د.عمرو عيطة دكتوراة واستشارى التأهيل الحركى والتغذية العلاجية والسمنه

17/09/2023

اعوجاج قدمي الطفل عند المشي (الأسباب والعلاج ) :
يعتبر المشى من العلامات الجيدة لسير نمو الطفل لأنه يدل على التطور .
كما يعد المشى تعبيراً عن بداية إستقلال الطفل وإنفصالة عن أمة جزئياً .
ومع بداية مرحلة المشى قد تظهر بعض المشاكل التى قد تؤدى إلى قلق الأم والأب خوفاً من إستمرار هذه المشكله مع الطفل طوال حياته وهى مشكلات عديدة وسوف أتناول مشكلة إعوجاج القدم فى هذه البوست ولاحقاً ان شاء الله نتكلم عن باقى المشكلات .
طيب تعالوا نشوف مع بعض المشكلة دى إيه أسبابها ونعالجها إزاى :
خطورتها على الطفل :
- عندما يبدأ الطفل فى تعلم المشى ويخطو خطواته الأولى ويستطيع المشى بدون وقوع او اهتزاز ويمشى بشكل متزن قد لا يمك ملاحظة هذا الإعوجاج .
- وفي المراحل الأولى يظهر في القدم وليس في الساق أو الفخذ.
- ولنطمئن الأمهات فإنه في الحالات الطبيعية قد تحدث هذه المشكلة لدى الكثير أو معظم الأطفال الطبيعيين أثناء نمو وتطور عظام الساق والفخذ وتعلم المشي وتظهر القدمان ملتفتين إلى الداخل خصوصاً فى الفترة الأولى فيما بعد المشي وبعدها تتحسن تدريجياً وتستقيم قدمي الطفل ويسير بشكل صحيح .
- ولكن إذا استمرت هذة المشكلة عند الطفل دون تحسن في شكل قدميه يجب عرضه على طبيب الأطفال أو العظام لإجراء بعض لفحصه وتقييم حالتة وتحديد السبب ومكان الإلتفاف وعلاجة.
أسباب إعوجاج والتفاف القدم للداخل أو الخارج:
- وجود اعوجاج في القدم منذ ولادة الطفل لم يكن ملحوظ .
- الإصابة بأمراض العضلات.
- حدوث بعض التشنجات للطفل.
- اتجاه زاوية تكوين عنق عظمة الفخذ للخارج وهذا يجعل الطفل يشعر براحة مع رجله للداخل.
- التفاف عظمة الفخذ أو الساق أو القدم للداخل.
خطورة الإعوجاج :
- زيادة تعثر الطفل أثناء المشى ووقوعه على الأرض.
- قد تسبب ألم شديد للطفل عند المشى .
- عدم قدرة الطفل على الجري بشكل طبيعي.
- قد تسبب تشوه لقدم الطفل .
- ربما يحتاج إلى جراحة في المستقبل لتعديل شكل القدم.
علاج الإعوجاج :
- أولاً يقيم طبيب العظام والتأهيل او العلاج الطبيعى مدى الإعوجاج وتأثيرة .
- قد يتطلب الأمر إجراء أشعة عادية على القدم لرؤيتها من قبل المختص .
- في معظم الأطفال كما ذكرت سابقاً تعتدل زاوية القدم تدريجياً مع مرور الوقت والتقدم في السن .
- هناك حالات حرجة تحتاج إلى التدخل الجراحى عندما يبلغ الطفل سناً أكبر.
وفي الحالات التي تعاني من التواء بسيط يمكن العلاج بالأتى:
- التدليك الطبي للقدم والساق غير الطبيعية .
- اختيار أحذية مريحة للطفل في سن تعلم المشي.
- ممكن استخدام الجبس لتقويم انحراف القدم بواسطة طبيب العظام والتأهيل او العلاج الطبيعى ، وهذا فقط في حالات الالتواء الشديدة أو إذا استمر الوضع لسنوات دون أي تحسن.
- إستخدام الأربطه الضاغطة المطاطة واللاصقة لتعديل زاويه القدم أو الساق وفقاً لرؤيه المعالج.
حفظ الله أبنائكم .. Dr.Amr Eita

16/06/2023

طفلك والسكريات

26/05/2023

السمنة(ماهى؟ ، كيفية تحديدها؟)

17/05/2023

يا جماعه بنتعذر عن الغياب فى الفيديوهات والبوستات والرد على الرسائل الفترة اللى فاتت لأن الدكتور كان تعبان وان شاء الله نتواصل قريباً بإذن الله

10/05/2023

شكراً لحضرتك يا فندم وتحت أمرك وأمر أى حد يحتاجنا ودايما موجودين معاكوا ان شاء الله......(شكراااااااا جزيلاااااا)

