https://www.facebook.com/105933772573184/

صحة أطفالنا - د.هشام أنس, اسيوط, Dairut (2025)

17/08/2025

👶🏻👼🏻 👼🏻👶🏻

متلازمة Shaken Baby Syndrome أو متلازمة الطفل المهزوز هي إصابة دماغية خطيرة تحدث عندما يُهز الطفل (غالبًا رضيع أو صغير جدًا) بعنف، مما يؤدي إلى حركة قوية للدماغ داخل الجمجمة.

---

📌 السبب

الهز العنيف يؤدي إلى تمزق الأوعية الدموية الدقيقة داخل المخ، ونزيف دماغي، ونزيف في شبكية العين.

يحدث غالبًا عند محاولة تهدئة طفل يبكي بطريقة خاطئة،
أو في حالات إساءة معاملة الطفل : اللعب العنيف مثل رمي الطفل في الهواء أو هزه بقوة ،، أو هز الطفل بعنف في الغربال في السبوع .
---

⚠️ العمر الأكثر عرضة

الرضع أقل من سنتين (خصوصًا أقل من 6 أشهر) بسبب:

ضعف عضلات الرقبة.

كبر حجم الرأس مقارنة بالجسم.

ليونة الدماغ وحساسيته.

---

🩺 الأعراض

قد تكون حادة أو خفيفة، وتشمل:

فقدان الوعي أو الخمول الشديد.

تشنجات أو نوبات.

صعوبة في التنفس أو توقف التنفس.

تهيج شديد أو بكاء غير معتاد.

قيء متكرر بدون سبب هضمي.

ضعف في الحركة أو شلل.

· شحوب الجلد أو ازرقاقه.

توسع حدقة عين واحدة أو عدم استجابتها للضوء.

في الحالات الخفيفة: خمول ، نعاس مفرط ، فقدان شهية أو صعوبة نوم.

---

🔬 الفحوصات

أشعه مقطعيه أو رنين مغناطيسي للمخ: للكشف عن النزيف أو تورم الدماغ.

فحص قاع العين: لاكتشاف نزيف شبكية العين.

تحاليل دم: لاستبعاد أمراض أخرى.

أشعة على العظام: للكشف عن كسور مصاحبة.

---

💥 المضاعفات

إعاقات عقلية أو حركية دائمة.

صرع مزمن.

فقدان البصر أو السمع.

تأخر نمو.

الوفاة في الحالات الشديدة.

---

🛡️ الوقاية

عدم هز الطفل بشكل عنيف ، حتى إذا كان يبكي كثيرًا.
تجنب العادات الخاطئه و ذلك بتجنب هز الطفل في الغربال أثناء عمل السبوع له .

11/08/2025

🦴 من أكثر أنواع الألم حدوثاً في الأطفال والتي قد تسبب نوعاً من القلق لدي الآباء والأمهات هو ما يعرف بآلام النمو .

🦴 تحدث آلام النمو في فترة الطفولة ما قبل مرحلة الدخول للمدرسة وأثناء مرحلة الدراسة

🦴 وغالباً ما يكون أكثرها حدوثاً في الفترة ما بين العام الثالث والسادس وبين العام الثامن والثاني عشر وغالبا ما تحدث بصورة أكبر قليلاً في الإناث عن الذكور.

🦴توصف آلام النمو علي أنها إحساس بتشنج أو وخز في العضلات في المنطقة الأمامية من الفخذ وخلف الساق وخلف الركبة.
🦴يبدأ الألم غالباً بعد فترة الظهيرة وفي المساء ويكون علي أشده بالليل وقد يكون شديداً لدرجة إيقاظ الطفل من النوم.
🦴 يختفي الألم تماماً في الصباح.
🦴قد يكون الألم مصاحباً بألم في البطن أو صداع في بعض الأحيان.
🦴يحدث الألم بصورة متقطعة بين الحين والآخر ويختفي في أيام عديدة ليظهر في أيام أخري (قد يختفي الألم لأسابيع أو حتي شهور عديدة ويعاود الظهور مرة أخري).
🦴السبب الأكيد لحدوث أمراض النمو غير معروف وعلي الرغم من تسميتها بآلام النمو إلا أن النمو الطبيعي للطفل لا يسبب ألماً وفترات النمو السريع للطفل مثل بداية مرحلة البلوغ لا تكون مصحوبة بحدوث آلام.
أغلب الظن أن سبب حدوث هذه الآلام هو النشاط الحركي المتزايد للطفل أثناء النهار من اللعب والجري والقفز وهذا ما يفسر حدوثها بصورة متزايدة ليلاً عندما يخلد الطفل للراحة.
أحد التفسيرات أيضاً تقول أن لهذه الآلام علاقة بالعامل النفسي للطفل كما أن لها علاقة بمتلازمة عادة تململ الرجل والتي يكون فيها إحساس غير مريح بالوخز أو التنميل أو غيره في الساق يؤدى إلي الشعور بحاجة ملحة لتحريك الساق حركة سريعة أثناء فترات الراحة.
تشخيص آلام النمو يعتمد في الدرجة الأولي علي أخذ تاريخ مرضي مفصل وعلي الخصائص المميزة المذكورة بالأعلي والفحص السريري الذي يوضح خلو الطفل من أي علامات قد تكون دالة علي حالة مرضية أخري مثل فحص المفاصل ووجود طفح جلدي أو تضخم بالغدد الليمفاوية أو تضخم بالكبد والطحال.

🧪💉 في حالة وجود شك بالتشخيص قد يلجأ الطبيب لعمل بعض التحاليل مثل صورة الدم الكاملة و معدل سرعة الترسيب وفيتامين د وغيرها لاستبعاد أسباب أخري مثل نقص فيتامين د وسرطان الدم وغيرها علي حسب العلامات الموجودة.
آلام النمو لا تستلزم القلق نهائياً ولا تحتاج إعطاء أدوية معينة.
من المهم شرح طبيعة هذه الآلام للوالدين وللطفل نفسه والتأكيد علي الطفل بأن هذه الآلام سوف تتحسن بمرور الوقت وأنه لا علاقة لها بالنمو وأنه لا يجب عليه أن يفكر بها ولا يجب أن تعيقه عن حركته ونشاطه المعتاد أثناء النهار ولا يجب عليه أن يتوقف عن الأشياء التي يجد فيها متعته مثل الجري والقفز وغيرها من الألعاب التي يحبها الطفل.

تتحسن هذه الآلام بعمل كمادات دافئة للعضلات وعمل تدليك لها وعمل بعض تمارين الاستطالة.
في بعض الحالات المصاحبة بآلام شديدة قد نستعمل بعد الأدوية الخافضة للألم مثل الباراسيتامول.

💢💢💢💢💢💢💢💢💢💢💢💢💢💢💢💢

🦴العلامات التي يجب عندها استشارة الطبيب أو ما يعرف بالعلامات الحمراء و تشمل:
* حدوث الآلام بصورة مستمرة وعدم تحسنها في الصباح.
* وجود ضعف بالنمو أو نقص بالوزن مؤخراً.
* الآلام تكون بالمفاصل أو العظام أكثر منها بالعضلات.
* إذا كان هناك تاريخ مرضي بحدوث إصابة أو كدمه في المكان الذي يتواجد به الألم.
* وجود احمرار أو تورم مكان حدوث الآلام.
* وجود عرج وخصوصا إذا كان مصاحباً لآلام في مفصل الحوض أو الركبة وذلك لاستبعاد وجود مرض ليج كالڤيه بيرث Leg Calve Perth's disease ومرض اوسجود شلاتر Osgood Schlater's disease.
* وجود طفح جلدي.
* وجود ارتفاع بدرجة الحرارة مصاحب للآلام.
* وجود علامات معينة بالفحص السريري قد تشير لاحتمالية وجود حالة مرضية أخري مثل تضخم العقد الليمفاوية وتضخم الكبد والطحال .

