عيادات د. احمد عيد للنساء والتوليد والحقن المجهري

06/07/2025

"إزاي تعرفي إن حملك حرج؟ وأعراض لازم متتجهليهاش"
مش كل حمل بيتابع بشكل روتيني… فيه أنواع من الحمل بيكون فيها خطورة أعلى على الأم أو الجنين، وده اللي بنسميه "حمل حرج" أو High-risk pregnancy.
📌 إزاي تعرفي إن حملك ممكن يكون حرج؟
لو عندك أمراض مزمنة (زي السكر أو الضغط)
لو سبقلك إجهاض متكرر أو ولادة مبكرة
لو حملك بتوأم أو أكتر
لو عندك مشكلات في الرحم أو عنق الرحم
لو ظهرت مشاكل في السونار أو تحاليل الجنين
أو حتى لو عمرك فوق الـ35
📍أعراض لازم ما تتجهليهاش:
نزيف أو نقاط دم في أي مرحلة
مغص شديد ومستمر
نقص ملحوظ في حركة الجنين
صداع شديد أو زغللة في العين
تورم مفاجئ في الوجه أو الأطراف
ارتفاع مفاجئ في ضغط الدم
🎯 المتابعة الدقيقة والتشخيص المبكر بيحميكي ويطمنك…
ولو حملك من النوع "الحرج"، بنقدر نحوله لحمل "مستقر" بخطوات طبية بسيطة، بس منتظمة 💙

03/07/2025

كانت بتجهز لجوازها واكتشفت تكيسات ومشاكل تبويض"
جت قبل فرحها بـ٣ شهور، وكانت جاية تعمل فحوصات روتينية وتظبط مواعيد الدوره الغير منتظمه
وسط التحاليل والسونار، لقينا علامات واضحة على تكيس المبايض، وضعف في التبويض.
قالتلي:
"أنا لسه متجوزتش، يعني كده الحمل هيكون صعب؟" 😟
طمنتها إننا عرفنا بدري، وده في حد ذاته ميزة كبيرة.
بدأنا خطة علاج بسيطة، وتغيير في أسلوب الأكل والحركة،
وفيه فرصة حقيقية".
لو قصتك شبه قصتها وعندك اي اعراض زي عدم انتظام فمواعيد الدوره ... ظهور شعر غريب زياده فالوش
أطمني بدري…
كل ما نبدأ بدري، كل ما كان العلاج اسهل 💪

01/07/2025

من 5 سنين وهي بتحاول تحمَل.. وفي الآخر الحقن المجهري حققلها الحلم"
كل ما تدخل العيادة، نفس النظرة في عينيها: أمل + خوف + شوية استسلام.
5 سنين بتحاول تحمل.
أدوية، منشطات، تحاليل، دعا، دموع، وكل شهر بيعدي بيكسر في قلبها حتة.
قررنا نبدأ رحلة الحقن المجهري، وقالتلي:
"أنا مش عايزة أتحمس تاني.. خايفة أفرح وأرجع أزعل".
ومع المتابعة الدقيقة واستخدام البروتكول المناسب والحمد لله، في أول محاولة...
ظهر خطين على اختبار الحمل 🥹
والنهارده بتيجي العيادة ببطنها الكبيرة، وتقوللي:
"مكنتش مصدقة إن قلبي هيعيش اللحظة دي".
لو إنتي كمان بتحاولي، متفقديش الأمل…
يمكن حلمك لسه ما وصلكيش، بس هو جاي ♥️

18/06/2025

شكراً لكل كلامكم الجميل الي بيسعدني وبيضيع كل لحظات التعب فاليوم ❤️❤️
ربنا يقوم كل الحوامل بالسلامة ويقر عنيهم بأولادهم … وأحنا بس بنحاول نخفف عنكم الحِمل ونخلي رحتلكم تبقي ذكري جميلة تفتكرونا بيها ❤️❤️

16/05/2025

حرارة الجو عالية؟ خلي بالك من نفسك ومن البيبي!
ودي تعليمات مهمة لو انتي حامل:

✅ اشربي مياه اشربي مياه اشربي مياه اشربي مياه
– ما تستنيش لحد ما تحسي بالعطش، حافظي على ترطيب جسمك طول اليوم.

✅ تجنبي الخروج الا للضرورة القصوي
– حاولي تكوني في أماكن مكيفة أو جيدة التهوية.

✅ البسي لبس قطن خفيف وواسع
– علشان جسمك يتهوى وتقللي التعرق والاحتباس الحراري.

✅ ارفعي رجلك كل شوية
– ارتفاع الحرارة بيزود فرص تورم الرجلين، فرفعيهم أثناء الراحة.

✅ كلي اكل خفيف ومنعش
– الفاكهة والخضار أفضل حل لترطيب الجسم زي البطيخ و الخيار
-و نبعد عن الأكلات الدسمة و المقليات اللي بتعلي درجة حرارة الجسم و تتعب المعدة

✅ناخد قسط من الراحة و النوم
بلاش شغل البيت الشاق أو الوقوف أمام البوتجاز و الفرن

✅ لو حسيتي بدوخة، صداع، أو إنقباضات
– اتصلي فورًا بطبيبك، دي ممكن تكون علامات إن جسمك مش قادر يتحمّل الحر.

💬 إعملي منشن لأي حامل تعرفيها

05/05/2025

دليلك فالحقن المجهري

أبعتيلنا رسالة عشان نعرفك كل تفاصيل الحقن المجهري في عيادات دكتور أحمد عيد ❤️❤️

27/04/2025

الف شكر لحضرتك وتتربي في عزكم ان شاءالله وعقبال كل مره🙏🙏🥰🌹

شكر خاص لـ عيادات د. احمد عيد للنساء والتوليد والحقن المجهري علي مجهوده الكبير في ولادة بنتي تاج مسعد عقده ♥️
طبعاً غني عن التعريف من أشطر أطباء النساء والتوليد في دمنهور ♥️

17/01/2025

كنتي مين فيهم وأنتي داخله تولدي مع دكتور / أحمد عيد 😂😂

12/01/2025

جزء من كلامكم الحلو ❤️❤️

أحكيلنا تجربة ولادتك و متابعتك في عيادات دكتور أحمد عيد

08/01/2025

أزاي تحمي نفسك من المتحور الجديد

أنتبهوا جداً لصحتكوا الأيام دي وخصوصاً الحوامل وربنا يحفظكم جميعاً
دمتم سالمين ❤️