دكتور أحمد عصفور Asfour Kids Clinic

دكتور أحمد عصفور Asfour Kids Clinic د أحمد عصفور مدرس م طب الأطفال وحديثي الولادة وأمراض مخ وأعصاب الأطفال بكلية طب الأزهر بالقاهرة

عيادة الحامول شارع المركز برج النخبة امام فودافون ت � 01092068588
عيادة غرب تيرة شارع نقطة الشرطة أمام صيدلية د محمود ت � 01017405341

لما اقعد انصح العيان ياكل اكل صحي ✅لبن وجبنه قريش وبيض وسمك وفراخ ولحمه وخضار وفاكهه 👌ويتجنب السكريات والمواد المصنعه ❌ع...
03/05/2026

لما اقعد انصح العيان ياكل اكل صحي ✅
لبن وجبنه قريش وبيض وسمك وفراخ ولحمه وخضار وفاكهه 👌
ويتجنب السكريات والمواد المصنعه ❌
عشان يرفع مناعته 🤚

وهو بيبصلي من فوق لتحت😅

اه يا عميل المافيا وشركات الأدوية
عايزني اكل الحاجات دي عشان اتعب 😀

نعتذر عن الانقطاع الفترة السابقة🙏واعتذر جدا عن التقصير في ردود الموبايل والواتس🙏أن شاء الله نرجع لمواعيدنا السابقه قريبا...
28/04/2026

نعتذر عن الانقطاع الفترة السابقة🙏

واعتذر جدا عن التقصير في ردود الموبايل والواتس🙏

أن شاء الله نرجع لمواعيدنا السابقه قريبا 🤍

العيادة وشغلي مع أطفالنا جزء مهم في حياتي مفتقده ❤️

25/04/2026

📢 نداء لزملائنا في الحضانات

أرجوكم لو الطفل مفيش مانع للرضاعة عن طريق الفم
خلوا الأم تيجي ترضع في الحضانة 🤱

ولو الطفل محتاج لبن
خلوا الأم تعصر صدرها وتجيب اللبن

📌 وعلموها:
- إزاي تعصر كويس
- إزاي تحفظ اللبن في الثلاجة والفريزر
- إزاي تنقله من البيت لحد الحضانة

💙 اللبن الطبيعي بيحافظ على مناعة الطفل
وبيحمينا من حالات التهاب القولون الشديدة
زي necrotizing enterocolitis (NEC)

✅ الرضاعة الطبيعية هي الضمان والأمان
إن الطفل لما يخرج ينمو بصورة طبيعية كويس
وما يرجعش الحضانة تاني وتحافظ على تطوره العقلي والحركي والمناعي

🙏 رجاءً حافظوا على الرضاعة الطبيعية

والله الأمر ليس رفاهية أو موضوع جانبي ممكن يتنسى

🛑استخدام تحليل جرثومة المعدة في البراز للتشخيص وكمان اعطاء علاج ده كلام غير صحيح اطلاقا طبقا لكل التوصيات العلمية المعتب...
23/04/2026

🛑استخدام تحليل جرثومة المعدة في البراز للتشخيص
وكمان اعطاء علاج

ده كلام غير صحيح اطلاقا طبقا لكل التوصيات العلمية المعتبرة❌

وانا لا أطلبه للتشخيص ولا أعطي علاج بناء عليه❌

فلو حضرتك مصر على ان ازاي بس وكل الناس قالولي و بتاع المعمل قالي وبتاع الصيدليه قالي ازعاااااااااااي الدكتور ميكتبش علاج دي هتخرم المعده (حدث فعليا😕)

فرجاء ابحث عن طبيب آخر غيري🙏

فانا اطبق القواعد العلمية المعتبرة ولا استجيب لضغوط الأهل 👌

⚠️وجرثومة المعدة وتحليل الروماتيزم والميكروب السبحي وعفونة البطن واكتب لبن عشان الواد يطخن واكتب حقن عمال على بطال والكلام ده مش هتلاقيه عندي 🤷‍♂️

ده حفاظا على ابن حضرتك 🤍
والالتزام قدر المستطاع بما يمليه علي ضميري المهني والأخلاقي 😌

أن شاء الله اعمل فيديو توضيحي بخصوص هذا الموضوع قريبا باذن الله

📢 3 حالات مهمين من عيادتنا الأسبوع اللي فاتالحالات دي كلها جايه بشكل من أعراض غريبةوالتلات حالات طلبت لهم رسم مخوطلعوا ا...
22/04/2026

📢 3 حالات مهمين من عيادتنا الأسبوع اللي فات

الحالات دي كلها جايه بشكل من أعراض غريبة

والتلات حالات طلبت لهم رسم مخ
وطلعوا التلاتة أنواع كهرباء على المخ

أنا بكتب البوست ده بس عشان أنبه الأهل 👇

⚠️ لما يكون في حركة غريبة غير اعتيادية
لازم ترجعوا للدكتور

📱 ويفضل تصوروا الحالة فيديو
لأن ده بيساعد جدًا في التشخيص

⸻

💡 نقطة مهمة لزملائنا وأولياء الأمور
مش كل التشنجات بتيجي بالصورة المعروفة
(إن الطفل يقع، عينه تتغرب، وجسمه يترج ويفقد الوعي)