09/05/2023

السمنة وإحتياجات الرضع والأطفال من الغذاء : (1)
- كمية الطعام التى يحتاجها الطفل تتغير يتغير العمر من عام إلى عام .
- والطفل الذى وزنه (10) كيلو جرام وهو فى الشهر السابع تختلف عن الطفل الذى وزنه ستة كيلو جرام وهو فى نفس السن .
- جرام البروتين يحتوى على 4 سعرات حرارية .
- جرام الدهون يحتوى على 9 سعرات حرارية .
- جرام السكر يحتوى على 4 سعرات حرارية .
- 100 جرام من اللبن كامل الدسم أو لبن الأم يحتوى على 67 سعرا حراريا .
- الطفل حتى عشرة كيلو جرامات يحتاج يومياً من 120:100 سعر حرارى لكل كيلو جرام من وزنه.
- الطفل أكثر من عشرة كيلو جرام يحتاج حوالى 50 سعرا حراريا لكل كيلو جرام من وزنه .
- تختلف نوعية الطعام تبعا لسن الطفل وليس وزنه .
- الطفل فى أول ستة أشهر يحصل على كل احتياجاته من الدهون والبروتين والكربوهيدرات من لبن الأم .
- تتغير نسب الدهون والبروتين والكربوهيدرات فى لبن الأم مع زيادة عمر الطفل .
- كما تتغير مع الزيادة فى العمر احتياجات جسم الطفل وهو ما لا يتوفر فى الألبان الصناعية والتى تحتوى على مكونات ثابته لا تتغير بالشكل المطلوب .
- يفضل إعطاء الطفل عنصر الحديد بعد الستة أشهر الأولى من عمره وذلك لعدم احتواء لبن الأم على هذا العنصر بصورة كافية.
- يجب الحرص عند تقديم الطعام للطفل أن يكون الطعام قليل الملح وقليل السكر حتى يعتاد الطفل ذلك ونتجنب بهذه الطريقة الآثار غير المستحبة للملح والسكر.
- يجب متابعة وزن وطول ومحيط رأس الطفل والإطلاع على النسب المثالية لعمرة .
- يجب معرفة ما إذا كان الطفل يحتاج إلى بعض الفيتامينات والمعادن التعويضية أم لا باستشارة طبيب الأطفال أو طبيب التغذية .
- يحتاج الأطفال الرضع والأطفال الصغار إلى الكولستيرول وغيره من الدهون من أجل نموهم.
- ويجب أن يكونَ نصف ما يحصل عليه من السعرات الحرارية تقريباً من الدهون.
- تتناقص الحاجة للدهون بالتدريج مع بلوغ الطفل عامه الثاني.
- عندما يصل الطفل إلى العام الرابع أو الخامس من عمرة فإن ثلث ما يحصل عليه من السعرات الحرارية فقط يجب أن يكون مستَمد من الدهون.
- يمكن أن يصاب الطفل الصغير بزيادة الوزن إذا كان يتناول كمية زائدة من الأطعمة الغنية بالدهون.
- يجب الحرص على أن يحصل الطفل على غذاء متنوع ومتوازن .
- يجب أن تعلمى طفلك العادات الصحية للأكل عندما يستطيع تناول الأطعمة الصلبة.
- يجب الانتباه إلى ما يأكله الطفل خارج المنزل أو بعيداً عن الأم .
- يجب التأكد من أن الأشخاص الذين يتولون رعاية الطفل في غياب والديه يقومون بإعطائه أطعمة صحية.
- الوقت الذي يقضيه الطفل أمام التلفزيون أو الكمبيوتر يساعد في زيادة مشكلة السمنة.
- الأطفال الذين يجلسون أمام التلفزيون أو الكمبيوتر لمدة (3) ساعات معرضون لخطر الإصابة بالسمنة.
- ممنوع إعطاء الطفل السكريات أو الحلويات أو البطاطس أثناء مشاهدة التلفزيون لأنها قد تتحول لعادة وتزيد معاها إحتمالات الإصابة بالسمنه فضلاً عن زيادة الوزن عند الطفل .
- يجب تقليل الوقت الذي يقضيه الطفل فى مشاهدة التليفزيون أو غيرة من الأجهزة.
- يجب الحرص على أن يمارس الطفل أنشطة أخرى تبقي جسمه وعقله في حالة نشاط.
- يجب منع إعطاء الطفل الأطعمة السريعة.
- الأطعمة السرعية غنية جداً بالدهون والسعرات الحرارية ويمكن أن تؤدي للسمنة.
- توعية الأطفال ضد إعلانات الأطعمة السريعة والحديث عن أضرارها .
يتبع............................................................. حفظ الله أبنائكم Dr.Amr Eita

تأهيل إصابات العمود الفقري والمفاصل بعد العمليات الجراحية،إصابات رياضية،اعاقات الاطفال، سمنه ونحافة

07/05/2023

انتظرونا قريبا مع سلسلة
السمنة وإحتياجات الأطفال من الغذاء.

