DR/Samar henedy pharmacy

21/10/2023

أسباب وعلاج تساقط الشعر؟؟؟

أولا 》》 متى يكون تساقط الشعر عادي؟؟؟

▪️تساقط الشعر بعد الولاده ومع الرضاعه امر طبيعي من شهر ل سته أشهر وبعدها بيرجع طبيعي باذن الله.

▪️تساقط الشعر بعد الريجيم الشديد وبعد العمليات ايضاً طبيعي وبعدها يعود الشعر كما هو اذا حصلنا على الغذاء المناسب.

▪️في حاله اخذ حبوب الايزوتريتينون او حبوب منع الحمل او حبوب مكملات كمال الاجسام فيتساقط الشعر اما اذا تم وقفها فيعود الشعر طبيعي.

ثانياً 》》》 التحاليل؟؟؟

١- تحليل مخزون الحديد... او ما يسمى بالفريتين serum ferritin وليس تحليل الحديد المعروف ب CBC... فيجب ان يكون فوق ال٧٠ اما اذا كان اقل من ذلك يجب اخذ حبوب بالمتابعة مع طبيب جلديه او طبيب باطنه عامه.

٢- تحليل الزنك ... ناخد هذه الحبوب اذا كان في نقص زنك فقط لان كثره الزنك تؤدي الى تساقط الشعر.
بمعني اخر.. لازم نسبة الزنك في الجسم تكون في معدلها الطبيعي لا تقل ولا تزيد.

٣-تحليل فيتامين د .. لو فيه عندكم نقص يتم اخذ حبايه واحده ٥٠٠٠٠ وحده دوليه مره في الاسبوع لمده ٨ اسابيع بالمتابعه مع طبيب.

٤- تحليل الهرمونات ... اذا كانت الدوره الشهريه غير منتظمه او وجود شعر زائد بالوجه يجب عمل هذا التحليل فقد يكون هناك تكيس في المبايض ولازم تعالجوه عند الطبيب المختص.

٥-تحليل الغده الدرقيه ... اذا كان هناك خمول او نشاط فيها يجب المتابعه مع طبيب غدد.

🚫🚫🚫🚫ملاحظه////
اهم اهم تحليل مخزون الحديد ferritin نقول تاني لازم يبقى ٧٠ وليس تحليل مستوى الحديد في الدم iron مختلف تماما

تعالوا بقى نتكلم عن العلاج بالزيوت
مهم جدا نعرف ان اهم علاج لكل مشاكل الشعر هو العلاج بالزيوت

▶️لو بتعاني من فراغات وتساقط والشعر مش بيطول انصح بزيت الفلفل ٣ مرات اسبوعيا لمده اربع ساعات يعادل حقن البلازما ونغسل بالشامبو ونرطب بماسك ترطيب ونستمر ٣ شهور ومفيش حاجه اسمها جربت مره الزيت طبيعي آمن عالكبار والاطفال والحامل والمرضع

✔️✔️✔️طيب لو مش متاح زيت الفلفل يكون البديل زيت الروزماري او زيت نواه التمر لكنه يأخذ وقت اطول فيحتاج الى خمس شهور التزام

▶️لو عندك مشكله قشره لازم تعالجيها لانها سبب خفي للتساقط ولازم تعالجيها صح يعني الاول تعرفي نوع القشره لان لو جافه علاجها ماسكات الزيوت اما لو دهنيه فالزيت هيزيد المشكله والافضل للعلاج خل التفاح ٣ مرات اسبوعيا لمده اربع ساعات ونغسل او نغسل بشامبو نيزورال او نيزابكس لمده ربع ساعه تدليك ٣ مرات اسبوعيا
مع التركيز علي فروة الرأس فقط و ليس الشعر.. لانه هيسبب لها جفاف.

