عيادة جراحات الجهاز الهضمي و الأوعية الدموية د/محمد رأفت & د/أحمد نعيم

29/04/2025

29/04/2025

يسرنا أن نعلن عن الجراحات التي ستتم في ثاني أيام المؤتمر الثاني للجراحات المتخصصة الخاص بمستشفي جراحات اليوم الواحد رأس البر و الذي سيعقد يوم الجمعة ٢ مايو بمستشفى جراحات اليوم الواحد رأس البر ،

📌و التي سيتم نقلها عبر من داخل غرف عملياتنا لأول مرة في دمياط.


تحت رعاية ا.د.خالد عبد الغفار
نائب رئيس الوزراء ، وزير الصحة و السكان ،
و رعاية
د.أيمن الشهابي
محافظ دمياط
و د.مها إبراهيم
رئيس أمانة المراكز الطبية المتخصصة ، و نائبيها
د.أحمد رزق ، د.إسحاق جميل
و بتشريف من
د.محمد بدران
وكيل وزارة الصحة بدمياط

رئيس المؤتمر
د محمد ابو الدهب
مدير مستشفى جراحات اليوم الواحد رأس البر
_______________________________
تأكيدًا على أن رسالتنا لا تقتصر على تبادل المعرفة فقط، بل تمتد لتقديم خدمة حقيقية للمرضى و تقديم خدمة تعليمية و تدريبية لشباب أطباء الجراحة ...

يسرنا الإعلان عن إجراء عدد 11 من الجراحات الدقيقة والمتقدمة لحالات كانت في قوائم الانتظار، يتم تنفيذها بأيدي نخبة من كبار أساتذة الجراحة المشاركين في المؤتمر.
تضم الآتي :

* جراحات استئصال أورام القولون باستخدام منظار البطن الجراحي
* Laparoscopic hemi-colectomy
يجريها
ا.د.أحمد عبد العزيز
أ.د.شريف عبد الحليم
أساتذة القولون و الشرج جامعة عين شمس

* عمليات الناسور الشرجي المتقدمة
* peri-anal fistula
يجريها
ا.د.أحمد عبد العزيز
أستاذ القولون و الشرج جامعة عين شمس
ــــــــــــــــــــــــــــــــــــــــــــــ

* جراحات ضيق المريء
* Heller's myotomy
* و جراحة فتق الحجاب الحاجز المتقدمة
* Nissen's Fundoplication
يجريهما
أ.د/رضا سعد
أستاذ جراحات الجهاز الهضمي العلوي جامعة عين شمس
أ.د/ إيهاب فضل
أستاذ جراحات الجهاز الهضمي العلوي جامعة عين شمس
ــــــــــــــــــــــــــــــــــــــــــــــ

* جراحة إصلاح القناة الصفراوية الرئيسية و استئصال حصوات القنوات الصفراوية باستخدام منظار البطن الجراحي
* Laparoscopic CBD exploration
* و جراحة استئصال المرارة باستخدام منظار البطن الجراحي مع شرح مفصل من أفضل أساتذة جامعة عين لشباب الجراحين
* Illustrative laparoscopic cholecystectomy
#حالتان يجريهما أ.د/محمد فتحي
أستاذ جراحات الكبد و القنوات المرارية جامعة عين شمس
ــــــــــــــــــــــــــــــــــــــــــــــ

* جراحة الفتق الإربي المرتجع باستخدام منظار البطن الجراحي
* Laparoscopic recurrent hernial repair
* و جراحة فتق الحجاب الحاجز المتقدمة
* Nissen's Fundoplication
حالتان يجريهما أ.د/أيمن علوان
أستاذ الجراحة العامة و جراحة السمنة و المناظير جامعة الأزهر دمياط
ــــــــــــــــــــــــــــــــــــــــــــــ

* غلق الدوالي باستخدام الصمغ الطبي المتقدم بالقسطرة التداخلية
* Non-thermal adhesive endovenous ablation of GSV
تجريها
أ.د/هادية رفاء
استشاري الجراحة العامة و جراحة الأوعية الدموية، رئيس قسم الجراحة
ــــــــــــــــــــــــــــــــــــــــــــــ

تُنقل عبر البث المباشر من داخل غرف العمليات بالمستشفي
و نبثها للحضور أونلاين عبر برنامج الزووم 🙏🏻
Register now: https://forms.gle/H1p8okvseMFxYRLG6

22/06/2021

😄

20/06/2021

تابعوا الصفحة الجديدة
د. أحمد نعيم عثماند. أحمد نعيم عثمان أحمد نعيم عثمان

08/05/2021

المضادات الحيوية مالهاش دعوة بالڤيروسااااااات يا جدعااااااااان

Using antibiotics to treat or prevent COVID-19 is dangerous and ineffective. Antibiotics don’t work on infections caused by viruses. Any time antibiotics are used, they can cause side effects and lead to antibiotic resistance. Learn more: https://bit.ly/3sC2IOc.

