https://www.facebook.com/564327390346510/

Nafsity نفسيتى, 22 س شمس الدين الذهبى . . ارض الجولف . . مصر الجديدة, Cairo (2025)

06/11/2024

... وقالت لى
بتحبى اغنية ( انا وانت ظلمنا الحب ) لام كلثوم ؟؟؟
قولت .. أيوة .. بتردد فيها فى اخر كل كوبليه ..(( وضاع الحب ضاع .. مابين عند قلبى وقلب ضاع ودلوقتى لا انا بانساه ولا بتنساه ولا بنلقاه انا وانت )) .. قالت من فضلك قولى لكل الناس واللى بيجولك هنا أن معظم العلاقات بتنتهى هنا .. فى مساحة ((العناد ))

04/11/2024

...الحب .... الحب .... ثم الحب
كل سنة وكل حبايبى بحب وبهجة ...((لولا الحب ما كان ف الدنيا ولا انسان)) ... باحبكم كلكم

02/11/2024

.... واتانى.. أحدهم بسؤال ؟؟؟
هو .. انتى احب إنسانة جميلة احبها جدا جدا .. هل اصرح لها بذلك ؟؟؟؟
انا .. وهل دة شئ محتاج سؤال يا راجل ؟؟؟
هو .. ايوة طبعا لانى انا مش عارف اجاوبه واخد قرار
انا .. طبعا انت بتسالنى عشان اساعدك .. لكن خد بالك انت عارف انى مش انا اللى هاختار تقول لها ولا متقولش .. تمام ايها المختار ههههههههههههه
هو .. اه تمام يا دكتور
انا .. طبعا انا مش هاحتار معاك واقول لك الاسئلة البريئة .. هى ضحكت لك .. هى اديتك ساندوتش ف الفطار .. هى قالت لك تعالى اقعد جمبى ... تؤ تؤ تؤ .... انا هاسالك .. كانت بتبص لك آذاى... وعينها عليك اد ايه ... لما كنت متضايق بتسال عليك بتحاول تضحكك .. لما بتختفى بتدور عليك وانت تعبان هى بتحاول تسالك قولى حاسس بايه ؟؟؟؟ ....... الاسئلة دى ليك فكر فيها وانت لوحدك
... أما سؤالى النهائى .. انت خايف ؟؟؟
هو .. أيوة طبعا
انا ... انا مش هقول لك خايف من ايه لكن ... واقول لك خايف من ايه (اكتر) .. انك تقول وتترفض ؟؟ ولا متقولش خالص .... طبعا انا خيرتك بين كاسين احلى ما فيهم ((مر )) لكن مع الإنسان فى الحياة ( دوامة الحيرة) لما متقولش اصعب من( انين) الرفض ... الذى ان اجلا أو عاجلا ينتهى مع (( رقصة الحياة ))

02/11/2024

.... هو الكره .. ولا الخوف ؟؟؟ أوضح رد على هذا السؤال .. تغنت به سومة ( ام كلثوم ) حيت غنت .. ( ولما القرب يجمعنا .. افكر فى زمان بعدك .. واخاف يرجع يفرقنا واقاسى الوجد من بعدك .. وبين بعدك وشوقى اليك وبين قربك وخوفى عليك .. دليلى احتار وحيرنى ) ... أذا ليس عكس الحب الكره .. لا بل (الخوف) .. لأن اللى بيعيش فى الخوف من أن (حبيبه )يفارقه أو.. لا يعطيه الاهتمام الكافى .. أو يغدر به .. أو يستغله .... كل تلك المشاعر التى تنتج مع الخوف هى وهى فقط التى تخنق الحب ... ثم تميته .... يبقى اللى بيخاف يخرج برة ههههههههههههه ... الخواف ابو قلب خفيف وثقة خفيفة اريح له ميحبش ........ ولا ايه !!!!

