مركز الحياه للعلاج الطبيعي

09/09/2025

⛓🛡
⁉️ مين قال الإنزلاق الغضروفي مش بيرجع طبيعي ؟
⬅️ لأ بيرجع و بيرجع أحسن من الطبيعي كمان، فلو انت بقي ناوي تدخل جراحة، فالبوست ده مش صدفة يطلعلك حاليا.
⁉️✅
♻️ الاصابة بالانزلاق الغضروفي هي عملية بتتم علي ٣ مراحل، و إنها توصل للإنزلاق فده معناه اننا في المرحلة التالتة.
❌ طب ما ده كده مش حلو ؟
⚠️ طيب واحدة واحدة و بالراحة مع بعض نعرف ايه هي المراحل الأولي و التانية !!!
⛓🛡 ضهر الإنسان في الطبيعي بيشيل الحمل من عليه العضلات1️⃣، فلو حصل مشكلة فيها، بتبدأ الأربطة 2️⃣ بمحاولة تعويض شغلها، و لو الأربطة اتصابت، هنا بقي بتيجي المرحلة التالتة 3️⃣ و هي ↖️ الغضاريف ↗️
⬅️ اذا و بالتالي، الحل الوحيد للإنزلاق هو
↖️إننا نرجع الدايرة بالعكس↗️
يعني نشتغل علي العضلات 1️⃣ فيخف الضغط علي الغضروف 3️⃣ و الأربطة 2️⃣
⬅️ طب هل ده كده معناه ان أي تمارين بتقوي العضلات هتعالج الإنزلاق ؟؟
❌ الاجابة قطعا لا ...
♻️ في الواقع عملية التقوية دي بتتم علي مراحل متعددة و بنظام تشخيصي يضمن تقليل الإنزلاق بدلا من زيادته، و حتي كلمة تقوية دي مظلة شاملة لمعايير تانية زي القوة و التحمل و التحكم و الأهم اننا بنتكلم علي عضلات الثبات و دي مجموعات عضلية غير عضلات الحركة اللي شغالين عليها في الجيم
❌ و أي غلطة اثناء التأهيل، ممكن تعمل مشاكل كتير سواء علي المدي القريب أو حتي تحسن و بعد كده تظهر المشاكل علي المدي البعيد ..
♻️ و بالتالي الحل الوحيد و النهائي للانزلاق
❌ مش عملية
❌ مش حزام ضهر
❌ مش طقطقة
❌ مش الراجل ابو عصاية
✅ الحل هو
١- تقييم حركي، بنستنتج منه اسباب المشكلة الحركية سواء في القوة او التحمل او التحكم .
٢- تحليل اوضاع المريض اثناء العمل و النشاط اليومي و تعليمه ازاي يحس بيها و يعدلها ..
و بعد وضع البرنامج و العمل عليه بناء علي نتائج التقييم هنا اقدر اقول اني حققت التأهيل الشامل ✅✅

15/08/2025

انتهت الاسطوره 🛑 !!كفايه ادويه من غير ما نفهم ونعالج السبب

زيادة وزن؟!
دهون بطن؟!
مقاومة إنسولين؟!
سكر من النوع التاني؟!
ضغط عالي؟!
كوليسترول مرتفع؟!

لو عندك أي حاجة من دول (أو حتى كلهم)✅✅✅
فانت غالبا بتعاني من ،
أخطر مرض بيهدد حياة ناس كتير🥹🥹، وناس كتير عايشين بيه من غير ما يعرفوه ولا حتي يشخصوه!!

المرض اللي بعد شويه بيعملك جلطه أو سكته دماغيه او قلبيه!!
وممكن يموتك

💡 ورغم خطورته، علاجه سهل جدًا… ومش بيحتاج أدوية اصلا !

