Hema-Med Academy

15/01/2026

نزلة برد ولا التهاب بكتيري🤧؟
تعرف الفرق!
اكيد جالك مره رشح غزير في الأنف
حرارة وصداع مع شعور بالإرهاق العام
أو زي م بنقول جسمك متكسر ؟
السيناريو دا شائع جدًا وبيعبر عن العدوى الفيروسية للجهاز التنفسي العلوي ودا اكتر حاجه منتشره بيننا في فصل الشتاء.
اول حاجه الأعراض المميزة
يجي بداية مفاجئة رشح وحرارة مع صداع وإرهاق
بعد شويه يتحول الرشح إلى مخاط سميك و كحة، مع بلغم لونه بين الأصفر والأبيض
شعور برعشة وتقلب درجات الحرارة
طب دا معناه ايه🤔
اللون الأصفر للبلغم لا يعني بالضارورة عدوى بكتيرية.
التغيرات دي جزء طبيعي من استجابة الجسم المناعية للفيروس
ايه دا يعني انا عندي فيروس مش بكتيريا 😳
في الغالب ايوه بس دي مش حاجه تقلق بل العكس
الفيروسات الي بتصيب الجهاز التنفسي العلوي
بيكون تأثير آمن بكتير عن البكتريا
ومن هنا ببساطة اول ميزه انك مش هتحتاج
مضاد حيوي

معظم الحالات بتتحسن تلقائي خلال 5 أيام مع الراحة والترطيب وممكن الطبيب يوصف
Vit.C و زنك هدفهم دعم المناعه
لو استمرار الأعراض أكثر من 10 أيام بدون تحسن
أو حصل ارتفاع حرارة شديد مستمر أو ألم شديد بالوجه أو الأسنان لازم ترجع للدكتور علشان هيبدأ يفكر في عدوى بكتيريا أو مرحلة ثانوية للمرض
الراحة وسوايل دافية أو مسكن حسب وصف الطبيب وغسول أنف ملحي
الحجات دي كفايه في الحالات العادية
واهم حاجه لازم نأكد عليها
ممنوع مضادات حيوية 💊🚫
إلا بوصف الطبيب
وخليك ديما فاكر الجسم أذكى من أي دواء في
حال مكافحة الفيروس، والأدوية المسكنه الهدف منها راحة المريض فقط
والمضاد الحيوي بوصف خاطيء
ممكن يسبب ضرر اكبر من الي سببه الفيروس

21/11/2025

قصة أول رقم ممكن يكشف لك حقيقة ✨
في البوست الي فات اتكلمنا عن تشخيص السكر
وعرفنا ايه الحجات المفروض نعملها ومدلولاتها
انهارده هنتكلم بالتفصيل اكتر عن تحليل مهم جدا
السكر الصايم Fasting Blood Sugar

المريض بتاعنا كان دايمًا يحس بدوخة بعد الأكل وعطش طول اليوم
قررنا نبدأ معاه ب FBS 🔬
طب ليه نبدأ بالسكر الصايم؟
وقت الصيام، الجسم بيكون في Basal State
يعني ايه المصطلح دا ؟
اول حاجه مفيش اكل يرفع مستوى السكر و نفس الوقت مفيش إنسولين زياده بعد الأكل يقلله
وأقل تأثير من هرمونات المعدة والأمعاء

الوضع دا بيسمح لنا نشوف قدرة الكبد على إفراز الجلوكوز الداخلي وكمان قدرة البنكرياس عن طريق الانسولين انه يقلل اي زياده بتحصل

ولو النتيجة عالية… يبقى طبعا أول علامة إن الجسم مش قادر يعمل Regulation مظبوط.
وبنفسر دا بناء على القيم الجايه
لو من 70 - 100 mg/dL يبقا الجسم في الحالة الطبيعية والجسم مسيطر على الوضع

لو من 100 – 125 mg/dL يبقا حصل اختلال بسيط في التعامل مع الجلوكوز…
بنسمي المريض في مرحلة ما قبل السكر.
هنا غالباً المشكلة في بداية مقاومة الإنسولين
او ضعف استجابة الإنسولين في الأنسجة

