Farh Pharmacy _ صيدلية فرح

18/08/2025

18/08/2025

مرحبا بكم في صيدليه فرح نقدم لكم خدمه الدليفرى السريع فى اى مكان فى مدينه دمياط أو خارجها

11/08/2025

كيف تعالجون وبسرعة اليوريك أسيد (الأملاح) من أجسامكم لمنع آلام والتهابات المفاصل والنقرس

يسبب اليوريك أسيد (الأملاح) الفشل الكلوي والتهابات المفاصل وداء النقرس وآلم المفاصل.
والواقع أن آلم المفاصل قد تصبح مزمنة إن لم تعالج كما يجب والنقرس سيتغلغل في الجسم وهذا بدوره سيؤدي إلى التهابات المفاصل.

النقرس هو مرض استقلابي ينتج عن كثرة تراكم اليوريك أسيد (الحمض البولي) في القدمين، يعقبه نوبات ألم شديد. إن عدم معالجة اليوريك أسيد يسبب التيبس والتورم. بعض الناس يصابون بآلام حادة فوراً. وهذا الألم يأتي نتيجة كثرة تراكم اليوريك اسيد العائد إلى فشل الجسم في التخلص من الفضلات بالشكل الكافي. وأحياناً ينتج عن كثرة إفراز اليوريك أسيد.
إن اختلال عمل الكلى مرتبط بعدم قدرة الجسم على التخلص من اليوريك أسيد. وعندئذ يبدأ اليوريك أسيد بالتراكم حول المفصل مسبباً الالتهابات.
يمكنك أن تزيل اليوريك اسيد بعدة طرق وهذا ما سيحسن وضعك الصحي بشكل إجمالي. أدخل بعض التغييرات إلى أسلوب معيشتك وغذائك لتستطيع البدء بتغيير وضعك الصحي. زد من استهلاك الخضار والفواكه. استهلك الأطعمة البحرية واللحم الخالي من الدهن. تجنب الأطعمة المصنعة والسكريات والكحول والدهون المشبعة.
زود من شرب الماء لمساعدة جسمك على التخلص من السموم. استهلك العصائر الخالية من السكر
إليك بعض الوصفات المساعدة:
فوار يورسلوفين مرشح ممتاز للتخلص من اليوريك أسيد. ضع في كوب من الماء كيس واحد واستهلكه علي معدة خاوية يومياً صباحا و مساءا مما يجعل بيئة الجسم قلوية ويساعد على تجنب عدد كبير من المشاكل الصحية كالنقرس والتهابات المفاصل .

هناك العديد من الوصفات الطبيعية بديل الفوار مثل شرب كوب من الماء مع الليمون الحامض الذي يمنع تكوّن اليوريك أسيد. اعصر نصف ليمونة حامضة في 200 ملل من الماء الساخن اشربها كل صباح على معدة فارغة.
خل التفاح نفس تأثير الليمون الحامض فهو يحفز على إزالة اليوريك أسيد من الجسم. يكفي أن تحرك ملعقة كبيرة من خل التفاح في 200 ملل من الماء فتستهلكه قبل الوجبات. إنها وصفة ممتازة لمنع التهابات المفاصل والنقرس.
الكركم (العقدة الصفراء) غني بمادة الكركمين وهي مادة مضادة للالتهابات. لها دور في الوقاية.
البروملين الموجود في الأناناس هو مادة مضادة للأكسدة لها قدرة على تسكين الألم.
بذور الكتان غنية بالفوائد الصحية وهي مهمة للتقليل من اليوريك أسيد.

دمتم سالمين

24/06/2025

الف مبروك د عمر بالتوفيق ان شاء الله

27/04/2025

31/03/2025

تحتوي حلوى العيد على قدر عالي من السكريات والدهون، عشان كده بتنصحك بما يلي للحفاظ على الصحة خلال عيد الفطر:​

​
-تناول الكحك والبسكويت باعتدال (قطعتين أو ثلاثة في اليوم على سبيل المثال) حتى لا يرتفع مستوى السكر في الدم بصورة مفاجئة مما قد يسبب الشعور برغبة في تناول المزيد من السكريات، مما يؤثر بالسلب على الصحة العامة. ​

-الحرص على تناول الخضروات والفاكهة التي تساعد على الشعور بالشبع وتُغني عن تناول كميات كبيرة من الكحك وغيره من الحلويات. كما يمكن استخدام أطباق تقديم أصغر لتتجنب الإفراط في السكريات والأطعمة غير الصحية.​

-التأكد من تناول كميات كافية من المياه.​

-فيما يتعلق بمرضى السكر، يجب الحرص على قياس مستوى السكر بالدم بانتظام والمتابعة مع الطبيب المختص لضبط جرعات أدوية السكر التي يجب أن يتناولها المريض يوميا بعد انتهاء فترة الصيام. ​

-الحرص على ممارسة أي نشاط بدني –كالمشي- مما يساعد في ضبط مستوى السكر بالدم وحرق السعرات الحرارية الزائدة.