وللاسف احنا بنسيبه و بناخد ادويه تعالج العرض اللي ظاهر وخلاص علي كده !!🤦‍♂️🤦‍♂️

وهنا أنا بتكلم عن حاجه اسمها metabolic syndrome 🛑🛑
(المتلازمة الايضيه / متلازمة التمثيل الغذائي)

🔍 تعالوا نعرف
إزاي شوية وزن زيادة ودهون بطن ممكن يوصلوا لأزمات قلبية، سكر، وفشل كلوي؟

( لو عايز الحل بدون شرح روح علطول لآخر البوست)

📌 اولا لازم نفهم المصطلح ده معناه إيه بالظبط…

اولا معني كلمه "متلازمة"
يعني مجموعة أعراض أو مشاكل بيحصلوا مع بعض بشكل متلازم، يعني لازم يكونوا موجودين مع بعض علشان نقول إن الشخص عنده المتلازمة دي.

💡طيب إيه هي الحاجات اللي بتيجي مع بعض دي ؟

🔍 اللي بيحصل كالتالي:

99% من الناس حياتهم ماشية على نمط غير صحي.
مليان بالسكر والكربوهيدرات البسيطة🥐.
أكل معالج ومليان دهون مهدرجة🍟.

توتر وضغوط نفسية طول الوقت😬😬

نقص في المعادن والفيتامينات😓.

شغل من مكاتب وأماكن مغلقة → مفيش حركة، ومفيش تعرض للشمس.

💡 النتيجة الحتمية لكل ده انهيار داخلي في الجسم ثم → مقاومة الإنسولين.

📍حلو اووي يعني إيه بقي مقاومة إلانسولين اللي الناس كلها بتتكلم عنها دي ؟
( فهم الموضوع ده اهم حاجه في حياتك للعلاج)❌⛔️

الإنسولين هو الهرمون المسؤول عن تمرير الجلوكوز والعناصر الغذائية لداخل الخلايا علشان تتحول لطاقة.

لما بناكل سكر ونشويات أكتر من اللازم، الخلايا تبدأ ترفض استقبال الإنسولين (وبالتالي الجلوكوز والعناصر الغذائية) علشان تحمي نفسها من زيادة السكر اللي بتعتبره "سُم".

النتيجة:

السكر + الإنسولين يفضلوا في مجرى الدم من غير استخدام.

إحساس مستمر بالجوع والهبوط، لأن الجسم مش قادر يحرق أو يستفيد من الأكل اللي أكلناه.

فنرجع ناكل سكريات أكتر ➡ سكر وإنسولين أكتر في الدم ➡ دائرة مفرغة.

⚠ لو الوضع ده استمر فترة طويلة → النتيجة النهائية غالبًا هتكون الإصابة بالسكر من النوع التاني.

📌 وطبعا المقاومه معاها → ارتفاع مستويات الالتهاب في الجسم بشكل كبير.

💡 طيب ياتري ده خطير؟

جدا جدا فوق ما تتخيل🥺
الالتهاب هو أهم عامل خطورة للإصابة بأمراض القلب وأمراض مزمنة خطيرة أخرى.

➡ مقاومه الانسولين بقي و ارتفاع السكر هو السبب المباشر في الإصابة بالمتلازمة الايضيه دي

🔍 إزاي؟

1. لما بتحصل مقاومة الإنسولين، بيبقى عندنا شلالات من السكر والإنسولين في الدم والخلايا مش راضية تستقبلهم.

2. وجودهم في الدم بكميات كبيرة خطر جدًا (مادة سامة) → لو استمر كده الإنسان ممكن يموت.

3. الجسم بيضطر يتصرف علشان يحمي نفسه:

يحوّل السكر ده إلى دهون.

يخزّنها في الخلايا الدهنية.

📈 النتيجة:

زيادة وزن → أحيانًا بتكون مفاجئة، وأحيانًا تدريجية.

الجسم يفضل يخزن الدهون في الخلايا الدهنية لحد ما توصل لمرحلة "خلاص استكفيت" → مفيش مكان تاني.

