د/ إبراهيم الدهشان - D. Ibrahim Al-Dahshan (2025)

08/10/2024

صبـاح الخير .
= للتوضيـح "" الكيـتو دايت "" .
شـرح مبسط بشكل سلس بأختصار .
- الكـيتو دايت فى الأساس مكانش نظام دايت بقدر ماهو نظام " علاجي "
لو انت شخص عندك مقاومة إنسولين مرتفعه , او بداية سكر , او تعانى من دهون ع الكبد او مشاكل امراض مناعه ذاتية بكل انواعها , او نسبة إلتهابات عالية طول الوقت . الأنظمة التقليدية اللى انت بتمشي عليها بتاعت كل 5 مرات و نص رغيف و 5 معالق ارز و الكلام ده مش هيجيب معاك اى نتيجة .
ف الكيـتو دايت عظيم جدا جدا جدا بالنسبالك لان ببـساطة شديدة جسم حضرتك عنده مشاكل كبيره جدا فى التعامل مع " السكر و النشويات " و هتكون هى مصدر مشاكل بالنسبالك .
طاب الكيتو قايم على ايه ؟!
قايم على 80% من سيستم اكلك عبارة عن دهون صحية , 15% بروتين , 5% نشويات تاتى من الخضار فقط .
- هل محكوم بـ سعرات ؟ لا غير محكوم بسعرات .
- النتائج فيه لو حضرتك اول مرة تعملة , نتائج ممتازة جدا جدا جدا جدااااا لو انت فعلا مطبقه صح .
كل ده كويس ايوة .
نيجى بقى للنقط اللى لازم تاخد بالك منها .
1- لو هتبدأ حمية كيتو بدون صيـام متقطع معاها يبقى تأثيرها ضعيف جدا الصيام اهم جزء .
2- لو هتبدأ حمية كيتو يبقى انت لازم تكون فاهمه كويس جدا او تكون تحت اشراف حد فاهمه كويس علشان ميحصلش نقص فى المعادن و الفيتامينات بشكل كبير .
ف انت عندك فيتامينات اساسية لازم تاخدها زى فيتامين د و الأوميجا و ماغنسيوم .
3- خلى بالك مع الوقت لو كملت فيه فترات طويلة هتلاقى الـ LDL عندك معرض للإرتفاع نتيجة نقص الكبريت فى جسمك بشكل واضح .
4- لو هتستمر فترات طويلة ( تتجاوز الـ 3 شهور فيمـا فوق ) هتكون معرض لإرتفاع حموضية البول مما قد يعرضك لإرتفاع النقرس و الأملاح .
5- الإستمرار فترات طويلة قد تعرض الجسم لـ فقدان قدر كبيـر من العضـلآت .
6- لما تيجى تطلع منه لو ما أخدتش بالك هتلاقى نفسك رجعت تزيد تانى بسرعه
---------------
طاب الحل ؟
ركز بقى
لو انت اى شخص بيعانى من الأمراض او المشاكل الصحـية اللى فوق دى , يبقى اول اسبوع كده ابدأ Low Carb ( يعنى تقليل نشويات ) ثم بعد كده ادخل كيتو دايت ( لو معندكش مشاكل صحية + فاهمه كويس )
و استمر فيه لمدة شهر او شهر ونص , هيقلل إلتهابات جسمك بشكل كبير + الماء الزائد فى الجسم بنسبة كبيرة هينزل , هتلاحظ فرق كبير فى الحالة الصحية .
بعد كده تطلع منه بإعتدال يعنى ايه يعنى تدخل نشويات معقده فقط لا غير , بطاطساية , بطاطايه , الخ يعنى واحده فى اليوم و تكمل على كده فترة , يعنى مازال النشويات البسيطة كالمخبوزات و المكرونة و الخ ممنوعه بردو .
-------------
طاب اللى انا بفضـله و بنسبة كبيرة بمشى بيه مع اغلب الحالات .
الفكر العام بتاع الكيتو , دون تطبيقه بنسبة 100%
يعنى الفكر بتاع الكيتو و هو منع النشويات بأغلب انواعها مع زيادة نسبة الدهون فى الدم مع الحرص على عدم تطبيقه 100% يعنى فى بدائل للخبز , فى بدائل للألبان .
الفاكهة كلها مسموحة بس بحدود مقننه عكس الكيتو بيكون فارض انواع معينه .
طبعا مع تطبيـق الصيـام المتقطع بشكل دائم
و الحمـدلله , النتائج ممتازة جدا لاي شخص بيطبق الكلام ده .
دا الخلاصة ببساطة

17/08/2024

ايه اللي يخلي شاب صغير تجي له جلطة
ويموت فجأة

ازاي واحد يبقي في العشرينيات تجي له جلطة في شرايين المخ
او شرايين القلب
ويموت فجأة

ويعني ايه جلطة المخ
والسكتة الدماغية
وجلطة القلب
والسكتة القلبية

وهل ممكن وجع البطن
يكون من مقدمات الجلطة

وايه أهم إشارة تحذيرية للجلطات

بدايةً
الجلطة يعني كتلة من خلايا الدم بتتجمع وتلزق في بعضها
وتلزق في جدار الشريان وتقفله
فالدم اللي وظيفته يجري في الشريان ويروح الخلايا يتوقف
والخلايا اللي مش واصل لها الدم
تتوقف عن العمل وقد تتلف وتموت

نوعين من الخلايا
لما بيموتوا مفيش خلايا تانية
تنمو مكانهم المخ والقلب

لو الجلطة كبيرة
وفي شريان كبير بيغذي مساحة كبيرة
من المخ ممكن تحصل سكتة
دماغية يتوقف المخ عن العمل
وربما تحدث الوفاة

الكلام نفسه ينطبق علي السكتة القلبية
لما شريان القلب الكبير
تتكون جواه جلطة وينسد انسدادا كليا
مساحة كبيرة من القلب تتلف وتموت
وممكن القلب يتوقف

هل وجع البطن ممكن يكون سببه جلطة ؟!

