Nurse Reham

30/12/2025

ايه العلاقة بين تحليل Urine والتهاب الزايدة

السلام عليكم يا جماعة ..
أي مريض داخل باشتباه Appendicitis غالبا الدكتور بيطلب 3 تحاليل أساسيين

الـ CBC وده طبيعي ومفهوم عشان يشوف WBCs
لو عالية مع الأعراض وده يدعم وجود التهاب
والـCRP ده مؤشر التهابات وكل ما يعلى كل ما الشك يزيد..

والتالت هو الـUrine ... طيب ليه يطلب بول أصلا ؟
هنا بقى النقطة المهمة ألم الزايدة بيكون في Right lower quadrant ودي منطقة مشتركة مع الزايدة والحالب الأيمن والمثانة ..
يعني نفس الألم ممكن يطلع من Appendicitisأو UTI
أو Renal colic
وتحليل البول دوره يساعدنا نفرق مش يثبت الزايدة

لو البول فيه Pus cells كتير RBCs كتير Bacteria يبقى نفكر أكتر في Urinary tract infection أو مغص كلوي

ولو البول سليم وده مع WBC عالي CRP عالي
وأعراض واضحة الشك في الزايدة يزيد

الـUrine analysis مش عشان نشخص الزايدة
لكن عشان نستبعد اللي شبهها .

04/12/2025

📌 أهم 10 حاجات لازم تعرفها عن نقل الدم للعيان (Blood Transfusion):

1- ما تستخدم أي محلول مع الدم غير النورمال سالين (Normal Saline) لانو الدم بيتوافق مع النورمال سالين، لكن أي محلول فيه سكر زي الدكستروز (D5W) ممكن يعمل تخثر في الدم (يعني يتجلط جوه الكيس أو الوريد)، وده خطر شديد على المريض.
2- لو حصلت أعراض غريبة أثناء نقل الدم، وقف فوراً
#يعني لو المريض بدأ يحس بحكة، سخانة، رعشة، أو ضيق نفس دي علامات تفاعل مع الدم، وقف النقل فوراً، ابدأ نورمال سالين بأنبوب جديد (ما نفس الأنبوب)، خليه على سرعة خفيفة، وبلّغ الدكتور فوراً.
#أهم شي ما تواصل النقل وتقول نشوف الموضوع، لأنو كل دقيقة بتفرق.
3- كيس الدم ما مفروض يفضل معلق أكتر من 4 ساعات:
ليه؟ لأنو الدم بيبدأ يتلوث بالبكتيريا بعد الزمن ده، وده ممكن يسبب تسمم في الدم.
#كمان إياك تخزن الدم في تلاجتكم العادية في القسم لأنو مكان الدم في ثلاجة بنك الدم بس.
4- ما تحقن أي دواء في نفس الخط البيمشي فيهو الدم لأنو الدم ما بتوافق مع الأدوية، وبعض الأدوية بتعمل تفاعل خطير.
5- لو الدم بقى ماش بطيء بدون ما يكون في تسريب:
راجع الكانيولا، سلّك السير بي نورمال سالين، أو استخدم كيس ضغط أو جهاز إلكتروني (Infusion Pump).
#أحياناً بيكون في انسداد بسيط أو ضغط منخفض في الخط.
6- متابعة العلامات الحيوية ضروري:
أول 5 دقايق.
بعد 15 دقيقة.
بعدين كل نص ساعة.
ولحد ساعة بعد ما تخلص النقل.
#السياسة دي مهمة عشان تكتشف التفاعل في بدايتو.
7- كل مرة تاخد فيها علامات حيوية، راقب مكان الإبرة:
شوف لو في ورم، احمرار، تسريب، أو العيان بيشتكي من ألم في مكان الإبرة.
8- خليك صاحي لي أي تغير غريب في العيان:
زي القشعريرة، احمرار، طفح جلدي، ضيق نفس، حكة... كلها علامات تفاعل.
#التفاعل ممكن يبدأ خفيف ويطور بسرعة، فالمتابعة المستمرة مهمة.
9- لازم تسجل كل حاجة بدقة:
- نوع الدم وكميتو.
- رقم الكيس.
- التوافق.
- تاريخ الانتهاء.
- العلامات الحيوية قبل/أثناء/بعد.
- الأدوية المعطاة.
- حالة الإبرة.
- رد فعل المريض.
وسجل دا كلو في الأوراق والسستم حسب نظام المستشفى.
10- أي تدهور في حالة القلب أو التنفس أو الكلى بلغ فوراً..
لو المريض حصل ليه نهجان، تورم، أو البول قلّ دي علامات خطر، خاصة لو حصلت أثناء أو بعد النقل.

