30/04/2025
في ناس فاكرة إن اللي بيروح للدكتور النفسي ضعيف…
بس الحقيقة؟
اللي بيروح هناك… بيكون اتوجع قوي ناس شايلة جواها وجع من سنين…قلوب اتكسرت… ودموع اتخبّت ورا ضحكة مجاملة…عقول تعبت من كتر التفكير والصراعات…ناس اتخذلت، واتخانوا، واتسندوا على ناس خابت فيهم.
هما مش مرضى… هما ضحايا!
ضحايا ظروف، وناس، ومواقف…ناس كانت بتصرخ جواها بصمت، وبتحاول تكمل عادي.
العيادة النفسية مش عيب، ولا ضعف…
دي حضن أمان للي تعب من جوّه ومش لاقي مين يسمعه.
ما تستحيش تقول "أنا تعبان"…
ما تتكسفش تطلب مساعدة…
الاعتراف بوجعك مش ضعف…ده أول خطوة حقيقية علشان تطبّب روحك.
إوعى تفتكر إنك لوحدك…
إحنا كتير… وبنحس بيك… وبنعدّي بنفس الوجع.
وخلي بالك:
أقوى الناس… هما اللي قرروا ينقذوا نفسهم، قبل ما يغرقوا في السكوت.