21/04/2021

http://fb.me/Dr.A7md.N3em.Vascular.Surgery

تابعونا في الصفحة الجديدة

02/03/2021

تنورونا في كفر البطيخ

26/01/2021

مين مش المفروض ياخد اللقاح:

١- اللي عنده حساسية من اللقاح (نسبة نادرة للغاية): هعرف منين؟ ... اي حد بياخد اللقاح بيتراقب لمدة نص ساعه ولو حصل اي اعراض حساسية شديدة (anaphylaxis) بياخد (epinephrine) ويروح المستشفى وده بيستثنى من الجرعة الثانية وعموما دول نسبتهم نادرة... لو حصل اعراض حساسية بسيطة (ممكن تظهر بعد 3-4 ساعات زي التورم او ضيق تنفس بسيط) بياخد دواء ومايخدش الجرعة التانية ويستشير اخصائي حساسية لتغير نوع اللقاح لو هينفع (يعني لو كان بياخد فايزر ممكن ياخد في المستقبل اكسفورد وهطذا بناء على تعليمات الطبيب).
٢- لو حد من الاول عارف ان عنده حساسية لأي من مكونات اللقاح او أي حساسية عموما لأي حاجة (اكل او ادوية او polyethylene glycol) محتاج يستشير الطبيب قبليها.
٣- الحوامل والاطفال تحت 16 سنة حتى اكتمال الدراسات اللي هتبدأ في ابريل الحالي.
٤- حديث التعافي من كورونا (3 شهور) ليس اولوية ولكن من حيث السلامة لا يوجد اي مشكلة.
٥- لو واخد لقاح اخر (زي الانفلوانزا) محتاج يريح بين اللقاحين اسبوع مش اكتر.

- بعض الامراض المناعية: مهم جدا نوضح ان هنا مفيش مشكلة في السلامة ولكن في عدم وجود دراسات كافية عشان كده مقولتش انهم رقم (5)... الاستنتاج ان لايوجد ما يمنع لاصحاب الامراض المناعية من تعاطي اللقاح ولكن من الممكن ان تكون الاستجابة المناعية للقاح اقل من باقي الناس (نسبة حماية اقل) بس عموما لقاح فايزر كان الوحيد اللي درس اللقاح على مرضى الايدز ومكنش فيه اي مشكلة في السلامة فبالقياس غالبا مفيش مشاكل.

اي حد تاني يقدر ياخد اللقاح عشان كان انتشر ان اصحاب الامراض المزمنة والمناعية مش هياخدو اللقاح وده كلام غلط.

بعد تلقي اللقاح مهم نقول ان هنفضل لابسين الماسك عشان:
- مفيش لقاح فعال 100%
- اللقاح بيقي من الاعراض فقط فممكن الشخص يكون حامل للفيروس وقادر على العدوى.
- مسئولية اجتماعية عشان اللي مخدش اللقاح ميحسش ان فيه تراخي في الاجراءات.

الاهم بقى من كل ده ان جدول توريد اللقاحات ميحصلش فيه مشاكل وتأخير لأن ده اللي حاصل في العالم كله... مثلاً اليابان عامله مشكله ان لم يتم توريد اي لقاح من المتفق ان يصل في يناير من امريكا والاتحاد الاوروبي وصله 10% فقط من الكميات المتفق عليها.



المصدر: WHO and CDC

- https://www.cdc.gov/coronavirus/2019-ncov/vaccines/safety/allergic-reaction.html

- https://www.cdc.gov/coronavirus/2019-ncov/vaccines/recommendations/underlying-conditions.html

- RCT From https://www.who.int/publications/m/item/draft-landscape-of-covid-19-candidate-vaccines

16/01/2021

اخواتنا اللي عندهم حصوات المرارة و مكسلين ... !!!