23/10/2024

.... سحر العلم ... هذا الحديث سمح لى صاحبه أن انشره حتى يستنير الجميع ....
وجائنى واب وام لأحد العملاء حتى ادربهم على طريقة التعامل مع ابنهم ابنهم الشاب .. ولاننى من اول جلستين أدركت أن العنصر الضاغط من الأبوين هو (( الاب )) فبدأت فى المقابلة به ... ودار بيننا ذلك الحديث ..
انا .. ممكن تلخص لى مايسلكه ابنك وهو غريب بالنسبة لك ؟؟
هو .. كل شئ أنه متردد بشدة .. يخاف الاختيار يبقى فى حجرته مدة طويله وهى مظلمة .. يتحدث مع نفسه كثيرا
انا .. هذا ما تاكدت من حديثى معه وفحص وتشخيص حالته ولكن عذرا يا استاذنا .. اريد أن تخبرنى برد فعل حضرتك .. ممكن ؟؟
هو .. اننى اقرا كثيرا واوجهه بالأمر أن يختار أو يكف عن الجلوس وحده بغرفته والكلام مع نفسه
انا .. هاقول لحضرتك بعض النقاط لكن اوعدنى انك مش هتزعل .. ممكن ؟؟
هو .. اوكى اوعدك
انا .. طبعا انا وحضرتك ومعظم الناس متفقين أن غالبية الآباء يحبون أولادهم .. وطبعا عشان كدة بيربوهم باللى يعرفوه واللى يملكوه وكمان اللى يقدروا عليه
هو .. أيوة طبعا اتفق مع حضرتك
انا .. لكن بالقطع .. احيانا لانعرف لغة تربية الطفل .. ولا نعرف جوانب شخصية طفلنا .. وايضا وسائل التواصل الصحيح بيننا
هو .. امممم يمكن
انا ... طبعا وضح لية أن الولد تصرفاته قهرية .. يعنى مهما اخد من أوامر لن يغيرها ومهما وقع تحت تهديد أيضا لن يغيرها... ليه ؟؟؟
هو .. أيوة انا ملاحظ كدة مؤخرا ومتألم جدا ومش عارف ليه
انا .. نسيب العنصر الوراثى فى تعب ابنك ونمسك العنصر النفسى ... حضرتك كنت بتحب أن يكون ابنك منذ صغره منظم جدا .. شاطر جدا .. يحل الهومورك فى معاده أدواته تكون نظيفة ومنظمة .. كمان ميتلكعش
هو .. ايه دة .. هو كدة بالظبط .. ما انا ابوه وانا كدة واحب أنه يكون ذيى كدة .... حضرتك تقصدى .. أن انا اللى عييته
انا ... لا خالص انت حبيته بطريقتك وكنت فاهم أن دة أعلى درجات الحب أنه يبقى ذيك ... لكن سؤال لو حبيت تجاوب .. انت سعيد بدة بالصفات دى فيك ؟؟؟؟
هو .. اه فعلا باحبه وكنت عايز كدة لكن (الحقيقة).... أنا مش سعيد ومن وقت طويل وانا مجهد وكئنى ماشى على( شريط قطر) مش باعرف اغير اتجاهى ولا اريح شوية
انا .. يبقى اتفقنا أن حضرتك من كتر حبك لابنك كنت عايز تخلق منه نسخة منك .. وسامحنى يكرر نفس النسخة ونفس عدم السعادة ... هل انت تبقى راضى عن دة ؟؟؟
هو .. لا طبعا يا دكتورة مش راضى خالص .. يبقى انا اللى عيت ابنى .. طيب ارجع الزمن تانى آذاى عشان اصلح طريقتى معاه ويخف
انا ... لا يا سيدى هون على نفسك الولد تعب منك من غير ما تقصد لانك انت كنت فاكر أن انت(( ربنا بتاعه)) بتقدم كل اللى تعرفه وعشان انت شخصية باحث عن الكمال فكنت عايز كل حاجة عشرة على عشرة ودة متعب جدا .. لك وللمحيطين .. والزمن مش بيرجع لكن فى امكاننا نعمل دة من دلوقتى ونحقق(( المعجزة)) وابنك يخف
هو .. أيوة برافو عليكى يا دكتور انا كدة بس كنت فاهم أن دة صح جدا
انا .. (كنت هوافقك) أنه صح جدا جدا جدا لو انت ((سعيد)) أو حتى كنت سعيد ... لكن انت بتقول لى انا حياتى كلها معرفتش معنى السعادة واول مرة اقول لإنسان الكلام دة ...
هو ..دكتورة انا حاسس ان طريقتك فيها سحر
انا .. وبضحكة بريئة قلت له .. بل هو ((سحر العلم)) .. أن الوعى والفهم والنور والاستنارة فى العلم وطرقه .. واشعر أن ربنا ادانى نعمة وهى .. الطريقة الجيدة والطيفة انى اوصل العلم دة لوعى الناس
هو .. طيب لو تسمحى ممكن تشوفى لى معاد تانى غير معاد ابنى لأن الظاهر جه الوقت أنى اشتغل على نفسى
انا .. وهنا تم سحر العلم وادركت انى ارسلت له روح الوعى

