02/03/2026
لو بتشرب مَيّاه كتير… وبرضه عطشان؟ 💧
المشكلة مش في الكمية… المشكلة في طريقة الشرب🫗
👈 ده بيحصل بسبب عدم التوازن بين المياه والأملاح في الجسم...علشان كده ناس بتشرب كتير وبرضه بتحس بعطش وخمول🤦♀️
⚠️الجسم يمتص المياه أحسن لما تبقى على جرعات ومعها أملاح طبيعية بسيطة من الأكل. شرب كمية كبيرة مرة واحدة = جزء كبير منها بيتطرَح بسرعة.
📍نحلّها عملياً:
✔️ اشرب بالتدريج..
كوب عند الأذان → كوب بعد الشوربة → كوب كل 30–45 دقيقة لحد السحور.
الاستمرارية أهم من الكمية مرة واحدة.
✔️ وازن الأملاح الطبيعيه..
ضيف في أكلك زبادي، تمر، موز، وخضار ورقية.
المعادن دي بتساعد الخلايا “تمسك” المياه جواها.
✔️ خفّف السكر والملح..
المشروبات المسكّرة قوي أو المالحة بترطّب لحظياً بس تزود العطش بعدين. جرّب تخفيها شويه .
✔️ راقب العلامات ...👀
لون البول الفاتح = ترطيب كويس...
جفاف الفم لوحده مش دايماً دليل.
✔️ إشارة إنذار مبكر⚠️
دوخة مع الوقوف؟ صداع؟ تعب غريب؟ هدي النشاط واشرب على مهل🍶
📍قيّم مستوى عطشك النهارده من 1 لـ 10، وقولنا أكتر نصيحة هتطبّقها من النهارده👏
الترطيب مش سباق… هو توازن ذكي بين ميه + أملاح + وقت.
لما تزبط التلاتة، جسمك يشتغل بهدوء طول اليوم🙏
-كان معاكم اخصائي التغذية العلاجيه د رناد شفيق ✨️
-تحت إشراف استشاري التغذية العلاجيه د وفاء السماك ♥️
دمتم بصحه وعافيه 🍒
