوي شئ مش الدنيا الاساس يعني و مش هتاخد منها حاجه ؛ اه هتحقق احلامك و بعد انتهاء الدنيا كل اللي كسبته مش
هتاخده معاك لكن هتروح بالخير اللي حققته.

لكن طريق الله سبحانه و تعالي هتاخد فيه كل حاجه ايوا كل حاجه بل و اكتر و احلي من اللي انت نفسك فيه و دنيا و اخره كمان .

الله سبحانه و تعالي قال في الحديث القدسي
(انا عند طن عبدي بي فليظن بي ما شاء)
معلش هو احنا عاوزين ايه وضوح اكتر من كده !
اللي هتظنه في ربنا هتلاقيه بس كده .
هتقول بقي ربنا مش بيساعدني هتلاقي فعلا حياتك واقفه هتقول ربنا مش بيحبني مش هتبقي طايق نفسك هتقول ربنا مش عاوزني اوصل هتفضل محلك سر.

هو احنا بقينا ال settings في تفكيرنا بالسلب يعني حتي ال software جوانا ما ينفعش يشتغل بالايجابي برضه !
ايه المعضله اننا نبتدي نفكر صح بتفاؤل ما هو الاسهل اني اكتئب و اعيش في فكر الضحيه و لا اتحرك ولا اجتهد و لا اتعب و لا اسعي من الاخر كده عاجز حياتي مشلوله .
طب هل كده هيحصل تغيير ولا مثلا هنصعب علي ربنا ، لا و الف لا؛ ربنا سبحانه و تعالي اصلا خلق كل الدنيا بكل حاجه حرفيا فيها مجهزه ليك من خامات و ادوات و حيوانات و نبات، الدنيا جاهزه اهه قوم بقي اتحرك الله عاوزك تتحرك تستخدم كل النعم اللي حواليك و جواك ، عاوزين ايه يا جماعه تاني ؟

و لله المثل الاعلي والدك ووالدتك بيهتمو بيك و يربوك و يعلموك و ياكلوك و يشربوك لحد ما تقف علي رجلك و بعد كده هم بيقولولك بالنص خلاص انت كبرت تعتمد علي نفسك مسؤول عن نفسك و تشغتل و تتعب و تحاول ، مش هينفع نكون معاك طول الوقت في وقت خلاص انت لازم هتكمل لوحدك.

فهي نفس النقطه مش في حد هيساعدك من الاخر انت المسؤول الاول و الاخير عن ساعدتك او تعاستك فشوف انت هتختار ايه و اعرف وقتها ان محدش هيتحايل عليك انك تخرج من الركود و السلبيه الا نفسك ، سواء استسلمت لكلام الناس السلبي او التنمر و كلامهم المحبط و لا تقليلهم من قدراتك و احلامك فانت برضه اللي اخترت ان كلامهم ياثر فيك و تقتنع بيه.

21/12/2024

المفاجأه الكبري 🌠🎇🎆

مفيش حاجه اسمها مرض (ADHD)

مفيش حاجه اسمها مرض الادمان (Addiction)

مفيش حاجه اسمها مرض اضطراب ما بعد الصدمه ( Trauma)

مفيش حاجه اسمها مرض المناعه (Autoimmune disease)

كل دول و البقيه تأتي اسمهم (نتائج العوامل البيئيه و الاجتماعيه المؤثره)

علاج كل ده ايه يا تري ، التشخيص الصح للاسباب يا سكره 🤓

21/12/2024

Walk away from a toxic relationship as:
a Survivor not a Loser 🧚🏻‍♂️

21/12/2024

الانسان عدو ما يجهل !
مش بس جهل في العلم و المعرفه لا ده كمان جهل بذاتك، قدراتك، احتياجاتك ، شخصيتك.

لما تبقي مش عارف انت مين في الحياه و انت كانسان تعني ايه بالنسبه للاخرين او حتي مش عارف حقوقك من تجاههم ليك يبقي انت بالتالي عدو نفسك و بقوه كمان.
هتبقي مجرد فاتح الباب ان الاشخاص هم اللي يتحكمو فيك ، يقنعوك انك شخص تاني غير الي انت already تعرفه عن نفسك و مبادئك ايه اللي محتاجه و تحبه او حتي ترفضه، هتبقي العدو الاول و الاخير لنفسك لما مش يبقي عندك معرفه بروحك ، بمشاعرك، احساسك بوجودك و انك من حقك تكون مقبول و الناس تتعامل معاك باللي انت تستاهله و تحتاجه فعلا و برضه انت اللي هتخليهم يلزمو الحدود الصحيه و الطبيعيه اللي فرضتها لنفسك عشان نفسك احتراما و حبا و ايمانا بحقوقك و احتياجاتك زيك زيهم و زي اي حد تاني.👌🏻

17/12/2024

يا ريت قبل ما ناخد خطوه جديه و فعليه تجاه اي قرار في حياتنا هنفذه يا ريت يا ريت و كمان ياريت ندرسه .
ايون انا قولت ندرسه!

