عيادة الأطفال بكودية الإسلام

08/01/2023

طالع سلم العياده لقيت ام شايله طفله ونازلة تجري وتعيط
ومعاها اكتر من ٥ أشخاص

ثانية واحده يا ماما انا دكتور حسن : شيلت الغطا من علي الطفلة لقيت طفلة بتتشنج
ارجعي يا ماما بسرعة
طلعنا العياده وتم إنهاء التشنجات بعد جرعتين من النيوريل المضاد للتشنجات

وبقي السؤال المهم ايه سبب التشنجات
عمر الطفله ٥ شهور وهذا ليس عمر التشنجات الحراريه
بفحص الطفله تم استبعاد الالتهاب السحائي
وليس هناك اي أثر لسقوط أو اشتباه نزيف بالمخ
بالسؤال والتقصي تبين أن الطفله كان سليمه وفايقه قبل حدوث التشنجات اللهم إلا كحه بسيطه وشوية رشح

جاء السؤال
طيب اخدت اي أدوية
اه يا دكتور بس مش معانا
لا روحو هاتوا العلاج لان ممكن يكون ده سبب التشنجات
وهنا جاءت الإجابة علي كل الأسئلة مباشره

يا دكتور اكيد لان بنت عمها نفس الحاله بتتشنج وراحو بها المستشفي وهم الاتنين كانو بياخدو نفس العلاج
احنا هانكلمهم يجيبو بنت عمها ونجيب العلاج ونيجي

وهنا ظهر المتهم والسبب في التشنجات
ميكوفيللين احد مشتقات ثيوفيللين
كانو بياخدو ٣ سم كل ٨ ساعات وهما عمرهم ٥ شهور ودي جرعة كبيره في السن ده
اللي ذيه في الصيدليه ابيكوفيللين و نيوفيللين

بعيدا عن ان مشتقات الثيوفيللين اصلا ممكن تسبب آثار جانبيه حتي بجرعات صغيره
واحد اهم آثاره الجانبيه سرعة ضربات القلب
وكمان البكاء المبالغ فيه
فالدواء ده مالوش اي لازمه في حالات الكحه عموما

الشاهد من القصه
العلاج كان موصوف للأطفال في صيدلية
والعلاج كان حقن مضاد حيوي
ميكوفيللين
فنستيل
سيتال
ولايس
وطبعا ده بصراحه جرأة وجمدان قلب
كان كفايه لايس وسيتال انما باقي العلاج ده مش مسموح لك تصرفه خصوصا في الاطفال

طبعا الحمد لله الطفلتين خرجو كويسين وسط فرحة الاهل
فايقين بدون تشنجات ولا مشكلة في الوعي ولا ضربات القلب

13/11/2022

مش معقولة كل يومين يجيلنا طفل جاله فشل كلوي
ركزوا معاية فى المعلومة الخطيرة جدا 💣
👈لو طفلك جاته حراره والطبيب كتبله بروفين..🔔حذارى حذارى حذارى🔔 تعطيه مع البروفين لبوس دولفين ..؟
⏪لإن الاتنين بيطلعوا من الجسم عن طريق الكلية..والاتنين أصلا من الحاجات القوية على الكلية..ومن المحتمل يحصل فشل كلوى مثال لحالات واجد انتشرت في الفتره هذي

🔴طيب يادكتور لو أعطيت طفلي البروفين كل ست ساعات عادى ورجعت الحراره ما بينهم ؟
⏪تعطيه لبوس ادول.. أو أي دواء المادة الفعاة باراستامول بين جرعات البروفين ..عند اللزوم..
⏪وعلى فكرة ..الكمادات مهمة جدا جدا جدا ..لا تهملوها..

🌹ودمتم وأطفالكم بخير 😊🌹
عالم الادويه ⚘⚘🌹🌹

04/08/2022

احفظ معايا قواعد مفيش الذهبية :

👈مفيش تاخر تسنين طالما معداش سنة وشهر.

👈مفيش تاخر مشي طالما معداش سنة ونص.

👈مفيش تأخر كلام طالما معداش سنتين ونص... بس خد بالك يبقى متاخر لو ٤ شهور مبيلاغيش و لو سنه ومبيقولش كلمة.

👈مفيش طفل طبيعي يعد ٣ اربع شهور من غير ما يتتبع الاشياء المتحركة امامه بعنيه.

👈مفيش كالسيوم الا بعد الفحص و التحاليل.

👈مفيش تحليل هرمون النمو بدون تحفيز بكلوندين او انسولين في مكان متخصص.

👈مفيش حاجة اسمها هيموجلوبين من غير صورة دم كاملة ..عشان نعرف نوع الانيميا وندور على سبب.