16/03/2025

🦶🔥 #النقرس.. مرض الملوك اللي بيعذب البسطاء! 🔥🦶

صحيت من النوم على ألم رهيب في رجلك؟ المفصل بيغلي، وملهوش حل؟
لو ده حصل معاك، فـ غالبًا النقرس ضرب! 💥

🤔 يعني إيه #نقرس؟
هو نوع من التهابات المفاصل بيحصل لما حمض اليوريك (Uric Acid) يعلى في الدم ويتحول لبلورات بتترسب في المفاصل، خصوصًا صباع القدم الكبير، وبتسبب ألم لا يُحتمل!

🚨 #علامات لو ظهرت عندك.. لازم تتحرك فورًا!
✅ ألم مفاجئ وحاد (غالبًا بيضربك وأنت نايم).
✅ تورم واحمرار وسخونة في المفصل.
✅ صعوبة في المشي أو حتى لمس المفصل.
✅ النوبات بتتكرر وتزيد حدتها مع الوقت لو متعالجتش.

---

# # ⚠️ #ليه النقرس #بيحصل؟ (الأعداء المخفيين!)
❌ أكل كتير من اللحوم الحمراء والمأكولات البحرية.
❌ الإفراط في شرب الكحوليات والمشروبات الغازية.
❌ السمنة وزيادة الوزن بتخلي جسمك يحتفظ بحمض اليوريك أكتر.
❌ أمراض زي الضغط العالي، السكري، وأمراض الكلى.
❌ أدوية زي مدرات البول وبعض أدوية القلب بتساعد على تراكم حمض اليوريك.

💊 #العلاج الصح للنقرس (ماتجربش وصفات النت! 😡)
حسب حالتك سيصف #طبيبك 🌷
🔥 وقت النوبة الحادة (لما الألم يضرب)
🛑 ممنوع المسكنات العشوائية! استخدم أدوية متخصصة:
✔️ مضادات الالتهاب (NSAIDs): زي إيبوبروفين أو نابروكسين.
✔️ الكولشيسين (Colchicine): بيقلل الالتهاب بس بجرعات محددة.
✔️ الكورتيزون (Corticosteroids): لو الحالة شديدة أو عندك مشاكل مع المسكنات التانية.

⏳ إزاي #تمنع النوبات من الرجوع؟
🔹 أدوية خفض حمض اليوريك:
- ألوبيورينول (Allopurinol): بيقلل إنتاج حمض اليوريك.
- فيبوكسوستات (Febuxostat): بديل لو عندك حساسية من الألوبيورينول.

🔹 غير أسلوب حياتك:
✔️ #اشرب 2-3 لتر مياه يوميًا عشان جسمك يطرد حمض اليوريك.
✔️ #قلل اللحوم الحمراء والمأكولات البحرية.
✔️ #تجنب الكحول والمشروبات السكرية.
✔️ #خس شوية #وزن، هتحس بفرق رهيب!

🚀 لو مش عايز النقرس يتحكم في حياتك.. خد بالك من جسمك!

26/02/2025

- لازم تبقى عارف إن تنظيم أدوية السكر في رمضان بيختلف حسب النوع، وده تلخيص سريع:
⏹️⬅️1. الميتفورمين (جلوكوفاج)**
- **قبل رمضان:** بيتاخد قرص مع كل وجبة.
- **في رمضان:**
- لو قرص 500 مجم: **حبة مع الإفطار وحبة مع السحور.**
- لو XR ممتد المفعول: **حبة واحدة بعد الإفطار.**

⬅️⬅️2. السلفونيل يوريا (جليبينكلاميد / داونيل / ديابيتا / دايميكرون)**
- **قبل رمضان:** مرة أو مرتين يوميًا.
- **في رمضان:**
- **داونيل وديابيتا:** تتاخد **حبة عند الإفطار** (وتجنبها وقت السحور عشان خطر هبوط السكر).
- **دايميكرون MR:** لو جرعة واحدة، تبقى **حبة عند الإفطار**، ولو أكتر من قرص، يفضل تقليل الجرعة.