ايوه جلطة الشريان التاجي الخلفي
تسبب وجع وحموضة وحرقان في المعدة
جلطة شرايين الأمعاء
تسلخ وتمدد الأورطي
ممكن تحصل جواه جلطة

ايه اللي يخلي شاب صغير تجي له جلطة

التدخين
المسكنات
مشروبات الطاقة والمنشطات
المخدرات
تاريخ وراثي بارتفاع الكولسترول
والدهون وقابلية التجلط
كورونا

ايه أهم علامة تحذيرية لجلطة المخ
صداع تنميل في جانب من الجسم اختلال درجة الوعي

ايه أهم علامة تحذيرية لجلطة القلب
وجع في منتصف الصدر

هل الوقت يفرق في جلطات المخ والقلب؟!
طبعا الوقت الذهبي الدقايق او الساعات الاولي قد تنقذ حياة الشخص لو تم التدخل بالقسطرة او الادوية التي تذيب الجلطة الكلام دا ينطبق علي المخ والقلب

هل الزعل والتوتر والصدمات العاطفية ممكن اعمل جلطة ؟!
طبعا ممكن تكسر القلب وتؤدي الي اعتلال عضلة القلب ويمكن تتسبب في جلطة في المخ او القلب

طبعا ما تنسوش أحدث مسبب للجلطات كوڤيد ١٩
اللي ممكن يعمل جلطة في الرئة
القلب الكبد الكلي المخ
وكمان الجلد
علشان كدا دوا السيولة مهم جدا في علاج كورونا

يا ريت تشيروا المقال دا
علي أوسع نطاق للأهمية ولتعم الفائدة

حفظكم الله من الجلطات

06/08/2024

مساء الخير 🌹

*️ ما هي اعراض نقص حمض المعدة؟*

1-ارتجاع المرئ والانتفاخ .
2-فرط نمو البكتيريا في الامعاء الدقيقة(السيبو).
3-خسارة الوزن بسرعة شديدة بدون سبب واضح.
4-الحموضة المتكررة حتي بدون أكل.
5-إرتشاح الامعاء.
6-فرط نمو الفطريات والإصابة بالكانديدا والاكزيما وقشرة الشعر .
7-الحساسية غير معلومة السبب.
🔵أمراض مناعية كتير مرتبطة بنقص حمض المعدة زي الصدفية والتصلب المتعدد والهاشيموتو والذئبة الحمرا

*️ما هي اسباب نقص حمض المعدة؟*
1-جرثومة المعدة
2-التوتر والضغوط النفسية
3-الاكل المعالج كله، الوجبات السريعة، المشروبات الغازية
4- الدهون المهدرجة
5-التقدم في السن بيتسبب في نقص حمض المعدة
6 ادوية الحموضة والارتجاع

️ **الحل لزياده حمض المعده**

1- الامتناع تماما عن الوجبات السريعة والدهون المهدرجة والمشروبات الغازية

2-الامتناع عن تناول الجلوتين ومنتجات الألبان باستثناء الجبن الصفرا لأنها لا تحتوي علي اللاكتوز.

3-تناول خل التفاح شرب عرق السوس شرب منقوع قشور الرمان
4-تناول مكملات البيتين هيدروكلورايد hcl والانزيمات الهاضمة.

دمتم بصحة وعافية 🌸🌸

08/07/2024

صبـاح الخير ♥
- نصيـحة مهمه لوجة الله تعالي.
= لو تم تشخيصك مريض سكر , لو تم تشخيصك مريض ضغط , لو الكوليسترول عندك عالى , لو النقرس عندك إرتفع , لو الدهون الثلاثية عندك زادت عن الطبيعى , لو اتشخصت خمول غده درقية .
- قبـل ما تبدأ الرحلة المعتاده مع الأدوية و القصص دى " اللى انت مش هتتعالج بيها " وقبل ما تعمل اى حاجة خالص
هطلب منك تعمـل حاجة واحده بس صغيرة .
اعمل اشعه تليفزيونية او سونار فى اى مركز اشعه قريب منك على الكبد اعرف هو حجمه كام سنتى بالظبط ( الأشعه رخيصة مش غالية ) . , الكبد له قياسان حسب زاوية القياس المأخوذة :
القياس الأول : By Percussion ( اليدوى )
- المـفروض النسبة الطبيعيه العادية لحجم الكبد بالنسبة للرجال 10.5 سنتى , بالنسبة للسيدات 7 سنتي .
القياس الثانى : وده الأشهر : وهو مقطع القياس هو Midclavicular line: يصبح الحجم الطبيعى للسيدات و الذكور معا 15 سنتي . اكتر من كده متضخم.
و خلى المركز بتاع الأشعه يكتبلك الحجم بالسنتى كام بالظبط و طريقة القياس اللى اخدها ف الأشعه ايه هى.
النسبة المقبولة للزيادة هو ما بين 2 سنتى عن الحجم الطبيعى .
لو لقيت النسبة اعلى من كده .
نزله للحجم الطبيعى المشكلة اللى انت بتشتكى منها و بتعانى منها بنسبة 90% بإذن الله تعالى هتتعالج لوحدها .
يعنى لو اتشخصت سكر وقيست حجم الكبد عندك و لقيته زايد عن الطبيعى مثلا 7 سنتى , لو نزلت الزيادة دى السكر هيروح لواحده 🙂 .
= اقولك ليه , لان الكبد كل ما زاد حجمه زاد بسبب ضغط الدهون اللى عليه فبدأت تأثر بشكل قووووى جدا على الوظائف بتاعته , ف مبقاش قادر ينظملك السكر او الضغط او الكوليسترول او الغده .. الخ .
- ف الأدوية والسكة اللى انت بتمشى فيها هى مش علاج قد ما تعتبر مسكن للمشكلة .
- العلاج الوحيد ان الكبد يرجع يقوم بالدور الطبيعى الرئيسى بتاعه وهو انه ينظملك كل ما سبق ذكره من جديد زى ما ربنا سبحانه و تعالى خالقك .
- و علشان يرجع طبيعى مفيش غيـر حل واحد فقط """ الحمـية الغذائيـــــة """
الكبد يعشــق الصيـام و الجسم كله يعشــق الصيــام , إنقطع عن الاكل اطول فترة ممكنه من اليوم , خلى الجسم يصلح نفسه بنفسه , يرجع تانى يشوف ايه اللى باظ فى جسمك و يصلحه
+ قلل قلل قلل قلل لدرجة قريبه من المنع , كل ما هو سكر او كربوهيدرات , خليه ياخد من الشوية اللى عليه اللى زودوا حجمه .
بعد 3 شهور اعمل اشعه قيس الحجم بتاعه من تانى لو رجع طبيعى ( و هيرجع طبيعى بإذن الله ) انت بنسبة 90% تعافيت من اى مشكلة صحية بإذن الله .
----
و دمتم بكل خير .

