https://www.facebook.com/108940585423135/

Nutri_Hassan maher, Damietta (2025)

22/03/2023

رمضان كريم علي كل متابعيني واصحابي وحبايبي 🌙🕌

20/03/2023

رمضان كريم 🤎
طبعا اغلب الناس للي بتعاني من النحافه ونقصان الوزن بتخاف انها تخس اكتر في الصيام، عشان كدا حبيت اوضح ليكو اهم التعليمات للي مهم جداً الالتزام بيها.

12/03/2023

10_نصائح هتساعدك طول شهر رمضان .

كل عام والجميع بألف خير وصحة ♥️
تعالو نتكلم بقا النهارده عن القواعد للي لازم كلنا نتبعها في رمضان عشان نصوم صح ونحافظ على جسمنا

1_عدم تفويت وجبة السحور لأنها مهمه جدا جدا وتأخيرها عشان الجسم يقدر يخزنها ويستفاد بيها لمدة اكبر.
2_ نشرب كميه كبيره من الميه والسوائل عشان نرطب جسمنا.
3_نحاول اننا نبعد عن الحلويات والسكريات بقدر الإمكان
4_نحاول اننا ناكل تمر قبل الفطار اولا هو وصيه من الرسول ثانيا غني بالالياف ثالثا هيقلل كميه الاكل للي هناكلها في الفطار .
5_ نحاول أن وجبه الفطار تكون صحيه اكتر ونبعد عن الدهون و نهتم بالسلطات أثناء الاكل لأنها بتنشط حركه الأمعاء.
6_ ممكن نعمل حيله ذكيه وهي اننا ناكل ببطئ وكدا هنشبع بسرعه
وفي نفس الوقت هنحافظ على وزننا
7_ نبعد عن المشروبات الغازية اثناء السحور والفطار لأنها بتملي المعده سكر بس
8_ نمارس الرياضه حتى لو رياضه المشي عشان نتدرب الجسم على الحرق بعد الأكل.
9_ نقلل الاكل المقلي لانو بيسبب عسر هضم مع حرقان للمعده غير انو اصلا سبب رئيسي لزياده الوزن،
10_ نبعد عن الشاي والقهوه لان ماده الكافيين بتقلل نسبه الميه في الجسم بالتالي هنحس بالعطش

كل يوم جديد ♥️
متنسوش تعملو لايك وفولو للبيدج
و save لو البوست عجبكوا 💁

#تغذية

26/02/2023

هنتكلم النهارده عن" المشي " 🚶
ابسط رياضه ممكن اي انسان يعملها، وأفضل طريقة للحفاظ على صحة وسلامة الجسم في العموم.
عشان كدا المشي له فوائد كتير جدا وضحناها في الصوره 👇🏻😊

🔸تعالو نتكلم بقا عن الأساليب السليمه عشان نمشي صح 🤔

1️⃣اول حاجه لازم يكون الضهر والرقبه والراس في استقامه واحده وتكون مرخيه لحد ما.
2️⃣ثانياً شد عضلات البطن.
3️⃣ثالثا تحريك الذراعين أثناء المشي
4️⃣رابعاً بدايه المشي تكون من الكعب للاصابع

🔸طيب ايه بقا ممكن يشجعك عشان تمشي ‼️
▫️طبعا المشي مع حد بتحبو 😁
▫️اختيار أماكن مناسبه للمشي.
▫️تغير الأوقات بين فترات الليل والنهار عشان الروتين
▫️استخدام عداد الخطوات للتحفيز على المشي اكتر.

موضوعنا مكمل للي عندو استفسار يبعتلي على رسايل البيدج او رقم الواتساب 01289961388‪ 📩

كل يوم جديد 💗

20/02/2023

هنتكلم النهارده عن "النحافه في الاطفال"
طبعا اغلب أولياء الأمور حاليا بيعانو من مشكلة سوء التغذيه لاطفالهم سواء كان دايما شبعان ومش عايز ياكل وحتى لو اكل بيفضل الشبسيهات والاكل المعلب واي حاجة عمتاً بتتشري من السوبر ماركت.
ودي طبعا مشكله لازم تتحل بالتدريج وغالبا الاعتماد على الأم.

🔹اولاً :لازم نعرف سبب النحافه ايه عن طريق متابعه دكتور غدد ودكتور باطنه بسبب انو ممكن يكون عندو اضطراب في الغده الدرقيه او ديدان معويه

🔹ثانياً : تقديم وجبات غذائيه سليمه يكون فيها أغلب العناصر الغذائيه والتركيز على البروتين مع الاهتمام بشرب العصائر المختلفه واللبن والميه ومننساش الفاكهه وطبعا كل دا حتى لو في اللانش بوكس.🤷

🔹ثالثاً: التركيز على العامل السلوكي ودا بيتحقق مع الطفل عن طريق انو بيشوف تصرفات الاكبر منو، لازم الاهل يحاولو ان اكلهم يكون صحي وعندهم اهتمام بالوجبات ومواعيدها عشان الطفل يبدأ يدرك اهميه الاكل له ولعيلته وايه الاكل الممنوع واللي يضر بصحتو يبعد عنو ، محاوله ان يكون عندو نشاط رياضي يشارك فيه حتى لو المشي عشان يبدأ يهتم بشكل جسمو وصحتو.