🛑3. الأنسولين بأنواعه المختلفة**
- **الأنسولين القاعدي (لانتوس / ليفيمير / تريسيبا):**
- غالبًا نفس الجرعة لكن تتاخد مع الإفطار.
- **الأنسولين المخلوط (ميكستارد / ريزوديج):**
- نفس جرعة الصبح عند الإفطار، ونص الجرعة المسائية عند السحور.
- **الأنسولين السريع (نوفورابيد / أبيدرا / هيومالوج):**
- **مرتين يوميًا فقط مع الأكل:** نفس جرعة الإفطار، ونص الجرعة مع السحور.

⬅️⬅️4. المجموعات الجديده**
- **DPP-4 Inhibitors (جالفس / جانوفيا / تراينديا):** نفس الجرعة بدون تغيير.
- **SGLT2 Inhibitors (جارديانس / فارجكسيا):** نفس الجرعة بدون تغيير بس لازم شرب مياه كويس عشان تجنب الجفاف.
- **GLP-1 Agonists (فيكتوزا / أوزيمبك / تروليستي):** حبة أسبوعيًا زي ما هي.

**، هتنصح المريض إنه:**
- يراقب سكره كويس، ولو حس بدوخة أو تعرق شديد، يكسر صيامه فورًا.
- يتجنب تناول أدوية زي **داونيل وديابيتا** وقت السحور عشان خطر الهبوط.
- يراجع الطبيب لو بياخد **أنسولين سريع** عشان يضبط الجرعات

21/02/2025

كلام عاوز تركيز شويه

السيدات اللي كتير بتشتكي إنها على طول تعبانة، وبتعاني من آلام منتشرة في جسمها كله، رغم إن تحاليلها كلها سليمة.
حاولي تركزي في كل كلمه في البوست لعله يرشد الكثير منكن عن سبب آلامهن
الفيبروميالجيا مرض نفسي عضوي..؟؟؟..
هو مرض يُصيب النساء أكتر من الرجالة ده مبدئياً.

تاني شئ بيتسلل للشخصية الحساسة أو الكتومة في زعلها أو اللي تعرضت لصدمه نفسية كبيرة في حياتها ..
وبيزيد الألم مع سوء الحاله النفسية..
وهو عبارة عن اضطراب في الناقلات العصبية المسئولة عن إحساسك بالألم...
هو مرض مزمن (يعني مش بيخف ولازم تتعاملي معاه طول حياتك متل مرض السكر .
طيب ايه هو الوجع اللى بتحسي بيه فيبروميالجيا..Absolutly ( الفيبروميالجيا .. اللص الخفي)
لازم تتوافر الشروط التالية:
• ألم في العضلات مزمن بيزيد أحياناً ويقل أحياناً، منتشر في أجزاء متفرقة في الجسم، وخاصة الTendr points الموضحة في الصورة تحت.
• ألم متساوي في جانبي الجسم.
• ألم مزمن لمدة لا تقل عن 6 شهور.
• إنك بتعملي كل تحاليل المناعة بتلاقيها سليمة وكويسه
أسبابة:
العلم لم يتوصل للسبب الحقيقي لوقتنا هذا والأرجح إنه مرض وراثي.
أعراضه:
• ألم مزمن بعضلات الجسم وخاصة عند اللمس، بيخليكي مش قادرة تعملي الأنشطة اليومية البسيطة.
• الألم بيزيد مع الراحة وأثناء النوم.
• بتصحي من النوم الصبح تعبانة رغم إنك المفروض نمتي عشان ترتاحي، وأول ما تبدئي تقومي من السرير وتتحركي الألم بيقل.
• احياناً تقومي من النوم تحسي إن مفاصلك متيبسة وتفك أول ما تتحركي.
• اضطرابات في النوم، مش عارفه تنامي عدد ساعات طويلة متواصلة، عادة بتصحي كل شوية من الألم.
• صداااااااااع.
• ذاكرة ضايعة.
• تركيز سيئ .
• انتباه...مافيش.
• وكل هذا بيرافقه شوية اكتئاب وتوتر وقلق، نتيجة إنك مش عارفه تمارسي حياتك بشكل طبيعي.
• غالباً مريضة الفيبرو بتعااااااني من القولون العصبي وضغط بالمثانة
مضاعفات المرض:
ما يميزه إنه لا يؤثر بالسلب على أعضاء الجسم.. يعني مش ذي الأمراض المناعية.
مضاعفته تتمثل في
• ألم بيزيد مع مرور الوقت.
• زيادة اضطرابات النوم.
• ممكن تدخلي في مرحلة اكتئاب.
علشان كده لازم تساعدي نفسك.. وتغيري نمط حياتك عشان تقهري المرض
علاجه في الطب الحديث
بيعتمد على أدوية علاج الأكتئاب والصرع
وهذا النوع من الأدويه بيعمل أعراض جانبيه بتكون أكتر من الألم اللي كنتي رايحه تتعالجي منه
طيب ايه هو الحل علشان أقلل من شعوري بالألم؟؟
*طبعا قليل اللي بيقدر يلتزم بس في ناس قادرة تلتزم
• العبي رياضة وخاصة المشي.
• السباحة لو عندك مشاكل في المفاصل.
• تمارين المقاومة، هتقوي كتلتك العضلية وتقلل الشعور بالالم.
• تمارين التنفس يومياً.
• ابعدي عن العلاقات المؤذية...
• ابعدي عن الضغوط العصبية.