04/07/2024

صبـاح الخير
- إزيك يا حسن عامل ايه
= حسن : الحمدلله تمام والله عندى بس شوية مشاكل كده بطنى زايده و عندى خطوط سودا كده فى رقبتى و فى جلد صغير زايد بيظهر فى الرقبة وتحت العين و دايما جعان .
- تمام يا حسن , نظبط دى مقاومة إنسولين عالية , 3 شهور بإذن الله الأمور تتحسن , بس هنضطر نظبط الأكل بشكل قوي شوية علشان نبعد عن السكر .
= حسن : لا انا بحب الأكل مقدرش ابعد عنه , مفيش اى علاج وخلاص .
- لا والله يا حسن , علاجك الأكل .
* حسن ذهب و لم يعد.
بعدها بـ سنة .
-----------------
= إزيك يا حسن , اخبارك ايه ؟
- حسن : الحمدلله والله , بس جالى سكر باخد دلوقتى سيدوفاج بس بردو السكر مش مظبوط ف الدكتور كتبلى نوع كمان بس بهبط على طول وبقعد الغبط جامد فى الأكل
= يابنى انت لسه سنك صغير , ما تخلص من الليلة دى كلها 6 شهور و السكر و الكلام ده كله يختفى بإذن الله وتتعافى , بس هتضطر تمنع حاجات كتير .
- حسن : لا امنع ايه , خلينى فى الدوا احسن .
= ماشى ياعم , الف سلامة عليك .
----------------
بعدها بـ 6 شهور :
= ازيك يا حسن , مختفى فين محدش بيشوفك .
- حسن : والله يا دكتور من ساعه السكر وانا جسمى كله واجعنى و فى التهابات كتير فى جسمى و اعصابى ضعيفه
و دلوقتى الكوليسترول عندى بقى مرتفع و الدكتور كاتبلى حبوب للكوليسترول باخدها بتخلينى مهدود مش عارف اشتغل .
= يابن الحلال انت مش صعبان عليك نفسك ؟ ما تيجى ننهى الفيلم ده من جدره و تتعب نفسك شوية فى الأول و ترتح من القرف ده ؟
- حسن : يا دكتور هتقولى الأكل تانى , لا مش هعرف امنع حاجة .
= ماشى الف سلامة عليك .
--------------------
بعدها بـ 6 شهور
= مالك يا عم حسن في ايه ؟
- حسن : الضغط عالى يا دكتور و كان مكتوبلى كونكور و حاليا دايخ عليه مش لاقيه خالص
= هو انا يابنى كل ما اقابلك الاقيك جالك مرض جديد ؟ اومال العلاج اللى بتاخده ده كله بيعمل ايه !
- حسن : الحمدلله , الدكاترة بتقولى وراثة .
= وراثة إزاى ؟ هى الوراثة افتكرتك وانت عندك 40 سنة ! , ياعم الحج الهيصة دى كلها اخرتها 6 شهور تعيش زى البنى ادمين ماهى عايشه بعد كده بصحتك .
- حسن : لا يا دكتور انا مبقدرش امنع الأكل اعصابى بتترعش و بتعب وبدوخ معرفش .
= يابنى ماهو فى الأول بس بعد كده هتلاقى نفسك زى الفل و جسمك اتعود .
- حسن : لا يا دكتور معلش , شوفلى بس حد معرفه يوفرلي العلاج حتى لو بسعر اعلي .
----------------------
بعدها بـ سنة .
= ازيك يا عم حسن عاش من شافك .
- حسن : الحمدلله يا دكتور , والله تعبان
= مالك يابنى !؟
- حسن : والله السكر مبهدلنى و الدواء بقى سعره غالى و دواء الكوليسترول شوية الاقيه و شوية لا هو و الضغط
و دلوقتى النقرس مبهدلنى جامد مش قادر اقف على رجلى , قالولى انه من اكل اللحمه مع انى مش باكلها غير فى الشهر مرة و لقيت حجم الكبد زايد عن الطبيعي ١٠ سنتي .
و دلوقتى اتشخصت ان الغده عندى خاملة ! مش عارف ليه و اتقالى انها وراثة ! مع ان مفيش حد عندنا فى العيله عنده غده .
- يابنى احب على ايدك ارحم نفسك و ارحم اللى حواليك من اللى بتعمله فى نفسك ده و السكة المسدودة اللى انت ماشى فيها دى اللى مالهاش اخر !
يابنى اتقى الله فى نفسك من البهدله اللى بتعملها فى نفسك دى
انت كل يوم بمرض جديد بقيت بنى ادم ميت وانت لسه عايش ما تفوق بقى !؟
- حسن : ايوة يعنى اعمل ايه ؟ هتقولى الأكل بردو
= ياعمنـا اقسملك بالله 6 شهور كل اللى بتتكلم فيه ده هيختفى تماما بس هتتعلم الأدب فيهم شوية و يكون عندك ارادة و عزيمة و تعيش بـ صحتك و تشوف شغلك و تعيش حياتك بدل الكابوس اللى انت فيه ده .
- حسن : انا بحاول يا دكتور مع نفسى يومين كده و ببوظ تانى
المهم شوفلى حد حبيبك يوفرلى علاج الغده انا متبهدل عليه و المستورد ناقص و بقى غالى اوي .
= ماشى يا حسن , ربنا يصلح حالك .
----------------------------------
بعدها بـ سنة
- إزيك يا حسن ايه اخر اخبارك !؟
= حسن : والله يا دكتور السكر مش مظبوط و الدكتور دلوقتى وصفلى إنسولين و دايخ عليه
- إنسولين !
ما انا عارف انك هتوصل لـ كده فى الأخر .
ربنا يصلح حالك
انا مستنيك يا حسن 6 شهور و ترمى القرف اللى بتاخده ده كله فى الزباله .
بس انت هتمنع يا حسن , مش هتقلل :) !
هتمنع لحد ما ربنا يكتبلك الشفا و تبقى تمام و ترجع بنى ادم معافي وتعيش حياتك تانى بس بإعتدال .
= حسن : امنع ! لا معلش دا عذاب الدواء ارحم , اجيب منين الإنسولين !
- اها : حوش الجنه اللى انت عايش فيها لا عارف تشتغل ولا تلعب مع ولادك و بتبلبع بال ١٥ حباية ف اليوم و فلوسك خالص ع الادوية و اللف ع العيادات و دلوقتى هتتشكشك كل يوم ، تعالى معايا يا ابو علي ...
========================================
حسن شخصية خيالية غير حقيقة ومش موجودة فى الواقع
و دمتم بكل صحة وخير وبركة يارب