طب لو اكبر من 126 mg/dL (مع التكرار)
يبقا الجسم في حالة سكر نوع 2 بنسبة كبيرة.
وده معناه إن البنكرياس مش قادر يعوض الزياده في مستوى السكر و الانسولين تأثيره قل جدا

طب علميا ليه لازم صيام 8–12 ساعة بالضبط
لا اكتر ولا اقل
ببساطه لان الجسم في الساعات الأولى
بيكون لسه معتمد بشكل كبير على جلوكوز الهضم
أما لو الصيام أكتر من 12 ساعة الكبد
بيشتغل على Glycogenolysis يكسر المخزون
او Gluconeogenesis تصنيع الجلوكوز من مركبات كيميائية غير الكربوهيدرات

ك دكتور شاطر لازم تخلي بالك أن في عوامل ممكن “تقلب” نتيجة التحليل
أهمها قلة النوم أو القلق والتوتر
التدخين الكتير وبعض الأدوية زي الستيرويدات
وطبعا لو المريض يعاني من عدوى أو فيروس

كل دي حجات ترفع الجلوكوز من غير وجود مرض سكر حقيقي
ومن هنا يخلينا نفكر أن في تحاليل تانيه لازم نتأكد بيها زي HbA1c و OGTT علشان نحكم ع الشخص أنه فعلا مريض سكر
وان شاء الله نتكلم عنهم في البوستات الجايه

و كالعاده في نهاية كلامي احب اقولك
تحليل السكر الصايم مش مجرد رقم.
ده “لقطة” بتحدد حالة الأنسولين والبنكرياس وكمان بعض الهرمونات وإشارة مهمة جدًا قبل ما يحصل أي مضاعفات.

16/11/2025

قصة بدأت بشوية تعب وانتهت
بالكشف عن سر خطير 🩺✨
جالنا في المعمل شاب تعبان شوية و عطشان كتير بيصدع وعنده فقدان في الوزن.
مفيش حاجة واضحة لكن لما سألناه
هل عملت تحليل سكر قبل كدا؟
كان الرد كأي شاب لأ اكيد أنا لسه صغير.
لكن الأعراض كانت بتقول عكس الكلام
سبحنا العينات وعملنا التحاليل والنتيجة كانت صدمة!!!!

Random Blood Sugar (RBS) أول تحليل يكشف لو السكر عالي ومش لازم صيام
Fasting Blood Sugar (FBS) بعد صيام 8 ساعات هو تحليل بسيط لكن أساسي
وبيدل هل فعلا السكر في مشكله ولا لأ
HbA1c ودا نعتبره الاهم علشان يبين مستوى السكر خلال فترة بتوصل 3 شهور وبالتالي اقدر اعرف المريض فعلا مستوى السكر عالي ولا هو مجرد حاله مؤقتاً
OGTT – Oral glucose tolerance test
اختبار تحمل الجلوكوز
ودا يعتبر الحَكَم النهائي لما تكون النتائج borderline يعني مش واثق لو كان مريض ولا لأ

للاسف الصدمه الشاب طلع diabetic
ولو ما كانش عمل التحليل كان ممكن يدخل في مضاعفات مرض السكر ويحصله مشاكل كبيره

رسالتنا لكل اهلنا وأصحابنا
لو حاسس بتعب غريب او غير معتاد لازم
تراجع الطبيب لان التشخيص المبكر بيغيّر حياتك
وتقدر تتعايش بسلام مع السكر
وخليك ديما فاكر ان تحليل بسيط ممكن يمنع مضاعفات كبيرة

14/11/2025

12/11/2025

تحاليل الغدة الدرقية – ميزان الطاقة في جسمك

هل كنت تعرف إن الغدة الدرقية الصغيرة دي في رقبتك ممكن تتحكم في مزاجك، وزنك، ونشاطك اليومي بل جسمك كله تقريبا
الغدة دي بتفرز الهرمونات المسؤولة عن سرعة حرق الجسم للطاقة (الأيض)، وأي خلل فيها بينعكس فورًا على كل أجهزة جسمك