التغذية السليمة...........
حقاً لا يوجد نظام غذائي لمريض الفيبرو، ولكن اتباع نظام غذائي صحي، بيقلل التهابات الجسم و بيساعد على تخفيف الألم.
• أبعدي عن السكر الأبيض والدقيق الأبيض.
• قللي اللحوم الحمرا.
• امنعي الدهون المضرة (زيوت نباتية وسمن وزبد صناعي) من الأخر ما تاكليش أكل الشاااااارع.
• قللي منتجات الألبان.
• قللي الكافيين.
• استخدمي الكركم مع شوية فلفل أسود في الأكل.
• زودي من مصادر فيتامين
‏ C (موجود في معظم الخضار والفاكهة بس كليهم فريش)
‏ A (موجود في الخضار والفاكهة اللي لونهم برتقالي)
‏ E (الأسماك وخاصة السالمون والمكسرات

16/02/2025

🚩 ازاي تتعالج بكل سهوله من مقاومه الأنسولين أو مرحله ما قبل السكر أو حتي السكر من النوع الثاني
هقولكم بخطوات سهلة ومنظمه .. ف ركزوا بقي

⚠️اولا كلنا عارفين أن السكر التراكمي بيقيس نسبه الجلوكوز المرتبط بالهميموجلوبين جوه كرات الدم الحمراء .. ف هو بمثابه ذاكره بيحفظ التغيرات اللي بتحصل في سكر الدم في خلال 3 شهور

🔷 نسبه السكر التراكمي الطبيعي بين 4.5 ل 5.5
1. هي لو اكتر من 5.6 ل 6 .. دي مقاومه انسولين
2. و لو من 6 ل 6.4 .. دي مرحله ماقبل السكري
(مقاومه انسولين شديده )
3. و لو عدي ال 6.5 ف انت مصاب بالسكر من النوع الثاني

🔷طيب اي اعراض مقاومة الأنسولين اللي تثبت أنها عندك؟

🔸اهم الاعراض هي :
▪️ تغيير في لون و سمك و شكل الجلد في الرقبة و بين الفخذين و الابطين و مفصل الكوع ..
▪️ظهور زوائد جلدية في ثنايا الجسم .
▪️زيادة محيط البطن....خدي بالك انا الاهم عندي توزيع الدهون مش وزنك كام ... ممكن واحد رفيع بس عنده كرش و يطلع عنده مقاومة الأنسولين.
▪️كمان ممكن تظهر على شكل تأخر في الحمل و تكيسات في المبيض.
▪️بتعملي دايت و مش بتخسي او بتنزلي وزن بصعوبة .
▪️عندك نهم دائما السكريات و النشويات حتي لو لسه واكله .

اولا مش عاوز اتكلم كتير ..عشان بتزعلوا من الاستفاضه 😂

-------------

🚩أول خطوه في العلاج وهي اكلك..تظبيط أكلك اهم حاجه

🔷هيكون اكتر كلامنا عن النشويات .. هنرتب كل حاجه
يعني لو بتاخد رغيفين خليها رغيف
ولو رغيف يبقي نص رغيف
ولو بتاكل طبق رز كبير خليه طبق صغير يعني من ٧ ل ٨ معالق .. طيب م انا كده هجوع لا مش هتجوع ..

