عياده د. هند محمد خليل لطب الاسره/Dr Hend Khalil family Medicine clinic

23/11/2023

بما أن الفتره الاخيره شوفت حالات لابأس بها من التهاب الكبدى الوبائي A احب اكلمكم عنه 😁
ده التهاب ف الكبد نتيجه الاصابه بفيروس A وده فيرس بيتنقل عن طريق الاكل والشرب الملوث وتشخيصه غالبا اكلينيكيا يعني بييجلنا الطفل شكله همدان وتعبان وفاقد الشهيه للاكل والشرب ومصفر ومعاه سخونه وترجيع والم بالبطن ..
وبطلب فحوصات انزيمات الكبد والصفراء والاجسام المضاد لفيرس A يتأكد التشخيص.
المفرح ف الموضوع أن الفيرس ده بيخف لوحده بس العيان بيحتاح راحه والأكل مسلوق ويبعد عن الدهون وياكل عسل ومسكر .. ولو فيه اعراض زي السخونه والترجيع بياخد علاج ليها . والجسم بياخد مناعه ليه طول العمر ..ومش ليتحول لمرض مزمن ومعظم الحالات نسب الشفا كويسه بأمر الله .
المهم نبعد عن الاكل والشرب بره وننبه علي اولادنا علي غسيل الأيدي ومايشربوش مكان حد.
اتمني اكون أفدتكم
د.هند خليل
اخصاءي طب الاسره

16/11/2023

معلومات بسيطه كده عن ارتجاع المرئ 🤓
ارتجاع المرئ سببه ارتخاء في عضله المرئ اللي يتوصل الاكل للمعده وده يخلي الاكل يرد من المعده للمرئ فوق ..
وده يخلينا نحس بحموضه وحرقان ف الصدر وممكن الم ف الصدر وممكن الحمض ده يوصل للفم فنحس بطعم الحموضه ف بقنا ورائحه الفم الكريهه ،🙊وكمان يرجع ع الرئه فيسبب الكحه المزمنه. 🫁
طيب ايه أسبابه عشان نتجنبها ..
من اهم الأسباب هي اسلوب الحياه والعادات الصحيه الخاطءه اللي بتعملها زي التدخين والأكل السبايسي والمليان زيوت ودهون والمسبك. وكثره شرب الشاي والقهوه
والادويه زي المسكنات . والأكل قبل النوم مباشره.
والعلاج ف المقام الأول تظبيط نمط الحياه اللي زكرته فوق ده نعمل عكسه. زاءد ادويه ال ppi .
دمتم اصحاء
د.هند خليل
اخصائي طب الاسره

20/08/2023

انهارده جالي عيان بيتابع سكر والحمد لله كله تمام..المفاجاه بقي اني أثناء متابعتي للسكر ف الزيارات السابقه العيان اتشخص ضغط وكتبله علاج وتابعته لحد ماتظبط ..انهارده بقه بقيس الضغط لقيته عالي بساله علي انتظامه علي الدوا قالي أنه جاب شريط واحد ولما اتظبط بطله ....
ياجماعه ارجوكم مرض السكر والضغط امراض مزمنة يعني مش بنبطل الدوا..
مرض الضغط اسمه القاتل الصامت واكيد كلنا سمعنا عن حالات كتير ماتت فجأه بسببه..
انتظمو ف الدوا وتابعو عشان لو فيه اي تغير ف الدوا يتظبط مع حاله المريض وقتها..
وماتنسوش حبايه الدهون بالنسبه لمريض السكر لاغني عنها للوقايه من الجلطات وتصلب الشرايين.
القرص ده مهدور حقه جدا رغم أهميته.
دمتم اصحاء
د.هند خليل
اخصائي طب الاسره

26/06/2023

أن شاء الله العياده اجازه من يوم الوقفه لغايه يوم الجمعه وسنواصل العمل السبت القادم باذن الله وكل عام وانتم بخير ,🙂🙂

29/05/2023

فيه فيرس منتشر اليومين دول وبالذات ف الأطفال تحت سن سنتين بيعمل ارتفاع شديد ف درجه الحراره وقرح ف الفم بكثره وومكن تكتمل الصوره برشح وكحه ...
الفيرس ده اسمه هيربس .والغلط اللي بتعمله الام انها تروح تجيب ميكوناز لبق الواد مع مضاد حيوي ولاسف المضاد الحيوي بيعمل flare أو بيزود اعراض الفيرس...
الصح اننا نعمل كمادات وندي خوافض حراره لحد مانكشف.وناخد العلاج السليم .
مش اي طفل سخن نديه مضاد حيوي.
والفيرس ده معدي جدا لذلك لازم نفصل الطفل بادواته.
دمتم سالمين .
د هند خليل
العياده بجوار صيدليه د جهاد بالشارع الرئيسي بدروه
ت عياده 01026527281