11/06/2024

العالم النهاردة أمام معجزة طبية بكل المقاييس
دواء جديد تسبب أثناء التجارب السريرية في اختفاء السرطان تمامًا في 12 مريض من مرضى سرطان القولون ومارجعلهمش تاني خلال 6 شهور في سابقة تُعد الأولى من نوعها
الدواء اسمه العلمي دوستارليماب (Dostarlimab) واسمه التجاري جيمبرلي (Jemperli) انتاج شركة جلاكسوسميثكلاين (GlaxoSmithKline) وهو بروتين مناعي بيحفز الجهاز المناعي لمهاجمة الخلايا السرطانية والقضاء عليها والعلاج مش موجه لسرطان القولون بس لكن لكل أنواع الأورام السرطانية الصلبة زي سرطان الرحم والثدي وسرطان البروستاتا والمعدة والبنكرياس وغيرها وجاري إجراء تجارب سريرية أكثر على أنواع مختلفة من الأورام وعلى نطاق أوسع
هيئة الغذاء والدواء (FDA) متحمسين جدًا للدواء الجديد وبيحاولوا يسرعوا خطوات اختبار الدواء علشان يقدروا يدوله موافقة في أقرب فرصة
الدواء الجديد هيقلل عدد المرضى اللي هيبقوا محتاجين جراحات كبرى أو علاج كيماوي أو اشعاعي وهتبقى دي ميزة كبيرة للمرضى الشباب لأنها هتحافظلهم على القدرة الإنجابية اللي كانت بتتأثر سلبًا بسبب طرق العلاج القديمة
احنا على أعتاب عصر جديد في اللحظة اللي هيقدر فيها الإنسان بالعلم، يتغلب على أخطر مرض على وجه الأرض واللي أودى بحياة الملايين وترك جرح عميق في قلوب أسرهم وأحبابهم
اشرف حسن صبري الكيال

10/06/2024

صبـاح الخيـر .
- واحد من اكبر مسببات القلق و التوتر و الإكتئاب و الرهاب الإجتماعي و الوسواس القهري و الخوف الدايم هو ((( مشــــاكل الجهـاز الهضمــى )))
يعنى عندى مشاكل فى معدتى بشكـل كبيـر المشاكل دى بتأثر على الجسم كله و مهما قعدت تاخد فى مضادات إكتئاب و ادوية للتوتر و كده انت بتضـيع وقت و بتبقى مدمن الحاجات دى .
- مشـاكل الجهاز الهضمـى كلها بقى بكـل ما فيها من إرتجاع , سوء إمتصاص , مشاكل قولون , قرح معده , قولون تقرحي .. الخ . اى شئ فى المعده بيدمر الجسم كله .
طاب ايه النصـائح اللى انا اقدر اتبعها او اعملها علشان اتحسن بشكـل كبير . احفظ الكام نقطه دول.
1- اول عملية فى الهضم بتم من المضغ , بمعنى امضـغ الاكل كويس قدر الإمكان ,إهرس الأكل بسنانك على قد ما تقدر , المعده مالهاش سنان يعنى لما مش بتمضغ الأكل , ده بيرهق المعده بشكل كبير فى تكسيرة , ف حاول تاكل ببطئ مش بسرعه و تمضغ الأكل كويس لو بلعت الأكل مرة واحده , الأكل بيفضـل فترة طويلة فى المعده وممكن يحصـل تخمر .
2- كل يوم اتحرك نص ساعه ساعد الجسم و الدورة الدموية انها تنشط فـبالتالى حركة المعدة و القولون معاك هيرتاحوا بشكل كبير جدا .
3- ثلث لطعامه , ثلث لشرابة , ثلث لنفسك , يعنى قبـل الأكل كوب ماء , وبلاش تقوم من على الأكل شبعـــــان , متوصلش لمرحلة التخمـة و الإمتلاء . ( بحسب بن ادم لقيمات يقمن صلبة )
بلاش "" تترس "" معدتـك اكل .
4- كل لما تبقى جعان فقط لا غيـر يعنى بلاش طول ما انا فى الرايحة و الجاية شغال اكل يعنى الصيـام هو افضـل و اقوى شئ فى الدنيـا بيساعد الجسم على الإصلاح و إعادة الإلتئام و تقليل الإلتهابات .
بمعنى حاول توصل انك بتصـوم كل يوم 14 لـ 16 ساعه فى اليوم , و تاكل وجبتين لـ 3 بحد اقصـى فى اليوم .
5- نزود البكتريا النافعه فى الأكل على قد ما نقدر
البكتريا النافعه دى مسئولة عن تحسين عملية الهضـم بتاعتك و بتتأثر بشكل كبير من كتر إستخدام المضادات الحيوية و ادوية الحمـوضة
الحاجات اللى بتحسنها زى خل التفاح ( لو مفيش عندك قرح فى المعدة ) حط منه معلقة صغيـرة على طبق السلطة , الصمغ العربي , المخللات + ممكن تاخد مكمـل فيه بكتريا نافعه من الصيدليات .
6- الممـنوعات , و الممـنوعات دى اهم ما يمكن انك لازم فعلا تبعد عنها
- أي شئ مصـنوع من القمـح , علشان الـ " جلوتين " البروتين المصنوع من القمح , اى شئ بمعنى اى شئ لانه صعب جدا جدا فى الهضـم و التكسير عامل زى اللبان كده لما يلزق فى ايدك او فى البنطلون صعب جدا يخرج
دا موجود فى اى شئ فيه دقيق ابيض , مكرونة , مخبوزات , معجنات , حلويات , بيتزا , الخ الخ
البدائل ( دقيق حبة كاملة , دقيق السمسم , اللوز , الترمس , الحمص , العدس , جوز الهند , بذر الكتان , قشور السيليوم ) الخ اى حاجة من دول خفيفة على المعده .
- منتجـات الألبان : انت جسمك و معدتك حاليا لا هتقدر تكسـر البروتين الموجود فى اللبن " الكازين " ولا هتقدر تكسـر اللاكتوز " السكر " الموجود فى اللبن ,ف منتجات الألبان كلها تحاول تبعد عنها بما فيها لبن البودرة " ولو عاوز تشرب لبن يبقى لبن جوز الهند او لبن اللوز " دا لو احتاجت .
- الزيوت النباتية المهدرجة كلها ممنـــوعه , استخدم بدل منها الدهون الصحية ( سمن بلدى , زبدة بلدى , زيت زيتون , زيت جوز هند ... الخ ) كل دى بدائل صحية امنه .
- اللحوم المصنعه كلها ممنوعه تمــــامـا : البرجر المصنع , اللانشون , السجق الصناعى , السلامى ... الخ .
البدائل : اللحوم البيضاء , دجاج , اسماك , ارانب , حمام .. الخ + اللحوم الحمراء زى اللحمه و الكبده ( لكن مرة فى الإسبوع فقط ) .
- البقوليات : الفول , العدس , الفاصوليا , البسلة , اللوبيا , الحمص .. صعبه جدا فى الهضم على بطنك لان فيها بروتينات اسمها اللاكتينز دى بتاخد وقت طويل جدا فى الهضم على معدتك , بتقف فى البداية لحد ما الجهاز الهضـمى عندك يتحسن بعد كده ترجع بالتدريج .
- السكر الأبيض : بيزود الإلتهابات فى المعده و بيقتل البكتريا النافعه الموجودة فى جسمك , ف حاول تمنعه ولو محتاج سكر يبقى ستيفيا مرة فى اليوم .
- الخضـروات الورقية الخضراء : حاول تمضغها كويس جدا قبـل ما تنزل معدتك كل بس مش كتير مع مراعاه انها تتمضـغ بشكل كويس جدا
- اى اكل من خارج المنزل سواء من مطعم او سوبر ماركت ممنوع تماما ونهائيا وبتاتا .
---------
المسـموح : المسموح كتيـر على فكرة
البروتين كلها من اوله لاخره بأي اشكاله " الحيوانى "
- الدهون الصحية كلها من اولها لاخرها .
- المكسرات بس مش كتير .
- جميـع انواع الأجبان " خصوصا صفراء اللون "
- الفاكهة كلها وخصـوصا الموز لانها بيساعد ع الهضم .
- المخللات .
- الخـضروات خفيفة الهضم .
- البطاطس المهروسة , البطاطا , الرز بكل انواعه
----------------
ملحوظة : دا مش للتخسيس , دا بروتوكول علاجى كامل لصحة الجهـاز الهضمـــى بشكل كامل .
التحسن مش هتلاحظه بكرة الصبح لانه علاج بالأكل مش بالحبوب , يعنى الموضوع محتاج صبـر
خلال 3 اسابيع ان شاء الله تلاحظ تحسن بشكل واضح .
و دمتم بكل صحة و خير وبركة يارب ♥