في أعراض تانية بتكون كهرباء في المخ برضه 👇

⸻

🟣 الحالة الأولى
بنت عمرها حوالي 8 سنوات
بتشتكي من نفضة بتيجي لها وهي نايمة بالليل

الأهل ما كانوش مركزين معاها في الأول

ولما جاتلي
والتشخيص الأولي كان Benign Rolandic Epilepsy

بدأنا علاج وطلبنا رسم مخ
وبالفعل التشخيص طلع زي المتوقع
وابتدينا كورس العلاج

⸻

🟢 الحالة الثانية
ولد بدأ يجيله نوبات إغماء

اعتقاد الأهل كان إنه ممكن يكون:

* ما بياكلش كويس ودايخ

لكن طبعا اي كلمة اغماء لازم نستبعد مشاكل في المخ أو القلب

وبالفعل رسم المخ
طلع نوع نادر من الكهرباء
Atonic Seizures

وبدأنا له علاج بالفعل

⸻

🔵 الحالة الثالثة
طفل عمره حوالي 5 سنوات

بيقول لمامته:
“أنا بحس حاجة بتزن في دماغي”

والزنة دي ساعات بيكون معاها
اضطراب بسيط في الوعي لثواني

الأم قالت: “بيسرح شوية”

⚠️ وكلمة بيسرح بتنبهني جدًا
إن ده ممكن يكون نوع من الكهرباء

⸻

📊 التلات حالات عملنا لهم رسم مخ
بالاحتياطات الكاملة ودي كلمة مهمه جدا ( يعني مش ببعته وخلاص)

ورغم إن مدة الرسم كانت قصيرة (نص ساعة)
لكن التلاتة طلعوا إيجابيين عشان الرسم اتعمل مظبوط

وبدأنا معهم بروتوكول العلاج

⸻

💬التنبيه المهم
أي حركة غريبة أو غير معتادة
حتى لو بسيطة جدًا

📌 لازم تتقيم كويس
📌 ويفضل تتصور فيديو


د. أحمد عصفور
مدرس طب الأطفال وحديثي الولادة
ومخ وأعصاب الأطفال م

19/04/2026

قناة واتس لمتابعة مواعيد واي جديد بخصوص العيادة
الاشتراك لمتابعين العيادة اول تعليق 👇

15/04/2026

⚠️🚨 انتشــــار شديد لحــالات 🚨⚠️
🦠 الجديري المائي.....💋الهربس.......✋👄🦵متلازمة الفم واليد والقدم........🧫 التهاب كبدي A ⚠️ اعراض العدوى والوقاية تابعوا البوست👇

امبارح كان من الأيام الثقيلة جدًا عليّ في العيادة 😓أنا من النوع اللي لما يشوف طفل فيه تقصير-حتى لو مش مقصود—بزعل جدًا، و...
12/04/2026

امبارح كان من الأيام الثقيلة جدًا عليّ في العيادة 😓

أنا من النوع اللي لما يشوف طفل فيه تقصير-حتى لو مش مقصود—بزعل جدًا، وأوقات الموضوع بيوصل إني بشد على الأهل جامد… خصوصًا لما يكون في خطورة على الطفل ⚠️

النهارده كان فيه حالات كتير من النوع ده:
طفل بدأ أكل قبل ميعاده 🍽️
طفل بياخد لبن صناعي وهو مش محتاج 🍼
أطفال بيشربوا لبن حيواني قبل السن المسموح 🐄
أطفال موقّفين الفيتامينات وداخلين في أنيميا 💊
أطفال موقّفين البخاخات الوقائية عشان الخوف منها 😔
طفل عمره 40 يوم وبيتحط له عسل 😳
وأم مش ملتزمة بأي تعليمات رغم تأخر طفلها في الكلام، ومقتنعة إنه طبيعي 🤦‍♂️

تراكم الحالات دي مع انفعالي معهم عشان خوفي عليهم خلّى اليوم صعب جدًا… لدرجة إني وقفت الكشوفات من كتر الضغط 💥

لكن في آخر اليوم… حصل موقف غيّر كل حاجة ❤️

بنت جميلة عندها 10 سنين 👧
بتعاني من صلع شبه كامل من سن سنتين
لفّت على دكاترة جلدية كتير جدًا، وأخدت كميات علاج مهولة… بدون نتيجة 😔

تقريبًا كان في بصيلات بسيطة جدًا في منتصف الرأس، لكن باقي الشعر شبه معدوم

٨ سنوات من المعاناة😕

السبب؟ 🤔
مفاجأة…

مشكلة في العين 👁️

في دراسات بتربط بين مشاكل العين وحدوث تساقط الشعر، وده للأسف ما كانش في حسابات كتير من الأطباء قبل كده

