Nidaa clinic لتـأهيـل الأطفـال

18/05/2025

"فين قطة؟"
"فين حصان؟"
وأهو بيشاور... وبيفهم!

من كام أسبوع بس، عبدالرحمن مكانش بيستوعب أي تعليمات🤦🏻‍♀️
كلمة "هات"، "فين"، "اديني" مكانتش ليها معنى بالنسباله🤷🏻‍♀️

لكن النهاردة الفهم اتحسن، والاستجابة بقت أسرع😉
مش بنشتغل على الكلام بس!بنشتغل على الفَهم كمان👌🏻

كل كلمة بتوصل، كل إشارة بيستوعبها، دي خطوة قدام💪🏻!

لو ابنك مش بيرد عليك، أو مش بيفهم اللي بتقوله!
متقلقش – البداية دايمًا بتكون صعبة، بس التطور حقيقي وممكن.

ابدأ بدري، وصدق إن التغيير جاي💙

22/04/2025

فرحة إسماعيل النهاردة كانت بالدنيا!
قدر ينطق القاف والكاف والشين والغين والخاء والراء والجيم من غير ولا لدغة ف وقت قياسي! 💜👏🏻
شاطر يا بطل واحنا فخورين بيك!💝🫂

لو ملاحظين تأخر أو صعوبات في النطق عند أولادكم، احجزوا تقييم في نداء كلينك وابدأوا معاهم من بدري.

نداء كلينك – بنوصل بأطفالنا لأفضل نسخة من نفسهم

#تخاطب






#لدغات

11/10/2024

Hello Hello 🤗
بما ان اغلبكم كأمهات بتشتكوا م سلوكيات اطفالكم فجيالكم بأكتر حاجة بحبها وبتجيب نتيجة مع الطفل واللي تعتبر من فنيات تعديل السلوك

حاجة اسمها التعاقد السلوكي 📃
وتعاقد حاجه كده شبه العقد
أيوا زي ماقرأتي كده بالظبط يا مامي "العقد"
بس ده بيكون بينك وبين طفلك وبيكون مكتوب
فيه الحاجات اللي انت طالبها من طفلك وجمبها المكافأة اللي هياخدها عشان عمل المهمة

بس التعاقد ده ليه شروووووط :

اولا بيكون مكتوب عشان نقلل من اختلاف وجهات النظر
مكتوب فيه ان المكافأة هياخدها بعد تأدية المهمة مباشرة "ونخلي بالنا من بعد ومن مباشرة عشان بتفرق"

يكون فيها عدل من حيث كمية المعزز مايكونش أوڤر ولا تافه مقارنة بالسلوك المستهدف اللي هيعمله الطفل

ان يكون الهدف من العقد في مصلحة الطفل يعني يكون فيه ايجابية ويسعي إنه يحققلي اللي انا عايزاه من غير ما اضايق الطفل ويكون الطفل مرضي منه

يكون مرن يعني ممكن نعمله تعديل بس بموافقة الطرفين

ونقيس بقا علي كده السلوكيات اللي عايزة تعدليها في طفلك او انه يسمع كلامك في أمور أو تشجعيه إنه يتحسن في حاجة معينة

🚫وخلي بالك الطفل هيحترم الاتفاق اللي ما بينكم اذا احترمتي إنك تحققيله اللي اتفقتي عليه
عشان لو أخليتي بالاتفاق بعد ما عمل السلوك المستهدف فانتي ياست الكل داخلة على مرار طافح م السلوكيات اللي مش هتعجبك ومش هتعرفي تعديلها ، اللهم بلغت🤷🏻‍♀️
#تعديلـسلوك

24/05/2024

🧩 ليه مهمة؟!
إيه رأيك لو طفلك يلعب ويتعلم ويزيد انتباهه وتركيزه في نفس الوقت😃
أو بمعنى تاني يتعلم بمتعة وحب😯
هو ده ببساطة أهمية لأن من خلالها :

🧩الطفل بيكون متقبل أكتر لفكرة التعلم ودايما قادر على اكتساب المعرفة من حوله.

🧩 المهارات الحياتية والمعرفية اللي من خلالها الطفل بيكون أكثر قدرة على التواصل اللفظي والتعبير عن نفسه.

🧩 تطوير تعامل الطفل مع الآخرين والتواصل معاهم وده بيخليهم يحسوا براحة اكتر في المناسبات الاجتماعية وبتخليهم مش خايفين من الاندماج في المجتمع.