هنحط جمب اكلنا خضار زي الكوسه واللوبيا والفاصوليا والسبانخ .. منها أنها ألياف ف هتشبعك ومنها لو هتعملها بدهون صحيه زي زيت الزيتون أو السمنه البلدي أو الزبده الفلاحي أو زبده الفول السوداني والدهون الصحيه
ف كمان هتديلك طاقه ف مش هتحس بهبوط
وتحرص علي طبق السلطه ويكون كبير فيه
كل الخضروات الخضراء والألوان ومع كل وجبه

وعاوزك تبتعد كل البعد عن السوبر ماركت والدليفري الفاست فود بكل أشكالها ..واي مشروبات غازيه والعصائر المحلاه.. متقربش ناحيه السوبر ماركت اصلا
وبالنسبه للفاكهه متاح تاخد ثمره فاكهه من اللي المؤشر الجلايسمي بتاعها منخفض زي تفاحه او موزه أو برتقاله
تاخدها مع وجبه من وجباتك .. مش لوحدها

▪️ونصيحه تابع مع طبيب تغذيه..عشان يتحكم في كميه النشويات ويحرص علي نظامك .. واستبدال النشويات البسيطه بنشويات معقده..ولعمل خطه للعلاج طول المتابعه

🔶 تاني حاجه في الخطه ...
عاوزك تأجل الفطار بتاعك
من ساعتين ل ٣ ساعات بعد ما تصحي من النوم
وقبل م تنام ب ٣ ساعات متاكلش اي حاجه
وفي خلال الوقت ده انت ممكن تشرب سوائل أو اعشاب
أو شاي .. والمهم بدون سكر ولا سكر دايت كمان
انت كده ماشي صيام متقطع..و ١٤ ساعه كمان اي خدمه 💖

🔷 تالت حاجه في خطتنا ...
تخلي الوجبات كلها .. فطار وغدا وعشا في نطاق ال ٨ ساعات ... يعني مثلا تفطر ١١ وتتغدي ٣ وتتعشي ٧

🔶رابع حاجه في خطتنا...
عاوزك تمشي بعد كل وجبه ١٠ دقايق في البيت عادي في الشارع .. احرص علي دي اوي
ومشي بسرعه متوسطه لا سريع اوي ولا بطئ اوي
المشي بالنسبة لمرضى السكر بيقلل سكر الدم
بنسبة كبيرة جدا اكتر من 40%

🔷 خامس حاجه في خطتنا ....
النوم بدري ... النوم الليلي المنتظم هيظبطلك كل هرمونات جسمك.. السهر مدمر لكل هرومونات الجسم
النوم الليلي المنتظم يعني الساعه 11 تكون نايم .. النوم بجد عليه عامل يتخطي ال 40 ٪ من نجاح العلاج

🔶سادس حاجه في خطتنا...
هي 5 مكملات هندخلهم في نظامنا الغذائي
ونحافظ عليهم كل يوم

▪️اول مكمل .. هو الجنزبيل الفريش
هتجيب قطع من الجنزبيل الفريش
تقريبا من 2 إلى 4 سنتي وتقطعها لشرايح وتحطها تغلي مع كوبايتين ميا من 10 دقايق وبعدين تصفيها وتحطي الجنزبيل في التلاجة وتعصري عليه نص ليمونة
وبعدين تشرب كباية من الجنزبيل قبل الوجبة بنص ساعة مرتين في اليوم
ليه؟؟ لانه يقلل مستوى السكر في الدم ومضاد قوي للالتهاب ومضاد للأكسدة
طيب مين اللي مياخدوش الجنزبيل ؟؟
اللي بياخدوا أدوية سيولة لازم تسأل طبيبك الأول
وكمان اللي بياخدوا أدوية ضغط الدم المرتفع لازم تسأل طبيبك الأول