الجسم يبدأ يدور على أماكن بديلة ويخزن الدهون حوالين الأعضاء الداخلية → دهون حشوية.

🛑 أخطر مكان بتتخزن فيه الدهون الحشوية:

الكبد → وهنا تبدأ مشكلة الكبد الدهني، اللي للأسف بقت شائعة جدًا عند نسبة كبيرة من الناس

📍 أول ما الكبد يخزن دهون → يبدأ يظهر عندك دهون بطن، ويزيد محيط الخصر.

💡 هنا لازم نعرف إن اللي بيخزن الدهون في الكبد مش الدهون اللي بناكلها…
➡ السبب الأساسي هو السكر!

⚠طيب لما يبقى عندنا كبد دهني بيحصل إيه؟

1. الكوليسترول يزيد، لأن أي دهون لازم تمر على الكبد قبل ما الجسم يحرقها.
فلو الكبد تعبان

الكوليسترول الضار (LDL) يعلى.

الدهون الثلاثية تزيد.

السموم تتراكم في الجسم.

⚠ طيب في النهايه بيحصل ايه ؟!

ارتفاع الكوليسترول + زيادة الالتهابات بسبب السكر العالي →

تصلب الشرايين.

و ارتفاع ضغط الدم...

كل الامراض دي جات بس من كوبايه عصير اتعودت تشربها🥤🥤 كل يوم
ولا حلويات من عند محل مشهور بتحب تحلي بيها🍰
أو فطار فيه مخبوزات ودقيق ابيض وسندويتشات متعود تبدأ بيها يومك🥐🥮

⚠ عارفين كل اللي فات ده معناه إيه؟
ده معناه إن كل عوامل الخطورة اجتمعت علشان تحول الشخص لـ:

مريض سكر

أو مريض قلب

أو مريض كلى

أو مريض مناعة ذاتية

أو مريض سرطان

أو مريض معرض لسكتة قلبية أو جلطة دماغية

🎯 شايفين الترابط؟
دي هي المتلازمة الايضيه
، اللي دايما بنتكلم عنها… وانك تحمي نفسك منها هو حمايه من كل الامراض المزمنه
وعلاجها يخلي تستغني عن الادويه
لكن للأسف، محدش عايز يصدق أو يفهم
🌟 الخبر الحلو بقي:
أن رغم كل ده… الحل سهل جدًا، ومش بيحتاج أدوية!

و آلاف الناس في العالم اتعافوا منها

لدرجه ان عندي حالات بطلت أدوية السكر وأدوية الضغط بعد ما غيروا نمط حياتهم والتزموا بخطة العلاج اللي هنتكلم عنها دلوقتي.

🔍طيب معلش هو ليه الطرق التقليدية بالدواء ما بتحلش المشكلة؟🤔
لأنها بتتعامل مع الفروع وبتسيب الجذر:

ضغطك عالي → خد دواء ضغط.

عندك كوليسترول → خد علاج كوليسترول.

جالك السكر → خد إنسولين.

لكن محدش بيركز يشوف المشكلة الأساسية قبل ما الشخص يتحول لمريض سكر أو ضغط بالفعل.
💡 اللي اول ما نبدأ نعالج الجذر، كل الفروع تتحسن تلقائيًا.

📌 المشكله ان المريض هنا بيحس إنه في دوامة لا نهائية؟

لأنه بيتنقل من:

عيادة السكر → دكتور الضغط → علاج الكوليسترول
وفي كل مرة ياخد دواء لمشكلة، المشكلة تضرب من ناحية تانية.

