55' Zoology & Chemistry, Faculty of science , Al-Azhar university

  • Home
  • Egypt
  • Cairo
  • 55' Zoology & Chemistry, Faculty of science , Al-Azhar university

55' Zoology & Chemistry, Faculty of science , Al-Azhar university هذه الصفحة خاصة بطلاب قسم علم الحيوان والكيمياء بكلية العلوم جامعة الازهر الدفعة 55

العيلة🌚♥♥
17/09/2025

العيلة🌚♥♥

28/05/2025

Soon 🔥🔥

في رحلة العلم، فيه دكاترة بتسيب بصمة ما تتنسيش، ودكتور (احمد عطوة) واحد من الدكاتره دي. طول الترم، كان مش مجرد دكتور ، ل...
11/05/2025

في رحلة العلم، فيه دكاترة بتسيب بصمة ما تتنسيش، ودكتور (احمد عطوة) واحد من الدكاتره دي. طول الترم، كان مش مجرد دكتور ، لكن كان أخ كبير ومصدر إلهام حقيقي. وانك ازاي تفكر ف الي جاي صح، وترتب افكارك ازاي.. مع انه مجرد ترم الا ان كلام حضرتك كان خلاصة سنين معرفة..

من أول محاضرة، كان واضح إننا قدام قامة علمية محترمة، عنده من العلم ما يكفي إنه يبهرنا، ومن التواضع اللي يخليك تحب تسمع منه أكتر. طريقته في الشرح كانت مش مجرد معلومات، لكن كانت حكايات علمية بتعيشها معاه بكل تفاصيلها، ما كانش بيبخل علينا بأي معلومة، بالعكس، كان دايمًا مستعد يجاوب على أي سؤال، مهما كان بسيط أو معقد. وكان هدفه دايمًا إننا نخرج من المحاضرة مش بس فاهمين، لكن كمان مستمتعين.

بجد، شكراً دكتورنا الغالي على وقتك اللي منحتنا إياه، وعلى كل كلمة قلتها وفضلت معانا. كنا بنستنى المحاضرة مش عشان المادة وبس، لكن عشان نقعد معاك ونتعلم من علمك وخبرتك.

ربنا يبارك لك في علمك وعملك، ويزيدك من فضله. كنت خير معلم وأخ وصديق في هذا الترم.. ❤
جزاك الله عنا كل خير دكتورنا الفاضل.

🌹

في لحظة فارقة من حياتنا، ونحن على أعتاب التخرج، لا يسعنا إلا أن نرفع القبعة بأسمى آيات الشكر والتقدير لدكتورنا الحبيب ال...
10/05/2025

في لحظة فارقة من حياتنا، ونحن على أعتاب التخرج، لا يسعنا إلا أن نرفع القبعة بأسمى آيات الشكر والتقدير لدكتورنا الحبيب الدكتور (محمد سلطان)، ليس مجرد معلم بل هو قدوة في الأخلاق، والاحترام.

كان دائمًا يستقبلنا بصدر رحب، لا يرد أحدًا، ويستمع إلى كل كلمة ، ويعطينا من علمه بصدق.

اليوم، ونحن نخطو نحو مرحلة جديدة من حياتنا، نشعر بالفخر أننا تعلمنا على يدك، وأنك كنت جزءًا من هذه الرحلة المميزة.
من أعماق قلوبنا، نتمنى لك التوفيق والنجاح المستمر في مسيرتك العلمية والمهنية، وأن يظل علمك مضيئا للعديد من الأجيال القادمة. لن ننسى أبدا ما قدمته لنا، وستظل ذكراك الطيبة حية في قلوبنا، مهما تباعدت المسافات.
ونسأل الله أن يبارك في حياتك ويمنحك من فضله ورحمته وتوفيقه ♥
جزاكم الله خيرا وبوركتم❤✨
🌹

بعض الناس كلمات الشكر لا تفيهم حقهم... مع اقتراب نهاية رحلتنا الجامعية، لا يسعنا إلا أن نقف وقفة امتنان وتقدير لرجلٍ قلّ...
06/05/2025

بعض الناس كلمات الشكر لا تفيهم حقهم...