04/12/2025

تفتكر أمتي بنستخدم Prone CPR !؟

طب Prone CPR يعني اي :
بدل ما تقلب المريض على ظهره (الـ supine position)،
تبدأ الضغطات على ظهره وهو على بطنه — خصوصًا لو قلبه توقف أثناء تهويته في وضع prone
(زي مرضى COVID أو ARDS اللي بيكونوا على أجهزة تنفس).

هل تم الاعتراف به رسميًا؟

نعم ✅
تم إضافة توصية محدّثة حول الإنعاش في (Prone Position)
ضمن فصل “Special Circumstances of Resuscitation”
في AHA Guidelines 2025.
وهي توسّع للتوصية التي كانت موجودة بشكل محدود في تحديث 2020 (والتي كانت فقط للحالات داخل العناية المركزة ICU أثناء التهوية الميكانيكية).
أما في 2025، فتمت تقنينها وشرح آلية التطبيق بشكل أوضح


منقول

29/11/2025

“لما الأنيميا تقولك… انتي أونلاين؟ ولا أوفلاين؟”

في ناس الأنيميا بتجيّلها دوخة…
ناس تانية صداع…
إنما حضرتك؟
الأنيميا قررت تعمل معاك Upgrade وتدخلك مود:
🔮 “أنا مش هنا… أنا روبوت بيتفرج على نفسه!” 😅

تلاقي نفسك ماشية في الشارع كده:
"هو الناس دي حقيقية؟ ولا أنا في لعبة GTA؟"
والعقل من جواك يقول:
"إحنا نطير؟ ولا نرجع البيت؟ ولا نكمل تمثيل؟" 😂

وهنا يدخل الطب العربي ويقول:
“يا جماعة دا اسمه هبوط مخي… الدم مش طايل للدماغ خالص…
الست دي مخها شغال على بطارية 1% ومش لاقية الشاحن!” 🔥🤣
---
🍲🍯 العلاج :
كلي يا ستّي كبدة… عشان الدم يقول:
“أخيرًا أكِل… مش عايش على الهواء!” 😩😂

شوربة العضم تدخل الجسم وتقول للأعصاب:
“لمي نفسكوا يلا وهاتوا تركيز الست!”

عسل + حلبة… دا مش أكل، دا اجتماع طوارئ لإنقاذ الهيموجلوبين!

---
🌿 الأعشاب تحكي:

إكليل الجبل داخل الدماغ عامل نفسه “مهندس شبكة”
يقعد يصلّح الإشارة ويقول:
“الوعي رجع… يا أهل الوعي رجع!” 😂

القرفة والزنجبيل يدخلوا الدورة الدموية مولعين:
“إحنا جايين نسخّن الدم… حد يعترض؟!” 🔥🔥

---
🩸 أما الحجامة… فحكاية تانية:
الحجامة تدخل على الكتف كده وتقول للدم:
“وسع يا باشا… احنا جايين نفك الزحمة!” 🚦😂
والدماغ بعدها تقول:
“أوووه… كده أنا رجعت من السفر… صباح الخير يا عالم!”

---
💆‍♀️ التدليك:
مش تدليك…
ده إعادة تشغيل للجهاز العصبي
Restart + Update + “رجعيلي تركيزي يا رب” 😭💛

--

إنتي مش مجنونة ولا في عالم موازي…
إنتي بس في وضع “ضعف دم + ضغط + مخ مش مصدق اللي بيحصل”
وكل ده بيتظبط بالأكل، والأعشاب، والنوم، وشوية ضحك 😄

25/11/2025

افهم اعضاء جسمك

23/11/2025

المتحور الجديد منتشر بشكل كبير وأعراضه صعبة جدًا، ربنا يعافينا جميعًا. أهم الأعراض اللي ممكن تظهر:

1. سخونية عالية: مهما أخدت خافض حرارة، بترجع تاني وبقوة بعد ساعتين.

2. تكسير رهيب في الجسم: كل عضمة في جسمك هتوجعك، حتى عقل صوابعك.

3. وجع رهيب في الودان: ألم غريب وصعب جدًا لدرجة إنك ممكن تصوت منه.

4. وجع في الزور: ومع إنه عادي تاخد مضاد حيوي، الغريب إن الوجع بيزيد مش بيقل لحد ما يعدي الوضع.