طيب يلا بينا ندخل علي خطوات التعافي من المتلازمه دي ومعاها نقول وداعا لكل الامراض المزمنه الي الابد

1. أول وأهم خطوة: تعديل النظام الغذائي

والهدف هنا : الحفاظ على مستويات معتدلة من سكر الدم باستمرار( ماهو ده اصلا أساس المشكله )

لازم يكون خالي من السكر والنشويات بأنواعها( خصوصا البسيطه و المكرره زي الدقيق الابيض )
، لحد ما تستعيد خلايا الجسم حساسيتها للإنسولين.
( حتي الفاكهه بيتم تقنينها لأقل مستوي )

ده طبعا مع نظام الصيام المتقطع اللي بيجدد خلايا الجسم وبيحسن من امتصاص الفيتامينات والمعادن يعني بيخلي الخلايا ترجع تاني تشتاق انها تحرق سكر
وبيخلي في مرونه كبيره في التمثيل الغذائي

ده نظام علاجي صارم، مش رفاهية… لأنه بيتعامل مع مشكلة بتهدد الحياة.

2. بعد تحقيق الهدف: الانتقال إلى نظام حياة صحي يمنع الرجوع لنفس الحالة.

3. تعويض العناصر الغذائية الناقصة👈
، لأن تعويضها بيساعد على استعادة حساسية الخلايا للإنسولين طبيعيًا.
واهمها:

1. فيتامين D: ناقص عند أغلب المرضى ومرتبط بكل عوامل الخطر. الجرعة: 10 ألف وحدة دولية يوميًا + 100 ميكروجرام فيتامين K2.

2. الماغنيسيوم: 150 مجم يوميًا من المكملات، وبعدها نحافظ عليه بالأكل من الورقيات والخضار والمكسرات.

3. الكروميوم: مهم لتحسين حساسية الإنسولين
(. الجرعة: ما تزيدش عن 200 ميكروجرام يوميًا، وأفضل نوع هو GTF Chromium لأنه بيكون مدعوم بعامل تحمل الجلوكوز.)

4. النباتات الطبية: الكركمين والقرفه والجنزبيل وورق الزيتون لأنه بيساعد على نزول السكر والوزن حتى لو فيه مقاومة إنسولين عنيدة

الخطوه الرابعه
النوم والبعد عن التوتر😐
لان بمنتهي البساطه العصبيه والنرفزه والضغط النفسي بترفع الكورتيزول وبالتالي ده بيحلل عضلات الجسم ويحولها لسكر فساعتها هتلاقي سكرك بيعلي حتي لو انت مش واكل سكر ولا حتي واكل خالص

فالمطلوب انك تحاول تنام كويس
وتبعد عن الاشخاص المزعجين اللي بيعصبوك
كبر دماغك ومتسمعش كلام اي حد بيضايقك وخلي عندك ثقه في الله ثم في نفسك

واذكر ربنا كتييير اوي ..الا بذكر الله تطمئن القلوب

الخطوه الاخيره ✅✅✅✅
النشاط البدني🏃
اي حركه مهما كانت بسيطه ( بتتمشي في مكان مفتوح)
اي رياضه مهما كانت قصيره ( حتي لو ١٥ دقيقه )
اي مجهود مهما كان تافه( حتي لو بتلعب مع عيالك)
كل ده هيخلي الخلايا تفتح وتستقبل السكر مره تانيه ويبتدي التمثيل الغذائي يرجع مره تانيه

جرب تمشي علي الخطوات دي وشوف حياتك هتتغير ازاي وتعكس كل الامراض اللي عندك وتتحول لإنسان جديد خالي من الأمراض. مستنيينكم فمركز الحياه عشان تساعدكم فالمهم ده .

10/03/2025

جاهزة تخسي قد ايه؟ ...