11/03/2023

السلام عليكم..
شويه دردشه بسيطه عن علاج مرضي السكر والضغط....
لازم اهم حاجه نضبط اكلنا وتمارس الرياضه زي المشي ..
وولو انا متشخص جديد ضغط ماقسش الضغط كتير لان ده بيخلق توتر وبيزود هرمونات زي الادرينالين والكورتيزون واللي بترفع الضغط لوحدها ..
علاج الضغط أقل حاجه يقعد 10 ايام عقبال مايجيب نتيجه مرضيه فنصبر علي العلاج.
علاج السكر الدواء يالفموي أقل حاجه 4 ايام عقبال مانحصل علي نتيجه فنصبر..
واخر حاجه اكل ورياضه ورياضه واكل زي ماقولنا ف الاول..
واشربي مايه كتير..
د.هند خليل

21/01/2023

17/12/2022

حافظو علي سكركم 🌝

09/12/2022

.. لاصدقائي اطباء الرعاية الاساسية:. مهم جدا لو سيدة مريضة سكر سواء نوع اول او ثاني وحملت الحمد لله.. لازم تبلغها انها تتابع فحص قاع العين fundus exam كل 3 شهور في الحمل وسنة بعد الولادة.. الحمل نفسه يعتبر عامل خطورة لاعتلال الشبكية لا قدر الله في المسكريين والمتابعة بتخلينا نتصرف مع اي حاجة ممكن تحصل لا قدر الله في بدايتها.. معلومة اساسية مهمة لا يجب تجاهلها مطلقا.

08/12/2022

مساء الخير ...
بالنسبه النزلات المعويه للاطفال لازم نعوض الطفل بالسوائل اللي بيفقدها عشان مايدخلش مننا في جفاف باستخدام محلول معالجه الجفاف الموجود بالصدليات ..ولو الطفل بياكل نديله الاكل مسلوق ومهروس زي البطاطس والتي تحتوي علي نشا مما سيساعد علي ايقاف الإسهال أيضا..
من فضلكم متتتدوش ادويه اللي مكتوب عليها مضاده الإسهال لان الادويه دي بتقتل البكتيريا فلورا اللي عايشه ف الأمعاء ودي بكتريا نافعه فبكده هاتزود الإسهال ..
زاءد أن ممكن يكون الإسهال نفسه بينضف بطن الطفل او wash out toxins وده ف حد ذاته هايوقف الإسهال بعد كده.
يبقي ياست الكل كل اللي عليكي تتدي الطفل حاجه تعوضه عقبال ما يكشف.
وشكرا.
د.هند خليل
طبيب اسره
(باطني-اطفال-متابعه حالات السكر والضغط)

23/11/2022

السلام عليكم..
من اسبوع كده جتني مريضه شكواها أن ضغطها مش مظبوط بقاله فتره وبالكشف تبين أنها مريضه ضغط عالي وطبعا مابدتش تقيس الضغط غير لما حالها اعراض زي الصداع وماشابه..ولما جيت اقيسلها السكر كعمل screening سريع بما انها منتصف خمسينات لقيت السكر 250 طلبت صائم وتراكمي وكانت المفاجاه بالنسبالي أن التراكمي 10.5 قولت أنه العلاج كده أنسولين لانه معدي 10 طبقا لل guidelines وكانت الصدمه للمريض ورفضت تاخد انسولين وقالت نجرب الاقراص وأنها هاتلتزم بالاكل...
انا باقول السيناريو الصغير ده ليه ...
عشان المرضين الضغط والسكر لازم احنا اللي تدور عليهم أو الضغط من اول 18 سنه بنبدا نقيس الضغط كل فتره ومانسيبش نفسنا..
السكر من اول 40 سنه نعمل صائم 8 ساعات أو تراكمي ف ظل زمن زياده مقاومه الانسولين .والسمنه.. وده كلام ال guidelines مش كلامي...
نقول تاني مرحله ماقبل السكر ممكن علاجها بالميتفورمين اللي هو سيدوفاج وأمثاله زاءد الرياضه وتظبيط الاكل .
ارجوكم مرضي السكر مفيش حاجه اسمها علاج من غير تظبيط اكل ..
مرضي السكر لازم يمشو علي حاجه للدهون اللي هي دهون الدم الكوستيرول والدهون الثلاثية والدهون منخفضه الكثافه سواء عالين أو لا الجرعه بس اللي بتختلف وده مش رفاهيه دي حمايه من تصلب شرايين وجلطات لاقدر الله
مريض السكر لازم يعمل فحص قاع عين كل سنه من غير مايشتكي ..مش لازم يستني يشوف دبان اسود والشبكيه تتضرب.
القلب لازم رسم قلب كل سنه تطمن.
هدفنا هو الحمايه من حدوث مضاعفات الأمراض دي ولو حصلت تحصل بعيد أو ماتحصلش بأمر الله.
دمتم اصحاء
طبيب الاسره
د.هند خليل