Safa clinic

20/03/2026

01/03/2026

Gout (النقرس) –
🧬 هو بيحصل ليه؟
النقرس سببه ارتفاع حمض اليوريك
(Uric acid) في الدم،
ولما يزيد عن الحد الطبيعي يترسب في المفاصل على شكل بلورات monosodium urate
وده يسبب التهاب حاد
📊 مستوى Uric Acid الطبيعي
👨 الرجال: لحد 7 mg/dL
👩 النساء: لحد 6 mg/dL

🎯 :الهدف العلاجي في مريض النقرس
أقل من 6 mg/dL
أقل من 5 mg/dL لو عنده tophi
⚠️ ملحوظة مهمة: ممكن ييجي للمريض نوبة والنسبة تكون طبيعية وقتها، فمش بنستبعد التشخيص لو الرقم طبيعي أثناء الهجمة

⚡ أعراض النوبة الحادة
ألم شديد مفاجئ (غالبًا بالليل)
تورم + احمرار + سخونة
ألم لا يُحتمل عند اللمس
أشهر مفصل: إصبع القدم الكبير (Podagra)
ممكن يصيب الركبة – الكاحل – الرسغ – الكوع

🧪 التشخيص المؤكد
الصورة الإكلينيكية
مستوى uric acid
أفضل تشخيص: سحب عينة من المفصل ووجود
needle-shaped crystals
أشعة في الحالات المزمنة تبين
erosions punched-out
🚨 العلاج أثناء
Acute Attack
NSAIDs (لو مفيش contraindication)
Colchicine (بدري أفضل)
Steroids (فموي أو حقن مفصلي)
⛔ ما نبدأش أدوية خفض اليوريك أول مرة أثناء النوبة

💊 العلاج ما بين النوبات
Allopurinol (أول اختيار)
Febuxostat (بديل)
Probenecid في حالات مختارة
جرعة وقائية Colchicine أول 3–6 شهور

🎯 العلاج بيكون طويل المدى للحفاظ على
uric acid تحت الهدف

⚠️ العوامل اللي بترفع Uric Acid
اللحوم الحمراء بكثرة
الأحشاء (كبدة – مخ – كُلى)
المأكولات البحرية
الكحول (خصوصًا البيرة)
الجفاف
مدرات البول
مقاومة الإنسولين والسمنة
الفركتوز العالي (العصائر الجاهزة والمشروبات الغازية)

🍖 أطعمة بتزود نوبات النقرس
عالية جدًا في الـ Purines (يُفضل تجنبها)
الكبدة – المخ – الطحال
السردين – الأنشوجة – الرنجة – التونة
الجمبري
مرق اللحوم المركزة

متوسطة (نقللها)
اللحوم الحمراء
الديك الرومي
العدس والفول بكميات كبيرة
مشروبات سيئة جدًا
المشروبات الغازية المحلاة
العصائر الصناعية
مشروبات الطاقة
الكحول

🥗 أطعمة وقائية من النقرس
✅ مفيدة ومسموح بيها
منتجات ألبان قليلة الدسم (بتقلل اليوريك)
بيض
خضروات (حتى اللي فيها purines زي السبانخ مسموحة باعتدال)
فواكه طازة
حبوب كاملة
قهوة باعتدال
كرز (ثبت إنه يقلل النوبات)
شرب 2–3 لتر مياه يوميًا 💧

🎯 نمط حياة وقائي
فقدان وزن تدريجي (مش سريع)
تقليل السكريات
ممارسة رياضة معتدلة
تجنب الصيام الطويل والجفاف

💡 خلاصة مهمة
النقرس مرض مزعج…
لكن سهل السيطرة عليه لو: ✔️ ضبطنا مستوى uric acid
✔️ التزمنا بالعلاج
✔️ غيرنا نمط الأكل
الموضوع مش مسكنات بس… الموضوع تحكم طويل المدى 👌
د/صافيناز أبو سمرة
مدرس و استشاري الأمراض الباطنة
اخصائي تغذية علاجية
كلية الطب جامعة المنصورة
و مسنين

27/02/2026

🤔 إزاي أشك إن عندي حساسية قمح (سيلياك)؟

Celiac disease هو مرض مناعي بيحصل بسبب حساسية الجسم تجاه الجلوتين (موجود في القمح والشعير والجاودار).

