20/08/2025
كنا زمان مش بنسمع عن السمنة ال بقت منتشرة بالشكل الكبير دا ولا عن أمراض السمنة والتكيسات ولا الكبد الدهني
مؤخرا الامراض دي اصبحت شائعه كأنها دور برد عادي
كان الشخص بياكل ويشبع ويعيش
حاليا سمنة وتعب من اقل مجهود مع امراض مزمنة بدون سبب واضح
وللاسف دا لاننا بقينا جزء من نظام استهلاكي يخليك تاكل ومازلت جعان ودا ليه ؟
علشان السكر الموجود ف كل حاجة
الزيوت المهدرجة ال بتسبب التهابات ف الجسم بدون إدراك
الكربوهيدرات المصنعة والبسيطة ال بترفع الانسولين وتزود الدهون
ورغم الاكل لسه جعان.. لان بناخد سعرات فاضية مفيش فيها الياف ولا فيتامين ولا قيمة غذائية
ورغم ان الحل بسيط جدا ونصيحة واجبة الا انها مهملة وهي غير نظام اكلك وكواليتي الاكل مع انها ابسط خطوة وأقوى بداية لأي شفاء
لو رجعنا ناكل زي زمان اكل طبيعي بسيط بدون اضافات هنلاقي الطاقة بترجع، النفسية أهدي، الصحة بتتحسن.. والموضوع مش محتاج معجزة هو وعي وقرار.