دلوقتي تقدري تعملي إذابة للدهون المتركزة والمتراكمة في
المناطق العنيده زي ( البطن - الارداف - الذراعين )
عن طريق استخدام حقن ميزوثيرابي 👌

عشان كده عملنالكم أقوى نظام لتضبيط الوزن وأحسن عروض على جلسات تفتيت الدهون بالكرايو والكافيتيشن وشد الترهلات و علاج السيلوليت. ❤

💥 عرض ٦ جلسات lypolysis بسعر مفاجـــــــــاه 💥

03/03/2025

الوقت بين الفطار والسحور ف رمضان بيعدي بسرعة، واوقات بننسى نشرب ماية كفاية. ولما حد يقولك "اشرب مية"، ترد بكل بساطة: "ما أنا بشرب عصير، شاي، قهوة..." لكن الحقيقة إن كل السوائل دي عمرها ما تعوض الماية، ولا تقوم بنفس دورها في الجسم.

ليه شرب ٨ كوبايات مية في اليوم ضروري ومش اختيار؟

1- بتحافظ على الدورة الدموية وبتخلي ضغط الدم متزن، وده معناه نشاط وتركيز بدون دوخة أو إرهاق.
2- بتحسن عملية الحرق والهضم، فبتساعد على وزن صحي، وبتقلل السموم في الجسم، وكمان بتقلل إحساسك بالجوع.
3- بتساعد الجهاز الهضمي يشتغل بكفاءة، وبتحسن حركة الأمعاء، فبتقلل مشاكل زي عسر الهضم والإمساك.
4- بتحمي الكلى، لأنها بتساعد الجسم يتخلص من السموم وبتقلل خطر تكوين الحصوات الكلوية.
5- بتقلل الحموضة وراحة المعدة، خصوصًا مع الصيام، وبتساعد في ضخ الدم بسهولة لكل أعضاء الجسم.
6- بتحافظ على نضارة البشرة وترطيب الجسم، وبتقلل الإحساس بالجفاف والتعب والصداع اللي بيظهر مع الصيام.
ببساطة، العصير والمشروبات التانية مش بديل للمايه

01/03/2025

🔥 10 أسئلة مهمة عن الدايت في رمضان وإجابات هتغير حياتك! 🔥

1️⃣ هل ممكن أخس في رمضان؟
✅ آه طبعًا! لو التزمت بأكل صحي، وقللت المقليات والحلويات، هتلاقي وزنك بينزل بسهولة!

2️⃣ إيه أفضل سحور ميخلينيش أجوع؟
🥚 بيض + 🥛 زبادي لايت + 🥙 فول بدون زيت + 🥖 خبز أسمر + 🥒 خضروات = شبع طول اليوم!

3️⃣ هل شرب ماء كتير في السحور يمنع العطش؟
🚫 لا! الحل هو شرب الماء على مدار الليل وتجنب الموالح والمخللات.

4️⃣ إزاي أتجنب زيادة الوزن في رمضان؟
🚀 قلل السكريات والمقليات، كل باعتدال، اشرب مية، ومارس المشي بعد الفطار.

5️⃣ هل ممكن آكل حلويات بدون ما أتخن؟
🎂 طبعًا، لكن بكميات قليلة (قطعة صغيرة 2-3 مرات أسبوعيًا)، أو استبدلها بحلويات صحية زي التمر والزبادي بالفواكه.

6️⃣ أحسن مشروب صحي بعد الفطار؟
💦 الماء ملك المشروبات! وكمان ممكن تشرب كركديه أو تمر هندي بدون سكر.

7️⃣ الصيام هيخسس العضلات؟
🏋️ لا، لو بتاكل بروتين كفاية وبتتمرن صح، عضلاتك هتفضل قوية.

8️⃣ إزاي أنظم أكلي في رمضان؟
🥗 الإفطار: تمر + شوربة + بروتين + خضار + نشويات.
🍏 السناك: مكسرات أو فواكه أو زبادي.
🍞 السحور: بروتين + نشويات صحية + ألياف.

9️⃣ هل ينفع أتمرن وأنا صايم؟
💪 الأفضل بعد الفطار بساعتين، ولو قبل الفطار، يبقى تمارين خفيفة زي المشي.