29/05/2024

صباح الخير
البوست ده مهم و هيسهلك عليك حاجات كتيـر جدا , هيعرفك ايه نوع الدايت اللى يناسب جسمك فى الوضع الحالى اللى انت فيه دلوقتى : ركز 5 ق لانه طويل
--------------------------------
1- لو السن اقل من 18 سنة , الأمور الصحية تمام و زى الفل مفيش اى مشاكل مرضية غير شوية وزن زايد و لسه اول او تانى مرة تعمل دايت فى حياتك , ف أبشرك اقل م 3 شهور بإذن الله الموضوع هيكون خلص لانه هيكون سهل جدا معاك , و هنا مفيش اى اكل ممنوع غير تقنين لبعض كميات الأكل لا اكثر ولا اقل و امورك بسيطة .
يعنى هنا كل 3 او 4 او 5 مرات فى اليوم و خلى النشويات فى وجبتين منهم بكميات معقولة مع تنظيم شوية فى النوم و رياضة بسيطة ومش شرط تعمل صيـام .
-------------------------------
2- لو انا سنى اقل من 18 سنة : بس الأمور الصحية دخلت فى تكيسات مبايض + مقاومة إنسولين ! وبدأت اكرر الدايت كتيـر
هنـا اللى هيحصل اننا هنضطر نقلل فى كم النشويات اللى بتدخل عكس الحالة الأولى , لا يجوز منعها لان النشويات فى السن ده بتستخدم فى عملية النمو و البناء , وبالتالى منعها غلط لكن هتقل بس انت هنا بقى هتضطر تلعب رياضة قوية فيها مقاومة عالية + تنظيم النوم
الأمور هتتحسن وهتبقى ممتازة لكن هتاخد وقت اكبر شوية و تعمل صيام ما بين 12 لـ 14 ساعه.
--------------------------------
3- لو انا اقل من 35سنة و عملت دايت كتيـر كل شوية اكرره لكن لا اعانى من اى مشكلة مرضية , مجرد وزن زائد لكن لا مقاومة إنسولين و لا تكيسات مبايض ولا دهون ع الكبد ولا اي شئ ؟
هنـا انت هتحتاج تدوس على نفس شوية من ناحيتين
الأولى : انك هتكمل فى الدايت فترة طويلة متتالية علشان تكسر عملية اليويو دايت اللى انت بتعملها و تكررها كل شوية , و الجسم يكسر الثبات اللى بيدخل فيه نتيجة تكرارك للدايت
الثانية : هتخلى النشويات وجبة واحده كل يوم فطار او غداء مع شوية رياضة خفيفة وتنظيم النوم بعد فترة هتلاقى الأمور معاك ممتازه جدا بإذن الله .
------------------------------
4- لو انا 35 فيما فوق , عملت دايت كتير لكن كل شوية اكرره لكن بدأت اعانى من مشاكل مرضية و بدأت ادخل فى مقاومة إنسولين و دهون كبد و هكذا لكن الأمور لسه فى البدايه
الحل للأسف الشديد انك هتتعب شويتين تلاتة اربعه , لسبب ان الجسم مش هيحرق غير لما يتعالج الأول .
بمعنى فى الحالة اللى فوق دى انت مكنتش مريض ف انت هتخس حتى لو اخدت وقت طويل لكن معدلات الحرق عندك مازالت مرتفعه
لكن فى حالة وجود دهون ع الكبد مرتفعه و مقاومة إنسولين عالية , هنا الجسم بيقولك لو مأخدتش بالك هتدخل فى سكر و مضاعفات كتير منها الكوليسترول و النقرس
هنا للاسف الشغل بتاع نص رغيف مع 4 معالق رز و الكلام ده , مش هيجيب اى نتيجة الا مؤقته فى البداية
الحل هنـا يكمن انك ترجع جسمك سليم زى الحالة رقم 3 الأول علشان بعد كده يخس معاك , يرجع سليم فى اد ايه ؟ من 3 لـ 6 شهور بالكتير بيرجع سليم الفترة دى مش فترة تخسيس يعنى انت ممكن متخسش فيها لانك بتتعالج فيها الأول بتشيل طبقة الدهون اللى فوق الكبد و بتعالج مقاومة الإنسولين بدل ما تقلب بـ سكـر , بعد كده تبقى طبيعى زى الحالة التالته فـ تخس بسهولة .
طاب ده بيتم إزاى ؟! للأسف منع 90% من مصادر السكر و النشويات اللى داخلة للجسم علشان الجسم حاليا مش متقبلها و اى مصدر سكريات او نشويات هيدخل جسمك مش هيعرف يحرقه ولا يتعامل معاه حتى لو قليل و هيخزنها على هيئة دهون جديدة + انك هتعمل صيام لفترات طويلة تصل لـ 16 ساعه
طاب انت بتعمل كده علشان تخس ؟ لا , علشان تتعالج و تبقى طبيعى بتعدها تبقى تيجى مرحلة الخسسان .
غير كده انت بتضيـع وقت كتير فى الفاضى و مش هتوصل لاى نتيجة غير انك هتمرض بس .
طاب ليه امنع 90% من النشويات مش 100% طالما هى مضرة كده ؟ دا اللى نتكلم فيه البوست الجاي لانها مش مضره زى ما انت فاكر .
ودمتم بكل صحة وخير دايما يارب

