حكايات حياة

حكايات حياة حكايات حياة مع تريز خليل
مساحة آمنة للنساء نرتّب فيها الفوضى، نفهم وجعنا، ونخطط لحياة متزنة تشبهنا.
برامج تخطيط معتمدة وجلسات كوتشينج احترافية (ICF).

رسالة حقيقية من القلب.. لكل واحدة بتحاول 💌كل عام وأنتِ سالمة غانمة ❤️
08/03/2026

رسالة حقيقية من القلب.. لكل واحدة بتحاول 💌
كل عام وأنتِ سالمة غانمة ❤️

03/03/2026

لو سألتك دلوقتي:
إيه أكتر كلمة محتاجة تسمعيها عشان تطمن قلبك.. هتكون إيه؟

هي لسه واقفة هناك.." 🕊️​في بنت صغيرة جواكي لسه بتعيط؟يمكن تكوني كبرتي، اشتغلتي، اتجوزتي، وبقيتي "قوية" قدام الناس.. بس ه...
27/02/2026

هي لسه واقفة هناك.." 🕊️
​في بنت صغيرة جواكي لسه بتعيط؟
يمكن تكوني كبرتي، اشتغلتي، اتجوزتي، وبقيتي "قوية" قدام الناس.. بس هي؟
هي لسه واقفة عند اللحظة اللي اتكسرت فيها لأول مرة.
​لسه مستنية حد يطمنها ويقولها: "أنتِ مالكيش ذنب."
لسه مش فاهمة ليه اتسابت؟ ليه اتوجعت؟ وليه اضطرت تكبر وتشيل المسؤولية قبل أوانها؟
​الحقيقة إننا بنجري نصلّح حياتنا من بره..
نغير شغل، نغير صحاب، نغير شكلنا، ونحاول نبقى أقوى بزيادة.
بس نادراً ما بنقرر نرجع للطفلة اللي جوايا.
اللي اتعلمت تسكت عشان ما تزعلش حد.
اللي صدّقت إنها لازم تبقى "مثالية" وشاطرة طول الوقت عشان تتحب.
​اللي خافت تقول "أنا محتاجة" عشان ميكملوش فيها هدم.

​عشان كده بنكبر.. بس اختياراتنا لسه طالعة من جروح قديمة.
بنحب علشان خايفين نتحرم تاني.. وبنبعد ونقفل على نفسنا علشان ما نتكسرش تاني.

​لو عايزين نعيش حياة حقيقية.. حياة نحب فيها بحرية.. لازم نرجع للطفلة دي نقعد معاها.. نسمعها.. نحضنها.. ونحتويها من غير أحكام.
لما هنعمل ده، حياتنا مش هتبقى أهدأ وبس.. هنعرف لأول مرة نكون أحرار، صادقين، وحاضرين في حياتنا بالكامل.
​سؤال لكل واحدة في "حكايات حياة":
ياترى لو قررتي النهاردة تقعدي مع الطفلة اللي جواكي.. أول كلمة هتقوليها لها إيه؟ 🤍
أنا عن نفسي هحضنها واقولها بكل حب وحنان: "أنا هنا ومش هسيبك لوحدك تاني❤️"

أصعب حاجة ممكن الست تعملها في نفسها، مش إنها تستحمل ظروف الدنيا الصعبة.. لا، الأصعب إنها "تجبر" نفسها تعيش حياة هي مش مج...
25/02/2026