🔴🔴🔴مهم نعرف ان اي نتيجه هتظهر بالالتزام وطبيعي في مرحله العلاج يحدث تساقط في الاول لكن التساقط هيكون لنمو شعر جديد كل اللي انتي محتاجاه صبر والتزام

23/05/2023

⛔ لو بتاخد التروكسين( دوا الغدة الرقية)
لازم تفتكر المعلومات دي كويس ..

⛔بمناسبة إنه ناقص شوية اليومين دول..ممكن في الحالة ديه يتجاب بديله الإيثيروكس بنفس التركيز بشرط يتم تحليل TSH بعد ٦ أسابيع من تاريخ أول جرعة.

✨ الالتروكسين بيتاخد على معدة فاضية قبل الفطار من نص ساعة لساعة الصبح.

✨ميتاخدش معاه لا حديد ولا كالسيوم ولا أدوية معدة من عيلة PPI وال H2 blockers ولا مضادات حموضة antacids ولا ال sucralfate ولا الأورليستات.

✨بلاش يتاخد بقهوة أو شاى عشان الكافيين بيقلل من امتصاصه بنسبة ٣٠٪ ... يؤخذ بالماء فقط.

✨ لا يستخدم للتخسيس ..لا يستخدم للتخسيس..لا يستخدم للتخسيس.

✨متابعة جرعته بتبقي بتحليل ال free T4 وده مبيتعملش غير على الاقل قبل مرور ٤ أسابيع في حالات الثانوية secondary..يعني أي تغيير في الجرعة مستناش منه نتيجة غير قبل شهر .والاولية primary بال TSH مع الأخذ في الاعتبار إنه التحليل ده بيتأثر بعوامل كتير من ضمنها البيوتين.

✨ في بداية علاجة ممكن يعملي زيادة شوية في ضربات القلب لأنه بيزود مش شغل القلب اللي كان نايم بقاله فترة وجسمك خد على كدة.

✨من الأفضل في بداية العلاج يتبص علي مستوى دهون الدم عشان لو عالي يتزود حاجة للكوليسترول والدهون الثلاثية في الدم لأنه ممكن الالتروكسين لما يزود من شغل القلب ده بيخليه يحتاج أكسجين اكتر عشان يشتغل وطبعا مع كسل الغده اللي بقاله فترة بيرسب الدهون في الشرايين الاحتياج بيزيد وبالتالي الشرايين مش بتقدر تكفى حاجة القلب وممكن يعملى أعراض ذبحة في الاول anginal pain .

✨عشان القاعدة الثامنة بنبدأ بجرعة صغيرة ممكن من ٢٥ ميكرو ل ٧٥ ونزود تدريجيا بعد مش أقل من شهر .

✨ لو العيان بياخد كورتيزون معاه فهو محتاج يزود في جرعته لأن الالتروكسين بيزود من metabolism الأيض بتاعه وبالتالي لو مريض أديسون ولا مريض بمرض مناعي وماشي عليه يخلي باله ويعرف دكتوره.

✨طبقا للمعلومة السابقة لو مريض أديسون او عموما adrenal insufficiency وأديناله الالتروكسين قبل الكورتيزون ممكن يدخله فى acute adrenal crisis يعني نقص شديد في الكورتيزون بتاع الجسم واللي هو أصلا ناقص نتيجة طبعا الالتروكسين اللي خرجه بسرعة..فلازم الأول أبدأ بجرعة كورتيزون وبعدها استخدم الالتروكسين .

✨ الالتروكسين دوا مش هين واللعب في جرعته مش حاجة سهله والدليل على كده جرعته بالميكرو has a narrow therapeutic index

✨ العيان اللي بياخد أدوية سيوله anticoagulant محتاج يقلل من جرعتهم شويه عشان اللالتروكسين بيزود من شغلهم .

