19/10/2025
👏
تعانى من #الخمول وانخفاض الطاقه..مشروب الديتوكس الحل الأمثل لإبقاء الجسم رطبا والتخلص من 👍
لكل سيدة ترغب في الحصول على #صحة جيدة ومستقرة وخالية من أي أمراض فيمكنها إتباع نظام الديتوكس 👏
ليس بالضرورة أن نكون في رأس السنة لنشرب هذا المشروب، فهو مفيد في كل الأوقات 🤝
للحصول على وصحة جيدة، عليك بتناول مشروبات الديتوكس للتخسيس الصحية الغنية بالفيتامينات 😍
✍️ طبعا أكيد حضراتكم فكرتو انى بعمل إعلان.......خالص 😉
أنا حبيت بس أجيب عينه عشوائيه من أشهر الدعايات عن مشروب الديتوكس او المشروب الأشهر ل أو ف بعض المرات سمعت عن لصقه لتنظيف القولون 😏
✍️ ف البدايه هاتكلم عن نقط مهمه قبل ما تقررى استخدام نظام الديتوكس::
1- الجسم بينظف نفسه بنفسه بالاكل الصحى والرياضه ومفيش حاجه اسمها فضلات بتقعد بالسنين ف القولون ..ربنا خلق منظومه داخل الجسم اشبه ب
2- المنتجات اللى بيتكلمو عنها لتنظيف القولون ....القولون أصلا مش محتاج غسيل او تنظيف ....اعزكم الله #الفضلات مش بتفضل فيه وبسرعه الجسم بيتخلص منها ....ببساطه غلاف القولون رقيق ف حاله وجود الفضلات كان هايحصل تسمم أو ثقوب ف الغلاف دا أو تسريب ف الأمعاء
3- بعض #الدعايات بتبالغ لما تتكلم عن الديتوكس من غير ما تحتاجى رياضه او تنظمى اكلك
4- النقطه المهمه ان المواد اللى بتبقى ف المنتجات اللى بيعلنو عنها بيكون فيها مواد بتتفاعل مع المعده أو الأمعاء وتعطى اللون الأسود والقوام المطاطى ...كنوع من التأكيد على كلامهم وبس
5- بردو بخصوص ان المنتج يقولك عنه انه مرخص ....كلمه #مرخص دى مطاطه يعنى ايه؟ 🧐
يعنى ممكن يكون ترخيص تجارى أو ترخيص عدم خطوره او ترخيص عدم أثار سلبيه بالمنتج و و و
6- (3) أعضاء بالجسم مسؤولين عن تنظيف جسمك بعنايه :كبد + كلى+الرئه
طيب هل بعد الكلام دا لسه مقتنع انه بيظف الجسم وبيغسل القولون؟ 🤔
👈 طبعا مش بعد الكلام دا قصدت ان مشروب الديتوكس الأعشاب والفواكه غلط ....لا طبعا ...انا بس بوضح هل له علاقه بالتنظيف والغسيل ولا لأ
هو مفيد جدا لانه بيعطى الجسم اللى محتاجها.....بالاضافه للقيمه الغذائيه للفواكه والاعشاب وكمان بيحفز لشرب كميه اكبر من الماء يعنى حرق دهون اكتر.....وكمااااااان احساس الشبع اللى بتحسي فيه 👌💪
🌷 الخلااااااصه:
اغلب المنتجات اللى بيعلنو عنها بتكون مجهوله التركيبه وغير مرخصه ....عشان كدا نتأكد وما ننخدع بالإعلانات والدعايات
اى نظام #ريجيم بيتجاهل الرياضه وتنظيم الأكل ويخليك تعتمد على منتج بعينه ف دا بيكون كلام تجارى أكتر منه طبي
🌷 يارب تكون المعلومات سهله وبسيطه
💐