5. صداع رهيب: مش بيروح بسهولة مهما أخدت مسكنات.

6. دوخة مستمرة: بتحس إنك نايم طول الوقت، ومع تكسير الجسم النوم مش بيكون مريح، فبتحس إنك مش عارف انت صاحي ولا نايم.

خدوا حذركم جدًا، خصوصًا لو في أطفال في البيت، لأن لو حد اتعدى، العدوى بتنتقل بسرعة جدًا حتى مع الاحتياطات.

ربنا يحفظنا جميعًا.

15/11/2025

👶✨ أخطاء خطيرة بتحصل في أول يوم بعد الولادة… ومحدش بياخد باله!

🎉 مبروك يا مامي، البيبي وصل بالسلامة!
بس استني شوية… أول 24 ساعة في حياة البيبي هي أهم وأخطر وقت في عمره كله،
وأي تصرف بسيط فيها ممكن يسبب مشكلة كبيرة 😔

تعالي نشوف سوا أشهر الأخطاء اللي بتحصل 👇

⸻

💔 🔹 أولًا: أخطاء بتعملها بعض الأمهات

🧼 تحميم البيبي أو مسح الطبقة البيضا اللي على جسمه بعد الولادة على طول!
الطبقة دي اسمها فيرنيكس (vernix) ودي مش “وساخة” 😅
دي بتحافظ على حرارة جسمه وتحمي جلده من الالتهابات ❤️
يعني ما تتشالش قبل ما يعدي يوم على الأقل.

🚫 إعطاء مياه أو أعشاب “عشان الهضم” قبل الرضاعة — غلط جدًا!
ده ممكن يسبب له نقص سكر أو حتى تسمم 😣

🤱 تأخير الرضاعة الطبيعية بعد الولادة.
أول ساعة بعد الولادة اسمها “الساعة الذهبية” 🕐
وجسمك فيها بيكون جاهز يفرز اللبن… ما تضيعهاش يا مامي!

😚 السماح للزوار أو القرايب يبوسوا البيبي 😷
ده ممكن ينقل له فيروسات خطيرة زي الهربس أو RSV.

💉 نسيان حقنة فيتامين ك!
دي ضرورية جدًا عشان تمنع نزيف داخلي عند المولود،
ولازم تتاخد خلال أول ساعات بعد الولادة.

⸻

⚠️ 🔹 ثانيًا: أخطاء بتحصل من بعض دكاترة النسا

😬 تأخير استدعاء دكتور الأطفال أثناء الولادة أو بعدها،
على أساس إن “البيبي شكله كويس”!
بس وجود دكتور الأطفال ضروري جدًا 👶
علشان هو اللي بيتابع التنفس، النبض، ولونه،
ولو حصل أي مشكلة بيتدخل فورًا لإنقاذه ❤️

⸻

👨‍⚕️ 🔹 ثالثًا: أخطاء من بعض دكاترة الأطفال

🍼 وصف لبن صناعي من أول يوم من غير سبب طبي واضح.
📊 عدم متابعة العلامات الحيوية والمقاسات بدقة.
🗣️ وما يشرحوش للأهل حالة البيبي بشكل واضح ومطمّن.

⸻

👵 🔹 وأخيرًا: أخطاء من الحموات أو القرايب بحسن نية 😅

🍯 “اديله نقطة عسل على لسانه” — خطر جدًا!
ده ممكن يسبب تسمم بوتيوليني قاتل 🚫

🚿 “حميه عشان ينام كويس” — غلط جدًا!
ده ممكن يخلي حرارته تنزل بشكل خطير 🥶

💎 “لبسيها الحلق من أول يوم” — لا طبعًا!
الخرم لازم يكون بعد تطعيم الشهرين على الأقل
عشان نتجنب عدوى التيتانوس ⚠️

⸻

💬 نصيحة من دكتور الأطفال:
أول 24 ساعة في حياة البيبي أهم من أي يوم تاني ❤️
خلي كل خطوة تحت إشراف طبي 👨‍⚕️
واسألي من غير خِجل… النية الطيبة لوحدها مش كفاية،
اللي بيحمي فعلاً هو العِلم والمعرفة 📚✨

⸻

20/10/2025

🩺 الفترة دي الجو متقلب والحرّ لسه مؤثر على جسم كبار السن، وكتير منهم بينسوا يشربوا مية كفاية طول اليوم، وده ممكن يسبب مشاكل خطيرة من غير ما ناخد بالنا!

