أخصائي تربية خاصة واضطرابات تواصل فاطمه عادل

02/04/2026

ملخص الدراسه بيقول ايه👀⁉️

استخدام الأدوية النفسية مع الأشخاص ذوى اضطرابات النمو العصبي ذي #التوحد #الاعاقات الذهنية وفرط الحركه

مع غياااااااااب الاضطراب النفسي (يعني العيال دى مش مضطربة نفسيا 👀🤷🏻‍♀️)
علشان ندلهم أدويه نفسيه ومضادات اكتئاب وذهان

في فرق بين اضطرابات النمو العصبي ... والاضطرابات النفسية 🤷🏻‍♀️

فاهمين الفرق ولا لا ⁉️⁉️

المهم أن الدراسة بتقول أن الإفراط في المهدئاااااات يعتبر ممارسات غير أخلاقية تنتهك حقوق الإنسان ذوى الاحتياجات الخاصه.....

طيب ده بيقولك في حالة الإفراط ⁉️

ما احنا بسم الله ماشاء الله المهدئات مبتجبش نتيجه فبنزود الجرعات ونزود ونزود

طيب ليه بتنتهك حقوق الإنسان لانها بتؤثر على جودة حياة الإنسان

وأكد المجالات اللى بتتأثر بتأثير المهدأ الصحه والعمل والتعليم والتأهيل والاندماج والتفاعل الاجتماعي المستوى المعيشي .. الترفيه وأوقات الفراغ

اللي مش فاهم بالبلدى كده
أى طفل بياخد مهدأ مع الوقت بيكون عايش ومش عايش
هو مش هنا حرفيا ... مكتئب مش معانا ... مش عايز يشوف ناس ... تايه... مش قادر يتفاعل اجتماعيا ... مش قادر يلعب ويستمتع زى صحابه .... عنده مشكله في المهارات المسؤوله عن التحصيل والتعلم والعمل في جماعه

ولما بنتكلم عن التأهيل احنا بنتكلم عن حقوق انسان في الحياه .... مش نسكت انسان ونثبط عقله

احنا للاسف لسه معندناش ثقافة مستوى معيشي آدمي مناسب لطبيعه الإنسان
Adequate living standard

أهم حاجه عندنا نلم المشكله.... انما حياة الشخص ذوى الاحتياجات .... هو كده كده مش هيعرف يعيش حياته (ده المفهوم اللى بيتعامل بيه الكثير للاسف)

طفحوا العيال مهدئات وانهوا على حياتهم

احنا لسه متكلمناش على الاطفال والتشخيصات الخطأ
والعيال اللى متشخصه توحد وفرط حركه وهما أصلا مش كده

دول نتاج بيئه غير مناسبة

والعيال اللى اتأهلت غلط فبقي عندها قصور عقلي ومتشخصه توحد غلط

وكل دول بياخدوا مهدئات

وفي أطفال حالتها كانت كويسه وتدهورت بعد المهدأ

02/04/2026

حسبنا الله عليه توكلنا وإليه انبنا وهو رب العرش العظيم
حسبنا الله سيؤتينا الله من فضله إنا إلى الله راغبون 🤍🙏🏻

01/04/2026

ام ابنها اتشخص توحد " انا معنديش مشكله امشي معاه حتي لو الموضوع هيطول ... انا بس عايزه اعرف انا ماشيه صح"

احنا ازاي وصلنا لكده 👀‼️
في حالة بتدخل فيها الام لما بتعرف ان ابنها عنده مشكله اضطراب اعاقه اسمها #انكار

احنا عدينا المرحله دي للاسف

31/03/2026

يبقي ربنا مدينا عيال زي الفل درجة ذكاءهم عاليه فوق العادي
(فوق المتوسط درجة ذكاءهم فوق ١٢٠ )

فنضايق من شقاوتهم ورغيهم ونشاطهم الزياده

ومش عارفين نتعامل معاهم

بص يابني عيب يابني ميصحش يابني

منفعش بالمحايله والمسايسه والضرب

نقوم نوديه للدكتور يكتبله علي حاجه تهديه شويه علشان نرتاح منه شويه

متخيل 👀‼️

الموضوع عامل زي كأنك معاك مرسيديس ومش عارف تتعامل معاها فروحت بدلتها ب ١٢٨

بطلوا تدوا للعيال مهدءاااااااااااات 😡😠

31/03/2026

ياروحي علي الضحكه 🥰

متخيلين كم السعاده والحب ....

