https://www.facebook.com/578556491999413/

Dr. Eman Ibrahim Clinic, Street 9, Al Abageyah, Cairo (2025)

30/09/2025

🦋 يمكن تبقي فاكرة إن مشاكلك الصحية متفرقة وصغيرة…
لكن الحقيقة إن كل عرض بيقول إن جسمك محتاج يسمعله.

في عيادة د. إيمان إبراهيم، كل خدمة علاجية وتأهيلية معمولة علشان تعملي فرق في حياتك من أول تفاصيل صغيرة زي راحة البطن لحد استعادة ثقتك بنفسك.

💠 من إعادة تأهيل عضلات قاع الحوض
💠 لدعم صحتك في الحمل والولادة
💠 لعلاج الآلام المزمنة وما بعد الجراحات

كل خطوة علاجية = أثر فراشة جديد يغيّر حياتك للأفضل. ✨

📍 احجزي جلستك وابدئي رحلة التغيير النهاردة.

27/09/2025

💬 مبسوطة إننا نشارككم ريفيو جميل من مريضة شافت فرق حقيقي بعد ما كانت بتعاني من صعوبة في الإخراج… ومع جلسات العلاج الحمد لله الوضع اتحسن تمامًا. 🦋
و أثر الفراشة بيتحقق ♥️
شكرًا جدا على ثقتك فينا

📩 لو بتعاني من نفس المشكلة، اعرفي إن في حل فعلي بعيد عن المسكنات والتأجيل… احجزي استشارة مع د. إيمان إبراهيم وابدئي أول خطوة للتغيير.

📍 العنوان: المقطم - شارع 9 - مجمع عيادات شارع 9 - أمام نادي المقطم - D21
📞 01500175440 - 01143864115

25/09/2025

🦋 أثر الفراشة يبدأ من تفاصيل صغيرة… حتى في صحتك.
كتير من السيدات بيشتكوا من "ألم مزمن في الحوض"… لكن مش كل ألم سببه واحد.

🔹 أحيانًا الألم بيكون نتيجة احتقان أوردة الحوض (Pelvic Congestion Syndrome) — زي دوالي الساقين بالضبط، بس في أوردة الحوض. الألم هنا يزيد مع الوقوف لفترات طويلة أو بعد العلاقة الزوجية.

🔹 وأحيانًا تانية، الألم يكون نتيجة شد أو ضعف في عضلات قاع الحوض… وده يبان في صورة صعوبة في الإخراج، آلام في العلاقة الزوجية، أو حتى سلس بول وغازات.

وهنا بييجي دور التصريف الليمفاوي المتخصص ✨
خطوة مهمة جدًا بتساعد على تقليل الاحتقان وتخفيف الألم…
لكن لازم يتعمل مع متخصص في تأهيل قاع الحوض، عشان البرنامج العلاجي يكون متكامل وآمن وفعال.

🎯 التشخيص الصح هو البداية الصح. لأن العلاج هنا مختلف تمامًا عن هناك… وأثر الفراشة في حياتك يبدأ من إنك تفهمي جسمك وتاخدي القرار إنك متتأقلميش مع ألم له حل.

💡 لو حاسة إن عندك أعراض شبه كده ومش عارفة تميزي السبب…
اكتبلنا في الكومنتس، وفريقنا هيتواصل معاكي.

📍 عنوان العيادة : المقطم - شارع 9 - مجمع عيادات شارع 9 - أمام نادي المقطم - D21
📞 01500175440 - 01143864115

21/09/2025

🧩 عضلات قاع الحوض زي الـ Puzzle… كل قطعة مرتبطة بالتانية. أي مشكلة في جزء بتأثر على باقي الأجزاء.
كتير من السيدات بيتفاجئوا إن الإمساك المزمن ممكن يكون سبب مباشر في مشاكل تانية زي السلس البولي.
الحقيقة إن عضلات قاع الحوض زي أي منظومة مترابطة، أي ضغط مستمر في جزء منها – زي اللي بيحصل مع الإمساك – بيضعف باقي الأجزاء، وأولهم التحكم في البول.

🔹 الإمساك المزمن = ضغط مستمر على عضلات قاع الحوض والمثانة.
🔹 النتيجة = ضعف التحكم، وتسريب بول في مواقف يومية زي الكحة أو الضحك.