24/07/2025

👩 لو سمحت يا دكتور👨🏻‍⚕️ إبنى عنده ٤ شهور أبدأ أأكله دلوقتى ولا لا⁉️

👨‍⚕️بصى يا ست الكل👀 السؤال دة من أكتر الأسئلة اللى بتتكرر كل يوم من الأمهات💬

👌وإجابتى بتكون ✅ ممكن لكن بشروط‼️

📌 القاعدة الذهبية 🥇⬅️

✅️⏱️ الأكل بيبدأ من سن ٦ شهور
☝️لكن أحياناً ممكن نبدأ بعد تمام ٤ شهور فى أى وقت مجرد ما إتحققت الشروط دى 🟰

1️⃣ الطفل وزنه كويس ومعدّله في النمو ثابت⬅️ يعنى وزن الطفل يكون ضعف وزن ولادته🟰 يعنى لو مولود ٣ كيلو يبقى ٦ كيلو أو أكتر

2️⃣ بيصلب رأسه 🟰 لو شلناه من كتفه راسه متقعش لورا و بيقدر يتحكم في رقبته ويرفع راسه كويس 👶

3️⃣ بيشابى على الأكل بيبص على الأكل ويحاول يمسكه وبيحرك بقه كويس زي ما يكون بيمضغ ويفتح بقه لما تقربي منه المعلقة🥄

4️⃣ بيبان عليه الجوع بعد الرضاعة 🤱بسرعة

5️⃣ الدكتور🧑‍⚕️ هو اللي قال نبدأ 🤔 ولما نيجى نبدأ الطفل يتقبل الأكل ميكونش بيرفضه 🟰يقدر يحرك الاكل من أول اللسان للفم ميكنش بيقع من بقه وهو بياكل👌

👩🍽️ طيب لو اتحققت الشروط دى ناكله إيه يا دكتور⁉️

🧑‍⚕️ لازم يكون الأكل⬅️
✅ سهل البلع 👅⬅️ مسلوق ومهروس ✅ ناعم جدًا 🥄✅ مفيهوش أي إضافات✅ خالي من الملح والسكر والتوابل 🚫
✅ يتقدم بالتدريج وبكميات صغيرة جدا

👩🍽 أبدأ بإية يعنى⁉️

🧑‍⚕️1️⃣ الخضار الأول

🎯 الهدف🟰 إن البيبي يتعود الأول على الطعم اللي مش مسكر👌

❣️ قدمي ليه خضار مسلوق ومهروس زي⬅️
✅️ كوسة🥒 أو جزر🥕⬅️ دول احسن نوعين ممكن نبتدى بيهم👌

✅️فيه حاجات تانية مسموحة زى البسلة 🫛والبطاطا🍠 والقرع

🤌البطاطس🥔⬅️ يفضل نضيف عليها لبن الام او اللبن الصناعى عشان الطفل ميشرقش منها ،، و الأفضل نبدأش بيها فى الأول🤔

2️⃣ الفواكة🍎 بعد الخضار🥕

🎯دة عشان الفواكة طعمها مسكر⬅️ فما تسبقش الخضار وتخلي البيبي يرفضه👌

زي⬅️
✅️ تفاح🍎 أو كمثرى🍐⬅️ نقشر القشرة الخارجية ونسلقها ونهرسها
✅️ موز ناعم 🍌نقشره ونهرسه كويس بدون سلق

3️⃣ الحبوب بعد كده⬅️
🥣 أرز أو شوفان
✅️يتخلط بلبن الرضاعة أو شوية ماية👌

🛑 ممنوع تماماً في السن ده ⬅️

❌ عسل (حتى لو طبيعي) 🍯
❌ لبن بقري أو جاموسي 🐄
❌ سكر أو ملح 🧂
❌ أي حاجة صلبة أو فيها قوام خشن
❌ منتجات مصنعة للأطفال زي البسكويت الجاهز🍪
❌ عصاير جاهزة🧃 أو مياه غازية🧋
❌ بيض🥚 أو سمك 🐟أو لبن كامل الدسم أو زبادى

💡 نصايح ذهبية 🥇 لكل أم 🟰
🔹 الأكل في السن ده تكميلي مش أساسي
🔹 الرضاعة الطبيعية أو الصناعية تفضل الأساس 🍼 (يعنى الطفل محتاج لوجبة أكل واحدة فى العمر دة بالكتير وجبتين)

🔹إبدأي بنوع واحد فقط نجربه لمدة ٣ - ٥ أيام 🕒⬅▪️️أول يوم 🟰ملعقة ▪️تانى يوم 🟰ملعقتين▪️ تالت يوم🟰 ٣ معالق ▪️رابع يوم زى ما يتقبل الطفل حد اقصى من ٣ : ٥ معالق 🥄و نراقب حدوث حساسية أو ترجيع أو إمساك أو إسهال

🔹متجربيش نوعين من الاكل مع بعض لاول مرة👌 جربى كل نوع لوحده الاول لان لو بدأنا بنوعين سوا وحصلت اى مشكلة سواء حساسية ( طفح جلدى أو حكة أو تورم بالجسم أو صعوبة بالتنفس) او اسهال مش هنبقى عارفين اللى عمل كدة انهى صنف فيهم🤔

🔹الطفل يكون قاعد أو شبه جالس وقت الأكل 🪑
🔹 إستخدمي معلقة سيليكون ناعمة مخصصة للأطفال 🥄
🔹 لو طفلك رفض الأكل⁉️ عادي جداً👶 جربي تانى بعد يومين تلاتة من غير ضغط على الطفل واعملى الاكل بطرق مختلفة لان الطفل ممكن يرفض الأكل من ٥ ل ١٠ مرات قبل ما يتقبله 🤔

🔹مع بداية الأكل مسموحلك تشربي الطفل ماية لحد ٦٠ مل في اليوم عشان يسهل الهضم و نتفادى الإمساك وكمان بتساعده على البلع✅️

🔹 خلي الأكل تجربة ممتعة فيها ضحك ولعب علشان الطفل يتشجع 😄🎈

23/05/2025

🔸عندك طفل رضيع ولقيتي اللون ده في الحفاض للبيبي و خصوصا في الصيف 😳🤫

🔸لاداعي للخوف او القلق

🔸مع الجو الحار بيزيد العرق و بيتركز البول وتظهر املاح اليوريا urate crystals باللون الاحمر الخفيف .

🔸الحل في زيادة الرضاعة للبيبي لدرجة الشبع فقط.

🔸 اعطاء الماء بعد اكتمال عمر الطفل اربع اشهر او 120 يوم .