الفكره مش في الصحه والمرض لا

الفكره في تقبل الاختلاف

وان اختلافك ده مش معناه انك مش طبيعي او انك متقدرش تمارس حياتك

وما يدريك لعله يزكى ❤️

الاختلاف مش عائق.... الاعاقه الحقيقية لو احنا مش عارفين نتعامل ... مش عارفين نتواصل... مش عارفين نعيش حياتنا ونديهم مساحه حقيقية يستمتعوا ويعيشوا ... مش عارفين نسهل عليهم حقوقهم

31/03/2026

تفتكروا ليه 👀⁉️

علي Life learning academy انهارده الساعه ٥

30/03/2026

يؤمن الإنسان أنه يستطيع التحليق عندما يجاور من يصنع له جناحين 🩷🪽

30/03/2026

جو هايل للاجازات والانتخه والدنيا بتقفل الساعه ٩

فاكرين #كورونا 👀⁉️

فاكرين حصل ايه في العيال بعد كروونا

العيال اتأخرت في الكلام

في أطفال مدخلتش مدرسه بسبب التأخر في الكلام

الاطفال اللي مراحتش مدرسه وقت كورونا عندهم مشكلات دراسيه وتأخر دراسي ومشكلات أكاديميه هتأثر علي مستقبلهم

في أطفال ظهر عليها اعراض لاضطرابات زي فرط الحركه ... والاضطرابات السلوكيه ... وسمات توحد

مشكلات في التواصل والمهارات المعرفيه والادراكيه والاجتماعيه

البوست ده بفكر بيه الامهات

علشان محدش هيجري معاكي بابنك لو اتأخر في الكلام

محدش هيحاول يحل مشكلة ابنك الدراسيه لو قعد في البيت ومتقدملوش الخدمات التعليميه

بل بالعكس هيظهر لوم وعتاب من المجتمع والاهل والصحاب قد ايه انتي قصرتي معاه

متحبسوش العيال

ودوهم الحضانه والمدرسه

ولو مافيش مدرسه شوفوا طرق تانيه تعلمهم بيها كورسات بقي دروس

الطفل لو اتأخر في الكلام بسرعه شوفي حل للمشكله

الطفل لو ضعيف دراسيا متستنيش المشكله تكبر

30/03/2026

تم التعديل 🌸

امتى نقرر ناخد خطوة المدرسة بالنسبة للطفل المتأخر لغويا أو التوحدى⁉️

📌 لما الطفل يبدأ يرد عليا حتى لو بكلمه

ده معناها أنه بدأ يتواصل معايا

❌❌❌❌❌❌❌❌❌❌❌❌❌❌❌❌
لو بيقول جمله وبيغني وحافظ الحروف والارقام

ومش بيرد على السؤال للاسف مش هيكون لسه مش مستعد ❌❌❌❌❌❌❌❌❌❌❌❌❌❌

توظيف اللغه ( استخدام اللغه )

هيساعده يتواصل يندمج

يعبر عن احتياجاتهم ويتم تلبيتها أو على الأقل فهم احتياجات الطفل .....
هل المدرسه هتفيده وتساعده فعلا ولا هتأخره ⁉️