أصعب حاجة ممكن الست تعملها في نفسها، مش إنها تستحمل ظروف الدنيا الصعبة.. لا، الأصعب إنها "تجبر" نفسها تعيش حياة هي مش مجبرة عليها!
​إحنا بنستهلك طاقتنا في نوعين من الجبر:
😔 جبر من الدنيا: مسؤوليات، شغل، ظروف.. ودي بنزق فيها نفسنا عشان المركب تمشي.
😔 جبر من "جوانا": وده الأخطر. لما تجبري نفسك تكملي في علاقة بتطفيكي، أو مكان بيقلل منك، أو وضع بيحسسك إنك "قليلة".
​ليه بنرضى باللي يكسرنا؟
​للأسف، أغلبنا جواه صورة مشوهة عن نفسه بتقول:
"هو ده نصيبك، ده اللي يليق بيكي، إنتي متستحقيش أحسن من كده".. فبتلاقي نفسك غرقتي في مشاعر وأفكار سلبية، وبقيتي بتلبي احتياجات الكل وناسمة نفسك.
​النهاردة في "حكايات حياة" جايين نقولك: "فوقي.. كفاية"
🛑 كفاية تمثيل: بطلي تمثلي إنك قوية وإنتي من جوه مهدودة.
🛑 كفاية أدوار مش بتاعتك: إنتي مش مسؤولة عن سعادة كوكب الأرض على حساب "نورك" اللي بيطفي.
🛑 كفاية قسوة: بطلي تكوني الجلاد اللي بيجلد روحك كل يوم.
​💡 طب والحل إيه؟
​الحل في كلمة واحدة: (الاستحقاق)
والحل مش دايماً إنك تهدي المعبد وتمشي، لأننا عارفين إن البيوت أسرار والظروف ساعات بكتفنا.. الحل بيبدأ بـ "فك الارتباط النفسي" وتغيير إدارتك للموقف:
​✅ لو مش قادرة تمشي "بجسمك".. اعتزلي "بقلبك":
لو المكان فرض عليكي، وفري طاقتك ومجهودك النفسي. بلاش تدخلي في معارك خسرانة، وبلاش تحرقي أعصابك في محاولة تغيير ناس مش عايزة تتغير.
​✅ حطي "حدود نفسية":
مش لازم كل كلمة تتقال ليكي توجعك، ومش لازم كل طلب يتطلب منك تعمليه وإنتي بتعيطي. اتعلمي تقولي "لأ" للحاجات اللي بتيجي على صحتك بزيادة، حتى وإنتي جوه نفس المكان.
​✅ اخرجي من سجن "دور الضحية":
اشتغلي على نفسك، اتعلمي حاجة جديدة، خلي ليكي عالمك الخاص (هواية، صحاب، ورد يومي) يكون هو "الجزيرة" اللي بتهربي ليها من ضغط الواقع.
​✅ صلحي صورتك قدام نفسك:
الاستحقاق مش معناه إني أسيب كل حاجة وأمشي، الاستحقاق معناه إني أبطل أصدق إني أستاهل المعاملة دي. لما تشوفي نفسك غالية، طريقتك في الكلام وردود فعلك هتتغير.. وساعتها مفيش حد هيقدر يكسرك.
​إنتي مش محتاجة تمشي عشان تبدأي.. إنتي محتاجة "تتغيري من جوه" عشان اللي بره ميبقاش ليه سلطة عليكي.

​لو الكلام ده لمس قلبك.. شاركينا في التعليقات: إيه أكتر حاجة بتجبري نفسك عليها ونفسك تاخدي قرار وتوقفيها؟ 👇

أوقات كتير بنكون فاكرين إننا هنفضل طول عمرنا كده..محبوسين في الوجع، غرقانين في الضلمة، وإن الحالة دي هي "النهاية".​بنحس ...
24/02/2026

أوقات كتير بنكون فاكرين إننا هنفضل طول عمرنا كده..
محبوسين في الوجع، غرقانين في الضلمة، وإن الحالة دي هي "النهاية".
​بنحس إن النجاة مستحيلة، وده في حد ذاته وجع فوق الوجع.. بيسرق مننا لحظات الحياة اللي لسه مِلكنا.
​لكن الحقيقة.. وعن اختبارات كتيرة مريت بيها في حياتي:
إن كله مهما طال.. بيعدي.
الوقت بيمر، والفصول بتتغير، والوجع بياخد وقته ويخلص ويجي غيره.
​الأزمة مش بس في اللي بيحصل بره.. الأزمة الحقيقية في "الحبسة" اللي جوه.
المهم إننا نعدي الوجع "من جوانا".. مانفضلش محبوسين ومتكتفين ومخنوقين في ذكرى قديمة أو خذلان فات.
​مانسمحش للحظة صعبة إنها توقف عمرنا كله عندها.
زي ما عديتي قبل كده حاجات كنتِ فاكرة إنك مش هتقدري عليها.. هتعدي دي كمان.
​بس المرة دي.. عديها وإنتِ "حرة" مش مكسورة.. عديها وإنتِ معانا وماتبقيش لوحدك. 🤍

​💬 قوليلي في الكومنتات:
إيه أكتر "وجع" كنتِ فاكرة إنه مش هيخلص.. وربنا جبر خاطرك وعدّاه؟
(حكايتك هي النور اللي هيطمن غيرك إنها كمان هتعدي).

لكل بنت.. لكل ست معايا هنا..أولًا.. عايزة أرحب بيكي.​وجودك مشرفني.. حتى لو معرفكيش شخصيًا.عايزة اقولك: "أنا شايفاكي.. وح...
22/02/2026

لكل بنت.. لكل ست معايا هنا..
أولًا.. عايزة أرحب بيكي.
​وجودك مشرفني.. حتى لو معرفكيش شخصيًا.
عايزة اقولك: "أنا شايفاكي.. وحاسة بيكي🩷"

عارفة... أنا ​زمان كنت فاكرة إني مش هقدر أعدي حاجات كتيرة
كنت شايفة الوجع أكبر مني، والألم أقوى من احتمالي، والخذلان أقسى من قلبي.
لكن الحقيقة إني #قدرت.
قدرت أعدي.. قدرت أقف تاني.. قدرت أتعافى من وجع كبير، يمكن محدش كان شايفه غير ربنا.
​والنهارده..
لما بقف وأبص ورايا على قصة حياتي، بقول من قلبي:
"حقًا.. قد باركني الرب وعافاني"
مش علشان الطريق كان سهل، ولا علشان كنت دايمًا قوية.. لكن علشان كنت كل مرة بقع، وبرجع أقوم.

