Neptune - Mental Health

Neptune - Mental Health Contact information, map and directions, contact form, opening hours, services, ratings, photos, videos and announcements from Neptune - Mental Health, Psychotherapist, Cairo.

🌊 Neptune Mental Health قناة متخصصة بالصحة النفسية، تقدم محتوى مبسط وعملي عن العلاج المعرفي السلوكي والاضطرابات مثل القلق والاكتئاب. تهدف لتوعية المتابعين، تقديم نصائح يومية، قصص ملهمة، ومحتوى تفاعلي لتعزيز جودة الحياة بأسلوب هادئ ومميز. 🌟

25/01/2026

في حاجه مجنناني شفتها في فيديو لواحد ملحد

بيقول لي الشياطين مش بتحارب الناس الملحدين

احب أجاوب عن السوأل ده علي هيئة مثل

في مدير شركه عين 3 أشخاص

الاول حاسس أنه احسن واحد و مش محتاج تقيم حد اصلا و عايز يبقي الاحسن علي طول و دائما بيحارب الناس التانيه علشان يكون الاحسن أو الاقوى

التاني عايز يجتهد في شغله و يشتغل علي نفسه علشان مديره يبقي فخور بي و عايز بس يعمل اللى عليه

التالت واحد عنده لا مبالاة عجيبه مش مهم عندي يبقي ناجح أو يشتغل علي نفسه ولا شاغل باله المدير اصلا

الأول هنا هيحارب مين
التاني ولا التالت ؟

اكيد التاني علشان شغال علي نفسه و عايز يبقي ناجح و يثبت للمدير أنه كويس

و التالت مش هيبص عليه أساساً علشان مفيش خطر منه واحد عنده لا مبالاة هيبص عليه لي

هنا الاول (الشيطان)
و هنا التاني (الانسان اللى بيتبع الله)
و هنا التالت (الملحد اللى مش فارق معاه الله)

متخليش الشيطان يوقف عقلك (فكر) 💡

و حاجه تاني بس على حتت البداية و النهاية المتعلقة بالله

الله خارج الزمن بال هو إللي صنعه

و علشان ميكونش عندك شك هشرحلك ب مثال تاني

أنا عايزك تعد من 1 لنهاية الاعداد
صعبه صح ؟
دي مستحيله ملهاش نهايه طيب هترجع تقولي طيب ما في بداية اسمها الصفر ؟
هرجع اقولك طيب في حاجات قبل الصفر اسمها الاعداد السالبه عدها من ١- لنهاية الاعداد السالبه هتقول مستحيله برضه

طيب انت عايز توصل ل اي ؟

زي ما الاعداد ملهاش بداية أو نهاية ربنا برضه ملهوش بداية أو نهاية ثق في وجوده هو أقرب من اي شئ تاني ليك ❤️‍🩹

في ناس بتبان اجتماعية… بتضحك، وتهزر، ودايمًا وسط الناس.بس الحقيقة؟جواهم قلق مش باين… قلق من كل كلمة قالوها، وكل نظرة اتو...
28/11/2025

في ناس بتبان اجتماعية… بتضحك، وتهزر، ودايمًا وسط الناس.
بس الحقيقة؟
جواهم قلق مش باين… قلق من كل كلمة قالوها، وكل نظرة اتوجهت لهم.
بيمثلوا الثقة… لكن قلبهم بيرتعش.
ده اسمه القلق الاجتماعي الخفي.
مش ضعف… دي معركة يومية محدش بيحس بيها.

حرفيا الانسان ده بيبقي عنده كميه اقناع للي قاعد معاه انو قائد مش بس شخص عادي بس في نفس الوقت بيبقي مرعوب من جواه انو يغلط
هو فعلا في حرب مع نفسه علشان يطلع مثالي امام الجميع
بس بينه و بين نفسه عارف ان بيمثل

انا لي بتكلم عنه؟
علشان في ناس كتير بتعاني من المرض او الاضطراب خصوصا في العصر اللي احنا في ده (عصر السوشيال ميديا )

الحل💡 ...... لازم تتقبل نفسك علشان تقدر تتعامل مع اللي حواليك
بنفس النظره اللي انت شايف نفسك بيها و من هنا مش هيكون في مشكله اصلا

و في النهايه حابب افكرك ان ربنا خلقق فيك عيوب و مميزات (مفيش حد كامل) استغل كل لحظه في حياتك و استغل قدراتك و موهبك ركز بس علي نفسك و سيب الناس تقول اللي هي عايزاه💖

16/10/2025

في ناس فهمت من كلامي امبارح أن عندهم ADHD بسبب لوم الذات ؛ مش شرط انك بتعاني من لوم الذات و تقيل من إللي بتعمله حته لو كان كبير أنك تكون بتعاني من الاضطراب ده انا كان كلامي عن الناس اللى بتواجه كل ده وهي عندها الاضطراب (ADHD) كونك انك بتعاني من تشتت في الإنتباه بشكل فظيع و اوقات بتوصل لفرط حركة و فوق كل ده بتحارب في حياتك بجد بطل ؛ لاكن كل واحد مش قادر ينزل الشغل اللى ورا بيته اصلا يقولي انو بيلوم ذاته مع أنه بيعمل إللي عليه و كمان مش عنده الاضطراب ده