🦋 وأثر الفراشة هنا واضح: لما نحل سبب صغير زي الإمساك، ده ممكن يغير شكل الحياة كلها… لأن التحكم في جسمك معناه استرجاع ثقتك وحريتك.

💠 في برنامج إعادة التأهيل مع د. إيمان إبراهيم، بنشتغل بشكل متكامل:

علاج الإمساك بتمارين ونظام صحي.

إعادة تأهيل عضلات قاع الحوض.

تحسين التحكم ومنع التسريب.

📩 لو بتعاني من إمساك أو تسريب بول… متتأقلميش. ابدأي بخطوة صغيرة، يمكن تبقى بداية لتغيير ضخم. 🦋
عنوان العيادة : 📍 المقطم - شارع 9 - مجمع عيادات شارع 9 - أمام نادي المقطم - D21
📞 01500175440 - 01143864115

20/09/2025

دي حالة تبول لا إرادي سنها ٩ سنوات.
في البداية الحالة مكنتش ملتزمة أوي بالجلسات والتعليمات، فمكنش فيه تحسن بيحصل… ومكنتش بتحس أصلًا بالبول وهو نازل منها وهي نايمة، وكان الوضع صعب جدًا.

لكن المرة دي، لما التزموا بالعلاج السلوكي اللي بنعمله سوا جنب برنامج العلاج الطبيعي والتمارين، اتحسنت جدًا 🙌
وبقت تحس وهي نايمة لو نزل منها بول وتقوم بسرعة… ومع الوقت الوضع اتحسن أكتر وبقت تحس قبل ما يتسرب منها أي حاجة وتقوم لوحدها.
وحتى بتقولي: “بقيت أحس العضلات بتتحكم كويس لحد ما أقوم وأوصل الحمام.”

أنا سعيدة أكتر من البنوته ومامتها بالتحسن ده، لأن البنت كانت متأثرة نفسيًا جدًا بالموضوع هي والأم… ودلوقتي بيحكوا إن نفسيتهم بقت أفضل كتير الحمد لله بعد مــا المشكلة اتحلت نهائي بفضل الله 🙏و الام من فرحتها حابة توصل رسالة لكل الأمهات إن فيه أمل… وإن الخطوة الصح بتفرق فعلًا 🦋

18/09/2025

التوتر المزمن مش مجرد حالة نفسية… ده بيلمس جسمنا كله، خصوصًا عضلات قاع الحوض.

🔹 الدراسات بتأكد إن التوتر المستمر بيخلي العضلات تدخل في حالة انقباض لا إرادي، وده ممكن يظهر في صورة:
فرط نشاط المثانة.
الإمساك.
توتر في عضلات قاع الحوض يسبب آلام مزمنة.

الجزّ على الأسنان (Bruxism) اللي بيعمل شد وألم شديد في عضلات الفك… واللي بدوره مرتبط بتوتر عضلات الحوض، لأن الفك والحوض بينهم علاقة مباشرة.

وأحيانًا كتير السيدة تتعايش مع الأعراض دي وتفتكر إنها "طبيعية"، لكن الحقيقة إن التوتر بيغيّر حياة كاملة من غير ما ناخد بالنا.

🦋 هنا بيظهر أثر الفراشة: خطوة صغيرة في إدارة التوتر – بجلسة علاج طبيعي، أو تمرين تنفّس، أو تعديل بسيط في نمط حياتك – ممكن تغيّر جسمك كله.

💠 في عيادة د. إيمان إبراهيم بنشتغل بـ Holistic Approach:
يعني مش بنبص لعضلة أو عرض بس، لكن بنشوف الجسم كله كمنظومة متكاملة. هدفنا إن جسم كل سيدة يشتغل في تناغم زي الفراشة، بخفة وحركة طبيعية من غير قيود.

📩 لو حاسة إن التوتر مأثر على حياتك وصحتك… خطوة صغيرة ممكن تكون بداية التغيير الكبير. 🦋

📍 العنوان: المقطم - شارع 9 - مجمع عيادات شارع 9 - أمام نادي المقطم - D21
📞 01500175440 - 01143864115

14/09/2025

الحمل رحلة طبيعية، لكن مش كل ألم "عادي"!
في علامات (Red Flags) لازم ناخد بالنا منها… عشان التأهيل المبكر يفرق جدًا.

