12/09/2025
"التغذية السليمة تحدي كبير "
🔵بس معانا مش هيكون تحدي ولا حاجة .
تعتبر التغذية السليمة للأطفال هامة جدا خاصة في وقت الدراسة لانهم أغلب الوقت بعيد عن قلبك وعينك، كمان سوء التغذية في المراحل المدرسية بيؤثر بشكل سلبي في القدرات العقلية والتحصيل العلمي واحنا عاوزينهم شطار ويجيبوا درجات عالية ! 💥
طب نعمل ايه ؟ 🤔
لازم نتبع نظام غذائي صحي سليم للحصول على كافة المغذيات الضرورية لصحة أطفالنا زي
بروتين ، خضار و فواكه ، نشويات .
▪️وجبة الفطار مهمة جدآ لانها بتمد الطفل بالطاقة خلال اليوم
ممكن نحط له فطار خفيف في البيت الأول زي ⬇️
شوية شوفان بلبن
ساندوتش صغير جبنة او لبنة
كوب حليب مع موزة
▪️ممكن منحطش حلويات مصنعة في اللانش بوكس ؟
إستبدليه
فاكهه صازجة او مجففة
شوية مكسرات
اعملي كيكة فالبيت وحطيها
▪️نيجي بقا للوجبة المدرسية لازم تكون متوازنة وصحية
ممكن تحضري ساندوتش بطريقة جذابة وتحطي معاه خس او خيار مثلآ
🔴بلاش اللحلوم المصنعة خالص
🔴بلاش شيبسي استبدبيه بفشار او بطاطس في الفرن
🔴بلاش اي مواد غازية حطي عصير طبيعي
🔴اوعي تنسي ازازة الماية.
▪️أعملي مناقشة مع طفلك بخصوص اللانش بوكس وشوفي هو عاوز ياكل ايه وحاولي دايمآ تحطي قدامه الخيارات الصحية عشان نضمن انه هياكل.
▪️عودي طفلك على تناول وجبة الغذاء فور عودته من المدرسة لان الطفل بيحتاج لغذاء متوازن بحيث ميحصلوش اي فقد في العناصر الغذائية
البروتينات ⬅️ هنلاقيها في الفراخ واللحمة والسمك والبيض والبقوليات
النشويات ⬅️في الخبز والبطاطس ومكرونة والرز
الدهون المفيدة ⬅️ المكسرات و زيت الزيتون والاسماك الدهنية
الڤيتامينات ⬅️ الخضار
لو اتبعتي كل الارشادات الصحية دي هتقدري تحافظي علي صحة أطفالك .
🔵بتحطوا ايه لأطفالكم في اللانش بوكس ؟ 🤔
اي إستفسار بخصوص تغذية طفلك تقدري تكتبيه في الكومنتات ⬇️