البوست دا مش للدكاترة بس.. دا للناس كلها..
دا مثال علي مناقشة للحصول علي موافقة مستنيرة لمريض محتاج استئصال للمرارة بالمنظار..
كنت اتكلمت عن آثار هيمنة القطاع الخاص في مصر و دخول الماديات كطرف في التعامل و ان دا بيسبب ان بعض الجراحين للاسف مش بتتناقش مع الناس في المشاكل المحتملة من كل عملية جراحية..
=============
هتكلم النهاردة عن عملية استئصال المرارة بالمنظار كمثال..
المريض محتاج يعرف ايه؟؟
ايه المرارة؟
دي كيس بيتجمع فيه العصارة الصفراوية اللي بيفرزها الكبد و بتتركز قبل ما تتفرز في القناة المرارية الرئيسية (او المشتركة) للأمعاء.. و دي عصارة بتساعد علي هضم الدهون.. و تخلص الكبد من بعض السموم.. (يحبذ استخدام رسم بسيط توضيحي)
ليه تستأصل المرارة؟؟
اولا مش معني ان حد لاقي حصوات في المرارة بالصدقة باشاعة عملها عشان سبب تاني انه محتاج عملية..
لازم الحصوات دي تكون مسببة مشاكل..
مشاكلها.. الم.. في الجزء الاعلى اليمين في البطن.. او سببت التهاب مزمن او حاد في المرارة.. او الحصوات دي سببت انسداد القنوات المرارية سبب ارتفاع في نسبة الصفرا في الدم.. او سببت التهاب في البنكرياس..
لو الحصوات سببت اي حاجة من دي بنعرض علي المريض العملية..
و بعض الحاجات دي خطيرة او ممكن تسبب حاجات خطيرة.. عشان كدا بنعرض علي المريض العملية.. لان هنا مخاطر الحصوات بقيت اكتر من مخاطر العملية..
طيب الواحد يقدر يعيش من غير مرارة؟؟
اه.. اغلب الناس بعد فترة جسمها بيتأقلم و بتعيش عادي بدون مشاكل في الهضم..
==============
المريض مبدأيا لازم يكون عامل حاجتين قبل العملية..
سونار او اشعة تليفزيونية..
و وظائف كبد..
لو فيه اي دليل فيهم علي ان فيه حصوات في القناة المرارية الرئيسية (او المشتركة).. لازم المريض يعمل رنين مغناطيسي علي القنوات المرارية..
طبعا دي حاجة هتثير تساؤلات و اعتراضات كتير..
لان مش نسبة كبيرة بيطلع عندهم حصاوات في القناة المرارية الرئيسية بجد.. و لان الرنين مكلف جدا.. و غير كدا و كدا ممكن ميكونش متوفر..
و في ظل تقديم الخدمة الصحية المدفوعة الاجر..
في جراح هيطلب رنين بألافات قبل العملية في حالة وجود اي حاجة غير طبيعية في تحليل وظائف الكبد او وجود اي دليل علي تمدد في الفنوات المرارية في السونار.. و فيه جراح تاني مش هيطلب عشان ميهربش المريض منه او ميكلفش المريض كتير.. و يحافظ عليه ميروحش لحد تاني..
و الناس هيكون رد فعلها كدا برده..
هيقول لك يا عم دا طالب اشعة بآلافات و معقد الدنيا.. احنا عاوزين نوفر..
في ظل دخول العامل المادي في الموضوع.. و ظل تكاليف الفحوصات العالية مش هنوصل لحل و لصح و غلط..
بس اللي احب اقوله ليكو ان الناس برة مصر حتي لو بتقدم الخدمة ببلاش و في دولة غنية.. برده يهمهم موضوع الفلوس قوي.. قوي قوي يعني..
هما لقو ان الاشعة دي لو اتعملت في الظروف دي هيبقي أأمن و اوفر ماديا عشان هما حاطين في الاعتبار المشاكل اللي هتحصل بعد العملية و تكاليفها..
* المراجع آخر البوست
================
النقاش بين المريض و الجراح عن تفاصيل العملية و الخيارات المتاحة مهم..
دا مثال:
اي عملية جراحية ليها مشاكل عامة و دا ينطبق علي المرارة و اللي هي:
النزيف و الاحتياج لنقل الدم و دي حاجة نادرة بس ممكن تحصل..
التلوث في الجروح و دي حاجة مش نادرة قوي بس مش بتحصل في اغلب الحالات و اقل بكتير قوي في جراحات المنظار عن الجراحة التقليدية اللي بالفتح..
و اصابة اي عضو اثناء العملية خلال تدخيل البورتات بتاعة المناظير و دي حاجة الجراحين بيخلو بالهم منها و نادر جدا لما تحصل..