مع اقتراب نهاية رحلتنا الجامعية، لا يسعنا إلا أن نقف وقفة امتنان وتقدير لرجلٍ قلّ أن يجود الزمان بمثله...
إلى الأستاذ الدكتور (حسن مشحوت)
رئيس قسم علم الحيوان بكلية العلوم، جامعة الأزهر ( سابقاً )
نتقدم بخالص الشكر وعظيم العرفان على ما قدمه من علم غزير، وأخلاق رفيعة، وتواضع جمّ، وسعة صدر لطالما احتوت الجميع.

شهد لك الطلاب قبل الأساتذة، واحترمك الجميع بلا استثناء. لم تُرَدّ يوماً حاجة طالب، ولم يُرفَض لك باب، كنت دائماً نعم الأب والمعلم والقدوة..

نحن اليوم وفي نهاية المطاف ولكن يبقى أثرك فينا لا يُنسى، وبصمتك محفورة في قلوبنا وعقولنا.. 💕
جزاكم الله عنا خير الجزاء، ورفع قدركم، وزادكم علماً ورفعةً ومحبةً في قلوب الخلق.. ❤❤❤🥰


❤

بمناسبة تخرج دفعتنا الغالية. كان لازم نقف وقفة شكر وتقدير للدكتور الفاضل د/عبدالله علي. اللي كان بالنسبة لينا أكتر من مج...
27/04/2025

بمناسبة تخرج دفعتنا الغالية. كان لازم نقف وقفة شكر وتقدير للدكتور الفاضل د/عبدالله علي.
اللي كان بالنسبة لينا أكتر من مجرد دكتور ... كان قائد علمي حقيقي، وقدوة في الالتزام والتميّز.

دكتور عبدالله علمنا أن العلم مش تلقين، بل حوار وفهم وتجربة.
على إيده فهمنا المعنى الحقيقي للدراسة بوعي، وحبينا المادة مش بس عشان ننجح فيها، لكن عشان نحترم العلم ونفهم قيمته...

كل سكشن كان رحلة معرفية فريدة، مليانة شرح مبسط، ونقاشات تفتح العقول، وسقوط ف امتحانات بردوا
كان دايمًا حاضرًا بعلمه وأخلاقه، وفتح لينا أبواب كنا نحسبها صعبة م تجارب ومعادلات الي واقع وانتاج...ودايما بيدعم اي فكرة بحث علمي اتذكرت..

اليوم وإحنا بنطوي صفحة الدراسة، بنقولك من قلوبنا:
شكرًا يا دكتور، لأنك كنت جزءًا أصيلاً من رحلتنا برغم قصر الوقت، وذكرياتك وسكاشنك هتفضل محفورة جوانا مهما تقدم بينا العمر.

ربنا يوفقك ويزيدك علمًا ونورًا، ويجازيك عنا خير الجزاء.

♥
#شكراً_دكتورنا

في صفحات العمر تبقى بعض الأسماء محفورة بحروف من ذهب، تُكتب مع كل إنجاز ويُرددها القلب مع كل لحظة فخر.كان لنا شرف اللقاء ...
27/04/2025

في صفحات العمر تبقى بعض الأسماء محفورة بحروف من ذهب، تُكتب مع كل إنجاز ويُرددها القلب مع كل لحظة فخر.كان لنا شرف اللقاء بشخصيات عظيمة تركت بصمة لا تُنسى في قلوبنا وعقولنا.
ومن بين هذه القامات، يسطع اسم دكتورنا الفاضل د." حسن احمد " الذي كان وما زال رمزًا للعلم، والأخلاق، والدعم المستمر، كنت دائمًا مثالًا يُحتذى به في التفاني والإخلاص، بذلت الجهد فوق الجهد، وكنت لنا العون والسند، وسعيت بكل طاقتك لتوصيل المعلومة بأفضل وأرقى أسلوب ممكن. فكنت حقًا الأب والمعلم والأخ الكبير.
ونحن اليوم نخطو أولى خطوات التخرج، لا يسعنا إلا أن نقدم لك كل الشكر والعرفان على ما قدمته لنا من علم، وما زرعته فينا من قيم، وما غمرتَنا به من دعم.
ستظل دائمًا جزءًا من رحلتنا، وقدوة نعتز بها مدى الحياة.
بارك الله فيك، وزادك علمًا ونورًا، وجعل كل ما قدمته لنا في ميزان حسناتك.
لك منا كل الحب والتقدير والامتنان..
🌹