20/05/2025

:

1️⃣ الطفل حديث الولادة (الشهر الأول من العمر):
ينام معظم الوقت حيث قد تصل عدد ساعات نومه إلى حوالي من ١٤- ١٩ ساعة في اليوم مقسمة على فترات قد تصل الفترة من ٣ - ٤ ساعات، ولا يستيقظ إلا بتأثير الجوع أو الألم أو عدم الراحة.
2️⃣ من عمر شهر وحتى عمر ٣ أشهر:
ينام الطفل من ١٤ إلى ١٧ ساعة يوميًا مقسمة على فترات من ٥ - ٦ ساعات في الفترة الواحدة.
3️⃣ من عمر (٣ - ٩ أشهر):
من ١٢- ١٦ ساعة يوميًا (١٢ ساعة ليلا و ٣ - ٥ ساعات نهارًا على ٣ مرات).
4️⃣ من (٩ - ١٢ شهرًا):
من ١١ - ١٥ ساعة يوميًا (من ١١ إلى ١٢ ساعة ليلا و ٣ ساعات نهارًا على مرتين).
5️⃣ وعند عمر ( ٢ - ٦ سنوات): ينام الطفل ١١ - ١٣ ساعة يوميًا.
6️⃣ مرحلة الطفولة الوسطى ( ٦ - ٩ سنوات): ١٠ - ١١ ساعة يوميًا.
7️⃣ مرحلة الطفولة المتأخرة ( ٩ - ١٢ سنة ): ٩ - ١٠ ساعات يوميًا
8️⃣ المراهق يحتاج إلى ٨ - ٩ ساعات من النوم يوميًا.
9️⃣ الإنسان الكبير يحتاج إلى ٧ إلى ٨ ساعات من النوم يوميًا .

✨🐦‍🔥 مع الوضع في الحسبان أن الأرقام المذكورة تمثل المتوسط العام ( و هي أرقام تقريبيه ) وأن العدد الصحيح لساعات نوم الطفل تختلف من طفل لآخر ( فيه أطفال نومها أقل من كده بكتير ) و ذلك حسب طبيعة الطفل و طبقًا للفروق الفردية، وكذلك اختلاف البيئة التي يعيش فيها والتنشئة التي عود عليها.

03/04/2025

و يُعرف أيضا باسم الامساك المزمن مجهول السبب :
هو امساك ليس له سبب جسدي (تشريحي) أو فسيولوجي (هرموني). قد يكون له سبب عصبي أو نفسي.
قد يكون الشخص المصاب بالإمساك الوظيفي بصحه جيدة، ولكنه يواجه صعوبه في عمل حمام براز .

✔️ الامساك في الاطفال بصفه عامه :- 🥵

💎 تعريف الإمساك :-
إخراج البراز على فترات متباعدة أو براز ناشف متحجر على غير ما اعتاد عليه الطفل سابقا ...

⚠️ الامساك هو احد اشهر المشاكل اللي بيعاني منها الاطفال في كل الاعمار

🔅 إحصائيا الامساك قد يصيب حتي ٣٠ في المية من الاطفال في وقت ما خلال حياتهم.. و ٣٠ في المية من اللي عندهم امساك الموضوع هيبقي مزمن معاهم و يكمل لفترات طويلة .

🪩 الأسباب :-
1- عضوى ... مع مشاكل الإنسداد المعوى أو مشاكل في الأمعاء و التي تعتبر من الحالات الجراحيه (حالات قليله جدا)
2- وظيفى ... ليس له سبب عضوى وده هو الأكثر والأشهر بسبب نقص السوائل وقلة الألياف وإهمال الإنتظام فى الحمام وحبس البراز الإجباري ( يعنى الطفل بيمسك نفسه عن الحمام عشان عاوز يلعب مثلا او لسبب آخر )

🖇️✨ الملخص :- أشهر سبب هو الامساك الوظيفي.. يعني اللي مفيش وراه سبب عضوي
الاسباب العضوية كتيرة و لازم نستبعدها بالتاريخ المرضي و الكشف و احيانا الفحوصات لو فيه شك .. لكن كلها علي بعضها لا تشكل نسبة كبيرة من حالات الامساك في الاطفال ..

❇️❇️❇️❇️❇️❇️❇️❇️❇️❇️❇️❇️❇️❇️❇️❇️

♦️🟡 يعني ايه امساك و امتي نقول إن ده امساك :

الإمساك يعتبر من أهم أسباب ألم البطن المزمن فى الأطفال ويكاد يكون أشهر سبب .
- كمان الإمساك بالنسبه للأمهات صعب تشخيصه لأن الأم مش بتاخد بالها كويس من الأعراض

♦️🟡 وعليه إزاى تشخص الإمساك
لو طفلك عنده الأعراض القادمه أو جزء منها يبقى ممكن يكون عنده إمساك ومحتاج يتفحص وياخد العلاج المناسب عشان نمنع المضاعفات
و التشخيص في حالة الأطفال حتي ٤ سنوات .. محتاجين 👈👈👈 إثنين على الأقل من الآتى لمدة ٤ أسابيع علي الأقل :- 👌👌👌👌👌

👈١- عمل مرتين أو أقل حمام فى الأسبوع يعنى طفلك بيقعد أكثر من يومين بدون حمام براز
👈٢- وجود تاريخ مرضى باحتباس كمية كبيرة من البراز مرات متكررة
👈٣- إخراج براز ناشف متحجر أو مع ألم شرجى شديد عند التبرز
👈٤- وجود كتلة براز متحجرة بالمستقيم والقولون عند الفحص
أو خروج براز زى الخرز كده ( زِبل )
👈٥- تاريخ مرضى يشير لأخذ الطفل وضعية تساعده على حبس البراز ومنع خروجه والخوف من التبرز لتفادى الألم مع التبرز ( يعنى تلاقيه قاعد مقرفص وماسك فى كرسى مثلا جامد كده زى مايكون فى حاجه هتنزل منه من تحت وهو قافل عليها ) ⬅️ مرفق صوره أسفل البوست .

و في الاطفال اللي بيستخدموا الحمام لوحدهم (فوق ٤ سنوات) ممكن نضيف الاتي :-
١- مرة واحدة ع الاقل اسبوعيا الطفل يعمل براز علي نفسه بمعني خروج البراز دون تحكم فيه ( من غير ما يحس يعنى بيسرب على نفسه) مرة على الأقل بعد أن إعتاد الطفل التحكم فيه سابقا 👌 يعنى بتلاقى الملابس الداخلية فيها براز خفيف وسائل وله رائحة وحشه ( بيسرب ) .
٢- إخراج براز متحجر و كبير الحجم ( تخين) جدا يسد التواليت نسبيا وبيعوم على وش المايه ويحتاج تفتح السيفون كذا مره .

ناخد بالنا كويس.. ان الاطفال اكبر من ٤ سنين ممكن يكون علامة الامساك عندهم انهم يعملوا حمام براز علي نفسهم بعد ما كانوا كويسين قبل كده

❇️❇️❇️❇️❇️❇️❇️❇️❇️❇️❇️❇️❇️❇️❇️❇️

الفحص مهم لإستبعاد الأمراض العضوية والمضاعفات وفيه :-
# يجب إستبعاد مرض القولون العصبى والتقرحى قبل التشخيص
# استبعاد مرض ( ه‍يرشسبرنج)
# الإمساك الوظيفى لايحدث فى حديثى الولادة أبداً ولكن الطفل حديث الولاده لازم يعمل حمام براز على الأقل فى أول 24 ساعه وممكن خلال أول شهر يعمل حمام بمعدل 7:4 مرات فى اليوم الواحد وده مش إسهال ولكن عند عمر حوالي 6 أسابيع يبدأ يحصل إمساك وظيفى قد يستمر 4:2 أسابيع ويتحسن بعدها
# يجب الفحص الجيد للتأكد من عدم وجود سبب عضوي حقيقى خصوصاً الإنسداد المعوى

