Hoda Heragi, Psychological and Family Counselor "هدي حراجي مرشد نفسي وأسري"

30/11/2025

✨ بعد الأربعين ... الحكمة ذادت و المزاج له حكاية
لما الهرمونات تعمل ترانزيت… والنفسية تركب معاها 😂
في مرحلة معينة الجسم بيقرر يعمل Restart
وإحنا آخر من يعرف!
وطبعًا النفسية بتتشقلب شوية… وده طبيعي جدًا.
▪️ مزاج يعلّي ويخفض زي شبكة النت
ساعة تمام… وساعة “أعد المحاولة لاحقًا” 😂
▪️ حساسية زيادة من أقل كلمة
المخ بيبقى زي ريموت خفيف اللمسة… يتوتر من أقل زرار.
▪️ ثقة النفس تهتز شوية
مش حقيقة… ده الهرمونات بتلعب مش أكتر.
🎯 الخلاصة:
إنتي مش بتكبّري…
إنتي بس عاملة Update فاخر
وآخره قوة وهدوء… لو النت مزاجه حلو 😂✨

28/11/2025

26/11/2025

🧩 أحيانًا الفوضى اللي حوالينا تكون انعكاس لفوضى جوانا…
وأحيانًا ترتيب رف واحد بس يخلّينا نحس إن في حاجة رجعت مكانها جوه نفسنا.
في العلاقات والأسرة، مش لازم نعمل قفزات كبيرة عشان نحس بتغيير…
الخطوات الصغيرة، المتتالية، الواعية—هي اللي بتصنع تحول حقيقي.
ابدأ/ي بحاجة بسيطة النهارده…
تنظيم فكرة، تهدئة خلاف، أو حتى ترتيب مساحة صغيرة في البيت.
الهدوء مش بييجي مرة واحدة… لكنه بيتبني خطوة خطوة 🤍

24/11/2025

مرة سألت واحدة عصبية و ما اكترهم في الحياة:
"بتتعصّبي كتير ليه؟"
قالتلي:
"عشان كل حاجة بتحصّل ورى بعض!"
قلت لها:
المشكلة مش في اللي بيحصل…
المشكلة إنك بتتعاملِّي مع كل حاجة بنفس البطارية الفاضية.
أوقات كتير…
اللي محتاجينه مش حلول…
اللي محتاجينه شحنة. 🔋💛

22/11/2025

واحدة جميلة قالتلي امبارح:
"دودو … كل ما أقرر أرتاح، يطلعلي صوت تاني يقولي: قومي اعملي حاجة!"
ضحكت وقلت لها:
ده مش ضمير… ده Overthinking متنكر 😂

أوقات كتير اللي مانعنا نرتاح مش الشغل…
ده الشعور بالذنب من غير سبب.

19/11/2025

في معلومة نفسية بتقول:
"70% من الناس بيتوتروا لما حد يقولهم: ممكن نتكلم؟"
والـ30% التانيين؟
دول بيتوتروا أكتر… بس بيعملوا نفسهم "اوكيه" 😂
الإنسان بطبيعته بيترعب من الجمل اللي ملهاش سياق…
خصوصًا لو جاية من الزوج، أو المدير، أو ماما 🤣
نصيحة اليوم:
لو عايز تكلم حد…
ابدأ بجملة تطمّن:
"متقلقيش… الموضوع بسيط"
عشان بس دقّات القلب ما تسبقش الكلام 😅

16/11/2025

معلومة نفسية.... بلمسة خفيفة 🌸
عارفة إن الجسم ساعات بيكون أذكى من مخّنا؟
لما تكوني متوترة… فجأة تلاقي نفسِك عايزة تشربي شاي، أو ترتّبي البيت، أو تاكلي قطعة شوكولاتة من غير سبب واضح.
المضحك بقى إن ده اسمه في علم النفس:
"تنظيم ذاتي غير مباشر"
يعني إيه؟
يعني جسمِك بيقول لمخّك:
"هدي نفسك… وسيبيني أتعامل" 😌✨
علشان كده، المرة الجاية لما تلاقي نفسك بتعملي حاجة غريبة فجأة…
متستغربيش، يمكن جسمِك بيحل مشاكلك بصمت 😄💛

16/11/2025

الفرق بين الشخص العادي والشخص اللي دارس علم النفس

ان الشخص العادي بيقع في خوازيق مش واخد باله منها

واللي دارس علم النفس بيقع في خوازيق عارف اسبابها ونتايجها وماضيها معاه والرغبات الاشعورية المحفزة ليها وفنيات التعامل معاها ونظريات العلماء المفسرة لهذا الخازوق..

10/11/2025

💬 معلومة تحليلية (10):
الأب اللي بيبعد وقت الخلاف مش دايمًا بيهرب،
هو أحيانًا محتاج مسافة عشان يعرف يهدأ،
بس ما يعرفش يعبّر عن ده بالكلام.

09/11/2025

🧩 معلومة تحليلية (9):
الأم اللي بتقارن أولادها بغيرهم،
مش قصدها تقلل منهم،
لكن هي نفسها اتربّت على إن “القيمة في المقارنة”.
بتكرر ما عاشت دون وعي.