فيه دكاترة بتدخل الكلية تشرح وتخرج… وفيه دكاترة بيسيبوا علامة، وأسلوب، وهيبة… ود. [عمرو جنجن] كان ومازال من العيار الثقي...
26/04/2025

فيه دكاترة بتدخل الكلية تشرح وتخرج… وفيه دكاترة بيسيبوا علامة، وأسلوب، وهيبة… ود. [عمرو جنجن] كان ومازال من العيار الثقيل..

دكتور كيميا فيزيائية، بس الحقيقية مش في التفاعلات بس… الحقيقية في حضوره..
رايق، واثق، فخم كده وانت بتتكلم معاه تحس إنك في مقابلة رسمية، بس قلبه أطيب من كل ده.

فاهم خبايا كل طالب، حاسس بيك قبل ما يشرح، وعارف انت مركز ولا سرحان قبل ما يتكلم.بيتحدي دايما chat gpt ف الامتحان وفعلا بنجيب 3 و 5 بالعافيه 😂♥
دكتور والله من الناس الثقال ف المجال،ف نسأل الله له التوفيق والسداد..
د.عمرو إياك تغلط معاه، أو تتجاوز… لأنه في ثانية هيخلي يومك كله "نقطة غليان"..

وبرغم كده، أكتر دكتور بيقف جنبك، ويفهمك، ويفضل وراك لحد ما تستوعب، ولو جالك آخر لحظة… هيشرحلك وكأنها أول مرة.

شكرًا من القلب يا دكتور، على علمك وأخلاقك، ووقوفك جمبنا♥
🌹
ُقي

وإحنا بنقفل آخر صفحة في كتاب الكلية، لازم نقول كلمة حق في الدكاترة اللي كانوا فعلاً نعمة في الرحلة دي.من الدكاترة اللي ...
25/04/2025

وإحنا بنقفل آخر صفحة في كتاب الكلية، لازم نقول كلمة حق في الدكاترة اللي كانوا فعلاً نعمة في الرحلة دي.

من الدكاترة اللي عمرنا ما هننساهم: د. أحمد فؤاد..
الدكتور اللي كان بيدينا كيمياء فيزيائية، بس اللي علمنا أكتر من معادلات وتفاعلات… علّمنا الاحترام، والتعامل الراقي بأسلوبة بس

كان دايمًا بيقابلنا بابتسامة، وبيسمعنا من غير ما يزهق، ويدينا فرصة نفهم ونغلط ونتعلم...
بس خليك فاكر… الغش في امتحانه؟
صعب جدا حتي ال chat gpt جاب 3 ف امتحانه ف متفكرش تلعب معاه😂❤
عينه عليك قبل ما تفكر تمد إيديك!
فاهم دماغنا حرفيا🙂❤

دكتور أحمد، شكرًا من القلب، مش بس على اللي علمتهولنا، لكن على طيبتك وأدبك واحترامك لينا كطلبة وتعامل حضرتك الراقي معانا ❤❤❤

ً_دكتور_أحمد


لو اتقال "ملك التحاليل ف الكلية" نرد كلنا بصوت واحد: دكتور علاء هارون!الدكتور اللي خلى الهيماتولوجي أسهل من كوباية مية😂♥...
24/04/2025

لو اتقال "ملك التحاليل ف الكلية" نرد كلنا بصوت واحد: دكتور علاء هارون!
الدكتور اللي خلى الهيماتولوجي أسهل من كوباية مية😂♥، واللي عرفنا يعني إيه تحليل دم من غير ما ينشف دمنا.