19/10/2024

تحية خاصة لأحدث المتابعين لي! يسرني انضمامك! Happy My, Manal Dwedar

01/10/2024

تحية خاصة لأحدث المتابعين لي! يسرني انضمامك! Mira Adel, محمودعيسي أحمد

17/09/2024

.... كلمة بسيطة
اننى اتابع( موجة التكفير) الهادرة التى تجتاح المجتمع ... ولا اعلق نهائى لاننى اعلم هدفها وهى( طمس روح الوعى الداخلى) لدى المصرين .. لكننى ارد بشكل اخر حين اعرض (تجربة ) لأحدهم ساعدته فى أن يخوض تجربة ذلك الوعى حتى يفهم من يقرأ ويريد إنارة وعيه أو الحصول عليه وكل هذا عن طريق العلم والتأمل الداخلى
... أما اليوم وانا اشاهد هذا الدكتور الذى كنت اصفه ب(( شاطر )) يلقى (عظة )يكفر فيها فنانة ... هنا لو كنت أنا اشارك فى ذلك( الاجتماع أو الجلسة) الذى كفر فيها على الملأ (كلمات حب) قالتها فنانة وهى كلمات ليس بها اسفاف أو ابتذال ... لكنت طلبت الكلمة وإذا (ماسمح لى بالكلام) لكنت وجهت له (سؤال وحيد) ... كيف وانت دكتور نفسى لا تعرف دقة مشاعر الإنسان وتركيبته وكيف تدين المشاعر وهى شئ هام جدا خلقه الله فى الإنسان وهو شئ اصيل وبالأخص حين يكن نقيا وجميل ... والأهم هل تستطيع أن تعرفنى كلمة كفر أو كافر متى جاءت فى الانجيل أو متى وصف بها السيد المسيح اى انسان؟؟؟.. وايضا ماهو تعريف كلمة( كافر علميا )... ايها الدكتور اما ان تكون (واعظا..وفقط) تعطى اى شئ على (هواك) أو كما يترائى لك ... او تكون طبيب تعطى المفاهيم والوسائل بشكل علمى جميل وواضح. .( واخيرا ).. أن طبيب المشاعر حقا انت تعلم من هو

15/09/2024

... وقال لى أحدهم ( يعنى باب النجار مخلع ) فى أثناء كلامى معه ... وبعد أن انتهى الحديث وعدت إلى البيت .. وجدت سؤال يتردد فى راسى .. لما انتى دافعتى عن نفسك أمام هذا القول ؟؟؟
اجبت .. ما كان ينبغى أن تدافعى لأن من فهم عنك انك معالجة نفسية فلابد وأن تبقين طيلة الوقت قوية .. دون أخطاء .. دون بكاء .. دون تأثر ....(( مخطئ ))لان هذا غير واقعى لانه ما من (معالج أو مرشد أو ناصح أو واعظ).. لا يعتريه فترات حزن وإحباط ودموع ... ولكن لأنه يستطيع أن يجدد وعيه سريعا ... يذهب إليه ويتقوى .. وما وعيه سوى وعى عقلى ( فى العلم ) ... ووعى روحى( فى الله) .. أما من يدعون القوة طول الوقت من (معالجين أو مرشدين أو نصاح أو وعاظ) .... فما هم سوى شخصيات خيالية أو غير حقيقية ... ولأن كلنا بشر فنحن تحت( الشعور بالفرح والحزن) ..( الدموع والضحكات) ... والفرق بين بشر وبشر ((مدة ))هذا الحزن وهذا الفرح ... (المدة فقط).. يا اصدقائى ... والمدة تحدد (سماع )صوت الوعى بداخلنا والذهاب للنور الذى يضئ ارواحنا ... وهو كم هو رائع((الوعى)) الذى هو نور العلم ... ونور الروح الاعظم (( روح الله )) .... ليه بقى نكون ف الحزن أو الإحباط مدة كبيرة مادام عندنا الوعى دة ....... مش كدة

14/09/2024

تحية خاصة لأحدث المتابعين لي! يسرني انضمامك! Dina Abdel Aty, روماني عياد, Monmon Mony, محمد عبد الرحمن

