Dr Abdallah Amro - د عبدالله عمرو

04/05/2026

لو بتحس بألم في ظهرك لما توقف لفترات طويلة، ده مش مجرد "إرهاق طبيعي"—جسمك ممكن يكون بيعوّض عن مشاكل أساسية زى :

- ضعف أو عدم توازن في العضلات
- وضعية جسم غير صحيحة أو مشاكل في استقامة العمود الفقري
- تيبّس في المفاصل أو قلة الحركة
- الإفراط في الجلوس أو عادات يومية غير مناسبة

العوامل دي بتزود الضغط على ظهرك وبتخلي حتى الأنشطة البسيطة مؤلمة.

احنا بنركز على تحديد السبب الجذري وبنصمم خطة علاج شخصية تساعدك توقف وتتحرك وتعيش من غير ألم.

لأن الوقوف ماينفعش يكون مؤلم.

👉 احفظ البوست ده للرجوع ليه—واحجز تقييم لو الكلام ده بينطبق عليك.

📞 015 56014660

03/05/2026

يومين من chiropractic يعملوا ريست للجسم كله 😂😂

#طقطقه

28/03/2026

3 أخطاء بسيطة ممكن تسببلك ألم مزمن في الظهر!

معظم المشاكل الى بنشوفها بتكون دى بدايتها انك قاعد غلط لفتره طويله للشغل مثلا و بتشوف ان الموضوع عادى لغايه ما تبدا تتفاجئ بالم فى رقبتك و ضهرك و تنميل يبدا معاك

المشكله الى عندك مجتش من فراغ او ظهرت مره واحده دى نتبجه تراكمات موجوده فعلا بس انت مش منتبه ليها

خلى بالك من نفسك لان فعلا تفاصيل صغيره بتفرق جدا

#تاهيل

26/03/2026

الدايت حلو و كل حاجه و كلنا عايزين نكون فيت تمام بس بالمنطق 😂
مش معنى اننا عشان نكون فيت و الشيب مظبوط اننا نقلل الاكل و خلاص و الاسم اهو دايت الدايت فيه منه انواع كتير انهى نوع هو المناسب ليك و للايف استايل بتاعك و هل الاكل محسوب و متوزع على مدار اليوم كويس عشان نضمن انك تكون صاحى و فايق كل ده مهم

طب لو احنا قللنا اكل و خلاص انت ماشى هتنزل فى الاول حلو و كل حاجه بس بعد كده خلاص جسمك هيبدا يخزن اى اكل يدخله و هيحافظ على مخزون ده باى شكل ممكن

الدايت لما يكون مظبوط و عامل حسابك كل جوانب يومك ساعتها يبقى انت بتنزل بشكل صحى و سليم.

#دايت

24/03/2026

20/03/2026

عيد فطر مبارك ♥️✨

13/03/2026

التحريك المبكر بعد العمليات الجراحية مش رفاهية، ده عنصر أساسي في بروتوكولات Enhanced Recovery After Surgery (ERAS) لأنه بيقلل المضاعفات زي الجلطات، ضعف العضلات، ومشاكل التنفس، وبيسرّع رجوع المريض لحياته الطبيعية.

---

🩺 ليه مهم بعد العمليات؟
- تجنب المضاعفات الخطيرة: الراحة الطويلة في السرير بعد العملية مرتبطة بضمور العضلات، مقاومة الإنسولين، مشاكل رئوية، وجلطات دموية.
- تحسين الوظائف الحيوية: التحريك المبكر بيساعد على التحكم في الألم، تحسين كفاءة التنفس، وتنشيط الدورة الدموية واللمفاوية.
- تسريع التعافي: المريض اللي بيتحرك بدري بيرجع أسرع لممارسة أنشطته اليومية ويقلل مدة الإقامة في المستشفى.

---
هدفنا اننا على قد ما نقدر نخلى المريض اكتف على قد ما نقدر عشان يقدر يساعد نفسه و يتحرك و يجيب فعلا نتيجه فى وقت مناسب كل يوم المريض قاعد بيفرق معاه فى رحله علاجه
---

تخيل مريض بعد عملية قلب أو بطن، بدل ما يفضل نايم أيام، يبدأ يتحرك من أول يوم بخطوات مدروسة. النتيجة؟ عضلاته تفضل قوية، التنفس يتحسن، والمضاعفات تقل بشكل كبير.

11/03/2026

مش اى حاجه تشوفها على النت تقلدها....

20/02/2026

التشخيص الصح نص العلاج… والغلط ممكن يضيع شهور تعب

06/02/2026

كنا اتكلمنا كتير عن الكشف و اهميه التقييم و دوره

فى حالات كتير بتبعتلى على واتس اب الاشعه و مستني انى اقوله كل مشاكله منها 😂😂
الاشعه احنا بنستخدمها ك confirmation مش اكتر منحملهاش اكتر من طاقتها لان فى مشاكل كتير بيكون ليها اكتر من تفسير زى مثلا مش اى تنميل احس بيه فى رجل يكون معناه انى عندى غضروف و الغضروف ده ضغط على العصب فا انا هروح اعمل اشاعه و كده خلاص طب ما ممكن الاشعه تكون سليمه او الدسك الى موجود مش هو سبب الضغط العصب ده انا بحب اشبه بالحبل طالع من ضهرك لغايه نهايته فى ايدك او رجلك بيعدى ما بين عضلات و اماكن كتير وارد انه يتخنق فيها

اى بقى الى اكدلك ان التنميل ده من ضهرك مش من اى جزء تانى 🤷🏻‍♂️
عشان كده جزء التقييم ده مهم عشان نفهم اى السبب ورا المشكله مش بس اننا بنتعامل مع عرض و خلاص و كتير بلاقى فعلا ناس عملت جلسات كتير جدا و نتيجه ضعيفه و معايا الحمدلله يحسوا بنتيجه ملموسه فى كام مره بس.

الاشاعه كويسه و تول ممتازه بس كا confirm لكن مينفعش ابنى عليها diagnosis