Dr/Nada Abo ElNasr - أخصائيه تغذيه علاجيه وعلاج السمنه والنحافه

  • Home
  • Egypt
  • Cairo
  • Dr/Nada Abo ElNasr - أخصائيه تغذيه علاجيه وعلاج السمنه والنحافه

Dr/Nada Abo ElNasr - أخصائيه تغذيه علاجيه وعلاج السمنه والنحافه Contact information, map and directions, contact form, opening hours, services, ratings, photos, videos and announcements from Dr/Nada Abo ElNasr - أخصائيه تغذيه علاجيه وعلاج السمنه والنحافه, Doctor, Cairo.

رَبِّ إِنِّي لِمَا أَنزَلْتَ إِلَيَّ مِنْ خَيْرٍ فَقِيرٌ 💚
صل علي النبي وتبسم 💚
✨مجرد شخص بيساعدك تعيش حياتك بطريقه صح ✨
ابعت رساله وهيوصلك تفاصيل المتابعه الاون لاين 📩

اول يوم دايت بتحرم علي نفسك الملح اكنه خالك اللي واكل ورثك صح ؟خد المفاجاة بقي يا عزيزي الهيلثاوي قلة الملح في جسمك زياد...
22/11/2025

اول يوم دايت بتحرم علي نفسك الملح اكنه خالك اللي واكل ورثك صح ؟
خد المفاجاة بقي يا عزيزي الهيلثاوي قلة الملح في جسمك زياده عن اللزوم بتخليه يحبس ماء ويبان منفوخ يعني بيحصل لجسمك نفس اعراض زياده الملح وتلاقي ميزانك مبيتحركششش!
عشان كده مفيش احسن من الاعتدال وتحسب كميه الملح اللي جسمك محتاجها في اليوم وتدخلهاله مظبوط 🫡💚
؟
#تغذية
#نصائح

11/10/2025

ما تيجي تكشف علي نفسك 👀
🚩 لو ضوافرك مجعده ⬅️ عندك نقص في الحديد
🚩 لو ضوافرك فيها علامات بيضاء ⬅️ عندك نقص في الزنك
🚩 عينك بترف لوحدها ⬅️ عندك نقص في فيتامين B1. ( مالهاش علاقه بالخير ولا الشر 😂)
🚩 عضمك مكسر وعلي طول وجعك. ⬅️ عندك نقص في فيتامين D.
🚩 شعرك مقصف ومش بيطول ⬅️ عندك نقص في البيوتين
🚩 مفاصلك بتوجعك وبتعمل اصوات (مع انك لسه شباب ☹️)⬅️ نقص كولاجين وOmega 3
🚩 بشرتك جافه ؟ ⬅️ نقص فيتامين E


#تغذية
#نصائح

رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ الحمدلله بفضل ربنا وشطارة كل Case فيهم احنا وصلنا ...
21/09/2025

رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ
الحمدلله بفضل ربنا وشطارة كل Case فيهم احنا وصلنا لهنا 💚.
دايما بيبقى سعي في شغلي ان اسهل علي كل Case الدنيا علي قد ما ربنا يقدرني عشان نحول فكره الدايت الجحيميه الي Life Style مُريح نقدر نستمر عليه طول حياتنا ونبقى راضيين ومبسوطين بيه مش مجرد فتره حرمان واكتئاب ونرجع بعدها الضعف او نخس بعدها زي ما كنا ( لو كانت حاله نحافه )
دائما بقول ان البلان الناجحه عمرها ما كانت البلان اللي تخسسك بال20 كيلو في الشهر دا غلط وغير صحي ويبقى حرام عليا اساسا
لكن البلان الناجحه بجد هي اللي تنزلك بصوره طبيعه وصحيه ( 4 ل 6 كيلو في الشهر دهون صافي )
وكمان تقدر تستمر عليها باقي حياتك والنجاح الحقيقي انك تقتنع بالفكره دي 💚
رحله علاج النحافه او السمنه بتكون رحله طويله ومحتاجه طوله بال وإصرار وصبر وزيها زي اي رحله بتكون صعبه في بدايتها لكن بعد كده هتلاقيها غيرت في حياتك وشخصيتك وافكارك حاجات كتير 💚💪🏼
رحله تستحق انك متحرمش نفسك منها 💚
مستني اي ؟ ابدأ بنفسك وجرب 💚
" من يريد يستطيع " 💪🏼💪🏼

08/09/2025

🚩5 حاجات اعملهم لو عايز ❗️تدمر كليتك❗️
1) متشربش ماء كويس واحبس البول فترات طويله
2) كل اكل شارع بإستمرار ( فاست فود - شيبسيهات - سكريات - حلويات - الخ )
3) استخدم الكاتشاب والمايونيز ومرقه الدجاج في اكلك بكميات كبيره وباستمرار
4) نام كل يوم أقل من 6 ساعات
5) متتمرنش ولا تحرك جسمك نهائي خليك مستريح علي الكنبه 24 ساعه
- مبروك تم تدميرها بنجاح 🤷🏻‍♀️
📌 ملحوظه : اوعى تستهون بالحاجات البسيطه اللي بتعملها مع الوقت بيكون ليها تاثير عظيم علي جسمك اللي بيحوشلك