✨لو ماشي علي المصري متبدلوش بالمستورد ولو ماشي علي المستورد متبدلوش بالمصري ..بلاش تغير بأي بديل تاني حتى لو هو هو بالظبط عشان فيه اختلاف في ال bioavailability وديه حاجة بترجع لطريقة التصنيع ومدى استجابة الجسم وديه بتختلف من شركة للتانية حتى لو نفس المادة ونفس التركيز.

✨لو حامل مش بنوقف الدوا ..أبدا ...بالعكس إحنا بنزود الجرعة بحوالي ٣٠ ل ٥٠ ٪ عشان الطفل بيعتمد اعتماد كلى عليكي في الحصول على الهرمون وبيفضل لحد ما يتولد ب ١٢ أسبوع تقريبا ولو مخدوش منك ممكن يحصله cretinism أو قماءة ..ولحد ما ترجعى لدكتورك ممكن الجرعة تضاعف مرتين أسبوعيا.

16/05/2023

🌞 يا تري إيه ال Sunscreen او واقي الشمس الأحسن في الفعالية يكون SPF 30 or 50 ؟!🔆🌞
- لا مفيش فرق، وأصلا تقريبا مفيش فرق بين ال SPF 30 & 100.. وعشان نفهم مع بعض يبقى لازم نفهم الأول ال SPF..

🌞 ال SPF هو ال Sun Protection Factor، وده بيقيس فاعلية واقي الشمس ، يعني كل ما يزيد ال SPF هيزيد طبعا الحماية من الأشعة فوق البنفسجية.

🌞ولكن خلي بالك إن ال SPF Scale بيكون not linear.. يعني ايه الكلام ده ؟!

🌞 يعني مثلا ال SPF 30 مش معناه إنه هيديلك حماية ضعف ال SPF 15

🌞 تعالى كده شوف نسبة الحماية من الأشعة فوق البنفسجية اللي في الشمس في ال SPF..
- SPF 15 (93% Protection)
- SPF 30 (97% Protection)
- SPF 50 (98% Protection)
- SPF 100 (99% Protection)

🌞 عرفت ليه بقى إن يعتبر مفيش فرق بين ال SPF 30 & 50 !!، ولو عاوز أقوى حاجه فهي طبعا ال SPF 50 لأن الأعلى من كده كلام فاضي..

🌞 تب أيه الحاجات التانية اللي تحدد المنتج كويس في ال Protection ولا لا !!
- أول حاجه قولناها ال SPF، يفضل يكون SPF 30 أو أعلى، وقولنا تقريبا مفيش فرق شاسع طالما هو مش أقل من SPF 30.
- تاني حاجه ال Sunscreen spectrum يعني بيحمي من إي نوع من الاشعاعات الضارة اللي في الشمس.. لو لقيت ع المنتج مكتوب Broad spectrum فده معناه إنه بيعمل حماية من ال UVB & UVA.
- تالت حاجه ال Water resistance يعني انه مش بيتأثر بالعرق.. فلو لقيت مكتوب عليه Water resistant فده بيقعد حوالي 40 دقيقة محتفظ بفعالية ال SPF بعد التعرض للماية أو التعرق، ولو لقيت مكتوب عليه Very water resistant فده بيكون أفضل طبعا لأن ال SPF بيفضل محتفظ بفعاليته لمدة 80 دقيقة بعد التعرض للماية أو العرق.

🌞🌞و طبعا إحنا محتاجين نحافظ علي جلدنا من اضرار الأشعة فوق البنفسجية.
#دمتم بخير. 🌞🌞

08/12/2022

⛔وزارة الصحه تعلن:
إيجابية حالة مواطن
أصيب بفيروس جدرى القرود

جدري القرود

فترة الحضانة من 10-14يوما

أسباب الإصابة بمرض جدري القرود
تتمثل أهم الأسباب وعوامل خطورة هذا المرض فيما يلي:
• التعامل المباشر مع الحيوانات المصابة بالفيروس وملامستها أو ملامسة السوائل التي تخرج من جسمها.
• تناول اللحوم الغير مطهية بشكل جيد.
• الاختلاط المباشر بشخص مصاب بالفيروس حيث يمكن أن ينتقل الفيروس من شخص لآخر عن طريق إفرازات الجهاز التنفسي الخاصة بالشخص المصاب.
• التعرض لملامسة الأسطح الملوثة بالفيروس نتيجة وجود السوائل أو الإفرازات عليها.