06/05/2023

تغذية الطفل فى السنه الثانية : (1)
- لما الطفل يبقى عندة سنه ويبدا أول يوم فى السنه الثانية هنحتاج نغير خريطه التغذية بتاعتة شوية صغيرين عشان تكون مناسبة لمرحلتة العمرية وتساعدة فى النمو بشكل سليم بدون مشاكل .
- عشان كده مش لازم تصعبى الموضوع على نفسك الموضوع بسيط بس أهم حاجه انك تعملى وجبات صحية فيها العناصر الغذائية اللازمة للطفل فى السن ده .
- وتكون الوجبات دى محتوية على أطعمة فيها سعرات حرارية عالية وغنية بالطاقة وشاملة على كل المواد المهمة واللازمة للطفل زى البروتين والدهون والكربوهيدرات والفاكهه والخضروات والحبوب وغيرها عشان تحافظى على النمو الجسمى والعقل للطفل وتمدة بالطاقة اللازمة لنشاطه الحركى وكمان تعوض الطاقة المفقودة من الحركة واللعب ، وهنا هيبقى عندك حاجتين با إما طفلك بياكل كويس ووزنه ممنتظم وماشى تمام وهنا مفيش مشكله أو بياكل قليل او وزنه قليل ومش بيزيد وهنا المشكله اللى تخليكى ما تنتظريش فوراً تروحى لدكتور الأطفال او دكتور التغذية بتوعك يشوفوا ايه المشكله ولازم تكونى متأكده انهم أكتر حد هيساعدك .
- طيب فى البداية عاوز أقولك حاجه مهة انه طفلك أول ما يبدأ السنه الثانية من عمرة هيكون قادر انه ياكل أى طعام هتقدميهوله وكمان هيكون بدأ يفهم كلامك لما تقوليله فايدة الأكل اللى بياكله عشان كده لازم تربيه على العادات الغذائية الصحيحة وتعودي ياكل كل الأكل عشان ما يهربش بعد كده من أكل معين أو يرفض الأكل كله يبقى الأفضل عشان تحافظى عليه وتوفريله تغذية مناسبه لعمرة ونموة وتوصليه للوزن المناسب لازم تعملى شويه حاجات سهلة كده هقولك عليها : تعالى نشوفها مع بعض .......
- قسمي الوجبات إلى أربع أو خمس وجبات فى اليوم وفى مواعيد محددة .
- ممكن تخلى المحتويات اللى مش بيحبها قوى مع حاجه بيحبها فى ساندوتش صغير وخصوصاً الأكل ذو القيمة الغذائية العالية .
- معظم الأطفال فى السن ده بيحبوا الحاجه الطريه السهله فى الأكل زى الجبن الرومى والنستون وطبعاً ممكن تعمليها فى ساندوتش لأنها مفيدة وفيها فيتامينات مهمة وكمان فيها كالسيوم ودهون.
- ممكن تخلى الساندوتش ده فيه حلاوة طحينية أو مربى لأن فيها عناصر غذائية جيدة وهتساعد فى نموة وزيادة وزنه .
- ممنوع تديله حلويات او عصائر محفوظه قبل الوجبات الرئيسية بساعه على الأقل لأنها هتخلية يشبع ويبقى مش عاوز ياكل .
- خلى الطفل يختار الأكل هو يحبة طالما أكل مفيد وكويس لأنه كده هتديله أكل مغذى وكمان هتساعدية فى النمو النفسى بتاعه لأنه فى السن ده بيحاول يستقل وعشان كده بيرفض اى حاجه منك لكن لما يختار هو هياكل اللى اختارة لأنه بيحبه .
- لازم يكون فى الوجبة نشويات عشان تمده بالطاقة اللى تخليه يقدر يتحرك لأن طبعاً انتى عارفه ان الأطفال بيتحركوا كتير وده طبيعى ما تقلقيش منه .
- لازم يكون فى الوجبات كمية بروتين كفاية .
- حاولى ان السكريات ما تبقاش هى اكتر حاجه بياخدها لأ ياريت تكون أقل حاجه .
- ممكن تديله حبوب ومكسرات وفواكه مجففة بدل الشيبسي والمصاصات واللبان والحلويات المحفوظة .
- ممكن تديلة قطعة شوكولاتة بعد ما ياكل الوجبه الرئيسيه او حتى ساندوتش مفيد .
- ممكن كمان تديله تمر باللبن مضروبين فى الخلاط لأنه مشروب سحرى فى الإمداد بالطاقة للطفل وكمان هيزود وزنه .
- ممكن تحطى على الشوربه وانتى بتعمليها لبن بدل الماء عشان تخلى القيمة الغذائية للشوربة عالية وتزود وزنه .
- خدى بالك انه لازم يشرب ماء وسوائل بكميات وفيرة عشان ما يحصلوش جفاف بس كمان مش كتير قوى عشان ما يحسش بالامتلاء والشبع .
وانتظرونى غداً مع النظام الغذائى للأطفال فى السنه الثانية ...
حفظ الله أبنائكم ... Dr.Amr Eita