كان بيشرح الهيماتولوجي كأنه بيحكي حكاية... كل خلية لها دور، وكل تحليل ليه معنى، والـ CBC بقى صاحبنا..
وكأن مش كفاية دخل ع باقي التحاليل وعرفنا يعني اي تحاليل السكر وغيره كتير.. كان بينصحنا ازاي ندخل مجال التحاليل ونتعاامل ازاي مع البيشنت.. 😍❤

الدكتور كان بيعاملنا بكل حب واخلاص، مكنش دكتور بس كان اخ كبير لينا وداعم كبير
دكتور علاء، حضرتك مش بس شرحت، حضرتك حفرت العلم في دماغنا، بأسلوبك، بأخلاقك، بروحك الحلوة..
شكرًا على كل لحظة، على كل مرة وقفت تشرح فيها بكل شغف واحترام.
إنت من الناس اللي فعلاً بيخلّوا الكلية تتعاش!

♥



فيه دكاترة، وفيه الدكتور الغزالي...الاسم اللي دايمًا نسمعه في الكلية بإعجاب، وابتسامة، من اصغر واحد ف الكلية لأكبر واحد ...
24/04/2025

فيه دكاترة، وفيه الدكتور الغزالي...
الاسم اللي دايمًا نسمعه في الكلية بإعجاب، وابتسامة، من اصغر واحد ف الكلية لأكبر واحد مش هتلاقي حد ميعرفش د الغزالي

حضرتك كنت المعادلة الصعبة اللي جمعت بين الجدية والدم الخفيف، بين الشدة اللي بتعلم، والدعم اللي بيطمن.
كل مرة كنا داخلين السكشن، كأننا داخلين تجربة كيميا بس بطعم الحياة والحب، تدخل السكشن هتلاقيه يقولك خلاصة التجربه والاخطاء الي هتقع فيها قبل ما تشتغل اصلا..
السكشن دايما هتلاقيه 👇
ضحكة من هنا، معلومة من هناك، وفجأة نلاقي نفسنا فهمنا، واستمتعنا، واطمّنا!

دكتور الغزالي، حضرتك كنت دايمًا الظهر اللي ورانا، والوش البشوش اللي بيهون علينا سنين الكلية.
من أول سنة لحد آخر امتحان، وجودك كان علامة فارقة معانا...
من القلب: شكرًا على كل لحظة، على كل شرح، على كل نصيحة، وعلى كل ضحكة كانت بتقوينا.

ربنا يبارك في حضرتك، وتفضل دايمًا النجم اللي منوّر دفعات ورا دفعات.


وإحنا على أبواب التخرج وبنودّع الكلية بكل اللي فيها، مفيش أغلى ولا أوجب من كلمة شكر وتقدير نوجّهها للدكتور (اسماعيل عطا)...
22/04/2025

وإحنا على أبواب التخرج وبنودّع الكلية بكل اللي فيها، مفيش أغلى ولا أوجب من كلمة شكر وتقدير نوجّهها للدكتور (اسماعيل عطا) اللي كان لينا أكتر من مجرد دكتور
حضرتك كنت دايمًا مثال للأخلاق، للهدوء، للتواضع، والاحترام. كنا دايمًا بنحس إنك بتعاملنا كأخ قبل ما نكون طلاب، وده كان بيخفف علينا كتير ف الكلام والفهم من حضرتك،
مواقفك معانا دايما كانت رمز للدكتور المميز الي من اوائل الدكاتره الي بتيجي ف بال الواحد ف اي مشكله
مفيش مرة احتجنا فيها لحضرتك إلا وكنا بنلاقيك، ولا مرة سألنا سؤال إلا وكان الرد فيه طولة بال وتقدير.
حضرتك كنت من الناس اللي وجودهم بيفرق فعلًا، وسابوا بصمة جوه كل طالب.

شكرًا من قلوبنا على كل حاجة، وشكرًا على إنك كنت من النِعم اللي ربنا رزقنا بيها في السنين دي.
ربنا يكرمك ويوفقك دايمًا، وتفضل منوّر طريق طلاب كتير زي ما نورت طريقنا

Address

مصر
Cairo

Website

Alerts

Be the first to know and let us send you an email when 55' Zoology & Chemistry, Faculty of science , Al-Azhar university posts news and promotions. Your email address will not be used for any other purpose, and you can unsubscribe at any time.

Shortcuts

Share

Category