اخصائية التخاطب Eman Radwan

12/12/2025

* راعي شعور ابنك او بنتك *

11/12/2025

ابنك بدأ يلعب في كل حاجه في الشقه ويفك ويركب في الحاجات🙈
كده تقدري تبدأي معاه بألعاب المطابقه بأشكالها المختلفه
اللعبه دي هيقدر طفلك من خلالها يتعلم مطابقة الالوان
اللعبه دي بتعتمد بشكل مباشر على استثارة حاسة البصر عند الطفل وبتتطلب منه ايضا استخدام حواسه الأخرى فى نفس الوقت 👌
الطفل في البدايه هيغلط ويحاول يركب الوان مش مطابقه لبعضها لكن بالتدريج هيتعلم يطابق الالوان ويخلص اللعبه لوحده
مناسبه للاطفال من سن سنتين فيما فوق😍🤗

10/12/2025

انشطه تحفز النطق عند الاطفال 👌👌

08/12/2025

08/12/2025

25/11/2025

👌

27/10/2025

🧩 التوحد مش مرض… التوحد اختلاف في طريقة الفهم والتواصل 🫰

طفل التوحد مش محتاج شفقة، هو محتاج فهم ودعم وصبر.
هو بيفكر بطريقة مختلفة عن غيره، أوقات بيتجنب التواصل البصري أو ما بيعرفش يعبر عن نفسه بالكلام، لكن ده مش معناه إنه مش حاسس أو مش فاهم. بالعكس… هو بيشوف العالم بطريقة خاصة جدًا.✨

كل طفل مصاب بالتوحد ليه قدراته ومواهبه الخاصة، ممكن تكون في الرسم، الأرقام، الموسيقى، أو التفاصيل الدقيقة اللي إحنا مش بنلاحظها.🤏
عشان كده دورنا كأخصائيين وأهالي إننا نساعده يكتشف قوته ونبني عليها بدل ما نحاول نغيّره.

الجلسات مش مجرد علاج، دي رحلة فهم وتطور ، جلسات تنمية المهارات، والتخاطب، والعلاج السلوكي، والتكامل الحسي، كل واحدة منهم بتكمّل التانية وبتصنع فرق حقيقي في حياة الطفل.🎗️🫂

خلينا نكون جزء من التقبل مش من التنمّر…
جزء من الدعم مش من الإحباط ❤️❤️❤️

18/10/2025

حادث مؤلم جدًا هزّ قلوب الناس، شاب صغير في سن الإعدادية ارتكب جريمة بشعة ضد زميله، وكل اللي حصل بدأ بخناقة بسيطة بين طفلين!
النتيجة كانت مأساة ما يتخيلهاش عقل… طفل فقد حياته، وطفل تاني فقد مستقبله للأبد 💔

اللي حصل إن طفل عنده ١٣ سنة اسمه يوسف أيمن من الإسماعيلية، عزم صاحبه عنده في البيت.. الاتنين اتخانقوا، فصاحبه طلع كاتر وهوشه بيه، يوسف دافع عن نفسه بشاكوش، والكارثة إن صاحبه مات.
يوسف ما وقفش هنا! راح جاب صاروخ كهربا بتاع أبوه النجار، وقطع جثة صاحبه ست حتت، ونزل من البيت كذا مرة بالشنطة يرمي كل جزء في بحيرة كارفور!

الناس بدأت تقلق لما الطفل التاني اختفى وأهله عملوا بلاغ تغيب.. لما الشرطة راجعت الكاميرات، شافوا إن يوسف دخل معاه البيت ومخرجش، وبدأ ينزل كذا مرة ومعاه شنطة.
ولما واجهوه.. اعترف! وقال إنه بيعاني نفسيًا بعد طلاق والده ووالدته، وإنه استوحى كل اللي عمله من مسلسل أجنبي اسمه “ديكستر”

الملحوظة اللي تكسر القلب:
يوسف ١٣ سنة.. وصاحبه اللي اتقتل ١٢ سنة.. الاتنين زمايل في المدرسة 😔

التحقيقات وضّحت إن الولد اللي ارتكب الجريمة بيعاني من اضطرابات نفسية بسبب انفصال والديه، وإنه بيتابع أعمال فيها عنف شديد وحاول يقلدها خطوة بخطوة!