❌ مشاكل شائعة لكنها محتاجة تدخل لو استمرت أو أثرت على حياتك:
🔸 الضغط المستمر على عظمة العصعص أو المستقيم
🔸 شعور مزعج بثِقَل في الحوض
🔸 ألم في مفصل الحوض الخلفي بيعيق الحركة أو النوم
🔸 سلس البول (مش عرض طبيعي لازم تتأقلمي معاه)
🔸 آلام في منطقة العانة (symphysis p***s pain)
🔸 آلام عرق النسا بتوصل لحد الرجل
🔸 صعوبة المشي مع التقدم في الحمل
🔸 المشي بطريقة البطّة (Waddling Gait)

🦋 أثر الفراشة هنا بيبدأ من خطوة صغيرة:
الفرق بين إنك تكملي الحمل بتعب ومعاناة… أو تعيشيه براحة وثقة، هو إنك تاخدي العلامات دي بجدية وتطلبي المساعدة الصح.

📌 في برنامج د. إيمان إبراهيم لتأهيل الحمل والولادة:
✔️ نساعدك تتعاملي مع الأعراض بشكل آمن
✔️ نأهلك لولادة أسهل وأقل مضاعفات
✔️ نرجّعلك إحساس التحكم والثقة في جسمك

💬 لو حسيتي بأي من الأعراض دي، اكتبيلنا أو احجزي استشارة…
لأن الحمل المفروض يكون رحلة راحة، مش معاناة.

📍 العنوان: المقطم - شارع 9 - مجمع عيادات شارع 9 - أمام نادي المقطم - D21
📞 01500175440 - 01143864115

11/09/2025

مش أي وجع في الحوض بيتصنّف إنه عادي…
لما الألم يستمر شهور أو سنين ويتكرر بشكل يأثر على حياتك اليومية… هنا بنسميه آلام الحوض المزمنة.

الألم ده مش مجرد عرض…
ممكن يكون نتيجة مشاكل في عضلات قاع الحوض، التهابات، جراحات سابقة، أو حتى احتقان مزمن.

ولأن الألم المستمر مش بس بيأثر على جسمك فقط ,وبيأثر اكتر علي نفسيتك ويقلل من طاقتك و ثقتك… لازم يتشاف بعين مختلفة. 👀

🦋 في عيادتنا بنشتغل على السبب مش العرض .
من خلال التقييم الدقيق، والتأهيل العلاجي لعضلات قاع الحوض، مع تمارين مخصصة وتقنيات علاجية، الهدف إنك ترجعي تتحكمي في جسمك… وتستعيدي راحتك وثقتك.

💡 لو الألم بقى جزء من يومك… متتأقلميش معاه و الحل موجود.
عنوان العيادة : 📍 المقطم - شارع 9 - مجمع عيادات شارع 9 - أمام نادي المقطم - D21
📞 01500175440 - 01143864115

07/09/2025

مع انقطاع الطمث بيحصل تغيّرات هرمونية كبيرة…
والتغييرات دي بتأثر على الجسم كله، خصوصًا العضلات.

من أكتر المشاكل اللي بنشوفها:
ضعف عضلات قاع الحوض → يسبب سلس بول أو إحساس بالثقل.
آلام في أسفل الظهر والحوض.
فقدان الكتلة العضلية تدريجيًا (sarcopenia) → بيأثر على التوازن والحركة.

وهنا بيظهر أثر الفراشة 🦋 … خطوة صغيرة في تقوية العضلات ببرنامج تاهيلي مظبوط، تفرق بشكل ضخم في جودة الحياة:
التحكم أحسن
حركة أريح
إحساس بالقوة والثقة في نفسك

💡 التغيير الحقيقي يبدأ من أول خطوة صغيرة… حتى لو كانت تمرين بسيط.
عنوان العيادة : 📍 المقطم - شارع 9 - مجمع عيادات شارع 9 - أمام نادي المقطم - D21
📞 01500175440 - 01143864115

04/09/2025

🦋 بمناسبة اليوم العالمي للصحة الجنسية
مهم نفتكر إن العلاقة الزوجية الطبيعية المفروض تكون مصدر راحة وقرب، مش ألم أو معاناة.

كتير من السيدات بيتقبلوا الألم أثناء العلاقة كأنه "طبيعي" أو "لازم يتأقلموا معاه"… مع إنه ممكن يكون سببه:
🔹 تشنج في عضلات قاع الحوض
🔹 ضعف أو خلل في التحكم العضلي
🔹 أو حتى أثر جانبي للولادة أو الجراحة.

