03/09/2025
🎯 فرط الحركة وتشتت الانتباه مش بس عند الأطفال!
ناس كتير فاكرة إن الـ ADHD (فرط الحركة وتشتت الانتباه) ده مرض ييجي للأطفال بس… الحقيقة إن اللي عنده المرض ممكن يكمل معاه وهو كبير من غير ما ياخد باله، ولا حد حواليه يلاحظ.
👶 بيبدأ من الطفولة بأعراض زي الحركة الكتير، صعوبة التركيز، والنسيان…
لكن لما الشخص يكبر 👩🦱👨🦱 الأعراض بيتغير شكلها:
تشتت وصعوبة يركز في الشغل أو الدراسة
نسيان مواعيد وحاجات مهمة
قرارات سريعة ومتهورة من غير تفكير
إحساس دايم بالقلق أو عدم الإنجاز
والمشكلة إن محدش بيتخيل إن ده ممكن يكون ADHD عند الكبار… فيتقال عليهم "مهمل"، "مش منظم"، "عصبي"، لكن الحقيقة إن ورا السلوك ده مرض محتاج تشخيص وعلاج.
💡 لو شايف الأعراض دي في نفسك أو حد قريب منك… متستهونش، الموضوع ليه علاج وبيفرق فعلًا في جودة الحياة.
♦️♦️♦️♦️♦️♦️♦️♦️♦️♦️
💙 مــجــــــــمـــــــــــــوعــــــــــة 💙
💙 & 💙
💙 & 💙
💙 & #التخاطب 💙
💪
🧠
🤝