💧 ليه المية مهمة جدًا لكبار السن؟
•لأنها بتحافظ على نشاط المخ والتركيز، وقلة المية ممكن تسبب دوخة، نسيان، وتعب عام.

•بتمنع الجفاف اللي بيأثر على الجلد والكُلى وضغط الدم.

•بتساعد في تنظيم درجة حرارة الجسم خصوصًا مع الجو الحر والرطوبة.

🚨 علامات الجفاف عند كبار السن:
•جفاف الفم والشفايف.
•قلة التبول أو لونه غامق.
•دوخة أو صداع.
•خمول أو اضطراب في التركيز.

🥤 نصيحة :
خلي دايمًا كباية المية قريبة منهم، خصوصًا بعد كل صلاة أو مع الأدوية

ولو عندهم مشاكل في البلع أو مش بيحبوا طعم المية، ممكن تضيفي شريحة ليمون أو خيار تخليها أخف وأطعم

14/10/2025

16/09/2025

للوقاية من مرض الزهايمر، يُنصح باتباع نمط حياة صحي يشمل ممارسة النشاط البدني بانتظام، وتناول نظام غذائي متوازن، والحفاظ على وزن صحي، والسيطرة على ضغط الدم والكوليسترول، والحرص على الصحة العقلية والاجتماعية.
طرق الوقاية من الزهايمر: ممارسه الرياضه خاصه الرياضه الهوائيه
قد تقلل من خطر الإصابة بالزهايمر.
اتباع نظام غذائي صحي:
يُنصح باتباع نظام غذائي غني بالخضروات والفواكه والبروتينات الخفيفة، خاصة مصادر البروتين التي تحتوي على أحماض أوميغا 3 الدهنية.
الحفاظ على وزن صحي:
السمنة وزيادة الوزن قد تزيد من خطر الإصابة بالزهايمر.
السيطرة على ضغط الدم والكوليسترول:
ارتفاع ضغط الدم والكوليسترول قد يضر بالأوعية الدموية ويؤثر على تدفق الدم إلى الدماغ، مما يزيد من خطر الإصابة بالزهايمر.
العناية بالصحة العقلية:
المشاركة في الأنشطة العقلية والاجتماعية مثل القراءة، والتعلم، ولعب الألعاب الذهنية قد تساعد في الحفاظ على صحة الدماغ وتقليل خطر الإصابة بالزهايمر.
تجنب التدخين:
التدخين يزيد من خطر الإصابة بالعديد من الأمراض، بما في ذلك الزهايمر.
الحد من تناول الكحول:
الإفراط في تناول الكحول قد يزيد من خطر الإصابة بالزهايمر.
التحكم في مستويات السكر في الدم:
ارتفاع السكر في الدم قد يؤثر على صحة الدماغ ويزيد من خطر الإصابة بالزهايمر.
الحصول على قسط كافٍ من النوم:
النوم الجيد يلعب دورًا مهمًا في صحة الدماغ والوظائف المعرفية.
استشارة الطبيب:
إذا كان لديك تاريخ عائلي للإصابة بالزهايمر، فمن المهم استشارة الطبيب حول إجراء فحوصات جينية وتقييم المخاطر.
صحتك أمانه ❤️

12/09/2025

🔴 النقرس (مرض الملوك زمان 👑)
كتير من الناس بيفتكروه بس “ألم في الرجل” لكن هو مرض سببه ارتفاع حمض اليوريك في الدم، واللي بيتجمع على شكل بلورات حوالين المفاصل خصوصًا مفصل إصبع الرجل الكبير.

⚠️ الأعراض:
•ألم شديد ومفاجئ في المفصل (غالبًا بالليل).
•تورم واحمرار وسخونة في المفصل.
•تكرار النوبات لو ما اتعالجش.

🍗 أسباب ارتفاع حمض اليوريك:
•أكل اللحوم الحمراء والكبدة والمأكولات البحرية بكثرة.
•الإكثار من البقوليات زي الفول والعدس والحمص.
•شرب الكحوليات والمشروبات الغازية.
•السمنة وقلة شرب المية.

✅ نصائح للوقاية وتقليل النوبات:
•اشرب مية كتير يوميًا.
•قلل اللحوم الحمراء والبقوليات الثقيلة.
•اهتم بالوزن الصحي.
•راجع دكتور لو عندك نوبات ألم متكررة أو عندك تاريخ مرضي في العيلة.

👨‍⚕️ النقرس مرض له علاج، لكن إهماله ممكن يعمل
مضاعفات خطيرة زي تدمير المفصل أو حصوات بالكُلى.