25/12/2025
لو صحيتي لقيتي ابنك/ بنتك الحرارة عالية اوي معدية ٣٩ تعملي ايه؟؟
١- Don‘t panic الحرارة مش خطر في حد ذاتها ولا حاجة مرعبة لكن هي منبه بيقول لنا ان فيه حاجة غلط ولازم نعالجها..
٢- لو الحرارة عالية جداً معدية ٣٨.٥ نبدأ كمادات سواء فوطة قطنية مبللة او ندي الطفل دش وتكون درجة حرارة المياة دافيه.. مش ساقعة ولا متلجة!
٣- بعد ما الحرارة تبدأ تنزل وجسم الطفل يهدا ندي خافض حرارة بانتظام وطبعاً مهم جداً قياس الحرارة بترمومتر عشان نعرف نحدد اقصى درجة بتوصل لها والمعدل والفترات بين نوبات الحرارة العالية
٤- بالنسبة للخوافض مهم نعرف اننا لو هاندي كل ٤ ساعات لازم نبدل بين نوعين من الخوافض ونتأكد انهم مش نفس المادة الفعالة
ونعرف من الدكتور الجرعة المناسبة بالنسبة لوزن الطفل/ة وكمان الجرعة ال ماينفعش نتخطاها
٥- وبعد كل ده لازم نكشف عشان الفحص هو ال هايعرفنا سبب الحرارة وازاي نعالجه..
P.s. ماتنسوش طول الشتا السوايل الدافية والفواكه الغنية بفيتامين سي ومعلقة عسل ابيض كل يوم الصبح لسن بعد سنة
دمتم في أتم الصحة والعافية انتم وأحبائكم
د انجي هاني الكسان
اخصائي طب الأطفال وحديثي الولادة
عيادات كيدو كلينيك- مول دارين الحي التاسع- العبور
للتواصل: 01500722801