#اخصائي_تغذية
#تغذية
#نصيحة

04/09/2025

🚩 لو دائما حاسس بتعب وارهاق ⬅️ ركز ف اكلك علي الكبده والسمك وصفار البيض والفول والحمص والترمس والسبانخ والجرجير
🚩 لو بتحس ب ارق ومبتعرفش تنام بليل ⬅️دخل في اكلك الافوكادو والمكسرات والشيكولاته الدارك وبذور الشيا وبذور الكتان
🚩 لو حاسس ان بطنك علي طول منفوخه ⬅️ خدلك كوبايه زنجبيل
🚩 لو بتعمل دايت ومبتخسش ⬅️اقعد كل يوم حتى لو 10 دقايق في الشمس

#اخصائي_تغذية
#تغذية
#نصيحة

🚩 5 اعراض لو لاقيتهم يبقى عندك نقص في الحديد 1. بتحس بدوخه اما تقف 2. وشك دبلان وحاسس انه مفيهوش دمويه 3. صداع ماسكك طول...
01/09/2025

🚩 5 اعراض لو لاقيتهم يبقى عندك نقص في الحديد
1. بتحس بدوخه اما تقف
2. وشك دبلان وحاسس انه مفيهوش دمويه
3. صداع ماسكك طول اليوم
4. دايما تعبان ومرهق
5. ساعات بتحس انك عايز تقرقش ثلج
اعمل اي ؟
اهتم ياعزيزي الهيلثاوي بالكبده واللحمه والسمك وصفار البيض والحمص والترمس والفول والسبانخ والجرجير في اكلك
❗️وبطل تشرب شاي او قهوه بعد الاكل اشربلك كوبايه ليمون تروق عليك احسن 💚💪🏼

#اخصائي_تغذية
#تغذية
#نصيحة

31/08/2025

🚩 5 اكلات متاكلش منهم كل يوم
1. اللحوم المصنعه ( لانشون واخواته ) ⬅️ فيهم نترات صوديوم والماده دي ليها دور في مرض السرطان
2. المقليات ⬅️ دهون مهدرجة ( يا اهلا ب مشاكل القلب والشرايين)
3. التونه ⬅️ فيها زئبق ( بياثر علي جهازك العصبي )
4. الجبن الصفراء زي الرومي وغيره ⬅️ مليانين دهون ضاره واملاح
5. المعجنات ⬅️ سعرات عاليه تساعد جسمك يخزن دهون
؟؟
#اخصائي_تغذية
#تغذية
#نصيحة

30/08/2025

مساء الخير يا صديقي الهلثاوي 💚
لو همك الأول والاخير ان ميزانك يقل سهله اوي وبـ 3 حاجات بس
1. اعمل عجز سعرات كبير
2. ركز علي تمارين الكارديو وسيبك من المقاومه خالص
3. اقطع كربوهيدرات وسيرتها
❗️ميزانك هينزل لسابع ارض يا معلم بس عارف ؟ شكل جسمك هيبقى وحش بردو
مفاجأة مش كده ؟طب ليه
عشان اللي هتنزله دا هيبقى عضلات وماء مش دهون يعزيزي وهترجع تزيد الضعف عشان الاسلوب دا مش هتقدر تستمر عليه طول حياتك
فسيبك من الميزان بقي وقلل سعراتك بنسبه معقوله واهتم بتمارين المقاومه مع الكارديو وركز ف اكلك ع البروتين وخد كرب معقد ومبروك عليك احلى فورمه 💚
؟؟ 💚
#نصيحة
#تغذية
#اخصائي_تغذية

عزيزي الهيلثاوي 🚩طول عمرك بتسمع ناس بتحذرك من القهوه علي ريق النوم بس عمرك ما عرفت ليه صح ؟ تعالي وانا اقولك ‎ا1. القهوه...
24/08/2025

عزيزي الهيلثاوي
🚩طول عمرك بتسمع ناس بتحذرك من القهوه علي ريق النوم بس عمرك ما عرفت ليه صح ؟ تعالي وانا اقولك
‎ا1. القهوه علي الريق بترفع هرمون الكورتيزول اللي بيخليك متوتر طول اليوم وجسمك يبقى عنده قابليه اكتر يخزن دهون في منطقه البطن ( القهوه مطلعتش صديقك الوفي ولا حاجه دي بتساهم في الكرش اللي معكنن عليك حياتك🙈 )
2. بتأثر علي حمض المعده وانت يعزيزي معدتك مش ناقصه.
3. بترفع هرمون الانسولين في الدم خصوصا لو بتشربها بسكر ودا بيخليك جعان طول اليوم ونفسك في حاجه مسكره وتبوظ معاك اليوم.
بلاش قهوه كل يوم علي الريق اشربها في نص اليوم 😉💚
؟؟
#تغذية
#نصيحة