لو الغده نشاطها قل هتبدأ تحس بخمول واكتئاب وكمان زيادة في الوزن.
طب ولو زاد هتبدأ تحس بتوتر ورعشة وزيادة في ضربات القلب وتعرّق زاياده ونرفزه وعصبيه

طيب إزاي نعرف وضع الغدة من خلال تحاليل بسيطة بس مهمة جدًا 👇
اول حاجه
TSH (Thyroid Stimulating Hormone)
ده القائد اللي بيحفّز الغدة تشتغل أو لأ
لو ارتفع TSH يبقا الغدة بطيئة (قصور درقي)
ولو انخفض يبقا الغدة شغّالة زيادة (فرط نشاط).

بعد كدا ندخل على Free T4 (Thyroxine) وطبعا هو الهرمون الأساسي اللي بينظم الأيض، وبيمثل قدرة الغدة على الإنتاج
اما Free T3 (Triiodothyronine) فهو النسخة النشيطة من الهرمونات، مسؤولة عن سرعة عمليات الجسم. ارتفاعه بيؤكد وجود فرط نشاط درقي فعلي وكل هرمونات الغدة الدرقية تحت إشراف دقيق ومنظم من المخ
تحت المهاد أو hypothalamus يفرز TRH ينبه الغدة النخامية تفرز TSH واللي بدوره يحفّز الغدة الدرقية تفرز T3 وT4.
ولو زادت الهرمونات؟ الجسم يوقف السلسلة دي تلقائيًا (تغذية راجعة سلبية).
واهم حاجه في النهاية
التحاليل دي مش بس أرقام على ورق لأ
هي خريطة كامله بتكشف حالة جسمك من الداخل
وبالتالي نقدر نفهم التأثير على الجسم

11/11/2025

تحاليل الغدة الدرقية 🧠💫
ميزان الطاقة والنشاط في الجسم❤️‍🔥💥

06/11/2025

05/11/2025

السلام عليكم ورحمه الله وبركاته
دفعة G3 بكدا نقدر نقول خلاص لرواند الأساسيات
وان شاء الله تفضلوا دايما متميزين ف مجالكم وتكون الرواند دي بداية مشوار مليئ بالإنجازات والنجاح كنتم من أخف الدفعات مروراً علي قلوبنا ،نلاقاكم ع خير ف رواند advanced إن شاء الله ❤️🥰
بالتوفيق ليكم ي شباب
ـ وطبعاً بنوجه الشكر للدكاترة علي مجهوداتهم
دكتور :محمد السيد فصاد
دكتور: لؤي أحمد
دكتور:Hatem Bero
دكتور: Ramy Samir
دكتورة : Maryam Elsayeed

05/11/2025

15/10/2025

دكاترتنا المستقبلين ان شاء الله
حقيقي وجودكم كان مشرفنا جدا على مدار ال4 ايام
ان شاء الله تكونو استفدتوا مني وانا كمان استفدت منكم بس للاسف كل بدايه حلوه لازم ليها نهايه والحمدلله أن النهايه كانت اجمل نهايه بدكاتره شباب وبنات عندهم طموح وحب للعلم وبفضل الله على قدر محترم من المعلومات في مجال التحاليل الطبيه
ان شاء الله ميكونش اخر لقاء بينا وان شاء الله نعملكم كورسات تاني اقوى في مجال التحاليل ونعرف حجات أعمق
هكون ديما في انتظار رسائلكم طبعا وخصوصا دلوقتي كل حد منكم يقولنا الفيد باك وايه الحجات الي واجهته سواء بالايجاب أو السلب
واتمنى اشوفكم دكاتره في أكبر معامل التحاليل الطبيه أن شاء الله
وبالتوفيق للجميع ❤️

16/06/2025

🔬مين المؤشر الأدق لوظائف الكلى Urea vs Creatinine؟!

عند تقييم كفاءة الكلى (Renal Function Assessment)، بنعتمد بشكل أساسي على تحليلين:

🧪1. Serum Urea (Blood Urea Nitrogen - BUN):

بتكون عباره عن فضلات سامه بتنتج عن تكسير البروتينات في الكبد.