🔹رابعاً والأهم :العامل التربوي ودا بنسبه ٨٠٪ بيتم عن طريق الام من خلال انها تبدأ تخليه يشارك في انو يجهز اكلو عشان يحب ياكل للي هو عملو كمان تبدأ تنوع في الأكلات واستخدام أشكال وافكار جديده تجذب انتباهو ويبقا عندو فضول انو يجربها .

موضوعنا مكمل، للي عندو استفسار يبعتلي على رسايل البيدج او رقم الواتساب 💌

"ان شاء الله كل يوم معلومه جديده" 🤗💗

19/02/2023

فكرة بسيطه عن الاشتراك المجاني 👇🏻:
_ يكون فردي على الخاص بالواتساب (01289961388).
_نعتمد على خساره الدهون وليس العضلات.
_النظام متنوع بالوجبات والاقتراحات منعاً للملل ومن غير حرمان
_يُصمم النظام خصيصاً لك وليس جدول جاهز حسب (طولك، وزنك؛ عمرك؛ حالتك الصحية)

ملحوظة 💗
_النتائج متعلقة بانضباط المشترك واجتهاده من خلال مقاسات المتر والملابس وليس الميزان

الاشتراك يتضمن:
١_جدول غذائي 🍏
٢_جدول رياضي 🏋️
٣_متابعه مره بالاسبوع للقياسات 📝

15/01/2023

اولاً : ليه الملح والحوادق ممنوعه في الدايت؟

عشان نكون عارفين الملح مفيش فيه سعرات ممكن تسبب زياده او نقصان في الوزن ولكن كل ماناكل اكل فيه ملح كتير دا بيسبب حبس الميه في الجسم ونتيجه عنو هيزيد الوزن عشان كدا نحاول بقدر الإمكان ان الملح في اكلنا يبقا في المعدل العادي.😇

ثانياً :ليه السكر والحلويات ممنوعه في الدايت؟
في ناس فكره انها لما تمنع السكر في الدايت كدا هتخس بسرعه ودا تفكير مش صح لان كل جسم بيحتاج كميه من السكر لازم تكون في الأكل للي بياخدو حفاظاً من التعرض لمشاكل زي الدوخه والصداع وعدم التركيز والتعب والخمول
عشان كدا منع السكر في الدايت دا مش حل
ممكن ندخل السكر عادي في نظامنا ولكن هنستخدم سكر دايت.👈👉

ثالثاً: ليه المسليات والمايونير والمسترده وكل دا ممنوع؟
لان الحاجات دي بتساعد ان الميه تتحبس في الجسم بالتالي الوزن هيزيد ودا مش خطتنا لدايت صحي 🤷

رابعاً واخيراً : ليه الزيوت والدهون والمقليات ممنوعه في الدايت؟
لان هي أساس زياده الوزن ولكن دا مش سبب اننا نمنعها تماما، لازم يدخل للجسم نسبه من الدهون ودا عشان نقدر نحققو ولكن بطريقه صحيه ممكن نستبدل السمنه والزبده بزيت زيتون ودا لانو صحي وكمان فيه فيتامينات زي فيتامين هاء 🤗💗
ان شاء الله كل يوم جديد وكل يوم معلومة جديدة
(للتواصل والمتابعه على رسايل البيدج او رقم الواتساب )

12/01/2023

السلام عليكم
الناس للي بتكسل تنزل العيادات
او بتشتغل ومفيش عندها وقت
حبيت اساعدكم عن طريق المتابعه اونلاين وبدون مقابل 💕

11/01/2023

ان شاء الله هتكلم النهارده عن اهم حاجه للشخص اللي بيعاني من زيادة الوزن ..
ليه تعمل دايت (Diet)
*مش حابب شكلك وبتعاني من كلام الناس اللي مخلي مزاجك وحش ( التنمر) لازم تعمل دايت
• لو اغلب الدهون اللي عندك متركزه في منطقة البطن (الكرش ) لازم تعمل دايت
• لو عندك ضغط لازم تعمل دايت لان احتباس الماء والبول في الجسم الناتج عن وجود الصوديوم الموجود في ماكولات المواد الحافظة هو السبب ان ضغطك يرتفع ويخليك تنهج و حاسس بتقل وخنقه في صدرك واثناء تنفسك
• لو صوتك عالي اثناء نومك لازم تعمل دايت
• لو سكرك عالي لازم تعمل دايت لان الدايت هيضبط نسب السكر في جسمك ويخليك ترتاح فترة طويلة من غير مضاعفات
•( لما تعمل دايت هتحس براحه في حياتك وتتحرك بدون نهجان وانك خف الريشه وترتاح من كل حاجه تعباك من اللي قراتها فوق )
•كل يوم جديد وكل يوم معلومة جديدة ❤️

10/01/2023

السلام عليكم ورحمه الله وبركاته
📝حبيت تكون بدايتي في مجالي كاخصائي تغذية في بيدج يكون فيها انجازاتي وتنفع اي حد هيشوف بوستاتي هنا واكون شاكر جدا لاي حد هيتابعني واكون سعيد جدا اني اقدر اساعد اي حد محتاج حاجه مني ف مجالي التغذوي
ان شاء الله كل يوم جديد وكل يوم معلومة جديدة 🙂❤️

Nutri_Hassan maher

22/03/2023

20/03/2023

12/03/2023

26/02/2023

20/02/2023

19/02/2023

15/01/2023

12/01/2023

11/01/2023

10/01/2023

Address

Telephone

Website

Alerts

Contact The Practice

Shortcuts

Share

Category