أعراض الإصابة بجدري القرود
مثل باقي أنواع العدوى الأخرى يوجد لهذا الفيروس فترة حضانة غالبًا ما تتراوح هذه الفترة من أسبوع إلى أسبوعين كما أنها في بعض الأحيان قد تكون من خمسة أيام إلى ثلاثة أسابيع وتشمل أهم أعراض هذا المرض ما يلي:
• ارتفاع في درجة حرارة الجسم.
• تورم وانتفاخ الغدد الليمفاوية.
• ألم العظام والعضلات والمفاصل وخاصةً ألم في الظهر.
• صداع الرأس.
• الشعور بالتعب والإرهاق وعدم القدرة على بذل المجهود.
• الطفح الجلدي الذي يظهر بعد بضعة أيام من ارتفاع درجة حرارة الجسم والذي يظهر أولاً على الوجه ثم ينتشر إلى باقي أجزاء الجسم الأخرى، حيث يظهر على شكل بقع ثم حويصلات ثم قشرة.

الوقاية من مرض جدري القرود:
توجد بعض الطرق الوقائية التي تساعد بشكل كبير في الوقاية من هذا المرض ومن أهم هذه الطرق ما يلي:
• تلقي اللقاح الخاص بمرض الجدري حيث أثبت أن له فعالية كبيرة في الوقاية من جدري القرود.
• عدم مخالطة الحيوانات المصابة أو التعامل معهم خاصةً الحيوانات التي توجد في المناطق التي تنتشر فيها الأمراض.
• الحرص على طهي اللحوم جيدًا قبل تناولها.
• الحرص على عدم مخالطة الأشخاص الذين تظهر عليهم أعراض المرض.
• اتباع إجراءات السلامة والنظافة الشخصية إذا حدث تعامل مع الأشخاص التي يتم التعامل معهم.
• تنظيف الأسطح التي يتم التعامل معها وتطهيرها بشكل مستمر.
• الحرص على عزل الأشخاص المصابين بمرض الجدري عن الأشخاص الآخرين وخاصةً الأشخاص المعرضين لخطر الإصابة بهذا المرض.
• عدم ملامسة أي شيء قد تلامس مع السوائل أو الأغشية المخاطية الخاصة بشخص أو حيوان مصاب.

07/12/2022

🩸الحملة القومية للتطعيم ضد شلل الأطفال الأحد المقبل في كل المحافظات في الفترة من 11 ديسمبر حتي14 ديسمبر لجميع الاطفال من عمر يوم حتي خمس سنوات.
🩸مهم جدا طفلك ياخدها لأنها ضد النمط رقم 2 من فيروس شلل الاطفال و ده طفلك مش بياخدها في التطعيمات الأساسية.

24/11/2022

الفيروس التنفسي للأطفال ....

الفيروس المخلوي التنفسي (RSV) هو فيروس يصيب الجهاز التنفسي للاطفال والكبار وينشط خلال موسمي الخريف والشتاء.

الفيروس سريع الانتشار واعراضه تتشابه مع باقي فيروسات الجهاز التنفسي : الحراره ، الكحه ، زكام الأنف ، الصداع

في معظم الإصابات بتكون الاعراض خفيفه الي متوسطه لكن في بعض الأطفال وبعض كبار السن من ذوي المناعه الضعيفه بتكون الاعراض قويه وحاده مثل : الحراره الشديده ، الكحه القويه ، صعوبه التنفس ، الازيز وهو صوت حاد يسمع اثناء الزفير ، تغير لون الجلد الي الازرق بسبب نقص الاكسجين .