المدرسه ليها مميزات كتير جدا 👌🏻

هتساعده في التواصل والاندماج مع اللى حواليه

هتساعده في زياده الحصيلة اللغويه واستخدمها وتوظيفها

وده هيحصل من خلال
التفاعل الاجتماعي واحتياجه للتواصل مع المجتمع المدرسي

كل الاطفال اللى راحوا المدرسة بالرغم كل التحديات اللى قبلناها...الا انها ساعدت جدا على تحسين مهاراتهم الاجتماعيه واللغويه
.............
إزاى بنرتب لخطوة المدرسة وتستعد ليها⁉️

دى بقي محتاجه بوست لوحده

29/03/2026

✨ معاذ في ورطة ⁉️

تفتكروا ليه؟ 🌝

📌 معاذ عنده مشكلة كبيرة…
محتاجة وقت علشان تتحل

لكن المشكلة إن:
🔹 بيزهق بسرعة
🔹 تركيزه بيفصل بسرعة
🔹 بيمل جدًا جدًا
🔹 وعمره ما كمل مهمة للآخر

وده من سمات طفل اضطراب تشتت الانتباه وفرط الحركة

⸻

😵‍💫 طيب معاذ بيعمل إيه علشان يهرب؟

❌ “لا مش عارف”
❌ “دي كبيرة!”
❌ “تعالي ساعديني”
❌ “حاولت ومعرفتش”
❌ “دماغي صدعت”
❌ “دي صعبة”

وممكن كمان:
🔸 يتعصب
🔸 يعيط
🔸 أو يهرب أول ما اللي قدامه ينشغل

⸻

💡 طيب إحنا بنعمل إيه؟

✔️ نشجعه: “يلا شاطر 👏”
✔️ نطمنه: “كده كده هنعملها سوا”
✔️ نفهمه: “إنت محتاج تركز بس… عقلك بيضحك عليك”
✔️ نقسم المهمة لخطوات صغيرة
✔️ نشجعه بعد كل خطوة ينجزها
✔️ نفكره إنه قدر يعمل قبل كده، ويقدر يكمل

🚫 والأهم:
مش بنسيب المهمة… ومش بنمشي غير لما نخلصها

⸻

🌟 طيب لما معاذ يخلص المهمة… هيحس بإيه؟

ده اللي هنقوله البوست الجاي

تابعونا 🩷

#العنوان 🏠
٥ش عبد اللطيف عبد الفتاح سهل حمزه بين الهرم وفيصل

للحجز والاستعلام📞
01030360536
01150834983

#تعلم #تعليم #مدرسه #أكاديمي #قراءه #كتابه #حساب #رياضه






‏
‏
‏
‏
‏
‏
‏
‏

‏
‏
‏
‏
‏

29/03/2026

طفل اندفاعي ❗
قراراته دايمًا غلط 😟
متسرع… ومش بيعرف يفكر قبل ما يتصرف

فتبدأ ماما تشتكي:
“ابني مش بيفكر!”
“دايمًا قراراته غلط!”
“مش بيسمع الكلام!”

⚠️ الحقيقة؟
المشكلة مش في إنه “مش بيسمع”
المشكلة إنه مش بيعرف إزاي يفكر بشكل منظم

⸻

💡 الحل مش في الكلام… الحل في التدريب

مهما قلنا له:
“فكر قبل ما تعمل”
“اهدى”
“خد بالك”

❌ مش هيستجيب
لأنه ببساطة مش عارف يعمل ده إزاي

⸻

🎯 طيب نعمل إيه؟

نحوّل التعلم لـ لعبة 🎲 + تجربة ممتعة

مش ندي أوامر…
لكن نخليه يجرب ويفهم بنفسه

الفيديو كامل علي Life learning academy الساعه ٥م

#العنوان 🏠
٥ش عبد اللطيف عبد الفتاح سهل حمزه بين الهرم وفيصل

للحجز والاستعلام📞
01030360536
01150834983

#تعلم #تعليم #مدرسه #أكاديمي #قراءه #كتابه #حساب #رياضه

28/03/2026

بكره الصبح 😅😅

يوم الحد الصبح والعيال جايه نايمه ومش عايزه تشتغل 😂😂🥹