29/05/2024

صباح الخير :
- علاج مقاومة الإنسولين
1- اولا مقاومة الإنسولين ليست مرض و انما عرض , نتيجة لـ سلوك غذائى غير منظبط ادى ان الجسم بدا يتكون بداخله دهون حشوية فى منطقة البطن اسفل السرة , بدأت تعمل إعاقة لـ عملية حرق الدهون و عملية نقل السكر و الإنسولين للخلايا , يعنى بالبلدى لما محيط بطنك " الكرش " اسف السرة زاد ادى الى حدوث مقاومة انسولين وليس العكس , اذا ! اى شخص عنده محيط بطن سفلية عالية يصنف مقاومة انسولين يعنى ياخد باله لانه معرض قدام للإصابة بالمرض الا وهو السكر .
- طاب ايه هى العلامات او الأعراض ؟!
= الشهية العالية جدا للسكريات , غمقان الرقبة و تحت الإبط , لغبطة الهرمونات و خصوصا للبنات و السيدات , زيادة محيط البطن السفلية بشكل قوي .
2- التحاليل !؟ متحللش , طالما البطن السفلية زايدة خلاص مش هنستفيد شئ من التحاليل .
3- العلاج
= لو قدرت تستوعب النقطة الجايه دى , وكملت للأخر يبقى هتتعالج , لو مقدرتش تستوعبها يبقى مش هتتعالج .
1- مالـووووووووووووووش علاج داوئى , مالووووووش حبوب , يعنى مفيش حباية اخدها تعالج الأمر , ببساطة جميع الأدوية اللى بيتم وصفها بتكون ادوية سكر , لكن مفيش حاجة اسمها حباية تعالج مقاومة الإنسولين , تمام كده ! يبقى هتعالج انت نفسك بنفسك عن طريق التعب شوية .
2- نظام الاكل قليل النشويات , لان فى الوقت الحالى جسمك مش عارف يتعامل معاها بشكل مناسب و بالتالى كل ما هتاكل نشويات كل ما هتجوع اكتر و اكتر و بالتالى هتبدأ تقللها بالتدريج مش مرة واحده .
3- الصيـام المتقطع لمدة 14 لـ 16 ساعه , طبعا لو السن صغير او حامل او مرضعه او مريض سكر نوع اول لا ينصح بمدد طويلة .
4- النوم بدري , النوم بدري , النوم بدري , النوم بدري , النوم بدري , النوم بدري , النوم بدري .لو هتسهر مش هترجع سليم .
5- الرياضة و خصوصا تمارين المقاومة , اللى هى الحديد بتعالج مقاومة الإنسولين بشكل رهيب , نتيجة انها بتقلل الدهون الداخلية اللى كانت السبب فى حدوثها فى وقت قصير جدا و تأثيرها اقوى من اى حبوب او اى حقن او اى شئ اخر .
6- مدة العلاج تتراوح ما بين 3 لـ 6 شهور و الجسم بيرجع طبيعى , طبيعى بمعنى انه بقى مستعد انه يخس , يعنى فى الفترة بتاعت العلاج دى انت مش شرط تخس , لانك بتتعالج !
لان ببساطة الجسم بيتحرك ببطئ شديد و التغيير اللى بيظهر عليك محدود جدا و مش هتشوف فروقات عالية ووااو زى ما انت متخيل و راسم فبالتالى لو انت احبطت مش هتكمل و هتفضل فى الدوامه لحد ما تصاب بالسكر , انت اول 3 شهور , بتتعـــــــــــــــــــــالج , مش بتخس , بتتعاااااااالج , بالله عليك انت بتتعالج :D يعنى مش كل دقيقة تبص على شكلك و الميزان , بعد ما تتعالج وتبقى تمام هتلاقى الأمور مشيت معاك بشكل سريع جدا و الجسم لما تعافى خلاص بدأ ينطلق .
---------
اعرف منين انى بقيت تمام و الجسم تعافى .؟
1- محيط البطن اسفل السرة بدأ ينزل ( دى اهم نقطة )
2- الشراهه ناحية السكر و الحلويات بدأت تقل .
3- المزاج العام و الهرمونات فى الجسم اتظبطت كلها
4- غمقان الرقبة و تحت الإبط لو موجود يفتح لواحده .
ممكن ده كله يحصل و تلاقى الميزان ثابت بردو هههه ! ف متجريش ورا الفنكوش.
----------
رحلتك فى العلاج .
اول اسبوعين : صداع و دوخة و هبوط و ارق و قريفة و عصبية و شراهه للسكريات جعاااااااااان دا طبيعى لان دى اعراض انسحاب .
لو كملت , هتلاقى ان الإسبوع التالت بدأت الأمور تتحسن كتير .
الإسبوع الرابع و الخامس : ممل و خنقة و مش عاوز تكمل وقرفان من اكل الدايت .
لو كملت . هتلاقى الإسبوع السادس و السابع : جسمك بقى خفيف و مبقيتش تجوع و لبسك بدأ يوسع بشكل كبير .
الإسبوع التامن و التاسع : جسمى مرة واحده اتنفخ و حسيت انى تخنت تانى و ثبات وزن .
لو كملت , هتلاقى ان الإسبوع العاشر لحد الـ 12 : محيط البطن السفلية نزل , التحاليل كلها مظبوطه , و الشكل العام و التعليقات المحيطة بقت واضحه و ظاهرة .
و ممكن بعد ده كله تلاقى الميزان بردو ثابت هههه ! فـ مرة تانية متجريش ورا الفنكوش .
---------
متحللش Homa-Ir , متحللش اصلا , لو لقيت بطنك من تحت السرة نزلت يبقى انت بتخف , طالما عالية يبقى دوس على نفسك لحد ما تنزل .
انت بتتعالج اول 3 شهور , مش بتخس , انت بتتعالج اول 3 شهور مش بتخس , انت بتتعالج اول 3 شهور مش بتخسسسسسسس .
----
اى كلام غير ده فنكوش :) ف متقعدش تضيع وقت بقى فى الفاضى و تدور على حلول بديله و مختصرة لان للأسف هتضيع وقت و فلوس و الأمر هيفضل يزيد ويسوء ولن يتحسن الا باللى فوق ده .
و دمتم بكل خير يارب ♥

