Dr. Ali khozamy دكتور علي حسين خزامي

22/04/2026

التواء الكاحل إمتى يكون حاجة بسيطة وامتى لازم ننتبه منعا لحدوث مضاعفات خطيرة

17/04/2026

مش قادر تفرد ضهرك بشكل مستقيم ؟
ولما بتميل لقدام شوية بترتاح ؟

التشخيص ممكن يبقى حاجة بسيطة زي خشونة فى المفاصل الخلفية للفقرات وممكن يكون حاجة محتاجة اهتمام أكبر زي ضيق في القناة العصبية أو تزحزح في الفقرات لابد من فحص طبي دقيق لتحديد السبب والعلاج المناسب

10/04/2026

إيه العلاقة بين الكواكب وجسم الإنسان؟

كل حاجة في الكون في حالة حركة مستمرة ، الكواكب بتلف حوالين نفسها وبتلف حوالين الشمس، والمجرات بتتحرك بلا توقف..لو الحركة دي وقفت الكون هينتهي.. نفس الشيء فى جسمنا، ربنا خلق جسم الإنسان في حالة حركة مستمرة ماينفعش مثلا القلب يتوقف عن الحركة كذلك العضلات والمفاصل لو ماتحركتش لفترة طويلة العضلات بيحصل فيها ضمور والمفاصل بيحصل فيها تيبس ويحصل خلل كبير وضعف في الجسم..عشان كده لازم نخلي الحركة يوميا جزء أساسي في حياتنا عشان نحمي جسمنا ونبقى في أفضل حال.

05/04/2026

ايه علاقة الحالة النفسية بآلام العظام والمفاصل ؟

بالدراسات العلمية الموثقة اكتشفوا ان الاكتئاب أو الضغط
النفسي بيقلل كثافة العظام يعني بيسبب هشاشة عظام وكمان في حاجة اسمها الاضطراب الجسدي العصبي (psychosomatic disorder)
بيكون فيها المريض لو اتخبط خبطة بسيطة بتسبب ألم شديد مش متناسب مع الخبطة البسيطة دي ودايما بيعاني من آلام في الظهر والمفاصل
وتشخيص الحالات دي بيحتاج مهارة من الطبيب لاستبعاد اي سبب جسدي .
عشان كده بننصح بتجنب الضغط النفسي قدر الإمكان وخلق
وقت لنفسك للاسترخاء

#عظام

01/04/2026

هو المشي ينفع مع خشونة الركبة؟

المشي عشان ينفع مع خشونة الركبة لازم يكون على أرض
مستوية زي تراك في نادي أو مشاية كهربائية أو شارع مرصوف كويس ولازم نكون لابسين حذاء رياضي مخصص للمشي عشان يمتص الصدمات
وعلى حسب درجة الخشونة نحدد هنحتاج نلبس دعامة أثناء المشي أو لا
بالتعليمات دي المشي هيكون مفيد جدا مع خشونة الركبة.
#خشونة الركبة والمشي

26/03/2026

إيه علاقة التدخين بالإنزلاق الغضروفي ؟...

الدراسات العلمية الموثقة أثبتت ان النيكوتين الموجود في السجاير والشيشة والسجاير الإلكترونية بيحرم الغضاريف بين الفقرات من العناصر الغذائية والاكسجين وبيسبب تلف خلوي، بيخلي الغضاريف تضعف وتعجز بدري.
عشان كده بننصح المرضى المدخنين اللي عندهم آلام في الظهر أو مشاكل العمود الفقري بالإقلاع عن التدخين وكمان بننصح غير المدخنين بتجنب التدخين السلبي للحفاظ على صحة العمود الفقري.
#التدخين والام العمود الفقري

23/03/2026

#عرق النسا

عرق النسا أو التهاب العصب الوركي(sciatica)مش لازم يكون بسبب انزلاق غضروفي
ممكن السبب يكون متلازمة العضلة الكمثرية piriformis syndrome أو ضعف في عضلات الضهر والعلاج بسيط بعد التشخيص الدقيق ....
أهم حاجة في العلاج تجنب الأوضاع الخاطئة بالضهر

23/03/2026

ألم الضهر في الأطفال الرياضيين
#ألم الظهر في الأطفال

18/03/2026

14/03/2026

طفل حديث الولاده فجأة ظهر تحت جلدة كتلة ناشفة
#حديث الولاده @ @

06/03/2026

طفلة عشر سنوات عندها ألم في الضهر رغم أنها بتلعب رياضة # ألم الضهر في الاطفال