أنت كده محتاج تنضج مش محتاج حد يشجعك لازم تبقي صريح مع نفسك مش مجرد كلام 🔥

16/10/2025

علي فكرة اللي بيعاني من اضطراب ADHD بطل حرفيا أنو على الأقل بيحارب علشان نفسه و اللى بيحبهم برغم كتر التفكير و المواضيع اللي بتدخل دماغه زي الاسهم في نفس الوقت بيحاول يحارب لاخر نفس علشان يركز برغم كل الإحباط إللي بيصيبه من عجز في شغله أو ضغط في حياته الشخصيه و الاجتماعيه بسبب الاضطراب ده بس في ناس شايفه انو بيعمل حاجات كتير صعب حد يعملها في نفس السن بتاعه (أنها بجد بطولية )بس هو مش شايف ده هو لو فشل في حاجه صعبة مره بيرجع يحاول تاني علشان في احساس بيحركه كانو واجب أو فرض عليه حته لو صعب هيعمله علشان بس ميقولش انه ضعيف و يرجع يأنب نفسه تاني

و دي أيه من الكتاب المقدس تشجع كل شخص عنده الاضطراب ده من ربنا

(وسلام الله الذي يفوق كل عقل، يحفظ قلوبكم وأفكاركم في المسيح يسوع
— فيلبي ٤:٧

06/07/2025

دي اجزاء من الحوارات الي كانت بين ستيفن و مارك مع بعض و ازاي بينقل التحكم من ستيفن لمارك و العكس في نفس الجسد
جامد بس مرعب 🥶

"تخيل تصحى من النوم وتلاقي نفسك مش في بيتك… باسم مختلف… وشخصيتك كمان مختلفة! ده مش مشهد من فيلم، ده واقع عايشه مارك سبيك...
06/07/2025

"تخيل تصحى من النوم وتلاقي نفسك مش في بيتك… باسم مختلف… وشخصيتك كمان مختلفة! ده مش مشهد من فيلم، ده واقع عايشه مارك سبيكتور، المعروف بـ مون نايت.
لكن هل هو مجنون؟ ولا في تفسير علمي؟"

عارف يعني اي اصلا في شخص معاك في نفس الجسم هو اه بيكون وهمي بس محدش يعرف او يتنبئ بافعاله

ده اسمه
اضطراب الهوية الانفصامية (Dissociative Identity Disorder - DID)
هو اضطراب نفسي نادر، بيتكوّن فيه أكتر من "هوية" أو "شخصية" داخل نفس الشخص. كل واحدة لها تصرفات وذكريات وحتى أسلوب كلام مختلف.

شئ مرعب جدا

طيب اي هي الاسباب

1-تعرض لصدمات أو عنف بدني أو جنسي أو نفسي في الطفولة.

2-إهمال عاطفي شديد – يعني الطفل كان محتاج أمان واحتواء، وما لاقاهوش.

3-الحاجة للهروب – الطفل لما بيكون في بيئة مؤذية، ممكن "يعزل نفسه" كنوع من الدفاع النفسي، وده يتطور لاحقًا لتكوين شخصيات بديلة.

رقم 3 بقي ده نفس السبب اللي خلي مارك سبيكتور عنده الاضطراب ده
اما مات اخوه بسبب العاصفه امه حرفيا كانت بتلومه لغايه اما سبلها البيت و مشي علشان يطلع من الضغط الشديد ده كان لازم يفصل من العالم ده بدا بقي يظهر تاني شخصيه ستيفن غرانت ده حرفيا عكس مارك في كل حاجه عايش حياه تاني اصلا و طبعا مننساش شخصيه جيك لوكلي دي شخصيه عدوانيه اكتر من مارك نفسه

مارك (الشخصيه الاساسيه) كان من جنود المرتزقه
ستيفن (شخصيه هادئه) كان شغال في مكتبه
جيك (شخصيه عدوانيه)كان بيظهر وقت الخطر الشديد

انا للاسف كنت فاكر المرض ده زي المسلسل خرافه لغايه اما اتاكدت انه حقيقي و في ناس بتعاني منه

طبعا علشان نتفاده المرض ده او الاضطراب للاطفال لازم نكون حذرين جدا لان اه المرض نادر بس مش مستحيل

للاسف المرض ده ملوش علاج بس طبعا مفيش حاجه بعيد عن ربنا اهم حاجه نقرب منه و هو اكيد هيحمينا🥰

NEPTUNE

المقال الجي تحت رعاية MARVEL 😂مرض أسس المسلسل كله اصلا 🚨
05/07/2025

المقال الجي تحت رعاية MARVEL 😂
مرض أسس المسلسل كله اصلا 🚨

انهارده هنتكلم عن مرض ممكن يكون عضوي بس لي عوامل نفسيه اساسيه الذئبة الحمراء ..اي هو الذئبه الحمراء؟ . مرض مناعي مش واضح...
25/06/2025

انهارده هنتكلم عن مرض ممكن يكون عضوي بس لي عوامل نفسيه اساسيه

الذئبة الحمراء ..