▪️تاني مكمل ..وهي الألياف وهنا هنستخدم الألياف الذائبة في المياه وعايزك تاخدها في صورة مكمل اسمه سيليوم هاسك
(قشور السيليوم ) وفايده الألياف أنها أولا حاجه هتحسسك بالشبع ..تاني حاجة بتخفض مستوى سكر الدم ..تالت حاجة بتخفض مستوى الكوليسترول
طيب جرعتها بناخدها معلقة صغيرة وقبل ما تعمل چيل بشربها وتشرب وراها كوب ماء لكن أهم حاجة مع الألياف إنك تاخد كميات كبيرة من المياه .. على الأقل كوباية مياه كل ساعتين يعني 8 كوبايات مياه في اليوم
فالألياف إن شاء الله هتفيدك جدا وهتحسسك بالشبع الفترة طويلة وكمان هتقلل وتتحكم في مستوى السكر في الدم

▪️ثالث مكمل .. فيتامين د٣ و طبعا كلنا عارفين اهمية فيتامين د ٣.. ومهم جدا فيتامين د لمرضى السكري
لو ظبطته هيقلل مقاومة الانسولين
ويتحكملك في مستوي السكر في الدم

هنستعمل من 5 إلى 10 آلاف وحدة كل يوم
وتحافظ عليه لمدة 3 شهور وتوقف شهر ونرجع ناخد تاني 3 شهور وتوقف شهر وهكذا.. ... لازم فيتامين د ياجماعه
ويكون مستواه من 50 ل 80 معاك

▪️رابع مكمل .. ماغنسيوم جليسينيت وخد حبايه منه قبل النوم 400 ملجرام ل 500 ملجرام
الماغنسيوم بيساعد في دخول السكر الي داخل الخلايا فبيخفض مستوى السكر في الدم وكمان مهم جدا في الأرق ويساعدك في النوم الليلي المنتظم

▪️خامس مكمل .. الزنك من ٢٥ ل ٥٠ مليجرام يوميا
لانه يشبه الأنسولين كيميائيا ووظائفيا فلما يدخل الخلايا
الخلايا بتبعت للبنكرياس اشاره متبعتش انسولين تاني
وبدون الدخول في تفاصيل هيساعد في خفض معدل السكر في الدم وعلاج مقاومه الانسولين

▪️سادس مكمل الكروميوم .. بيزود مستقبلات علي جدار الخلايا فيخليها تقدر تستقبل انسولين وتقدر تخزن جلوكوز ف ده يخلي مستوي الجلوكوز يقل في الدم ولما يقل الجوع هيقل والالتهابات هتقل ويقلل كمان تكيسات المبايض
من اي مصدر كروميوم بالصيدليه
٢٠٠ ميكرو جرام في اليوم من اي مصدر دواء بالصيدليه

🟡 مدة العلاج تتراوح ما بين تلاته ل سته شهور 🟡
بعدها الجسم بيرجع طبيعى .. طبيعى بمعنى انه بقى مستعد انه يخس .. يعنى انت كل الفتره دي بتتعالج ومش شرط تكون بتخس حلو .. يعني هتخس ببطئ والتغيير بسيط

🔸الفيصل في نجاحك طول الفتره دي مقاساتك فقط لا غير
طالما بتتحسن يبقي انت ماشي صح 👌

🔹يعنى مش كل دقيقة تبص على شكلك و الميزان.فاهمين؟

ف اصبر والتزم وارمي الميزان مش بتاعك ولا يخصك ..فاهم

الموضوع في بدايته صعب انا عارف بس ده علاجك والله
ولو صعب تطبقه .. روح لطبيب تغذيه

🚩طيب هفضل كده طول عمري مانع عن نفسي كل حاجه؟

لا طبعا لحد ما جسمك يرجع طبيعى ويتعافى تماما و وقتها ترجع لـ كل شئ بحدود.. تاني اهو بحدود .. وجسمك يرجع يقبله من جديد و يتعامل معاه بـ شكل طبيعى ...لكن فى الوقت الحالى لاا ... لأن جسمك بيعاني ولازم يفوق ويتخلص من المخزون الكتير اللي جواه و يستخدم منه

08/12/2024

الوقاية خير من العلاج

استعمل فيبكوسيبت للوقاية من انتقال الفيروس المتحور الجديد XEC و اعراض الإصابة به :
تعب و اللام بالجسم لمدة شهر كامل 🌔
ضيق في التنفس 🫁
كحه مستمرة قوية 🗣️

استعمل فيبكوسيبت لغسيل اليدين التي تمثل ٨٠٪ من طرق العدوي مرة واحدة يومياً لتظل محميا من إنتقال العدوي لمدة ٢٤ ساعة .

Fipcosept.com