23/04/2026
امتى تعرفي إن علاقتك بقت عبء تقيل على قلبك مش سند بتتسندي عليه الحقيقة إن العلامات مش دايما بتكون خناقات وصوت عالي بالعكس أصعب العلامات هي اللي بتظهر في التفاصيل الميتة وفي السكوت اللي ملوش آخر
لو لقيتي نفسك بتستخسري طاقتك حتى في العتاب وبتقولي خلاص مفيش فايدة لمجرد إنك تتفادي نكد أو تكشيرة تستمر أيام يبقى العلاقة دي شبعت موت جواكي ولما تلاقي نفسك بتداري نجاحك وفرحتك عشان خايفة من نبرة استهزاء تكسر مقاديفك أو تحسسه بالنقص يبقى السكن اللي كنتي بتدوري عليه بقى سجن لروحك
العلاقة العبء هي اللي بتخليكي تعجزي قبل أوانك وتطفي لمعة عينك وتخليكي تحسي إنك وحيدة حتى وأنتي معاه في نفس الأوضة ولما يتحول وجودك في البيت لمجرد تأدية واجبات ومهام عشان اليوم يعدي بسلام من غير مشاكل يبقى الحب ده استنزف كل رصيده وبقى استمرار فيه مجرد انتحار بطيء لسلامك النفسي
صحتك النفسية أغلى من أي علاقة في الدنيا وشكلك في المراية لما يدبل وروحك لما تنطفي دي رسايل من جسمك بتقولك إنك في المكان الغلط وانك بتستهلكي نفسك في محاولات مفيش منها رجاء
مهم جدا تعرفي إمتى تكون المحاولة استثمار في حب حقيقي وإمتى تكون مجرد تضييع لسنين عمرك في علاقة بتهدك مش بتبنيكي والقرار لازم يكون نابع من وعي كامل بحقوقك وقيمتك كإنسانة تستحق تتقدر وتتحب بجد
لو حاسة إنك وحيدة وسط الزحمة وخايفة تاخدي خطوة أو مش عارفة لسه فيه أمل ولا وقت الرحيل جه ابعتي رسالة دلوقتي وتعالي نفهم سوا وضع علاقتك ونحط نقط على الحروف
احجزي جلستك وخلينا نختار صحتك وروحك أولا ونبدأ الطريق لراحة بالك من جديد
#العبء #الراحة #الانطفاء #الإحتواء #الاستنزاف #الامل