​ولو أنا قدرت.. إنتي كمان تقدري😊
لو إنتي دلوقتي في نص المعركة، لو حاسة إنك مش قادرة، أو شايفة إن الحمل تقيل..
افتكري إن جواكي قوة لسه ما استُخدمتش.
​إنتي مش ضعيفة.. إنتي بس في مرحلة "تشكيل".
مش مكسورة (زي ما إنتي فاكرة)... لكنك "بتتخلقي" من جديد.
أوعي تصدقي إن قصتك خلصت عند الألم.. يمكن يكون ده الفصل اللي هيغيّرك، مش اللي ينهيكي.

​✨ مبادرة حكايات حياة بدأت عشان تكوني هنا، تسمعي وتتحكي وتعرفي إنك مش لوحدك.
​اكتبيلي في الكومنت:
"أنا هقدر"
وقوليها لنفسك قبل ما تقوليها ليا 🤍
بحبك وواثقة إنك حقيقي هتقدري وهتكون ليكي حكايات جديدة مليانة حياة وهتكوني لنفسك ولغيرك طوق نجاة 😊

21/02/2026

في الفيديو ده، هتكلم معاكي من القلب عن مساحة "حكايات حياة".. المساحة ال هتساعدك تحولي الوجع إلى قوة، علشان تبدأي من جديد بوعي واتزان.
اتفرجي على الفيديو ده للنهاية.. ولو كنتي جاهزة للقرار، الباب مفتوح لكي.
​📥 ابعتي كلمة "حكايتي" في رسالة علشان نبدأ مع بعض أول خطوة.
​

"هل تشعرين أن حكايتكِ ضاعت وسط زحام المسؤوليات؟"​وُلدت حكايات حياة لكِ لتخبرك أن الألم ليس النهاية، بل هو بداية قوية لحك...
19/02/2026

"هل تشعرين أن حكايتكِ ضاعت وسط زحام المسؤوليات؟"
​وُلدت حكايات حياة لكِ لتخبرك أن الألم ليس النهاية، بل هو بداية قوية لحكاية جديدة أنتِ بطلتها.
نحن لسنا مجرد صفحة محتوى، نحن مساحة آمنة لتفكيك الوجع وإعادة بناء ذاتك بقوة الله المزروعة داخلكِ.
​رحلة الـ 26 عاماً من الخبرة والتعافي نضعها بين يديكِ اليوم. (تصفحي الصور لتعرفي كيف يمكننا أن نبدأ معاً).
​التحول لا يحدث صدفة، بل بقرار.

للحجز والاستفسار عن جميع خدماتنا.. أرسلي "حكايتي" في رسالة الآن. 💌
​

21/05/2025

حكايات حياة
مش للستات اللي قررت ترتاح وتسيب كل حاجة على غيرها،
ولا للي بتجري ورا الشغل والمناصب ونسيت نفسها وعيالها ومهمهاش غيرها..
مش للبنات اللي واخدة كل حاجة بالساهل وبرضه مش عاجبها،
ولا للي الأبواب بتتفتح لها من غير ما تدق، وكل اللي بتعمله إنها تدخلها
مش للبطولات الوهمية، ولا للبنات والستات اللي لبست دور البطلة الورقية.
ولا للفاضية اللي مش وراها غير إنها تمسك سيرة الناس،
ولا للي شايفة نفسها قاضية بتحكم على كل الناس...

حكايات حياة
للبنات اللي الحياة وجعتها، وللستات اللي الاوجاع كسرتها…
اللي وقعت كتير… بس كل مرة قامت أقوى.
للي فضلت سنين صابرة وساكتة وهى بتنزف من جواها، لكنها قررت انها لكل اوجاعها تقول لا
للبنت اللي عملت لنفسها طريق وسط الخراب،
وللست اللي شالت بيت، وشغل، ومسؤولية، ونفسها فوق كتفها وكملت رغم انعدام الدعم واستمرار المرار والاحباط.

حكايات حياة
لكل واحدة بتضحك… وجواها وجع،
لكل واحدة خايفة… بس مصممة تكمل،
لكل واحدة قررت تتبني كل يوم من جديد بعد ما اتهدمت،
لكل واحدة بتحب بصدق… لكن ما بترضاش بأي حب يجرحها
ولكل واحدة عايزة يكون ليها

حكايات حياة
للبنت اللي اتقال لها "انتي مش كفاية"،
فقالت: "أنا اللي هكتب لنفسي الحكاية".
واللي كل الأبواب اتقفلت في وشها، فبنت باب لنفسها بإيديها
وللست ال حفرت لنفسها طريق للنجاة وقالت انا اتولدت للحياة

حكايات حياة
مش كلام ناعم، ولا مساحة شكوى
دي صرخة نجاة، ودعوة لبداية جديدة للحياة وكتابة حكايات حياة

Address

Cairo

Opening Hours

Monday 9:30am - 10:30pm
Tuesday 9:30am - 10:30pm
Wednesday 9:30am - 10:30pm
Saturday 9am - 10pm

Website

Alerts

Be the first to know and let us send you an email when حكايات حياة posts news and promotions. Your email address will not be used for any other purpose, and you can unsubscribe at any time.

Shortcuts

Share

Category