مهم كمان نعرف شكل البراز بتاع الطفل..
في صورة مرفقة لاشكال البراز المختلفة و تسمي مقياس بريستول (مرفق صورة)

✳️✳️✳️✳️✳️✳️✳️✳️✳️✳️✳️✳️✳️✳️✳️✳️

ليتم تشخيص الامساك الوظيفي، يجب ان تتكرر الاعراض على الاقل أربع مرات.
[1] الاسباب المحتملة للامساك الوظيفي :
1️⃣ فشل في استرخاء الطبيعي لعضلات قاع الحوض اثناء محاولة التغوظ.
2️⃣ متلازمة العجان النازل.
3️⃣ عجز اخر أو عدم الأستعداد للسيطرة على العضلة العاصرة الشرجية الخارجية، والتي عادة ما تكون تحت السيطرة الارادية.
4️⃣ اتباع نظام غذائي فقير.
5️⃣ عدم الرغبة في التغوط.
6️⃣ ردود الفعل العصبية، بما في ذلك التوتر والقلق المزمن، والذي يعمل كلا منهما على غلق العضلة العاصرة الشرجية الداخلية، وهي عضلة لا ارداية.
7️⃣ اضرابات نفسية جسدية اعمق توثر احيانا على الهضم وأمتصاص الماء في القولون
8️⃣ هناك ايضا امكانية للتعرض لأعراض مرضية اخرى مثل الصداع، خاصتا عند الاطفال
غالباً سببه وظيفي فيسيولوجي بسبب الغذاء الخالي من الألياف كالفواكه و الخضروات و كثرة الحليب و النشويات كالخبز و البطاطا و الإندومي و المكرونة ،، و نقص الماء و العصائر بالطعام ،، و غياب طبخ الخضروات مثل الكوسا و البازلاء و الملوخية و البامية والتي تعتبر كلها من الملينات .
كثرة الدسم و اللحوم و الالبان و مشتقاتها من الأغذيه التي تزيد الإمساك .

❇️❇️❇️❇️❇️❇️❇️❇️❇️❇️❇️❇️❇️❇️❇️❇️

☢️☣️ المضاعفات :-
1️⃣ شرخ شرجى ..... يعنى جرح فى فتحة الشرج أثناء خروج البراز المتحجر وهو ما يسبب ألم شديد جداً أثناء التبرز يجعل الطفل يخاف من التبرز ويمسك الحمام لتفادي الألم وهو ما يزيد من الإمساك ويدخله دائرة مفرغه ( ببخاف يعمل من الألم فيزيد الأمساك صعوبه )
مرفق صور
2️⃣ سقوط شرجى ... أو تدلى شرجى :-
وهو خروج جزء من القولون المستقيم من فتحة الشرج بسبب زيادة الحذق المستمر
3️⃣ إنسداد معوى بسبب إنحشار البراز الناشف فى القولون وسد الأمعاء الغليظة كليا
مرفق صورة الطفل بطنه منتفخه والأشعة العاديه بتاعته وده بيحتاج تفريغ جراحى
4️⃣ التبرز اللاإرادى ...
خروج البراز من الطفل دون تحكم فيه بسبب زيادة البراز عن قدرة إستيعاب القولون

❇️❇️❇️❇️❇️❇️❇️❇️❇️❇️❇️❇️❇️❇️❇️❇️

🫧🌊✨ نيجي للجزء الاهم.. العلاج :-
العلاج في الأساس بالأدوية الي جانب بعض التعليمات الاخري.. لكن الادوية ركن اساسي في العلاج و بنبدأ بيها قبل أي حاجة تانية .

♦️✔️ هنتكلم الاول عن التعليمات
1️⃣ لازم الاهل يفهموا الموضوع الاول.. و ليه بيحصل و نتعامل معاه ازاي؟ ده مهم جدا عشان نعرف نتعامل مع الطفل.. مثلا الطفل اللي عمره ٥ سنين و عمل براز علي نفسه هو ميقصدش.. بالتالي مفيش مجال للوم الطفل هنا 🤷‍♀️

2️⃣ الاكل.. يكون غني بالالياف.. خضار و فاكهة🥭🍇🍉..
و نشرب ميه و عصاير بيتي🥤 خاصة الغنية بسكر السوربيتول مثل التفاح و الكمثري مفيد جداً لعلاج الإمساك ،، و كذلك الخوخ و المشمش و البرتقال مع الالياف أفضل من العصير المصفى من الالياف .

3️⃣ تشجيع الرياضة ⛹️‍♀️
التمارين الرياضية ( للأطفال قبل سن المدرسه أو في سن المدرسه ) و خصوصا التي تحرك الامعاء مثل ركوب الدراجة 3 مرات بالأسبوع نصف ساعة في كل مرة و السباحة ... أو الرياضه بشكل عام .

4️⃣ تدريبات الحمام :- فيما يخص الحمام بالنسبه للأطفال فوق عمر ٣ أو ٤ سنوات .. لازم نعود الطفل يدخل الحمام لمدة لا تقل عن ١٠ دقايق بعد كل وجبة.. و يقعد مستريح و فيه تحت رجليه كرسي صغير من بتوع الحمام عشان ده الوضع الصحيح للتبرز.. الموضوع ده مهم عشان نستغل رد الفعل الطبيعي اللي بيحصل بعد امتلاء المعدة.. ساعتها بتبعت اشارة للقاولون انه يفضي.. ده طبيعي عند كل الناس.. فمهم نستغل الحتة دي.. حتي لو الطفل معملش حمام.. برضه يقعد بعد كل وجبة و نهيئ الجو لو الطفل بيزهق .. نديله قصة ملونة او تابلت يتسلي فيه و هكذا ..

5️⃣ نظام الجوايز.. و ده نظام تشجيعي للطفل علي التزامه بالتعليمات.. زي انه يدخل الحمام بعد الوجبات.. هنعمل جدول و نحط نجمة قصاد كل تصرف سليم عمله.. خد الدوا.. ادي نفسه فرصة يعمل حمام الصبح قبل الحضانة او المدرسة.. و هكذا
و طبعا مفيش عقاب

6️⃣ التواصل مع المدرسة أو الحضانة.. مهم جدا يعرفوا بالمشكلة و يشاركوا في العلاج.. يدخلوا الطفل الحمام بعد الاكل.. و يتعاملوا كويس لو حصل انه اتبرز علي نفسه
ده جزء اساسي في اي خطة لعلاج الامساك

🔶🔶🔶🔶🔶🔶🔶🔶🔶🔶🔶🔶🔶🔶🔶🔶

♦️✔️ نيجي للعلاج بالأدوية و ده الركن الاساسي في علاج الامساك :-

🌿 العلاج الدوائي منقسم لجزئين
💥 الجزء الاول علاج لانحشار البراز :-
👈 يعني ايه انحشار البراز ؟
يعني كتلة كبيرة من البراز موجودة في القولون و مش راضية تنزل

👈 نعرفها ازاي؟
ممكن يحصل اسهال بسيط و نفتكر ان المشكلة اسهال مش امساك في حين ان اللي حصل هو تسرب للبراز السايل من حوالين الكتلة الناشفة دي.. فتلاقي الطفل بطنه بتوجعه و عنده انتفاخ و بقاله فترة معملش حمام بس كل فترة و التانية يسرب شوية براز سايل في الملابس الداخليه بتاعته .

