06/03/2026
محدش بيتكلم عن الام اللي سهرانه طول الليل بتنيم في البيبي بس كله هيتكلم عن الام اللي صحيت متاخر .. محدش هيتكلم عن تعب الرضاعه الطبيعيه وإنها بتحرق ٥٠٠ كالوري في اليوم كانك طلعتي السلم ونزلتيه لمده ساعه .. بس كله هيتكلم انك قاعده بترضعي وأنتي ماسكه الموبايل .. محدش هيتكلم عن الام الي ماشيه تنضف البيت طول الوقت والعيال بيبهدلوه لكن كله هيتكلم عن الام اللي بيتها مش نضيف … محدش هيتكلم عن قله النوم و إزاي هي بتأثر علي الجهاز العصبي و بتقلل الحرق لكن كله هيتكلم عن أننا امهات عصبيين ..
محدش هيتكلم عن الام اللي شايله ابنها اللي بيزن على دراعها وهي بتعمل الأكل لكن كله هيتكم أن الاكل اتلسع او ناقصه شويه ملح او مش عامله الاكل اللي عاوزينه
محدش هيتكلم عن تعب الأم وهي بتشتغل وشايله ابنها لكن كله هيتكلم عن تقصيرها في بيتها
ناس قليله اوي اللي عندها الوعي بتعب الام وكل اللي بتعمله وبتقدره وناس للأسف كتير اوي شايفين ان الام إنها قاعده مبتعملش حاجه وقاعدين ينتقدوا فيها
فيه وجع محدش يحس بيه غير الأم بين تعب وسهر و شقا وشغل و رعاية طفل
ربنا يقوي كل أم بتعمل المستحيل عشان ولادها، ويجازيها كل خير على تعبها وصبرها."