اللي بيحصل النهارده محتاج مننا وقفة جدية…
مش بس علشان الحادثة نفسها، لكن علشان نفهم إحنا رايحين على فين!
❗ أطفال بتتفرج على مشاهد قتل وتمثيل جثث
❗ محتوى عنيف متاح بسهولة
❗ وأهل مشغولين أو غايبين عن متابعة أولادهم

النتيجة؟
جيل بيتعامل مع العنف كأنه لعبة… ومع الموت كأنه مش حقيقي.

رسالة لكل أب وأم:
اللي ابنك بيتفرج عليه النهارده، هو اللي بيكوّن شخصيته وبيرسم له طريق بكرة.
خلونا نصحى قبل ما نخسر أولادنا مرتين — مرة في الحياة، ومرة في الضمير.

🛑 الطفولة في خطر… والوعي بقى ضرورة مش رفاهية.

13/09/2025

📌نشاط ممتع للأطفال يبعدهم عن الشاشات ويقوي الذاكرة البصرية ويزود التركيز للأطفال اللي بتنسي كتير🫰

22/08/2025

ماما ؟
نعم ؟
انا عايز اشتري موبايل زي صاحبي ؟
ليه ؟
علشان مش عايز اطلب منهم انى اتصل من تليفونهم تاني .
وليه تتصل ؟
علشان لو في حاجة مهمة اقولهالك .
بس كده ؟ والا في حاجة تااني ؟
كمان علشان اصحابي بيقعدو يلعبو بالموبايل في الفسحة وانا بلعب معاهم بس مش معايا موبايل فبطلب منهم وساعات بيدونى وساعات بيقولو لا ، فبروح العب في الحوش بس ببقى زعلان .
طيب يا حبيبي بص
انت في المدرسة مين مسؤل عنك ؟
الميس.
طيب انت عارف اهه ، لما تعوز حاجة او يحصل حاجة تكلم مين ؟
الميس .
ولو الميس ما اتصرفتش يبقى تيجي تقولى وانا اروح تاني يوم اتصرف بنفسي او ابعتلك بابا ،
لكن فكرة انك تتصل بي علشان في حاجة في المدرسة معناها حاجتين ، انك ضعيف مش بتعرف تتصرف صح وتقول لشخص الكبير اللى معاك ، ومعناها كمان ان الميس مش بتساعدك ولازم بابا وماما يتدخلو .
تمام كده ؟
يعني لما تحصل حاجة اقول للميس ولما ارجع اعرفك يا ماما ؟
ايوة بالظبط انت كده فاهم صح ، ربنا يحميك .
اما بقى فكرة ان زمايلك بيلعبو بالموبايل وانت لا ، هو احنا اتفقنا اللى يمد ايده يبقى سرقة واللى يمد عينه يبقى ايه ؟
طماع .
طيب انت تحب تعمل تصرفات الطماع ؟
احنا بنبص للى في ايدنا بس .
وكمان في سر لازم تبقى عارفه ؟
ايه ياماما ؟
كل الاطفال اللى بيلعبو على الموبايل عارف الموبايل بيعمل ايه فيهم ؟
ايه ؟
بيسرق ذكاءهم ، وبيخلى مخهم ضعيف .
بجد يا ماما ؟
ايوه يا حبيبي .
مش انت لما اصحابك بيرفضو بتلعب في الحوش ؟
ايوة .
شوف انت شوفت كام حاجة واتحركت كام حركة وجريت كام خطوة واتفاعلت مع كام حاجة ، كل ده اتخزن في عقلك وبقى اقوى ، لكن اللى بيلعب على الموبايل بيشوف صور بتتحرك بسرعة وبيحرك معاها صوابعه بس ، فعقله بيضعف .
طيب يا ماما ليه اصحابي مامتهم وافقت ؟
اولا ممنوع تقارن نفسك باصحابك ، ماما بماما صاحبك ، بابا و بابا صاحبك .
بس انا هاجاوبك المرة دي بس :
ممكن ماماتهم مش عارفه المعلومة دي ، ممكن حاجات كتير اسمها ظروف الناس ، وعيب نسأل عليها وعيب نتدخل فيه ، احنا بنبص للى في ايدينا احنا ، وبنركز في ظروفنا احنا ، وبس .
طيب يا ماما ممكن تقولى لماما اصحابي علشان الموبايل ما يسرقش ذكائهم ؟
حاضر يا حبيبي ، وكده انت ولد رائع وربنا بيحبك ، عارف ليه ؟
ليه يا ماما ؟
علشان ربنا بيحب الناس اللى بيحبو الخير لغيرهم .
حديث الأمهات ، محادثة بسيطة تفرق كتير في عقلية أولادك