11/05/2024

صباح الخير :
- علاج مقاومة الإنسولين
1- اولا مقاومة الإنسولين ليست مرض و انما عرض , نتيجة لـ سلوك غذائى غير منظبط ادى ان الجسم بدا يتكون بداخله دهون حشوية فى منطقة البطن اسفل السرة , بدأت تعمل إعاقة لـ عملية حرق الدهون و عملية نقل السكر و الإنسولين للخلايا , يعنى بالبلدى لما محيط بطنك " الكرش " اسف السرة زاد ادى الى حدوث مقاومة انسولين وليس العكس , اذا ! اى شخص عنده محيط بطن سفلية عالية يصنف مقاومة انسولين يعنى ياخد باله لانه معرض قدام للإصابة بالمرض الا وهو السكر .
- طاب ايه هى العلامات او الأعراض ؟!
= الشهية العالية جدا للسكريات , غمقان الرقبة و تحت الإبط , لغبطة الهرمونات و خصوصا للبنات و السيدات , زيادة محيط البطن السفلية بشكل قوي .
2- التحاليل !؟ متحللش , طالما البطن السفلية زايدة خلاص مش هنستفيد شئ من التحاليل .
3- العلاج
= لو قدرت تستوعب النقطة الجايه دى , وكملت للأخر يبقى هتتعالج , لو مقدرتش تستوعبها يبقى مش هتتعالج .
1- مالـووووووووووووووش علاج داوئى , مالووووووش حبوب , يعنى مفيش حباية اخدها تعالج الأمر , ببساطة جميع الأدوية اللى بيتم وصفها بتكون ادوية سكر , لكن مفيش حاجة اسمها حباية تعالج مقاومة الإنسولين , تمام كده ! يبقى هتعالج انت نفسك بنفسك عن طريق التعب شوية .
2- نظام الاكل قليل النشويات , لان فى الوقت الحالى جسمك مش عارف يتعامل معاها بشكل مناسب و بالتالى كل ما هتاكل نشويات كل ما هتجوع اكتر و اكتر و بالتالى هتبدأ تقللها بالتدريج مش مرة واحده .
3- الصيـام المتقطع لمدة 14 لـ 16 ساعه , طبعا لو السن صغير او حامل او مرضعه او مريض سكر نوع اول لا ينصح بمدد طويلة .
4- النوم بدري , النوم بدري , النوم بدري , النوم بدري , النوم بدري , النوم بدري , النوم بدري .لو هتسهر مش هترجع سليم .
5- الرياضة و خصوصا تمارين المقاومة , اللى هى الحديد بتعالج مقاومة الإنسولين بشكل رهيب , نتيجة انها بتقلل الدهون الداخلية اللى كانت السبب فى حدوثها فى وقت قصير جدا و تأثيرها اقوى من اى حبوب او اى حقن او اى شئ اخر .
6- مدة العلاج تتراوح ما بين 3 لـ 6 شهور و الجسم بيرجع طبيعى , طبيعى بمعنى انه بقى مستعد انه يخس , يعنى فى الفترة بتاعت العلاج دى انت مش شرط تخس , لانك بتتعالج !
لان ببساطة الجسم بيتحرك ببطئ شديد و التغيير اللى بيظهر عليك محدود جدا و مش هتشوف فروقات عالية ووااو زى ما انت متخيل و راسم فبالتالى لو انت احبطت مش هتكمل و هتفضل فى الدوامه لحد ما تصاب بالسكر , انت اول 3 شهور , بتتعـــــــــــــــــــــالج , مش بتخس , بتتعاااااااالج , بالله عليك انت بتتعالج :D يعنى مش كل دقيقة تبص على شكلك و الميزان , بعد ما تتعالج وتبقى تمام هتلاقى الأمور مشيت معاك بشكل سريع جدا و الجسم لما تعافى خلاص بدأ ينطلق .
---------
اعرف منين انى بقيت تمام و الجسم تعافى .؟
1- محيط البطن اسفل السرة بدأ ينزل ( دى اهم نقطة )
2- الشراهه ناحية السكر و الحلويات بدأت تقل .
3- المزاج العام و الهرمونات فى الجسم اتظبطت كلها
4- غمقان الرقبة و تحت الإبط لو موجود يفتح لواحده .
ممكن ده كله يحصل و تلاقى الميزان ثابت بردو هههه ! ف متجريش ورا الفنكوش.
----------
رحلتك فى العلاج .
اول اسبوعين : صداع و دوخة و هبوط و ارق و قريفة و عصبية و شراهه للسكريات جعاااااااااان دا طبيعى لان دى اعراض انسحاب .
لو كملت , هتلاقى ان الإسبوع التالت بدأت الأمور تتحسن كتير .
الإسبوع الرابع و الخامس : ممل و خنقة و مش عاوز تكمل وقرفان من اكل الدايت .
لو كملت . هتلاقى الإسبوع السادس و السابع : جسمك بقى خفيف و مبقيتش تجوع و لبسك بدأ يوسع بشكل كبير .
الإسبوع التامن و التاسع : جسمى مرة واحده اتنفخ و حسيت انى تخنت تانى و ثبات وزن .
لو كملت , هتلاقى ان الإسبوع العاشر لحد الـ 12 : محيط البطن السفلية نزل , التحاليل كلها مظبوطه , و الشكل العام و التعليقات المحيطة بقت واضحه و ظاهرة .
و ممكن بعد ده كله تلاقى الميزان بردو ثابت هههه ! فـ مرة تانية متجريش ورا الفنكوش .
---------
متحللش Homa-Ir , متحللش اصلا , لو لقيت بطنك من تحت السرة نزلت يبقى انت بتخف , طالما عالية يبقى دوس على نفسك لحد ما تنزل .
انت بتتعالج اول 3 شهور , مش بتخس , انت بتتعالج اول 3 شهور مش بتخس , انت بتتعالج اول 3 شهور مش بتخسسسسسسس .
----
اى كلام غير ده فنكوش :) ف متقعدش تضيع وقت بقى فى الفاضى و تدور على حلول بديله و مختصرة لان للأسف هتضيع وقت و فلوس و الأمر هيفضل يزيد ويسوء ولن يتحسن الا باللى فوق ده .
و دمتم بكل خير يارب ♥