👈مفيش حاجة اسمها صفرا في اول يوم ويروح البيت... هتدمرو مخ العيل.

👈مفيش تأخر بلوغ قبل ١٢ سنة في البنات و ١٤ سنة في الولاد.

👈مش كل عيل متأخر في المشي يبقى لين عظام في ضمور عضلات و وهن عضلات و امراض ف العظام زي التقزم Achondroplasia و العظم الزجاجي osteogenesis imperfecta.

👈مفيش علاج فرط حركة الا بعد ٥ سنين .. الا في حالات خاصة جدا

👈مفيش علاج تبول لا ارادي قبل ٥ سنوات.

👈مفيش طفل بيتعود على البخاخات و لا جلسات البخار.

👈مفيش مهدئات سعال زي سيلجون تحت 6 سنوات .

🤚🤚ولو ابنك بيتعالج عند باطني اطفال حميات يبقى مفيش فايدة 😎😂😂

🌺دكتور /أحمد رمضان السيد🌺
📍مدرس طب الأطفال وحديثي الولادة (م) بكلية الطب ومستشفى الحسين الجامعي بالقاهرة.
🌠د.دكتوراة طب الأطفال وحديثي الولادة.
⭐ عضو الجمعية المصرية لطب الأطفال حديثي الولادة.

👇الشرقية .. منيا القمح .. شارع سعد زغلول اعلى ستوديو مسيو جو .. امام فيلا بازادا.

01/08/2022

كبرنا على ان اي عيل عنده اسهال اجري هاتله فلاجيل وامريزول من الصيدلية ... مصيبة كبرى وكاااارثة بكل المقاييس ❌☠️

👋لكن في الحقيقة بحثت كثيرا ولم اجد مبررا لهذه الجريمة‼️
ممكن اكون ببالغ وانا بقول جريمة لكن في الحقيقة كثير من الادوية التي تعطى للاطفال تعد جريمة غير متعمدة بسبب الممارسات الخاطئة والجهل الطبي .
📋 مفيش حاجة اسمها اي نزلة معوية ناخد فلاجيل او امريزول دول مضادات حيوية ضد البكتريا الاهوائية و الاميبا .
📋كيف أضعنا قيمة مضاد حيوي يستخدم بعد العمليات الكبرى بالجهاز الهضمي وضد البكتريا اللاهوائية وجرثومة المعدة اللي معدتش بتستجيب له بسهولة بسبب هذا العبث‼️❕

👋👋استخدام الامريزول في الاطفال للنزلات المعوية:
❌ يضر ولا ينفع في اغلب الحالات . ❌كمان بيموت البكتريا النافعة . ❌كمان دراسات حديثة وجدت ارتباط مع الاورام وانه بيزود فرص حدوث السرطانات. وده لينك من على pubmed يؤكد كلامي
https://pubmed.ncbi.nlm.nih.gov/29595104/

👋👋بل والادهى من ذلك استخدامهم في علاج تكيسات الاميبا والتي أأكد بناء على اقوى مراجع طبية في علاج العدوى في الاطفال لا فائدة منه في علاجها .... واسمع ان البعض يعطيهم 10 ايام كل شهر لمدة 3 شهور لتنظيف بطن الطفل ❕ ‼️ ايه الاجرام ده ‼️⁉️

👋كفاية ادوية ملهاش لازمة في النزلات المعوية.

👋كفاية هبد وتجربة في الاطفال.

👋مفيش أغلى من صحة أطفالك .. عالجهم صح. ✅

دكتور أحمد رمضان السيد
📍أخصائي و مدرس مساعد طب الأطفال وحديثي الولادة بمستشفيات جامعة الأزهر.

31/07/2022

02/04/2022

🍼رضعة الأعشاب 🍼

❌ اعطاء رضعة اعشاب للطفل بعد الولاده مباشرة وخلال اول 4 شهور من عمر الطفل ❌

◀ رضعة الاعشاب حبيبة الملايين والجدات بالذات 😄
الدعوة الدائمة بتاعة يلا ندي الطفل رضعة اعشاب تهدي الطفل وتملي معدته وينام وياسلاااااااام اما حد يحب يحط التاتش بتاعه ويحط عالاعشاب سكر او عسل 😏

كاااارثة

⬅أول اربع شهور من عمر الطفل ممنووووووع اي رضعات اعشاب نهائيا لا يانسون ولا كراوية ولا اي اعشاب طبيعية ولا من الصيدليه
♳ اولا
معده البيبي مجهزة و مهيئه للحليب الطبيعي بالاساس؛
لكن مش لهضم الاعشاب بأي نوع سواء طبيعيه او اعشاب من الصيدليه
ربنا خالق معده طفلك صغيرة وعلي قدها كميه لبن مركزه ومشبعه هاتتدخلي انتي وتدي 30 مللي اعشاب في معده قد حبه الكرز كده بنخسر اللبن الطبيعي اللي مالوش بديل والطفل طول الوقت يحس انه غير راضي وغير مكتفي بكميه لبن أمه الموجوده .

