05/06/2025
المعروف يعني أن عيد الأضحى عيد اللحمة 😋
بس فيه مشكلة بتواجه معظمنا أن كل لما نخزن اللحمة بتبوظ مننا، رغم أن بنحطها في الفريزر..
والسبب في كدا إن أنواع كتييير من البكتيريا بتنمو أصلاً على اللحم
علشان كدا لازم نتعامل مع كل أنواع اللحوم و نخزنها بأمان
ايوه، يعني أخزنها ازاي.؟! 🤔
بص ي سيدي، مبدأيا كدا لما تيجي تشتري تخلى بالك من تاريخ الصلاحية
وتجنب لحم الأبقار في حالة لو كان لونه داكن أو ليه رائحة قوية أو لو حسيت أنه صلب ولزج .
طيب لو أنا بقا عندي أضحية ومش هشتري لحم وواثق في اللحم بتاعي أعمل اية 🤔
• لازم تغسل ايديك كويس جداً وبشكل مستمر بالماية أثناء تقطيع اللحم، دا لأن البكتيريا ممكن تنتشر بسهولة جداً على اللحم
• حاول تبعد أي خضراوات قريبة من اللحم علشان تمنع انتقال البكيتريا ليها يعني المكان والأدوات الي بنستخدها لتقطيع اللحمه منفصله عن المكان وأدوات تقطيع الخضارمهم جدا انك تنضف الادوات والأماكن الي بتقطع فيها اللحمه بالخل والليمون وتحافظ علي نظافة المكان
تاني خطوة هي التخزين بعد لما ضمنت أنه مفيش اي بكتيريا اتنقلت للحم 🤝
في حالة التخزين في الفريزر :
-يفضل يكون في شكل قطع، ونغلف اللحم في أكياس بلاستيك ونحكم غلقها كويس، بحيث تكون خالية من الهواء وبالطريقة دي فترة التخزين ممكن تستمر لعدة أشهر وقد تستمر ل سنة .
-في الفترة دي، يفضل الفريزر يكون على درجة حرارة 0 درجة فهرنهايت يعني -17.8 درجة مئوية
-لو التخزين في التلاجة، يفضل درجة الحرارة تكون عند 34 درجة فهرنهايت يعني 1.1 درجة مئوية
اللحم النيئ غالباً بيستمر لمدة 3 أيام في التلاجة والافضل تخزينه في الفيرزر دا علشان نضمن أطول فترة تخزين ممكنة. 🤝
-مهم جدا أن يكون لها مكان منفصل في الفيرزر وينضف جيدا👆
-اللحوم لو خرجتها من الفريزر ممكن ترجعها الفريزر تاني عادي اهم حاجه أن درجه حرارتها ماتوصلش لدرجه حراره الغرفه او المكان
بس خد بالك..✋
بلاش تاكل لحم نيئ أو مش مطبوخ كويس لأن ممكن تكون عليه معظم أنواع البكتيريا اللي بتسبب أمراض زي السالمونيلا و الايشيرشيا كولاي.
وزي ماقلت مهم حراره مش عاليه لطهي اللحوم أفضل حراره هي
71.1درجه مئوية
والفراخ 73.9درجه
السمك 62.8درجه
وبالهنا والشفا 🌸🤝🏻
#حياة 👌
#حياة ♥️
للتواصل الرجاء الاتصال او الارسال عبر الواتس اب
011 41126880
01099064002
العنوان: برج الشيماء الدور الثالث أمام محكمه الاسره القديمه
