https://www.facebook.com/580495201805528/

Haya Therapy

Home
Egypt
Damanhour
Haya Therapy

Contact information, map and directions, contact form, opening hours, services, ratings, photos, videos and announcements from Haya Therapy, Psychologist, Damanhour.

.. حيث يبدأ التفاهم وينتهي الصراع .. دعم نفسي علمي . تبسيط الصحة النفسية بأسلوب عملي وسهل جلسات فردية و جماعية
"مساحتك لفهم نفسك والتعامل مع الحياة بوعي أكبر. محتوى نفسي بأسلوب بسيط وقريب منك."

- احجز جلستك الآن | تواصل معنا عبر DM

12/08/2025

مهما كان إحساسك النهاردة… إنتِ مش لوحدك 🌿
أوقات صغيرة من الاهتمام بنفسك ممكن تغيّر يومك كله 💙

30/07/2025

لما تبعد عن ناسك فترة، بيرجعوا يقولوا لك "وحشتينا"… بس لما تبعد عن نفسك، مين يقولك؟

أنا رجعت، عشان أقولك: لو كنت تايه، مرهق، مش فاهمك… إحنا هنا. في حياة ثيرابي، هنبدأ من أول وجديد، بهدوء وصدق.

حابين نسمعكم، نحس بيكم، ونمشي سوا مشوار فهم الذات.

05/07/2025

لو سألتك:

– نوع بشرتك إيه؟
هترد: دهنيّة، جافّة، مختلطة…
– جسمك بيتخن من إيه؟
هتقول: من العيش، من السكّر، لما أبطل رياضة…
– بتحب تستخدم إيه لبشرتك؟
على طول: سيروم فيتامين سي، واقي شمس، كريم تقشير...

طيب لو سألتك:

🧠 بتفهم نفسيتك؟
❤️‍🔥 بتعرف إيه اللي بيأثر على مشاعرك؟
🌀 مخك بيفكر إزاي تحت ضغط أو وقت الزعل؟

هتسكت؟
يمكن تحتار؟
أو تضحك وتقول: "معرفش… عمري ما فكرت!"

المشكلة مش فيك… المشكلة إن محدش علمنا نعرف نفسنا.
وده اللي إحنا بنعمله في حياة ثيرابي.

مش بس بنسمعك،
إحنا بنساعدك تفهم نفسك.
لحجز جلستك : 01026127040

14/06/2025

في أوقات كتير بنحس إن المشاعر تقيلة، الأفكار ملخبطة، والدنيا جوا دماغنا مش مترتبة…
في حياة ثيرابي بنوفرلك مساحة علاجية آمنة، بعيدة عن الأحكام، تسمعك وتفهمك وتساعدك تطلع من الدائرة دي بخطوات واضحة وعلمية.

✔️ جلسات علاج نفسي معرفي سلوكي (CBT)
✔️ للعمل على القلق - الاكتئاب - التفكير السلبي - العلاقات - تقدير الذات - السلوكيات اليومية

✨ الجلسات حضوري أو أونلاين .
✨ الخصوصية والأمان أساس شغلنا.

لو حاسس إنك محتاج تبدأ مشوار التغيير، رسائلك دايمًا مفتوحة هنا.
للتواصل : 010 26127040

11/06/2025

"يمكن مفيش يوم بيعدي من غير ما تلاقي دماغك شغالة ومليانة أسئلة مابتخلصش.

تحاول تهدى… بس كل فكرة بتجيب بعدها ١٠.

تجرب تنشغل… تضحك شوية… تخرج… وبرضو جواك فيه صوت مش ساكت.

وده طبيعي… بس فيه طريقة تساعدك فعلاً تخفف من كل ده.

العلاج النفسي مش بس حوار، هو مساحة تاخد فيها نفسك بجد، وتفهم نفسك أكتر.

لو حاسس إنك محتاج المساحة دي.. ابعتلنا واحجز خطوتك الأولى.

📞 للحجز والاستفسار: 01026127040

#قلق #توتر

03/06/2025

الفترة الأخيرة الزلازل والسيول والأحداث المتتالية خلت ناس كتير تحس بخوف وقلق، وبدأت تفتكر أيام كورونا.
السوشيال ميديا اتحولت لمكان مليان تساؤلات وهزار قلقان:
"هو ده هيفضل يحصل؟ نعمل إيه لو في كارثة أقوى؟ كله ينام بهدومه؟"
وبين الكلام الجاد والهزار، بننسى إن في ناس الموضوع ده بيمسها بعمق أكبر.

ناس عندها اضطراب القلق العام أو الوسواس القهري بتتأثر من النوع ده من الأخبار بطريقة مختلفة تمامًا.