كتلة البراز دي ممكن الطبيب يحسها بايده اثناء الكشف و ممكن تظهر في الاشعة لو طلبناها بس في العادي مبنطلبش اشعات ولا تحاليل

✔️ علاج الموضوع ده جرعات عالية متزايدة من الملينات
اشهر دوا بيستخدم عبارة عن اكياس اسمها موڤيكول (يُستعمل بعد سن معين للأطفال ،، يعني مش لكل الأعمار ) .. بجرعه معينه بيحسبها دكتور الأطفال .
⛔ بس ناخد بالنا ان العلاج ده اوقات يزود الم البطن و الانتفاخ

✔️ لو الطفل منتظمش في البراز خلال اسبوعين بنزود ملين اخر زي لاكتيولوز او بيكولاكس نقط .

يُعتبر سكر اللاكتيولوز من العلاجات الآمنة للأطفال و لكل الأعمار ، حيث أنه لا يُمتص من الأمعاء و لا يسبب تقلصات معوية ، بل يطري البراز بسبب سحب الماء إلى الأمعاء و لا يسبب التعود و الإدمان عليه مثل الأدوية الأخرى كالتي تحفز تقلصات الأمعاء .
هنستخدم لاكتيولوز مثلا.. بجرعة معينه مرتين في اليوم و نزود الجرعة تدريجي لغاية ما نوصل لنتيجة.. و مفيش قلق من الجرعة العاليه منه ان شاء الله .

✔️ ممنوع استخدام اي دواء بالشرج الا بعد فشل كل محاولات العلاج بالفم .
يعني لبوس الجلسرين ده ننساه في علاج الامساك المزمن كخطوة أولية .

✔️ لو فشل اللي فات ده كله ممكن نعمله حقنة شرجية لو تطلب الامر.. و في حالات قليله جدا بعد فشل الحقنة الشرجية بنخرج البراز يدويا تحت تأثير البنج

و لا يجوز التعود على اللبوس الشرجي الملين أو الحقن الشرجية .. لأنها قد تؤدي إلي كسل القولون و يصبح الشخص لا يتغوط إلا بواسطتة .

✔️ الطفل بيتابع اسبوعيا مع الطبيب لغاية ما نوصل لنتيجة مرضية و البراز يبدأ ينتظم و نبدأ بعدها العلاج المستمر

💥الجزء الثاني :- العلاج المستمر بعد انتظام البراز :-
ممكن نستخدم نفس الادوية اللي فاتت.. و جرعتنا هتكون نص الجرعة اللي جابت نتيجة
يعني مثلا لو استخدمنا اكياس موڤيكول و لقينا نتيجة بعد ٤ اكياس يوميا.. يبقي الجرعة اللي هنستمر عليها هي كيسين في اليوم.. و ده برضه و عينينا علي حالة البراز.. يعني لو اكتر ناحية الامساك هنزود.. لو ناحية الاسهال اكتر هنقلل

✔️ هنستمر علي العلاج فترة ٣ ل ٦ شهور و هنتابع مع الطبيب خلال الفترة دي و هنسحب العلاج بالتدريج مش مرة واحدة

و البديل المناسب للناس اللي ممكن يبقي الأكياس غالية عليها هو استخدام لاكتيلوز شراب بجرعات معينه يحددها الطبيب علي حسب الوزن و اللي ممكن توصل بحد أقصي ٣٠ سم كل ١٢ ساعة لمدة يومين لتفريغ القولون
و بعد كده بنستعمل جرعه معينه لمدة ٣ شهور ع الاقل
و بعدين نسحب الملين علي ٣ شهور كمان.. يعني اجمالي العلاج ٦ شهور ع الأقل (قد تصل إلي سنه) .

بنزود من٥ ل١٠ سم علي الجرعه اليوميه لو لسه امساك.. و نقلل ٢ سم لو حصل اسهال و نثبت ع الجرعة المتوازنة دي و هدفنا حمام يومي طري لكن مش اسهال.. و بدون حزق .

لو مفيش انحشار للبراز لكن مجرد امساك مزمن.. هنبدأ علاج برضه بنفس الطريقه .. و هنعالج لمدة ٣ شهور ع الاقل و بنتحكم في الجرعة حسب ما قلنا بالزيادة او النقصان كل يوم أو يومين
و سحب العلاج مدة ٣ شهور أخري .

🫧🌪️☄️ أخيرا علاج الشرخ الشرجي إن وجد و المتابعه مع أخصائي الجراحه
و أعراضه تكون بوجود ألم مع التبرز أو بعده ،، و خصوصا وجود دم مع البراز .
ومن المهم جدا علاجه لأن عدم علاجه يسوء حالة الإمساك بسبب تألم الطفل و رفضه التبرز .

===================================

05/03/2025

🐇🐬

🔊🔊 الوزن الطبيعي للرضيع من الولادة الى عمر السنتين ( ٠ - ٢٤ شهر ) ⬅️↙️

💫👼🏻 وزن الطفل الطبيعي عند الولادة يكون بين ٢.٥ كيلو الي ٤ كيلو
و متوسط الوزن عند الولادة ≈ ٣ كيلو .

💫👼🏻 يفقد الرضيع من 5الى10 %من وزنه في اول 10 ايام من حياته.

💫👼🏻 يستعيد البيبي وزن الولادة في اليوم 7 الى 10من ولادته عادة.

💫👼🏻 يصبح وزن الرضيع ضعف وزن الولادة في الشهر 4 الى الشهر 5 من عمره

💫👼🏻 ويصبح وزنه ثلاث اضعاف وزن الولادة في الشهر 12 أي في عمر السنة.

💫👼🏻 مثلا أذا ولد الطفل بوزن ٣ كيلو فان وزنه التقريبي بعمر ٤ أشهر يكون تقريبا ٦ كيلو و بعمر سنة واحدة يكون ٩ كيلو جرام .

💫👼🏻 بعد عمر السنتين يجب أن يكون وزن الطفل ضمن معدل النمو الطبيعي للأطفال مهما كان وزن الولادة.

:

زيادة وزن الطفل الطبيعي تكون:

1️⃣ 750 جم = ¾ كجم ⬅️ كل شهر في أول أربع شهور.
و بالتالي يزداد وزن الطفل في فترة أول ٤ شور ٣ كجم تقريبا .

2️⃣ 500 جم = ½ كجم ⬅️ كل شهر من بعد 4 إلى 8 شهور.
و بالتالي يزداد وزن الطفل في فترة ثاني ٤ شور ٢ كجم تقريبا .

3️⃣ 250 جم = ¼ كجم ⬅️ كل شهر من بعد 8 إلى 12شهر.
و بالتالي يزداد وزن الطفل في فترة ثالث ٤ شور ١ كجم تقريبا .

4️⃣ في السنة الثانيه من العمر يزداد وزن الطفل من ٢ - ٣ كجم تقريبا .

💫👼🏻 عشان كده الطفل اللي اتولد كيلو ونص ،، طبيعي جدا يكون وزنه عند السنة أقل من اللي اتولد ٣ كيلو ،
عشان كده ما ينفعش نقارن وزن طفل بوزن طفل تاني في نفس العمر .

💫👼🏻 بعد عمر السنه عموما ⏪ الطفل بيزيد تقريبا ٢ كيلو سنويا .

💫👼🏻 بعد عمر ٧ سنوات الطفل بيزيد تقريبا ٣ كيلو سنويا (مشروح بالتفصيل في البوست السابق) .