ينتشر الفيروس عبر الرذاذ المباشر من الشخص المصاب خلال اسبوع من اصابته كما يستطيع الفيروس ان يعيش عده ساعات علي الاسطح الصلبه.

لايوجد لقاح متوفر للفيروس حاليا وينصح بالعادات الصحيه مثل غسل الايدي وعدم مخالطه الأطفال المصابين واستشاره الطبيب المتخصص في حاله ظهور أعراض قويه.

نتمني لكم الفيروس التنفسي للأطفال ....

الفيروس المخلوي التنفسي (RSV) هو فيروس يصيب الجهاز التنفسي للاطفال والكبار وينشط خلال موسمي الخريف والشتاء.

الفيروس سريع الانتشار واعراضه تتشابه مع باقي فيروسات الجهاز التنفسي : الحراره ، الكحه ، زكام الأنف ، الصداع

في معظم الإصابات بتكون الاعراض خفيفه الي متوسطه لكن في بعض الأطفال وبعض كبار السن من ذوي المناعه الضعيفه بتكون الاعراض قويه وحاده مثل : الحراره الشديده ، الكحه القويه ، صعوبه التنفس ، الازيز وهو صوت حاد يسمع اثناء الزفير ، تغير لون الجلد الي الازرق بسبب نقص الاكسجين .

ينتشر الفيروس عبر الرذاذ المباشر من الشخص المصاب خلال اسبوع من اصابته كما يستطيع الفيروس ان يعيش عده ساعات علي الاسطح الصلبه.

لايوجد لقاح متوفر للفيروس حاليا وينصح بالعادات الصحيه مثل غسل الايدي وعدم مخالطه الأطفال المصابين واستشاره الطبيب المتخصص في حاله ظهور أعراض قويه.

23/11/2022

10/11/2022

🐄🐂الفرق بين اللبن البقري و اللبن الجاموسي 🐄🐂

في ناس كتير بتفضل نوع لبن عن التاني و في ناس بتشوف اللبن الجاموسي أفضل عن البقري و في ناس بتشوف العكس🤔

و في ناس كتير بتشوف إن أولادها مش بيحبوا غير المعلب، وده طبعًا كله بقري🐄

👈الأطفال قبل 5سنوات، ممنوع منعًا باتًا نشربهم اللبن البقري، لإن أملاحه عالية، وقيمته الغذائية أقل كتير، وبيفقدهم مواد كتير للبناء الجسدي والعصبي مش موجودة غير في اللبن الجاموسي، ولو تقيل نخففه تدريجيًا بماء مقطر، أو نشيل وشه.

المهم الفرق إيه ما بين الاتنين 🤔

اللون طبعًا فهتلاقوا الجاموسي ناصع البياض و البقري أبيض مصفر،
القوام البقري أخف.

👈أولًا:
من ناحية الدهون: طبعًا الجاموسي أعلى لكن دهون نافعة ومهمة جدًا لوجود الفيتامينات و سهولة امتصاصها، ومش بتعلي الكوليسترول.

👈ثانيًا:
الصلاحية: الجاموسي أطول عشان بيحتوي على إنزيم بيروكسيداز اللي بيمنع حموضة اللبن وفساده بسرعة، لكن البقري أقصاه يومين، طبعًا ده البلدي من غير مواد حافظة.

👈ثالثًا:
البروتينات: الجاموسي أعلى بمراحل كبيرة جدًا من البقري، خاصة الأحماض الأمينية اللي يحتاجها الأطفال في بداية عمرهم للبناء بشكل سليم، وعشان كده الجاموسي رغم إن سعراته أعلى بنفضله في الرجيم لأنه بياخد وقت أطول في الهضم وبيدي إحساس بالشبع مدة أطول وبيقاوم الجوع، وده بيعوض الفرق في السعرات الحرارية.