وبقدر اتخلص منها عن طريق الكلى وبالتالي بتنزل في البول.

لكن مستواه في الدم ممكن يتأثر بعوامل غير مرتبطة بالكلى مثل:

كمية البروتين في الغذاء

النزيف المعدي المعوي

الجفاف (Dehydration)

أمراض الكبد

استخدام بعض الأدوية (مثل الكورتيزون)

طب دلواقتي فيه مشكله كبيره وهيا ان ال Urea بتتأثر بالعوامل الي تم ذكرها فبتكون مش مؤشر دقيق جدًا لوظيفة الكلى لوحدها لأنها non-specific، يعني ممكن تعلى لأسباب غير مرتبطة بالكلى مباشرة.

🧪 2. Serum Creatinine:

ناتج من muscle metabolism (تحديدًا من تكسير مادة الكرياتين في العضلات).

ثابت نسبيًا في الجسم، وبيُطرح عن طريق الكلى فقط.

هوا أقل تأثرًا بالنظام الغذائي أو الحالات العامة بس ماقولتش مش بيتأثر نهائى علشان ممكن يتأثر بمرض زي اليرقان (Jaundice) ودا بيكون موجود اما نسبة الصفراء (Bilirubin) بتكون عاليه اوي.

طب ليه ال Creatinine بيتأثر بال Bilirubin؟!
علشان اما بكشف عن ال Creatinine بستخدم تفاعل اسمه (Jaffe Reaction)
ومعادلته كالآتي:
Creatinine + Picric Acid
(in alkaline medium) ⟶ Orange-Red Complex

ال Picric Acid بيتأثر بلون ال Bilirubin بالتالي ال Creatinine في الحاله دي بتكون نسبته غير دقيقه.

علشان كدا بستخدم الأكثر دقة في تقدير كفاءة الكلى وهو GFR (Glomerular Filtration Rate) وهو يعتبر المقياس الذهبي لكفاءة الفلترة الكلوية.
وان شاء الله هانتكلم عنه في بوست بالتفصيل.
لؤي احمد

19/05/2025

ارتفاع GPT (ALT) مع ثبات GOT (AST)
هو احنا ممكن نشوف حاجه زي كدا في التحليل ؟
عادي جدا وفي اكتر من حالة
لما نلاقي ALT عالي وAST ثابت أو طبيعي، لازم نفكر إن فيه ضرر بسيط أو مبدئي في خلايا الكبد، لأن:
اALT (GPT) إنزيم خاص بالكبد أكتر موجود في سيتوبلازم الخليه
اAST (GOT) موجود كمان في القلب والعضلات، مش مؤشر نوعي للكبد موجود داخل الميتوكوندريا
بس برضو كدا المفروض AST هو القابل للزيادة علشان بيطلع من أماكن كتير
تعالى نشوف ازاي
بما ان ALT في السيتوبلازم و AST داخل الميتوكوندريا فبالتالي اقل تأثير أو ضرر بسيط على خلايا الكبد هتحرر الاقرب للخارج وهو ALT أما علشان AST يتحرر ف دا بيكون في حالات التكسير الشديد أو الهجوم القوي للفيروسات بيوصل لمرحلة العضيات الخلويه واهمها الميتوكوندريا والحالات الجايه هتوضح اكتر

1. كبد دهني (NAFLD) – بداية الالتهاب بدون تليف ( المرض في البدايات )
2. تأثير بعض الأدوية على الكبد
3. مقاومة الإنسولين أو السمنة
4. مرحلة شفاء بعد التهاب كبدي (AST نزل وALT لسه بيقل بالتدريج)
كل الحالات دي بيحصل تكسير خارجي فقط
أما لو AST > ALT يبقا نفكر في كحول أو تليف
او عدوى فيروسية أشهرها HAV
و علشان تكون دقيق في التشخيص لازم تقيم بقية التحاليل زي Bilirubin – GGT – ALP – Albumin – PT – Ultrasound