📌 الأعراض ممكن تكون:

انتفاخ مزمن وغازات

إسهال متكرر أو إمساك مزمن

فقدان وزن بدون سبب

أنيميا لا تستجيب للحديد

إرهاق شديد

هشاشة عظام مبكرة

تقرحات بالفم

تأخر نمو في الأطفال
مرضى السكر النوع الأول و التهاب الغدة الدرقية المناعي

⚠️ أحيانًا بيظهر في صورة أنيميا أو هشاشة بس من غير أعراض بطن واضحة.

🧪 التحاليل اللي الدكتور ممكن يطلبها:

Anti-tTG IgA (أشهر تحليل)

Total IgA (لاستبعاد نقصه)

EMA (في بعض الحالات)

أحيانًا DGP antibodies

🚨 مهم جدًا: ما توقفش الجلوتين قبل التحاليل عشان النتيجة تطلع مظبوطة.

🔬 أدق تشخيص

أدق تشخيص بيكون عن طريق:
عينة من الإثنى عشر (Duodenal biopsy) بمنظار الجهاز الهضمي
وبيظهر فيها ضمور في الزغابات المعوية.

📅 المتابعة كل قد ايه؟

بعد 3–6 شهور من بدء الدايت

ثم سنويًا لو الحالة مستقرة

متابعة وزن، أنيميا، فيتامين د، كالسيوم

⚠️ مضاعفات إهمال المرض:

أنيميا مزمنة

هشاشة عظام وكسور

نقص فيتامينات

تأخر بلوغ أو عقم

زيادة خطر بعض أورام الأمعاء (نادر لكن وارد مع الإهمال الطويل)

🚫 أطعمة يجب تجنبها:

القمح بكل صوره

العيش والمكرونة العادية

البسكويت والكيك العادي

الشعير

الجاودار

⚠️ جلوتين خفي موجود في:

بعض الصوصات الجاهزة

الشوربة البودر

اللانشون والبانيه المصنع

مكعبات المرقة

بعض الأدوية والمكملات
الجبن المصنعة زي النستو و الفلامنك
النسكويك و النوتيلا

الشوفان غير المكتوب عليه Gluten Free
كل ما هو مصنع بيتم إضافة قمح خفي في مكوناته لإكسابه قوام.

📌 لازم قراءة المكونات كويس جدًا.

✅ المسموح:

أرز

ذرة

بطاطس

بقوليات

لحوم وفراخ وسمك طازج

خضار وفاكهة

منتجات مكتوب عليها Gluten Free

🍰 وصفة كيك خالي من الجلوتين
📝 المكونات:

2 كوب دقيق أرز أو خليط دقيق Gluten Free

3 بيض

½ كوب زيت

1 كوب سكر

1 كوب لبن

1 ملعقة كبيرة بيكنج باودر

فانيليا

👩🏻‍🍳 الطريقة:

نخلط البيض ( بعد فصل البياض عن الصفار و ضرب البياض جيدا حتى يصبح أبيض و هش ) والسكر كويس.

نضيف الزيت واللبن والفانيليا و صفار البيض و نضربهم.

نضيف الدقيق والبيكنج باودر بالتدريج و نضربهم.

يدخل فرن في حمام مايه عند درجة حرارة 180 لمدة 30–40 دقيقة.