03/03/2025

🐿️🐇 معادلتين مهمين لحساب متوسط وزن وطول الطفل من عمر سنتين حتي ٦ سنوات

👈حساب الوزن كالتّالي: (عمر الطفل بالسنة × ٢) + ٨ = وزن الطفل (بالكيلو جرام)
مثال: إذا افترضنا أنّ عمر الطفل سنتين، فما وزنه الطّبيعي؟ بتطبيق المعادلة (٢×٢) + ٨ = ١٢ كجم .

👈حساب الطول : (عمر الطفل بالسنة × ٥) + ٨٠ = طول الطفل بالسنتيمترات .
لو افترضنا عمر الطفل ٣ سنوات فان طوله: (٣ × ٥) +٨٠= ٩٥ سم

🔸ملحوظة هامه : نتيجه المعادله بتطلع متوسط الطول او الوزن (يعني ممكن يقل أو يزيد حاجه بسيطه)

يعني لو وزن او طول طفلك اقل من اللي في المعادله لازم نحط وزن وطول الطفل علي مخططات النمو لمعرفه اذا كان في المعدل الطبيعي. ام لا.

🐿️🐇 أما بعد ٦ سنوات بتكون المعادلات كالآتي :
حساب الوزن : (عمر الطفل بالسنة × ٣) = وزن الطفل (بالكيلو جرام)

حساب الطول : (عمر الطفل بالسنة × ٦) + ٧٧ = طول الطفل بالسنتيمترات .

19/02/2025

☕☕ ☕☕

🦒🐿️ مبدئيا ده بوست موجه لنسبه قليله و بوست أغلبه مش مفهوم و ده أبسط شرح له ... و كاتبه علشان طفله عسوله شوفتها من كام يوم ..

🦌🐘 !؟ 🐘🦌
هي وحمات صبغية مسطّحة.
و التسمية الفرنسية لها «كافيه أو لي» (باللغة الفرنسية: café au lait) والتي تعني القهوة مع الحليب و تشير إلى اللون البني الخفيف الفاتح.

وتسمى كذلك «بقع الزرافة» أو «بقع ساحل مين».

وهي بقع نابعة من وجود خلايا ميلانينية بكثره منتجة ذلك اللون البني .

وعادة ما تكون هذه البقع دائمة، وقد تكبر أو يزداد عددها بمرور الزمن.

وغالبًا ما تكون بقع القهوة بالحليب غير مؤذية، ولكن قد تترافق مع أعراض بعض الأمراض العصبيه .

🦒🌤️ 🪷 :-

1️⃣ طبيعي في حالة لو ١-٣ بقع أو حتي ٥ بقع في طفل تطوره طبيعي من الناحية الحركية والعصبية والمعرفية ... يبقي ده عادي خالص.

2️⃣ دائما تذكر رقم 1 👆🏻 ⬆️.

3️⃣ ممكن تكون عائلية "موجوده في أخواته و قرايبه و هكذا " و بدون وجود أي أعراض أو علامات تانية .

4️⃣ مرض الورم العصبي الليفي النوع ١.
البقع البنيه في هذه الحاله بتظهر من الولادة أو بعد الولادة علي طول وبتزيد في العدد والحجم ودرجة اللون بمرور الوقت.

وجود ستة 6 أو أكثر من بقع القهوة بالحليب التي يزيد قطرها عن 5 ملم قبل البلوغ، أو يزيد قطرها عن 15 ملم بعد البلوغ ، هي ميزة تشخيصية للنوع الأول من الورم العصبي الليفي، ولكن لازم يكون فيه حاجات وعلامات تانيه للتشخيص.
كمان لو لقيت طفل عنده هذه البقع و التصبغ ،،، وكان فيه حد من الأب أو الأم أو أخواته عنده مرض الورم الليفي العصبي يبقي كمان احتمال كبير إنه يطلع نفس المرض .

💫🌨️☄️ و دول هما أكتر الأسباب اللي ممكن نشوفها و يُعتبر البوست خلص لغاية هنا 🥱 ... و في حالة وجود أي أعراض أخري نتابع مع طبيب مخ و أعصاب أطفال ... و هو أكتر حد ممكن يفيد في الحالات دي ..

===================================

🚀🚀 إضافات و تكمله لباقي الأسباب 🚀🚀

5️⃣ التصلب الحدبي
و بيكون معاه بقع شبيهه رماد الورق الرصاصي
رقعة شجرين في أسفل الظهر،
نوبات تشنجات الطفولية،
أورام الليفية المحيطة بالظفر،
أورام الغدية الدهنية،
الأورام العضلية الشحمية، الأورام العضلية المخططة القلبية والإعاقة الذهنية الشديدة

6️⃣متلازمة الرنح العصبي مع تمدد الشعيرات الدموية أو متلازمة لويس بار .

7️⃣ متلازمة شيدياك هيجاشي

8️⃣أنيميا فانكوني : بيكون فيها فشل نخاع العظم خُلقي و عدم تكون كريات الدم بأنواعها المختلفه .

9️⃣متلازمة هانتر

1️⃣0️⃣ متلازمة ماكيون أولبرايت النادرة ،،بيكون معاها خلل النسيج الليفي للعظام .
التصبغ البني المصاحب لمتلازمة ماكيون أولبرايت غالباً بتكون كبيرة ومش بتعدي الخط المنصف للجسم .

1️⃣1️⃣ متلازمة جيف ليختنشتاين .

1️⃣2️⃣ متلازمة سيلڤر روسيل :
بيكون معاه فشل و ضعف النمو، قصر القامة، الوجه المثلث، تضخم نصف الجسم ، وأصابع مقوسة قصيرة.

1️⃣3️⃣ متلازمة أورام الغدد الصماء المتعددة النوع الثاني .
والحالة دي في تقارير حديثة بتشير إلي إن الرئيس الأمريكي السابق ابراهام لينكولين كان مصاب بيها.

1️⃣4️⃣ متلازمة تيرنر.

1️⃣5️⃣ متلازمة نونان.

1️⃣6️⃣ مرض جوشيه.

1️⃣7️⃣ متلازمة بروتيوس:
بيكون فيه فرط نمو الأنسجة الرخوة وفرط النمو العظمي.

1️⃣8️⃣ متلازمة بلوم.
وده واحد من متلازمات تكسير الكروموسومات .

1️⃣9️⃣ متلازمة واتسون .

2️⃣0️⃣ متلازمة الكروموسوم الحلقي ودي فيها الكروموسوم بيتكسر في منطقتين عند نهاية الذراع ويحصل التفاف والتصاق في النهايتين المكسورتين وتتكون حلقة أو دايرة وممكن يحصل في أي من الكروموسومات.

2️⃣1️⃣ متلازمة ليجيوس : شبيه الورم العصبي الليفي مع بعض الإعاقات الذهنيه .

2️⃣2️⃣ متلازمة مافوسي:
بيكون معاه ورم وعائي مع ورم غضروفي .

2️⃣3️⃣ متلازمة جيف كمباناكي .

2️⃣4️⃣ متلازمة كاودين Cowden's syndrome .
.

2️⃣5️⃣ متلازمة الوحمة المصحوبة بورم قاعدي سرطاني بالجلد أو متلازمة جورلين جولتز (Gorlin Goltz syndrome).

02/02/2025

🍥✨الفتق السري عند الأطفال حديثي الولاده ✨🍥

🎃 الفتق السري عند الرضع هو أمر شائع الحدوث:-
🍡 وهو نتيجة ضعف في عضلات جدار البطن حول السره وعدم اكتمالها بعد وقوع الحبل السري .