👈رابعًا:
نسبة المياه: البقري ٩٠% منه ماء، الجاموسي أقل عشان كده قيمته الغذائية ونسبة البروتينات والمواد الصلبة فيه أعلى.

👈خامسًا:
الفيتامينات والمعادن: الجاموسي أعلى عشان فيه كالسيوم وحديد و فسفور ومنجنيز وبوتاسيوم. لكن الأغنى منهم هما الاتنين في النقطة دي تحديدًا لبن الماعز لأنه ٣٠% منه كالسيوم.

👈سادسًا:
سكر اللاكتوز البقري أقل عشان كده اللي عندهم حساسية اللاكتوز البقري أفضل ليهم،

غير كده الجاموسي أفضل على الإطلاق.🐂👍

27/10/2022

ياريت ناخد بالنا كلنا من النقطه دي.
الصوره دي فيها غلطه ممكن نكون كلنا بنعملها من غير ما ناخد بالنا؟؟؟؟

احيانا واحنا بنشوي او بنقلي اللحوم.... اللي بتستوي بيصغر حجمها وبيظهر مكان مناسب اني احط مقدار تاني من اللحوم النيه في الفراغ ده....
بس خلي بالك....
لو اللحوم اللي استوت كان فاضل عليها لحظات ونشيلها من الوعاء.... يبقى ماينفعش احط جنبها لحوم تانيه نيه....
لان البكتيريا هتتنقل بين الاتنين وممكن الوقت اللي فاضل لا يسمح بالقضاء عليها... وارفع لحوم مستويه كانت ملامسه للحوم نيه.... وفي الحاله دي... تسمم غذائي لا قدر الله...
يبقى لازم ناخد بالنا من الموضوع ده...
ويفضل كل كميه تكون مستقله بذاتها وترفع من على النار كامله وبعدين أضع مقدار جديد....
دمتم بصحه💌💌💌💌

27/10/2022

💔بعض المعلومات الهامة للتوعية بمرض الكوليرا نظرا لسرعة انتشاره الفترة دي😷

👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻

💔الكوليرا مرض بكتيري بتسببه بكتيريا اسمها الفبيرو(vibrio cholerae)ووجوده مرتبط ارتباط قوي جدا بوجود تلوث المياه واستهلاك الانسان للمياه دي بشكل مباشر أو غير مباشر يعني عن طريق شرب المياة او الاغتسال بيها او غسل الطعام الخضروات بالمياه دي

💔رغم أن مرض الكوليرا علاجه متوفر وسهل إلا أنه سريع الانتشار و إهمال الاعراض فور بداية ظهورها ممكن يسبب الوفاة في خلال ساعات قليلة خصوصاً الاطفال

💔بكتيريا الكوليرا بتستهدف الجهاز الهضمي للإنسان و بتبتدي تدمر الغشاء المبطن للجهاز الهضمي و تآكل جدرانه الداخلية
فتسبب فقدان حاد في السوائل و الاملاح في الجسم و دة بيظهر على شكل قيئ شديد و إسهال حاد وقوي بيصفي الجسم خلال ساعات قليلة ويتسبب في الوفاة

و العلاج ببساطة
👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻

💔 ملاحظة الاعراض فور ظهورها و علاجها و دة بتعويض السوائل و الاملاح المفقودة بسرعة بالسوائل و المحاليل في حالة القيئ الشديد و عدم القدرة علي ابتلاع السوائل

❤️وكل ما كان التدخل بعد ظهور الأعراض مباشرة كل ما نقدر ننقذ المريض بشكل أسرع

❤️الوقاية من مرض الكوليرا ممكن و بسيط والتدخل سهل عن طريق استخدام المياه نظيفة للاستهلاك وتعقيمها و غليها ان أمكن والتأكد من سلامة الطعام من اي تلوث او احتكاك بفضلات الجسم

❤️حفظنا الله و حفظ اهلنا و اطفالنا و عجل بشفاء كل مريض يارب