و اصابة القناة المرارية الرئيسية.. و دي حاجة بتحصل في حوالي حالة كل الف حالة ممكن تحتاج عمليات تانية بعديها او منظار او اشعة تداخلية..
ممكن العملية تتحول من بالمنظار لفتح لو الجراح شاف فيه داعي لكدا في حالة حدوث نزيف او كان فيه صعوية و التصاقات في تسليك المرارة و دي حاجة أأمن من استكمال الجراحة بالمنظار و مبتعتبرش مشكلة او من المضاعفات بس في الحالة دي هتحتاج تقعد في المستشفي فترة اطول شوية من العملية اللي بالمنظار في الغالب عشان التحكم في الالم عشان جرح المرارة الفتح مؤلم عن جرح المنظار.. و دي حاجة بتحصل تقريبا في اقل من حالة كل عشرين حالة..
ممكن تطلع من العملية بدرنقة عشان لو حصل تسرب للعصارة المرارية خلال العملية او حصل نزيف.. و دي حاجة بتقعد لها يوم او اتنين بالكتير لو مفيش مشاكل بعد العملية.. و دا اللي بيحصل في اغلب الحالات..
فيه مشاكل تانية عامة جدا برده بتحصل مع اي عملية جراحية تحت تخدير كلي.. زي جلطات الرجلين DVT و التهاب الصدر و التهاب مجري البول و دي حاجات برده نادرة في السن الصغير بس وارد حدوثها مع اي عملية تحت تخدير كلي..
المرارة من العمليات الشائعة جدا و اللي بتتعمل في اماكن كتير و جراحين كتير بيعملوها بدون مشاكل و المريض بيرجع بعدها عادي..
بس زي اي عملية ليها مخاطر واردة محتاج طبعا المريض يبقي عارفها..
(ملحوظة.. دي مش كل حاجة.. بس دي من اهم الحاجات اللي محتاجة تتناقش..)
* المراجع آخر البوست
================
النقاش ممكن يتطرق للبدايل و اللي اهمها اننا منعملش حاجة اساسا..
و مشاكل كل بديل و فوايده..
طبعا من مشاكل اننا منعملش اي حاجة ان ممكن اي حاجة من مشاكل حصوات المرارة اللي قولناها في اول البوست تحصل..
و فيخ خيار تاني زي العملية جراحة.. فتح.. مش بالمنظار يعني.. و دي حاجة عفى عليها الزمن بقيت مشاكلها اكتر من فوايدها..
و الحبوب اللي بتدوب الحصوات.. و اللي نسبة فشلها عالية..
* المراجع آخر البوست
=================
المراجع للمتخصصين او المهتمين يقرو..
اولا: دا نموذج لموافقة عملية مرارة بالمنظار من استراليا.. و بصراحة مفصل جدا جدا..
https://www.health.qld.gov.au/__data/assets/pdf_file/0014/152204/hepatobiliary_01.pdf
ثانيا: دا نموذج للتعريف بعملية المرارة من بريطانيا
https://www.uhcw.nhs.uk/clientfiles/File/uhcw_old/Lap%20Chole%20pt%20info%20March%202010%20_2_.pdf
ثالثا: دا نموذج تالت لموافقة علي عملية المرارة من امريكا..
http://www.pitt.edu/~hamadg/Procedures/Entries/2010/1/16_Lap_chole_files/Cholecystectomy%20Consent%20Form.pdf
رابعا: دي قواعد التعامل مع مرض حصوات المرارة من الهيئة القومية للصحة البريطانية.. NICE و اللي اغلب اللي بيشتغلو في بريطانيا ماشيين علي القواعد اللي فيها.. و فيها الرد علي اللي مش هيبقي مقتنع بموضوع الرنين للمرضي اللي عندنا شك ان عندهم حصوات في القناة المرارية الرئيسية..
https://www.nice.org.uk/guidance/cg188/chapter/1-Recommendations
خامسا: دي دراسة معمولة في بريطانيا فيها تقييم لممارسات الجراحين في طريقة اخد الموافقة و النقاش مع المرضي.. ظريفة جدا و فيها كلام مفيد و بيعتبرو فيها ان اي حاجة ممكن تحصل بنسبة واحد في الالف حاجة مؤثرة و ادرجوها في دراستهم كحاجة محتاجة تتناقش مع المريض..
http://publishing.rcseng.ac.uk/doi/pdf/10.1308/003588406X114857

30/10/2020

اللهم صل وسلم على نبينا محمد وعلى آله وصحبه أجمعين