♴ ثانيا
بتقلل لبن الام
لان كل رضعه منها بتحل محل رضعتين طبيعي عالاقل ؛ البيبي معدته بتتملي بسائل مالوش لازمة فبيقلل طلب رضاعة من ث*ي الأم
تقليل طلب الرضاعة من الث*ي ⬅ اللبن يتخزن في ث*ي الأم⬅ المخ توصله اشارات ان اللبن كتير عن حاجه البيبي ومش بيتسحب كفايه ومتراكم في ث*ي الام ⬅ انتاج اللبن يقل 😓

♵ ثالثا
غير مفيده عالاطلاق ولا بتشبع ولا بتزود في الوزن والنتيجه خسسان البيبي او ثبات وزنه وتدي للبيبي احساس مزيف بملئ المعده لكن هو مش شبعان وسرعان مابتنزل في الحمام وتروحي تكشفي وتوزني طفلك يتقالك ايه ده خاسس او وزنه ثابت لبنك مش مشبعه ندخل صناعي 😑.

♶ رابعا
التباس الحلمات والابتعاد عن ث*ي الام 🍼🍼😓
لان الرضاعه من الببرونه اسهل و السائل بينزل اسرع واكتر
فالبيبي مع الوقت بيستسهلها ويحس ان الرضاعه من ث*ي الام مرهقة بالنسبه له ومجهود فيبدأ يرفض ث*ي الام ويبعد عنه .

♷ خامس
التاتش بتاعة وضع سكر او عسل عالاعشاب اولا غلط وممنوع منعا باتا لان الاتنين دول ممنوعين قبل سنة اصلا
وهايزودوا المغص
والابشع الطفل هايبدأ يرفض لبن الام لاحساسه انه مش حلو ومش مسكر زي الاعشاب
هايرفض الث*ي ⬅ اللبن هايتخزن ويتراكم ⬅ انتاج اللبن هايقل ⬅ الطفل هايخس او وزنه يثبت⬅ الكل هاينصح الأم تدخل صناعي .

كل حاجة بتؤدي لنفس النتيجة المأساوية

لو بتستخدمي او ناويه تستخدمي الاعشاب بأي نوع سواء من الصيدليه او اعشاب طبيعيه
اطردي الفكرة دي من ذهنك ووقفي اي استخدام لاي اعشاب والببرونه فوراااا

✔الأم بترضع أول اربع شهور بالطلب رضاعة طبيعية مطلقة بدوووون حتي ادخال الماء ؛ لبنك في كل احتياجات طفلك.

🌟 الغازات والمغص والانتفاخات طبيعية اول 100 يوم تقريبا من عمر الطفل عزيزاتي الامهات

◀ حلها الاتي :

🎀 أولا الرضاعة بوضعية صحيحة ووقت كافي لان الرضاعة بوضع غلط يتسبب في دخول الهواء اثناء الرضاعة مع اللبن فيزيد من غازات الرضيع وكمان الرضاعة وقت قليل بتخلي الطفل يدوبك ياخد اللبن الامامي فقط اللي فيه ميه وسكر لاكتوز و مايلحقش ياخد اللبن الخلفي اللي فيه الدهون والسعرات الحرارية وده برضه هايزود الغازات .

🎀 ثانيا مساعدة الطفل علي التجشؤ بعد الرضاعة او بين الرضعات مع العلم ان الاطفال اللي بيرضعوا طبيعي التجشؤ عندهم قليل لان الوضعية الصحيحة لا تسمح بدخول هواء مع اللبن .

🎀ثالثا بنعمل تمارين الغازات اللي هيا؛
اننا ننيم البيبي علي بطنه وهو صاحي وتدلك ضهره بحركه دائريه عكس اتجاه عقارب الساعه
او
ننيمه علي ضهره ونتني رجليه ناحيه بطنه كام ثانيه ونفردها ونكرر التمرين عشان نساعده الغازات تطلع

#
القاهره.. المطريه.. محطه التعاون ٥٤تقاطع شارع الحرية مع شارع التروللى.
01050290016
Dr Alaa Elfeky pediatriacian
https://maps.app.goo.gl/wcS56Q8S1e15yNDr6