بمناسبه ان النهارده 8/8 ودا يوم مميز عندي وببقى مبسوطه فيه فحبيت اعملكم اوفر بسيط افرحكم معايا 💚 قررت اني هختار 10 حالات...
07/08/2025

بمناسبه ان النهارده 8/8
ودا يوم مميز عندي وببقى مبسوطه فيه فحبيت اعملكم اوفر بسيط افرحكم معايا 💚
قررت اني هختار 10 حالات يتابعوا معايا لمده شهر مجانا لكن بشروط
1.هختار ( 5 نحافه - 5 سمنه ) ايا كان اعمارهم ) اطفال او بالغين ) عشان منزعلش حد مننا 😂💚
2. في مبلغ رمزي هيتدفع في بدايه متابعتنا عشان اضمن جديه التعامل بيننا ( 100 جنيه )
3. شرط الالتزام بالتعليمات والنظام اللي هنتفق عليه انا مش معايا تيم وهتابع مع كل Case بنفسي = مفيش وقت اضيعه لو حضرتك مش هتاخد الموضوع جد وعندك هدف عايز فعلا توصله سيب الفرصه دي لحد محتاجها فضلاً 💚
4. لو شايف ان الشروط مناسبه معاك سيب كومنت علي البوست دا بكلمه سمنه او نحافه حسب حالتك لاني هختار الاشخاص من الكومنتات بإذن الله 💚
يعم جرب انت خسران حاجه ؟

‼️نام ومصحيش؟؟؟؟؟في حاجه بقت اساسيه في مطابخنا اسمها دهون محوله وكلنا عندنا خلفيه انها غلط بس منعرفش ليه غلطاول حاجه هي ...
29/07/2025

‼️نام ومصحيش؟؟؟؟؟

في حاجه بقت اساسيه في مطابخنا اسمها دهون محوله وكلنا عندنا خلفيه انها غلط بس منعرفش ليه غلط
اول حاجه هي اي الدهون المحوله اصلا ؟
شوف ياغالي الدهون المحوله دي عباره عن زيت نباتي وبيضافله هيدروجين
طب ما زيت اهو وخفيف ومفيد اومال ظلمينه ليه ؟
في الحقيقه الخطر كله ف الهيدروجين اللي بمجرد ما بيتحط بيغير تركيب الزيت وخواصه ودا اللي بيخلي الدهون دي بمثابه سم حرفيا بيدخل الجسم
تعالي اقولك ليه
اول حاجه الدهون المحوله بتعملها انها بتزود LDL او الكوليسترول الضار وخصوصا الجزيئات الصغيره منها اللي بتدمر الشرايين
مش كفايه بجاحه بقى يا دهون يا محوله ؟ لا بتروح تقلل ال HDL ( الكوليسترول النافع ) كمان
ودا بيخلي الجسم اكثر عرضه لامراض الاوعيه الدمويه و النوبات القلبيه و((السكتات الدماغيه))
عرفنا ليه بنصحى الصبح نلاقي عم حسنين جارنا نام كويس بس جتله سكته دماغيه مصحيش تاني؟
طيب بس كده ؟ لا
الدهون المحوله دي اما بتدخل الجسم مبيتعرفش عليها انها دهون بالتالي مش بيكسرها زي الدهون فبتتخرن ف الجسم بصورتها دي خصوصا ف منطقه البطن ف حضرتك يبقى عندك كرش كبير وزياده ف الوزن
واحده واحده يقلب معاك ب مقاومه انسولين هوب دخلنا ف سكر نوع تاني
الدهون دي كمان بتسبب inflammation او التهاب
وبالتالي تاثر ع القولون والجلد والمفاصل
وكمان بتعمل ضعف تركيز
الحقينا بقى بتبقى موجوده فين دي ؟
-سمن نباتي
-مارجرين
-اغذيه مصنعه
-حلويات السوبر ماركت ( شيبسيهات وبسكويتات وكيكات - الخ)
-مخبوزات الشارع
-مقليات المطاعم
الاسماء المعروفه بيها ( دهون محوله - زيوت مهدرجه جزئيا - زيوت معالجه )
بعد كل اللي عرفته عنها دا قولي سبب واحد يخليك تاكل السم المزين دا ؟


#صحة
#تغذية

Address

Cairo

Website

Alerts

Be the first to know and let us send you an email when Dr/Nada Abo ElNasr - أخصائيه تغذيه علاجيه وعلاج السمنه والنحافه posts news and promotions. Your email address will not be used for any other purpose, and you can unsubscribe at any time.

Shortcuts

Share

Category