حضرتك لما قررتي تبقي ام و حضرتك تبقي اب استعديتو نفسيا و فكريا ؟ انتي مستعده جسديا و نفسيا و صحيا و اهتمتي بصحتك و نفسيتك لمشوار ٩ شهور و عارفه انها رحله لحد ما يكبرو باذن الله و برضه هتكملي فيها ؟

ولا عشان سلفتك حملت و انتي لا او عشان معاكي بنتين و تجيبي بقي الولد ؟
انا بقول الكلام ده لنفسنا بمعني انا بهتم بنفسي اولا قبل غيري. لما تكون صحتي بالاكل السليم و الرياضه و اهتم بالفيتامينات او التغذيه المحتاجه ليها فده هيساعدني بعد كده اعدي فتره الضعف و الارهاق النفسي و الجسدي بسلام باذن الله طبعا .

اشتري كتب بتتكلم عن فتره الحمل تفهمي فيها نفسك و احتياجاتك و احتياجات البيبي تبعك عادي لاهو عيب ولا هو هبل 👍🏻

و لما تقومي بالسلامه و البامبينو يشرف ما تتخيليش انه هيقضيها نوم في نوم عشان حضرتك بقي تاكلي و تشربي و تنامي عشان تعبانه ، طب و هو مثلا هيقوم يغير لنفسه ال diaper🤔

حضرتك استعديتي لده ؟ عرفتي انه لما يعيط مش حكايه انه يرضع او يغير ! By the way هيعيط عشان حران ، هيعيط عشان بردان، هيعيط عشان موجوع ايا كان بقي مغص و غيره، هيعيط عشان عارف و حاسس انك متعصبه و متوتره من كتر الاجهاد بس المامبينو و الله حاسس بالجنان بتاعك و نرفزتك😵‍💫
خدي دي كمان هيعيط عشان زهقان ، هيعيط عشان حاسس بكتمه في المكان او حتي في ريحه تراب ، هيعيط عشان حد غريب شاله ، هيعيط عشان مش عارف ينام ، هيعيط عشان عاوز يتشال .
Are you ready 💪🏻

استعدي نفسيا و جسديا و كمان ذهنيا لانها مش حاجه وحشه في الاصل او حاجه سبب ازعاج ، ده طبيعي جدا جدا يا لوزه .

بالنسبه للاستاذ اللي هناك 📣
استعديت لما المودام تحمل تلف بيها عالدكاتره طبعا ربنا يبعد اي سوء عن الجميع ، لكن اقصد هنا تحاليل و كشف و محاليل و مشاوير ؟ حضرتك متفهم و مقدر و مستوعب احساسها انها شايله علي قلبها بطيخه حتي ممكن توصل ل٤ كيلو كمان ( in case يا باشا لو مش كانو توأم اصلا ماشاء الله 😂)

يعني لا هتبقي طايقاك ولا طايقه نفسها 😅
بلاش دور المتفرج او طابور الانتظار، اطبخلها ، حضرلها فطار طه، كوبايه شاي حتي ولا كيس لب ادخل بيه عليها . سيبها تشتكي اصلك مش عارف الواحده فينا بتبقي حاسه بايه، اقولك لما تعيط عيط معاها ، لما اسفه تستفرغ اعمل اوغمن عليك و لما تفوق قولها انتي كويسه يا حبيبتي اصل احاسيسي و مشاعيري مستحملتش اشوفك تعبانه
😝

بلاش بلاش بل ممنوع و خطر الاقتراب انك تتنمر علي تغيير شكلها ❌❌🚫🚫 ماهي كانت زي الفل و انت عارف السبب في التغيير ، و زود علي كل ده انك تعمله بحب و تقبل فعليا لانه مفيش سبب انك تمل و لاتزهق من تغيير الموود تبعها كله طبيعي و توموتيكي.

و لسه بقي لما برنس الليالي يشرف ، ارجوك ما تبقاش هي مطبقه ٢٤ ساعه و حضرتك داخل تنام و تغيظها بالدي جي ثلاثي الابعاد ( و انت بتعمل تمارين التنفس شهيق وزفير) كتر خيرك طبعا و الله ما قصرت مدير 😂 و عندك صحيان بدري معلش مش هيجري حاجه لما تطبق انت كمان ما هو كله هيصب في مصلحتك بدل ما تشوفها علي طول متوتره ماهي لسه جديده و محتاجه حد يساعدها حتي لو دعم نفسي .