اي هو الذئبه الحمراء؟ . مرض مناعي
مش واضح بيحصل اي بالظبط بس كل اللي نعرفه ان الجهاز المناعي بتاعنا المفروض بيواجه الفيروسات و البكتريا . دي وظيفه الجهاز المناعي الطبيعيه.
المرض ده بقي بيخلي الجهاز المناعي يهاجم الجسم نفسه
ايوا فعلا بيهاجم الانسجه و الاعضاء الداخليه و للاسف مفيش علاج لي

ايوا يعني اي علاقة علم النفس بالمرض العضوي ده ؟

في علاقه قويه جدا بالصحه النفسيه
في بعض الحالات، الذئبة ممكن تأثر على الجهاز العصبي أو المخ وتسبب:

اكتئاب

قلق

نوبات تشنج

تغييرات في السلوك أو التفكير

لكن ده تأثير المرض على المخ، مش معنى كده إنه مرض نفسي.

علاقة علم النفس هنا بيكون ليه دور في:
تقييم الأعراض النفسية عند مريض الذئبة
العلاج النفسي الداعم (مثلاً العلاج السلوكي المعرفي)
التأهيل النفسي والاجتماعي للمريض يتعايش مع مرضه المزمن
لدعم الأسري وتدريب الأسرة على التعامل النفسي السليم مع المريض

لو فعلا تعرف حد عنده المرض ده ادعيله ان ربنا يكون معاه و يساعده و نشكر ربنا علي نعمته اللي اعطاها للبشر اللي هي المناعه
كل ما تتعمق اكتر كل ما هتعرف ان ربنا فعلا عظيم كتر واكتر 🥰

أوقات كتير ربنا بيحميك من خطر انت كنت شايفه حلم من احلامك ❤️ديما ترتيبات ربنا خير ❤️‍🩹
18/06/2025

أوقات كتير ربنا بيحميك من خطر انت كنت شايفه حلم من احلامك ❤️

ديما ترتيبات ربنا خير ❤️‍🩹

23/04/2025

ممكن اكون اتاخرت في الغياب عن الصفحه خصوصا اني لسه في البدايه

بس فعلا الفتره اللي فاتت كنت مضغوط جدا امتحانات و شغل غير كده حصلي مشاكل كتير اوي و صعبه علي اي حد بس كنت عرف انها هتعدي بمساعدة ربنا ليا

انا قبل شهر بالظبط كنت شخص حرفيا خايف من كل حاجه في المستقبل كنت بفكر هعيش ازاي هشتغل اي هل هعرف اوصل لكل حاجه انا بحلم بيها لدرجه ان نفسيتي اتدمرت

ساعتها ربنا مكنش عجبه اكيد تفكير
بعدها بشويه ربنا وضعني في تجربه شديده جدا اسبوع كامل مي.ت من الرعب انا كنت متاكد ان نهايه الاسبوع هيجيلي خبر وحش جدا

ربنا شفني و انا تعبان و بجد بصلي من قلبي انو يغير كل ده
و فعلا ربنا غير كل شي مكنتش متخيل ان كل ده هيعدي بس ربنا كان عايزني مفكرش في حاجه في المسنقبل هو بس عايزني اثق في و فعلا قدر يغيرني 180 درجه و بقيت احسن بكتير

الشيطان هيحاول يسيطر علي تفكيرك ب اي طريفه هيخوفك و يرعبك ب اي شكل بس ثق ان ربنا مش هيسيبك ممكن يسمح بتجربه ممكن تتعب فيها شويه بس اما تطلع منها هتبقي انسان تاني خالص و احسن وغير كده هتقرب من ربنا اكتر

16/04/2025

العوده قريبا⏳

18/03/2025

اعتبرها رساله من ربنا
علشان يكون في علمك ربنا مستحيل يخليك تفكره في احلام انت مش قدها ، ممكن يوجهك لمكان احسن لاكن لمكان أقل لا ، كل الناس فاكره المشكله في نفسهم بس لا,,,ربنا بيساعدك على حسب نسبة سعيك مش المجال اللى تعبت في ممكن يخليك في وقت صغير جدا تتعلم في مجال جديد و تكون احسن من اللى كنت فيه كمان بس على شان انت بذلت مجهود و تعبت بس على شان تنجح في حياتك

لي ربنا عايزك تسعي ما يخليك بس تفكر في الحاجات اللى هو عايزها بس ؟ الكلام ده يدل على التقيد مفيش حريه ربنا سيبك لغايه اما تجيله هو و بعد كده يشوفك انت فعلا هينفع انك تنجح في المجال اللى شغال في دلوقت لو انت فعلا هتنجح هيساعدك لاكن لو لا متخفش سعيك في كل اللى فات مش هيضيع ربنا يساعدك و هيعوضك عن الوقت و المجهود اهم حاجه تثق فيه جدا و سيب الباقي عليه ♥️♥️

Address

Cairo

Website

Alerts

Be the first to know and let us send you an email when Neptune - Mental Health posts news and promotions. Your email address will not be used for any other purpose, and you can unsubscribe at any time.

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category