الحقيقة إن الألم مش طبيعي… والحل موجود.

💠 في برنامج د. إيمان إبراهيم للتأهيل والعلاج الطبيعي لقاع الحوض:
✔️ بنعالج السبب العضلي للألم
✔️ بنفك الشد ونرجع التناغم الطبيعي للعضلات
✔️ وبنفتح الباب إن العلاقة الزوجية ترجع تبقى تجربة صحية، مريحة، وآمنة.

🦋 أثر الفراشة بيبدأ من قرار صغير… إنك تقولي "كفاية" للألم، وتدي نفسك فرصة لحياة متوازنة وسعيدة.
📩 احجزي استشارة دلوقتي، خطوة صغيرة ممكن تغيّر حياتك بالكامل.

03/09/2025

✨ تهنئكم د. إيمان إبراهيم بمناسبة المولد النبوي الشريف

سائلين المولى عز وجل أن يعيده علينا وعليكم بالخير واليمن والبركات،
وأن يكون دائمًا بداية لأثر فراشة جميل في حياتكم وصحتكم. 🦋

كل عام وأنتم بخير 💙

20/08/2025

الجراحة مش دايمًا الحل، وأبدًا مش المفروض تكون أول حل.
التشخيص السليم والتأهيل المظبوط يغيّروا بيغيروا حياتك بجد
في العيادة، بنقابل حالات كتير، في قصص منهم بتعلّمنا كتير، وعلشان كده بنحكيها.
🧕 شابة في أواخر العشرينات، بدأت المشكلة عندها بـ إمساك مزمن.
ولأن الإمساك مع الوقت ممكن يسبب سقوط من الدرجة الأولى، كان الطبيعي نبدأ بخطوات علاجية محافظة:

🍽️ نظام غذائي مضبوط
💪 تأهيل لعضلات قاع الحوض
🧘‍♀️ إعادة تدريب عضلات الشرج والتعامل مع السقوط

لكن للأسف، الطريق اختلف…
👨‍⚕️ الجراحة اتعملت بسرعة، واتركب لها شبكة وهي لسة صغيرة في السن

ومن هنا بدأت المعاناة:
التصاقات وتليفات أثّرت على الرحم
ألم دائم ومزمن في عضلات الحوض
الدورة الشهرية بقت تجربة قاسية
فقدت كتلة عضلية كبيرة بسبب سوء التغذية والخوف من الإخراج
الشكل التشريحي للمستقيم اتغير، وده أثر على فاعلية التأهيل
وأي تدخل جراحي جديد ممكن يكون خطر على حياتها
💔 النتيجة؟ الإخراج بقى أصعب، الألم مستمر، والاختيارات أقل بكتير.

في نفس الوقت، بنشوف حالات مشابهة:
🔸 سقوط خفيف
🔸 إمساك مزمن
لكن من أول 4 جلسات بس، اتحسّن الإخراج، وبدأ التحكّم يرجع، والسقوط يتحسّن بشكل ملحوظ.

الفرق؟
قرار واحد: البداية بجراحة… أو البداية بتأهيل.

مش ناسيين مريضتنا و شغالين معها برنامج تأهيلي مناسب لحالتها و بدأت تتحسن تدريجيا و ان شاء الله تكمل علاجها على خير لكن حابين نعمل توعيه بالاختيارات الأنسب في العلاج تجنبا لكثير من المعاناة

🦋 "أثر الفراشة" دايمًا بيبدأ بخطوة…
بس لازم تكون الخطوة الصح.
لو مرّيتي بحاجة شبه كده أو حاسة بالأعراض اللي قلناها ومش لاقية تشخيص واضح… اكتبي كومنت وهنتواصل معاكي ونساعدك توصلي للتشخيص والعلاج المناسب.

د. إيمان إبراهيم
أخصائي العلاج الطبيعي لصحة المرأة و تأهيل قاع الحوض

Dr. Eman Ibrahim Clinic

30/09/2025

27/09/2025

25/09/2025

21/09/2025

20/09/2025

18/09/2025

14/09/2025

11/09/2025

07/09/2025

04/09/2025

03/09/2025

20/08/2025

Address

Website

Alerts

Shortcuts

Share

Category