11/04/2024

الضغط المنخفض أخطر ولا المرتفع؟

الضغط المثالي أقل من ١٢٠/٨٠ وياسلااااام لو ١١٠/٧٠ .

_الضغط المنخفض⬇️ أقل من ٩٠/٦٠
الضغط المرتفع ⬆️أكتر من ١٤٠/٩٠

_الضغط المنخفض ⬇️ لو مش عامل أعراض "مش لازم" تعالجه وعيش حياتك .
الضغط المرتفع ⬆️لو مش عامل أعراض " لاااازم " تعالجه علشان تقدر تعيش حياتك !

_ الضغط المنخفض⬇️ طالما انك كويس (مش محتاج محاليل كل شوية ولا محجوز فى الرعاية بهبوط حاد بعضلة القلب) فلا يسبب تلف بأنسجة الجسم ولا له مضاعفات جانبية خطيرة على المدى البعيد (ودة أهم حاجة) مافيش أعراض مافيش مشكله.

الضغط المرتفع⬆️ يسبب تلف بأنسجة الجسم زي العين والمخ والكلى والقلب وله مضاعفات جانبية خطيرة حتى لو بدون أعراض.

_الضغط المنخفض⬇️ أعراضه دوخة وتعب مع أقل مجهود وشعور بالإغماء خصوصا مع الوقوف مدة طويلة او التعرض لحرارة الشمس وعدم القدرة على التركيز.

الضغط المرتفع⬆️( لو عمل أعراض) يبقى ستر ربنا علشان تعرف وتعالجه قبل مايعمل مشكلة ، أعراضه قد تكون صداع أو نزيف من الأنف أو ألم بالصدر أو لغبطة بضربات القلب أو وجع بالرأس وطنين بالأذن أو إجهاد شديد اخر اليوم.

_ الضغط المرتفع⬆️ يسمى "القاتل الصامت" لأنه غالبا مش بيعمل أعراض وأول مرة يكتشف قد يكون بمضاعفاته زي نزيف بالمخ أو جلطة بالقلب أو فشل كلوي.

قياس الضغط مهم كل ٦ شهور للاطمئنان إنك مش مريض ضغط.

_الضغط المنخفض ⬇️علاجه الأساسي شرب ماء وسوائل (٣ الى ٤ لتر يوميا) وأكل فيه ملح معتدل وشرب فنجان أو اتنين قهوة يوميا ووراهم كوباية ماية كبيرة وتغذية سليمة والإكثار من الفواكه والخضروات وممارسة الرياضة لتقوية عضلات الجسم وخصوصا الساقين وأخر حاجة نلجأ لها العلاج الدوائي.

أما الضغط المرتفع⬆️ علاجه الأساسي قرص الضغط بجانب غذاء قليل الملح والدهون وتجنب الضغط العصبي والتوتر وممارسة الرياضة والامتناع عن التدخين مع عمل تحليل وظائف كلى وكولسترول وصورة دم ورسم قلب وايكو.

_ ٩٠% من أسباب الضغط المرتفع⬆️ ورث عن بابا وماما (وراثية وجينات) وعلاجه انك ترجع بالزمن وتغير بابا وماما أو تضطر أسفاً تكشف وتاخد علاج 😊، يعنى ممكن تعمل كل حاجة توقف تدخين وتقلل وزن وتكون رياضى وبردو يجيلك ضغط، كفاية إنك مصرى وعايش معانا 🤭

_العلاج للضغط المنخفض ⬇️أختيارى لو انت كويس ماتخدوش ، إنما العلاج للضغط المرتفع إجبارى لازم تخده حتى لو كويس.

اللي يقولك علاج الضغط المرتفع⬆️ بالكركدية وماتخدش دواء علشان ماتتعودش عليه هو صاحب نظرية (نعالجك ليه طالما نقدر نموتك ؟!)

Monday	20:00 - 12:00
Tuesday	20:00 - 12:00
Wednesday	20:00 - 12:00
Thursday	20:00 - 12:00
Saturday	20:00 - 12:00
Sunday	20:00 - 12:00

د/ إبراهيم الدهشان - D. Ibrahim Al-Dahshan

08/10/2024

17/08/2024

06/08/2024

08/07/2024

04/07/2024

11/06/2024

10/06/2024

29/05/2024

29/05/2024

11/05/2024

11/04/2024

Address

Opening Hours

Telephone

Website

Alerts

Shortcuts

Share