🔟 أحسن أكل للهضم بعد الفطار؟
🍜 شوربات، 🥗 خضروات، 🍎 فواكه، مع تجنب المقليات والأكل الدسم.
Dr. Asmaa Mahmoud

26/02/2025

24/02/2025

امته يكون الدايت غلط؟

مش كل دايت مناسب ليك، ولو حسيت بالحاجات دي، يبقى فيه مشكلة:
❌ دوخة مستمرة وإرهاق = سعراتك قليلة جدًا
❌ فقدان شعر أو ضعف أظافر = نقص فيتامينات
❌ إحساس بالجوع طول اليوم = الدايت مش متوازن
❌ توقف الدورة الشهرية عند السيدات = مشكلة خطيرة لازم تتظبط

🎯 الحل؟ الدايت مش حرمان، هو توازن، وكل جسم ليه احتياجاته

02/11/2024

كورس لايت كت هايخلصك من الدهون العنيدة في أقل وقت🤩
الكورس بيشتغل على رفع معدل الحرق وتفتيت الدهون وعلاج السليوليت ونحت الجسم بشكل طبيعي وملحوظ 👌

🔹الكورس مناسب لمعظم المناطق مثل ( البطن . الأجناب . الذراعين . الفخذين . الظهر )
الكورس يساعد في تفتيت الدهون . علاج السليوليت . شد الترهلات

✔️النتيجه جسمك بدون دهون عنيدة وبمظهر متناغم ومن غير أي عمليات جراحية.

✔️هانقدر نستمتع بمظهر متناغم وأنيق بشكل طبيعي.

✔️نتائج سريعة وفعالة بدون الحاجة لعمليات جراحية.

✔️جلسات سريعة بدون ألم أو فترة نقاهة.

✔️آمنة تمامًا ومناسبة لكل الحالات بما فيها مرضى تكيس المبايض ومرضي السكر والضغط العالي .

ما تفوتوش الفرصة! احجزوا دلوقتي بخصم وهدايا علي كل كورس هانحتاجه 🤩

دكتورة شيماء صالح 👩‍⚕ هتساعدك في الوصول للجسم الى بتحلم وبتحلمي بيه

العرض لفترة محدودة⏳
اتصلوا بنا علي :- 01006289034-01555879034
العنوان 📍 العريش ميدان جامع النصر امام عياده الدكتور مصطفى محمود بجوار عصير المعلم

صالح
#تخسيس

19/10/2024

💡 ليه مقاومة الأنسولين بتصعب خسارة الوزن؟
1️⃣ زيادة مستويات الأنسولين: الأنسولين هو هرمون بيخزن الدهون في الجسم، ولما مستوياته بتزيد بسبب مقاومة الأنسولين، الجسم بيبدأ يخزن الدهون بدل ما يحرقها 🚫🔥.
2️⃣ زيادة الشهية: مقاومة الأنسولين بتسبب ارتفاع متكرر في السكر في الدم، وده بيزود الجوع والرغبة في الأكل، خاصة السكريات والكربوهيدرات 🍰🍞.
3️⃣ بطء في التمثيل الغذائي: مقاومة الأنسولين بتأثر على استخدام الجسم للطاقة، فبتخلي عملية حرق السعرات أبطأ ⏳⚡.
4️⃣ تراكم الدهون في البطن: الدهون الحشوية اللي بتتراكم في منطقة البطن بسبب مقاومة الأنسولين بتبقى أصعب في الحرق 🫓⏳.
5️⃣ زيادة الالتهابات: مقاومة الأنسولين بتسبب زيادة الالتهابات في الجسم، وده بيخلّي حرق الدهون أصعب ⚠️🔥.
6️⃣ اضطراب الهرمونات: مقاومة الأنسولين بتأثر على هرمون اللبتين اللي بينظم الشهية، وده بيسبب خلل في إشارات الجوع والشبع 🍽️. مع تحيات .. مركز الحياة للعلاج الطبيعي والسمنه والنحافه