♨️كل اللي فات وأكتر يقدر طفلك يكتسبه من برامج في عيادة Nidaa Clinic لتأهيل الأطفال 💙

عيادة Nidaa Clinic لتأهيل الأطفال 🌱 بذرة حياة نصنعها معًا 🌱

العنوان: السباعية غرب مبنى كفالة اليتيم الدور الثاني

للتواصل والاستفسار:
01144694381

02/04/2024

‏🔵 في اليوم العالمي للتوحد
2 April

كلنا معنيين بالتوعية,التفهم والتقبل💙
🔹️نتقبل اختلافهم..
🔹️نفهم عالمهم..
🔹️نصنع من توحدهم نجاح..
🔹️ندعم أهاليهم ونساندهم..

اطفال التوحد مش مختلين هما بس مختلفين ومميزين💙 💪

‎
‎

13/01/2024

كتكوت بيكون كتكوت🌝♥️♥️
#تنميةالمهارات

02/01/2024

صباح الخير مع أشطر لوكا🥺♥️♥️
Nidaa Clinic لتأهيل الأطفال
السباعية غرب مبني كفالة اليتيم الدور التاني ..

29/12/2023

♥️♥️

يعلن مركز اكتيف للعلاج الطبيعي والتأهيل بمركز أدفو محافظه أسوان عن التعاون مع عيادة Nidaa Clinic لتأهيل الأطفال وفتح قسم للتخاطب وتنمية المهارات بالمركز في وجود الدكتوره نداء صابر بكالوريوس علوم ذوي الاحتياجات الخاصة جامعة بني سويف
✅خدمتنا
⚡️جلسات التخاطب و تأهيل
( التأخر اللغوي - اضطرابات النطق والكلام - أمراض الصوت -
اللدغات - التلعثم - الخنف- البحة الصوتية - الوهن الصوتي -الحبسه الكلاميه- التأتأة )
⚡️جلسات تعديل سلوك الأطفال
⚡️جلسات تنمية المهارات
⚡️جلسات علاج وظائفي وتنميه المهارات الحركيه الدقيقه
⚡️جلسات تأهيل أطفال التوحد
⚡️جلسات تأهيل أطفال متلازمة داون
⚡️جلسات علاج صعوبات التعلم وبطيء التعلم وتنمية المهارات الاكاديميه .
-⚡️جلسات تأهيل أطفال الشلل الدماغي
⚡️جلسات تأهيل ضعاف السمع وزارعي القوقعة
⚡️جميع اختبارات اللغة وتشخيص والتوحد وفرط الحركة وتشتت الانتباه .
👈👈
⏪للتواصل والاستفسار : 01110114473
👈العنوان :- أسوان / مركز ادفو / شارع الكوبرى بجوار عياده دكتور عبدالناصر الضيفى شرق مدرسه بنات النيل

27/12/2023

الحمدلله الذي تتم بنعمته الصالحات ، بدر اقتنع بكلمة سلم وبقى يسلم فعلا!😂😂♥️♥️
لقد هرمنا يا بدورة يا عنيد والله🙂🙂♥️♥️

22/12/2023

صباح الخير يا ماميز يا حلوين♥️..
النهاردة جايين هنعرفك امتي تقلقي ع ابنك ويبقي لازم له جلسات تخاطب 🤔
ع حسب تطور مراحل اللغة عند أي طفل طبيعي 🤷
الطفل اللي عمره سنة ونص مفروض ينطق 20 مفردة ع الأقل ( مفردات )
طيب وسنتين مفروض يدخل ف مرحلة جملة بسيطة من كلمتين زي "بابا جه ، عايز أشرب، عايز ألعب "
طيب 3 سنين بقا!! يقول جمل أطول مكونة م 3 كلمات زي "ماما عايز ألعب , بابا جه من بره "
ولما نوصل 4 سنين مفروض الجملة اطول من 4كلمات وتكون واضحة مش الأم بس اللي تفهمه كل الناس تفهمه الأم وغير الام
أما ف سن 5 سنين فده مرحلة بناء اللغة يعني ايه ؟؟
يعني الطفل يحكي قصة متسلسلة الأحداث او يحكي أحداث اليوم بوضوح
طب ابني بيقول كلام كتييير بس مش مفهوم ؟؟
دي حضرتك مش لغة دي حاجة اسمها ايكولاليا يعني "رطانة لغة غير مفهومة" طبعا لازم نعلمه اللغة المنطقية محل الايكولاليا
كده أظن كل ام عرفت ابنها متأخر ف الكلام ولا لأ
دمتم بصحة وعافية♥️