بالنسبه بقي للموضوع من اوله
فيها ايه اذا حضرتك هترتبط بواحده او هترتبطي فمش عشان حبيتها و انبهرت بشكلها هتجري تقولها بحبك اتجوزيني وانتي تقولي
" عااااااا بحبه ابابااااااااااا"

هو انتو مستعدين لمسؤوليه الزواج هو انتو فاهمين شخصيات بعض و عارفين حتي كمان الجوانب الغير مثاليه ماهو احنا بشر مفيش حاجه اسمها انا فل و لقطه و الحقيني يا قطه 😅

ليه الاستعجال و ليه اوافق عشان الحاجه والدتي هتمسك قلبها و تقول " قلبي قلبي "
و لا بابا هيحرمك من الميراث 😶
او حتي اصل كبرت و اشمعنا انا و انا الوحيده في العيله ( الكلام هنا للراجل و الست)

و كمان مش حكايه شكل متذوق خارجيا ، الا اذا اه فعلا فهمتو عيوب بعض و عارفين تتعاملو كده و متقبلين ده . كمان افهمو يعني ايه جواز مش هو اللي بنشوفه في الافلام و نولع الشموع و نجري ورا بعض بالمخدات والريش بيطير منها حوالينا 😂 و الله ما في مانع لكده بس اقصد في اوقات هتبقي برضه فيها تحديات لا كلها حلو ولا كلها وحش . حضراتكم فاهمين ده و عارفين انكم اختارتو صح و محدش يقولي الناس بتتغير ( اه بيتتغير فعلا بس للناس بتوع نص المشوار اللي مش ينفع يكملوه لاخره)

17/12/2024

شهاده امام الله سبحانه وًتعالي و رساله وصلتني و لازم ابلغها

سنه ٢٠٢٥ هتكون سنه فيها تطورات و احداث مختلفه
و سريعه و قويه بمعني كلمه قويه هتبقي باب بيفتح لتغييرات كبيره و عظيمه

اتمني نتدارك الموقف و نراجع حياتنا و نبقي عندنا يقظه لتصرفاتنا و نرجع لربنا سبحانه و تعالي و بلاش نتهاون في حقوق الناس و نتجنب الظلم تماما و لا نفكر نظلم حد و لا حتي نظلم نفسنا محدش قاعد و لا مخلد فيها من الاخر و احنا ما عندناش اختيارات كتير

يا اما الجنه يا اما الجنه و معتقدش حد هيختار حاجه غير الجنه باذن الله

اللهم ثبتنا
و الله علي ما اقول شهيد

05/12/2024

يا شباب من فضلكم اي حد يركبه منكم خدوني معاكم و التذكره كمان بتاعه اي حد فيكم علي حسابي ان شاء الله 😂

04/12/2024

REMEMBER !!!

Without pain you will never learn.
Hardships are to guide u ; not to stop u 💪🏻

04/12/2024

هو انت منتظر ايه من انسان طول الوقت و انت عمال تنتقده ، تتنمر عليه ، تسمعه عجايب الدنيا السبعه عن شخصيته ، تقلل من افكاره، تهينه، تقلل من مجهوده انه يسايرك و يكون علي استعداد لارضائك ، تحبطه ، تقف ضده وقت ما يحتاجلك بل تكسفه و تكسر بقلبه؟

و بعد كل ده تتهمه و تتهمها انهم نكديين و حساسين و بيخنوقك و كئيبين؟

و لا الزوج اللي بكل ما اوتي من قوه كسر زوجته
و لا المدير اللي قهر الموظف ظلم و عدم اعتراف بالمجهود او حتي تقدير
و غيره و غيره

منتظرين ايه ؟
ياريت نشوف كمان بعيون الاخرين .

04/12/2024

Shouting
Screaming
Fighting

Believe me won’t help ur kids behave the way you expect , they will be on stress agression and disobedience. So the enviroment they live in has to be perfectly adequate , why you are complaining of sticking to their screens 24/7
When u are already doing the same!

Replace it with interesting activities , dont worry u can share the same with them.

They go to bed late while u are awake watching ur favorite movie despite the fact of waking up early for ur work!

Create a lovely peaceful sleeping routine for both of u ( avoid military ones 😂)

Discuss with them their aggressive behavior , know the reasons and its absolutely okay to avoid whatever reasons ( “for no reason “ just through this idea immediately in the bin )and take a healthy procedures to solve it.

Give them space to speak , choose or lead as it makes them feel accepted and loved unconditionally 🌹

Eman Naeem99

31/12/2024

28/12/2024

25/12/2024

25/12/2024

25/12/2024

21/12/2024

21/12/2024

21/12/2024

17/12/2024

17/12/2024

05/12/2024

04/12/2024

04/12/2024

04/12/2024

Address

Website

Alerts

Shortcuts

Share

Category