التغطية المستمرة للأحداث بتخلي المخ في حالة استنفار طول الوقت

الجسم يفضل في وضع “طوارئ” حتى لو مفيش خطر حقيقي حوالين الشخص

التفكير الكارثي بيزيد، والمخاوف بتتحول لهواجس مسيطرة

بعض الناس ممكن ترجع لها أعراض جسدية زي ضيق التنفس أو الصداع أو اضطرابات النوم

وعلشان كده، نصيحتي لأي حد عنده حساسية نفسية من النوع ده أو حتى حاسس بتعب:

1. قلّل متابعتك للأخبار قدر الإمكان. مش لازم تتابع كل لحظة وكل بوست.

2. اقفل السوشيال ميديا وقت الأحداث الكبيرة. الأخبار هتوصلك من مصدر موثوق لو في ضرورة فعلًا.

3. اختار مصادر أخبار هادئة وموضوعية، مش الصفحات اللي هدفها إثارة الخوف.

4. ارجع لحاجات بتطمنك: ذكر، قرآن، مشي، رياضة خفيفة، ناس بتحبك.

5. والأهم: افتكر إن زي ما عدّت كورونا، هتعدّي كل أزمة.
ربنا أرحم بينا من إننا نعيش في خوف دائم. ثقوا في لطفه حتى في الشدائد.

ولو حاسس إنك مش قادر تتخطى القلق لوحدك، متترددش أبدًا إنك تلجأ لمتخصص نفسي يساعدك تطلع من الدائرة دي.

الصحة النفسية مش رفاهية، دي أمانك وسلامك الداخلي.

18/05/2025

مع كل موجة أحداث سلبية حوالينا،
السوشيال ميديا بقت مصدر قلق مش راحة.
أسئلة كتير بتلاحقنا: ليه بيحصل كده؟
وللأسف… التفكير مش بيهدى.

عشان كده قررنا نكون موجودين، وندعمك بخطوة حقيقية.
خصم 50٪ على جلسات الثيرابي.

ابدأ خطوة لحياة أهدى ومليانة وعي وراحة.
اسأل عن التفاصيل وابعتلنا دلوقتي.

للحجز والاستفسار: 01026127040

#قلق

14/05/2025

الزلازل مش بس بتأذي المباني، ممكن تهز إحساس الإنسان بالأمان. فجأة تلاقي نفسك مش حاسس بسيطرة، وتبدأ تظهر أعراض زي:

توتر وبكاء مفاجئ

صعوبة نوم

دقات قلب سريعة

أفكار عن الفقد والموت

ده لأن الجسم بيدخل في وضع "النجاة"، والدماغ بيفرز أدرينالين وكورتيزول. بس ساعات الجسم يفضل في حالة تأهّب حتى بعد ما الخطر يروح.

وده طبيعي جدًا، ولو الأعراض فضلت أكتر من أسابيع، محتاجين ننتبه.

خد وقتك، ارجع لروتينك بهدوء، واهتم بتمارين الاسترخاء.
جهازك العصبي محتاج وقت عشان يهدى، وانت مش لوحدك.

05/05/2025

مش كل قلق مفيد
لما الخوف يعطلك عن التفكير، لازم توقفي وتاخدي نفس
الجزء ده ليكي، كأم
إزاي تحمي ابنك وتحمي نفسك كمان من الإنهيار

19/04/2025

إمتى حسّيت إنك بتحاول تشرح مشاعرك لحد ومش قادر توصلها؟
الكلمة واقفة في زورك، والموقف بيتفهم غلط، وإنت مش عارف تقول “أنا مش كويس” حتى…؟

اكتب/يلي في الكومنت: إيه أكتر حاجة نفسك حد يفهمها من غير ما تتكلم؟

16/04/2025

"مش كل عرض تقراه على جوجل معناه إن عندك اضطراب نفسي! التشخيص مش بالبحث، التشخيص محتاج متخصص."

12/04/2025

حاسس إنك تايه؟
حاسس إنك مش عارف أنت مين، ولا بتحب إيه، ولا حتى عايز تروح فين؟
كل ده طبيعي أكتر مما تتخيل، ومش علامة إن فيك مشكلة.

كلنا في مرحلة ما بنقف في النص...
لا عارفين نرجع، ولا عارفين نكمل.

جرب تبطأ شوية، تفصل عن كل الضوضاء، وتسمع نفسك.
اكتب لنفسك رسالة، أو حتى اسأل سؤال بسيط:
أنا محتاج إيه دلوقتي؟

الوعي بالنفس مش بييجي بيوم وليلة، بس أول خطوة دايمًا بتفرق.

---

قولنا في الكومنت:
إيه أكتر حاجة تعبّاك اليومين دول؟
أو إيه الخطوة اللي نفسك تاخدها ومش عارف تبدأ؟
إحنا هنا نسمعك، من غير حكم.

Address

Damanhour

Telephone

+201026127040

Website

facebook.com

Alerts

Be the first to know and let us send you an email when Haya Therapy posts news and promotions. Your email address will not be used for any other purpose, and you can unsubscribe at any time.

Shortcuts

Want your practice to be the top-listed Clinic in Damanhour?