🍡 ويظهر بوضوح أثناء بكاء الرضيع أو أثناء الحزق .

🎃طب امتي نقلق وايه العلاج اللازم وايه الممنوع والاخطاء الشائعه ؟؟؟

☄️⬅️ لا داعي للقلق، معظم الحالات الفتق بتتصلح لوحدها قبل السنه الأولى من عمر الطفل ، نتيجة اكتمال نمو عضلات جدار البطن وتقويتها
☄️⬅️ نادراً ما يستمر الفتق بعد السنة الثالثة من العمر .
☄️⬅️ لا يحتاج الفتق لرباط خارجي أو حزام السره أو عمله معدنيه توضع عليه، بل أن هناك نظريات تقول أن هذه الأشياء تعيق نمو عضلات جدار البطن ويضعفها مما يتسبب في تأخر تصليح الفتق لوحده .
⬅️لو استمر الفتق بعد السنه الثالثه من عمر الطفل غالبا بيحتاج جراحه و ده قليل لما بيحصل .

🎃🔍🔍 و دي الحاجات اللي نخلي بالنا منها🔎🔎

📍لو لاحظنا أن الفتق متحجر ولا يدخل مكانه كالسابق عند محاولة إرجاعه بأصابعنا
📍لو لاحظنا صراخ البيبي متألما بشده كلما لمسنا الفتق
📍لو لاحظنا تغير لون الجلد فوقه وحوله
⬅️هذه الملاحظات الثلاثه ربما تشير لإختناق الفتق وهي حاله يلزمها تدخل جراحي عاجل
⬅️بس عموما ده شئ قليل جدا و نادراً مايحدث في الفتق السري عند الرضع و لو حصل وقتها بيتم العرض علي دكتور الجراحه .

25/01/2025

🪶🏨 🏨🪶

☄️ السرة بتقع خلال أسبوعين من العمر ( ممكن نقول من 10 ل 14 يوم بعد الولاده) .
☄️ ممكن تتأخر ل 3 أسابيع عادي .
☄️ المطلوب تنظيف السره بالكحول ، أو المسحه الطبيه ٢ - ٤ مرات في اليوم.
☄️ نحاول يكون المشبك بتاع السره دايما برة البامبرز ،، و بعيد عن البول والبراز ، عشان ميحصلش التهاب .
☄️ مش مفضل البودرة للسره أو للحفاضه . و الجمعية الأمريكية لطب الأطفال AAP تمنع استخدامها .
☄️ بعد لما السره تقع ممكن مكانها يجيب دم زي نقط بسيطه لمدة يومين ،، ده طبيعي و مفيش منه قلق بس نكمل تنظيفها بالكحول. .
☄️ لو لقينا فتق بسيط والسره بتطلع لبره مع العياط أو بدونه ،، ده فتق سري و غالبا مش بيحتاج علاج معين ها يروح لوحده بإذن الله في خلال ٦ - ١٢ شهر تقريبا .

🍓🍓طب هي السرة بتقع ازاي ؟
عن طريق غزو كريات الدم البيضاء ومن ثم تآكل وموت في خلايا الحبل السري.

⛔ من الأخطاء الشائع حدوثها وبتقلل وقوع الحبل السري:

🚫 فرط استخدام الكحول 🙃
☑️ الاكاديميه الامريكيه لطب الاطفال قالت انه بعد عمل دراسات اتضح ان مفيش فرق بين اننا نرش كحول او منرشش كحول و ان رش الكحول مسئول عن تأخر وقوع السره فقالوا كفايه ننضف السره بقنطه مبلوله ميه او محلول ملح وبعدين ننشفها بقطنه تانيه

🚫 وضع الحبل السري داخل الحفاض وقلة التهوية
☑️ الصح اننا نبعد مشبك السره ومنربطش عليه البامبرز

🍃⛔ 👀 امتي نقلق !؟
☄️ لو حصل إفرازات من السره لازم أستشارة طبيب .
☄️لو اتاخر وقوع السره اكتر من شهر (بعد ٣٠ - ٤٠ يوم ) بتحتاج استشارة طبيب لأن فيه أمراض من أعراضها تأخر انفصال السره و يعتبر دي علامه مبكره من علامات نقص المناعة 😲.

🍓🍓إيه أسباب تأخر وقوع السرة !؟

1️⃣ قد يكون بسبب استعمال مسحات الكحول بصورة زائدة عن اللزوم مما يمنع الندبة من الجفاف .

2️⃣ كما أنه قد يكون هناك ورم حبيبي بالسرة Umbilical granuloma والذي يظهر علي شكل كتلة حمراء رطبة صغيرة في السرة والذي يتم علاجه باستعمال مسحوق نيترات الفضة Silver nitrate أو باستعمال ملح الطعام العادي.

3️⃣ إذا ما استبعدنا الأسباب السابقة والتي تحول دون سقوط ندبة الحبل السري في الفترة الزمنية الطبيعية وحتي ٤٠ يوما قد يمكن التفكير في أسباب نادرة جدا مثل اضطراب التصاق كريات الدم البيضاء النوع ١ Leukocyte adhesion defect type 1 or LAD 1
مرض فيه مشكلة ان خلايا الدم البيضاء مبتعرفش تهاجر برة الاوعية الدموية وتروح اي حته ... ولما بتحصل عدوى المفروض كريات الدم البيضاء تجري 🏃🏃 علي المكان ده تحاصر الميكروب وتقاومه وتعمل صديد اللي هو عبارة عن كرات دم بيضاء ميته لما جم يفحصو اماكن فيها عدوى ملقوش كرات دم بيضا ومفيش صديد اتكون.
*وده بنشخصه ازاي؟
بنعمل صورة دم نلاقي كرات الدم البيضاء عالية في الدم وبنعمل تحليل CD11 , CD18.

4️⃣ الأطفال اللي عندها نقص في عامل التجلط رقم 13 .. و السرة بتتأخر في الوقوع ... عشان كدة اي طفل يتأخر عنده سقوط السره نعمله تحليل Factor 13 assay
نقص هذا العامل هو أحد الأمراض الوراثية النادرة الشبيهة بالهيموفيليا. تظهر الأعراض علي هيئة نزيف بالحبل السري والذي يؤدي إلي تأخير سقوط ندبة الحبل السري مع إمكانية حدوث تجمع دموي بالعضلات والمفاصل أو إمكانية حدوث نزيف داخل الجمجمة .

12/01/2025

⛓️‍💥 ( )⛓️‍💥

🫛🥔 ما هو مرض انيميا الفول؟
انيميا الفول هو من مرض وراثي وسببه نقص انزيم سداسي فوسفات الجلوكوز النازع للهيدروجين Glucose 6 phosphate dehydrogenase deficiency (G6PD)
وهو الانزيم المسئول عن الحفاظ علي كرات الدم الحمراء ومنع تكسرها بفعل المواد المؤكسدة.

إذاً لما ينقص الإنزيم ده ايه اللي هيحصل!!؟؟
بيحصل تكسير شديد لخلايا الدم "Hemolytic anemia" خصوصا بعد التعرض لعوامل معينة سواء أكل أو أدوية أو عدوى
فبنلاقي نسبة الهيموجلوبين منخفضة خالص ف تحليل صورة الدم .. وأحيانا المريض بيحتاج لنقل دم

مبدئيا كده لازم نتفق ان مش كل طفل عنده نقص في انزيم G6PD بيبقى عنده أنيميا الفول (favism) لأن ده شكل واحد بس لمسببات المرض اللي ممكن يحصل بسبب عدوى أو أدوية خصوصا السلفا وما بيحصلش بعد أكل فول ومشتقاته عادي جدا.
بس كل طفل جاله أنيميا تكسيرية بعد أكل فول فهو عنده نقص الانزيم .