طري ولذيذ وآمن لمرضى حساسية القمح ❤️

26/02/2026

الوقاية خير من العلاج 💪🩺
هل تعلم أن:
لما أخدت دوا الدهون و السيولة بانتظام، حماك بنسبة كبيرة من الجلطات على المدى البعيد.
ولما قللت السكريات، قلت مضاعفات السكر وتأثيره على جسمك.
ولما حافظت على الملح، حافظت على ضغط دمك وحميت كليتك من المضاعفات.
ولما عملت فحص هشاشة مبكر، حميت نفسك من الكسور على المدى الطويل.
ولما عملت فحوصات الغدة الدرقية، اكتشفت أي خلل بدري وحافظت على ذاكرتك ووظائف جسمك.
ولما مارست رياضة أو حتى مشي بسيط طوال فترة شبابك، حافظت على صحتك وكتلة جسمك العضلية، واستقلاليتك في الكبر.
ولما أكلت أكل صحي وقللت المصنعات والحلويات، حميت نفسك من المتلازمة الأيضية اللي فيها الضغط والسكر والدهون ومقاومة الأنسولين.
ولما عملت فحص مبكر للأورام مثل القولون والثدي والبروستاتا، اكتشفت أي مشكلة قبل ما تتأخر.
ولما أقلعت عن التدخين، حميت نفسك من سرطان الرئة وما تحتاجش أجهزة تنفس على المدى البعيد.
الوقاية والفحص الدوري ضرورة لحياة أفضل على المدى الطويل.
ممكن تفكر إنك لما تبقى تعبان هتكشف، لكن للأسف الجزء اللي اتدهور في جسمك صعب يتصلح. المفتاح دايمًا في الوقاية والكشف المبكر.
صحتك تستاهل 💖
استقلاليتك وحفاظك على اعتمادك على نفسك تستحق 🏃‍♂️💪
حياة كريمة كلها نشاط وحيوية مش رفاهية، لازم تهتم بنفسك.
ولبدنك عليك حق ⚡
د صافيناز أبو سمرة
مدرس و استشاري الأمراض الباطنة
اخصائي التغذية العلاجية
كلية الطب جامعة المنصورة
#باطنةسكر و مسنين

25/02/2026

جميل 🤍
الاستقلالية و الاعتماد على النفس في أنشطة الحياة اليومية هي الهدف الرئيسي و المحافظة عليها بالفحوصات الدورية ، الكشف المبكر عن الالزهايمر و الأمراض المزمنة و هشاشة العظام
الاهتمام بالتغذية الصحية و الرياضة البسيطة
كل د بيساعد على صحة افضل على المدى البعيد

25/02/2026

من رسائل عملائنا 💚

كلام يفرّحنا 👏

25/02/2026

رعاية مريض الالزهايمر بتحتاج صبر و رحمة و الكثير و الكثير من المحبة 🤍🌸

20/02/2026

رمضان شهر عبادة وراحة للنفس…
بس كمان اختبار حقيقي لعاداتنا الغذائية 👀
كتير من الناس في رمضان بتشتكي من التخمة بعد الفطار، أو العطش والصداع أثناء الصيام، أو حتى زيادة الوزن في آخر الشهر.
والسبب في الغالب مش الصيام نفسه… السبب بيكون في اختياراتنا للأكل ومواعيده.

في الفيديو ده هنوضحلك:
تفطر إزاي بطريقة تريح معدتك؟
تختار إيه في وجبة الإفطار من غير حرمان؟
إمتى تاكل حلويات ومن غير ما تتعب؟
وإزاي تتسحّر صح علشان تقلل الإحساس بالجوع والعطش طول اليوم؟

لو نفسك رمضان يعدّي عليك بطاقة أحسن وصحة أحسن،
شوف الفيديو للنهاية…
وابدأ تطبّق خطوات بسيطة هتفرق معاك من أول يوم 👇🌙
#د/صافيناز_أبوسمرة
#باطنةسكر و مسنين

مواعيد العمل
مستشفى العاصمة كير أمام الموقف الغربي دمياط الجديدة ايام السبت و الاتنين و الأربع من الساعة ٣ ل ٥ عصرا
انتظروا مواعيد عيادة البشبيشي قريباا باذن الله 🌸