10/09/2024

... لمن يريد( الفهم والفرح)
جائنى منفعلا .. ممكن اطلب من حضرتك حاجة يا دكتور ؟؟
انا .. اتفضل
هو .. هو مش حضرتك برضه بتقولى للناس آذاى يعيشوا مبسوطين ؟؟؟
انا ... أيوة .. ليه ؟؟؟
هو .. مراتى كل لما ابقى عايزها فى علاقة زوجية يا ترفض يا تبقى (مزمجرة) .. انا بقى ابقى مبسوط آذاى ؟؟؟
انا .. لا طبعا متبقاش مبسوط .. لكن خلينى أسألك سؤال .. هو انت بتبقى مبسوط لما تكون مش فاهم حاجة فى (شئ ))وبعدين يتشرح لك فتفهم فتبقى مبسوط ؟؟؟
هو ..طبعا لما (بافهم بابقى مبسوط)
انا .. الست فى( الجنس) مش ذى الراجل خالص .. يعنى الراجل لو فكر فى العلاقة الزوجية وكان قريب من زوجته يطلب على طول أو يوضح هذا باى طريقة اعتادوها حتى تستجيب
هو .. ربنا عالم .. انا باحايلها آذاى
انا .. المسألة مش محايلة .. الحكاية ياسيدى .. أن لو كانت الزوجة ليس لديها اى مرض عضوى يخص هذه الدائرة وهى (عضويا مستصحة) ... اذا .. نرجع( للجذور ).. وماهى الجذور ؟؟ تبدأ بسؤال .. هو الجنس عندها ذى ماهو عندك ذى موضحنا من شوية .... الإجابة ..( طبعا لا) .. الجنس عند المرأة قاعدته الشعور بالحب والرغبة (فيها كلها) مش جزء بس ههههههههههههه لأنها هى مش راجل .... كمان لازم (نمهد) ليه
هو .. ما انا قولت لحضرتك .. بامهد واللهى
انا .. ههههههههههههه لا اسمح لى انت غلبان .. لأن التمهيد مش ف الوقت نفسه لا .. أن هى تبقى حاسة طول الوقت أو معظم الوقت أنها مرغوبة ... وبعدين ؟؟؟ من اول ما تصحى الصبح وانت بتمهد ... اوووش متقاطعنيش شيفاك هتقول من الصبح ؟؟؟
هو .. أيوة كنت هاقول ههههههههههههه
انا .. يعنى انت صحيت .. صباح الخير ... نزلت الشغل فلو قدرت.. (رسالة ) وصلت الشغل ياقمر ... بعد كام ساعة .. الجميل عامل ايه ... بعد الشغل الاكل حلو تسلم ايدك ... كنت. عايزة تعملى (كذا) عملتيه ... بعدين التليفزيون بعدين كلمة ف حدوتة ف نكتة ف مساعدة معاها فى شئ للولاد أو البيت .. فالنوم .. وسؤال مسهوك القمر مع مين دلوقت ... هتلاقى ١٠٠ رد بيقول لك( معاك طبعا) ودة ليه ؟؟ لأن المرأة ليس لها وقت للجنس ولا اجزاء بجسمها أيضا .. المرأة كلها حب وجنس من ضفر رجلها لشعر رأسها ... سؤال .. هل اجتهدت أن تعرف هذا من قبل وانت رجل متعلم
هو .. لاواللهى يا دكتور انا كنت فاكره شئ طبيعى بس . طبعا اصل انت (فاكرها راجل) ذيك ههههههههههههه من مستوى التعليم على مر عقود معلموش ولادنا أن الست كائن غيرك وان الراجل كائن غيرك فهى بتفتكر أن اتجوزت صاحبتها وهو بيفتكر أن اتجوز صاحبه .. وبعدين (يصرخوا ).. تبا لمنظومة تعليم عقيمة ههههههههههههه.. المهم انت دلوقتى مبسوط لما فهمت ؟؟
هو .. طبعا دة انا مظقطط ههههههههههههه
انا .. ربنا يبارك حياتكم

Nafsity نفسيتى

06/11/2024

04/11/2024

02/11/2024

02/11/2024

23/10/2024

19/10/2024

01/10/2024

17/09/2024

15/09/2024

14/09/2024

10/09/2024

Address

Telephone

Website

Alerts

Contact The Practice

Shortcuts

Share

Category