✅مش بس مياكلش الفول بمشتقاته ...❌ لا كمان ما يمشيش في ارض مزروع فيها فول (لأن ممكن يحصل تكسير بالشم) .. ولا ياكل حاجة مقلية ف زيت مكان طعمية .... ولا الام اللي بترضع طبيعي تاكل فول لو ابنها عنده نقص الانزيم لان لو الأم كلت كمية كبيرة قبل الولادة وينزل طفل عنده أنيميا تكسيرية وصفرا عالية أو أم بترضع طبيعي وكلت كمية كبيرة أو خدت أي علاج بينزل في اللبن ويسبب أنيميا تكسيرية

هذا المرض يصيب الذكور (غااالبا) اكثر من الاناث

🥔🫛 ما هي اعراض انيميا الفول؟

🧬احيانا تظهر أنيميا الفول عند الولادة كجزء من صفراء حديثى الولادة
🧬🧬قد لا تظهر علي الطفل المصاب بانيميا الفول أي اعراض الا ان بعض الأطفال عند التعرض لاى مسبب يحصل أزمة تكسير للدم وتظهر الاعراض التاليية :

- شحوب في الوجه: من اولي العلامات التي تظهر علي الطفل و بيكون لونه مخطوف و باهت .
- لون البول: قد يتغير لون البول فيصبح لونه داكن مثلا الشاي.
- اصفرار الجلد: قد تظهر علي الطفل اعراض الصفراء وخاصة في ملتحمة العين.
- التعب وارهاق: تؤدي الانيميا الحادة التي تحدث بسبب تكسير كرات الدم الحمراء الي التعب والارهاق.
- سرعة ضربات القلب: وذلك بسبب الانيميا الحادة.
- سرعة التنفس.

🫛🥔 ما هي الأشياء التي تؤدي الي حدوث تكسير كرات الدم أو أنيميا حادة عند الأطفال المصابين بأنيميا الفول؟
1️⃣ الفول : يعتبر الفول الاخضر من أكثر المؤكسدات التي تسبب انيميا الفول و يكثر في موسم حصاده ما بين يناير و مارس من كل عام.
و كذلك ⬅️الفول ب أنواعه ( الفول النابت - الفول الحراتي - الطعمية - البصارة ).

2️⃣ ومن الخطأ الشائع ان يمنع الاهل جميع البقول الاخرى مثل العدس واللوبيا وكذلك الفول السودانى وهم ليس لهم علاقة بهذا المرض ومسموح بهم "مع ملاحظة وجود أعراض تكسير للدم " .

3️⃣ بعض الأدوية المسكنة أو الخافضة للحرارة مثل الأسبرين و النوفالجين.
👌🏻كده الباراسيتامول "السيتال" و الابيوبروفين زي بروفين وكونتافيفر مش ممنوعين في انيميا الفول
4️⃣ بعض المضادات الحيوية مثل مركبات السلفا و الكلورامفينكول.
5️⃣ بعض الأدوية المضادة للملاريا.
6️⃣ بعض المواد الكيميائية مثل النفثالين.
7️⃣ الاصابة بالعدوي البكتيرية أو الفيروسية.
لذلك اذا كان الطفل مصاب بأنيميا الفول فيجب اخبار الطبيب بذلك لتفادي الادوية التي قد تسبب الانيميا الشديدة له.

🫛🥔 التشخيص :-
يتم تشخيص المرض عن طريق الأعراض و عمل صورة الدم و التي يوجد بها أنيميا مع ارتفاع نسبة الخلايا الشبكية وارتفاع نسبة البيليروبين الغير مباشر
مع انخفاض نسبة بروتين الهابتوجلوبين
و وجود ما يعرف بأجسام هاينز وهي عبارة عن هيموجلوبين متحلل ملتصق بكريات الدم الحمراء والتي يكمن رؤيتها من خلال عمل فيلم لعينة الدم.
يتم عمل تحليل لقياس نسبة إنزيم G6PD والتي تكون قليلة (يفضل عمل تحليل نسبة الإنزيم بعد ثلاث أسابيع أو شهر من حدوث النوبة التكسيرية لأنه في أثناء النوبة ينتج نخاع العظم كمية كبيرة من الخلايا الشبكية والتي تحتوي علي نسبة انزيم عالية والتي قد تسبب أخطاءا في التشخيص).

❌تحليل الانزيم ليس له قيمة أثناء التكسير لانه بيبقى موجود ف الخلايا الصغيرة الجديدة بنسبة عالية ... يفيدني وقتها في حالة انه يطلع قليل أو طبيعي ، مش عالي .

🩸🩸🩸اية علاج مرض أنيميا الفول؟
🍥 يمكن علاج مرض أنيميا الفول بالوقاية من خلال تجنب جميع أنواع الأطعمة التي تسبب ظهور الأعراض لدى المرضى‬‏ .

🍥حالات أزمة تكسير الدم الشديدة ممكن تحتاج الحجز بالمستشفى ونقل الدم .

🎈🎈🎈 هل الطفل اللي عنده نقص الانزيم ده أو أنيميا الفول ما يستعملش الأدوية الممنوعة أو لا يأكل الفول مدي الحياة ؟؟

المرض ده مرض مزمن يعني مدي الحياة .
في حالات كتيرة معدل حدوث النوبات التكسيريه بيقل مع النمو وتقدم العمر وفي حالات مش بتحصل عندهم نوبات خالص بعد الدخول في مرحلة البلوغ والمراهقة وفي حالات بيرجعوا ياكلوا الفول تاني أو يستعملوا الأدوية الممنوعة تاني لكن ده لا يضمن نهائياً إن النوبات مش هتحصل تاني. يبقي الأضمن الامتناع عن الحاجات دي مدي الحياة.

======================================

☄️❄️ معلومات إضافيه
أنيميا الفول جين متنحي يُنقل على كرموسوم x ولا يظهر الا مع الاولاد لوجود x واحد "ولد xy"
بتنتقل من أم حامل للمرض لكن لا يظهر عليها أعراض للذكور .
البنات حتى لوخدت من الام الجين المصاب لا تظهر عليها اعراض و تعتبر حاملة للمرض ، لانها XX فالنسخة الثانية السليمة تغطي على الصفة المتنحية... لكن بنشوف بنات كتير الفترة دي عندها نقص في الانزيم و بالتالي بيجيلها أنيميا الفول لأسباب اربعة ... ان البنت تكون
✍️عندها متلازمة ترنر " عندها x واحد بس"
✍️الاب مريض و الام حاملة للمرض
✍️ظاهرة لايون LYON Hypothesis : ان أحد الكرموسومات xx مش مغطي على ال x المريض لانه صفة متنحية فيما يعرف ب x inactivation
🥸حديثا ان في طفرات حديثة تحدث بعيدا عن قواعد الوراثة المعروفة Denovo mutation.

صحة أطفالنا - د.هشام أنس

17/08/2025

11/08/2025

24/07/2025

23/05/2025

20/05/2025

03/04/2025

05/03/2025

03/03/2025

19/02/2025

02/02/2025

25/01/2025

12/01/2025

Address

Website

Alerts

Shortcuts

Share

Category