بعتناها لدكتور عيون 👨‍⚕️
وفعلًا طلع عندها مشكلة مؤثرة على الرؤية

أول ما بدأت تلبس نظارة 👓
ومع علاج بسيط جدًا…

حصل تحسن أكتر من 80% 🙏✨

وقفنا كل العلاجات القديمة
والبنت بدأت تستعيد شعرها وثقتها بنفسها 💖

البنت وأمها كانوا في قمة السعادة 🥹
لدرجة إن البنت قالت لمامتها:
“أنا هعمل بانر شكر للدكتور أحمد وأحطه في العيادة” ❤️

الموقف ده غيّر يومي بالكامل…
وخلاني أفتكر ليه بنستحمل الضغط ده كله

علشان لحظة زي دي 🙏

طفلة حياتها اتغيرت
وأمل رجعلها بعد سنين من المعاناة
الحاله مهمه جدا للتعليم وتأكيد أن فحص العين مهم جدا مع أي حالة alopecia في الأطفال



#اكسبلور #الأطفال

📢 رسالة مهمة لشركات الأدويةإحنا مش هنبيع العيان بتاعنا… ❌حضرتك مش جايب منتج تكلفته 5 جنيه وبتبيعه بأكتر من 100 جنيه، وب...
06/04/2026

📢 رسالة مهمة لشركات الأدوية

إحنا مش هنبيع العيان بتاعنا… ❌

حضرتك مش جايب منتج تكلفته 5 جنيه وبتبيعه بأكتر من 100 جنيه،
وبعدها تحاول تقنعني كطبيب إنه "منتج جبار" وهيفرق مع العيان!

كتير من المنتجات دي عبارة عن شوية أعشاب + فيتامينات
موجودة أصلاً في الأكل الطبيعي اللي الطفل بياكله يوميًا 🥦🍎

📌 حضرتك بتعرض منتج…
لكن القرار في إيدي أكتبه أو ما أكتبوش.

وللأسف 👇
أكتر من 90% من المنتجات اللي نزلت السوق الفترة الأخيرة
❌❌مالهاش أي داعي طبي حقيقي!

وجودها في الروشتة =
💸 عبء على المريض
💔 ضغط على أهل مش مستحملين أصلاً

الناس بتشتكي من أسعار الأدوية…
وإحنا نروح نكتب:
❌ فيتامينات بدون داعي
❌ مكملات مالهاش لازمة
❌ أعشاب تحت مسمى علاج
❌ بخاخات ومراهم وتسويق أكتر منه طب

📍 عندنا دلوقتي:
عدد مهول من منتجات فيتامين د
وادوية الكحه
وبخاخات الفم
وبخاخات ماء البحر
وغيرها كتير…

لكن السؤال المهم 👇
هل كل ده فعلاً محتاجينه؟ ولا مجرد "تريند بيزنس"؟!

👨‍⚕️ دورنا نحمي المريض… مش نزود عليه

———

في النهاية…
لو منتجك مش هيقدم فرق حقيقي وجودة واضحة للمريض
فكل اللي بتعمله مش هيخلّيني أكتبه.

إحنا مش هنبيع المريض بتاعنا… ❌

من كام يوم جالي مندوبة
بتعرض بخاخة أنف سعرها أكتر من 300 جنيه!
مجرد أعشاب… ومع ذلك محاولة إقناع إنها "مهمة جدًا" و"هتفرق مع العيان".

تعرف يعني إيه 300 جنيه؟
يعني ممكن أب يشتغل يومين كاملين عشان يوفرهم 💸

مش منطقي أحمّل مريض التكلفة دي
عشان "تارجت مبيعات" أو "أرقام مطلوبة".

وللأسف…
في ضغط بيتحط علينا كأطباء علشان نكتب منتجات معينة
ولما بنرفض، بيكون في أسلوب غير لائق
ما ينفعش يتقال داخل عيادة ولا يتوجه لطبيب.

📌 العيادة مكان للعلم… مش للتسويق
📌 القرار الطبي مبني على الدليل… مش على الضغط

أنا محتاج أسمع كلام علمي محترم
مش عبارات تسويقية محفوظة.

ولو الوضع بالشكل ده مستمر…
فأنا بجد بدأت أفكر إني أمنع زيارات مندوبي الأدوية نهائيًا.

👨‍⚕️ المريض أمانة…
ومش هنسمح يتحول لفرصة بيع.


ً

05/04/2026

كل شركة أدوية داخلة تقولك:
"إحنا أعلى تركيز في الماركت 💪🔥"

طب يا جماعة…
هو مين أقل تركيز؟! 😂🤔

الساده مسؤولي الماركتينج غيرو الكوبليه الله يكرمكم😇

#تسويق

03/04/2026

📢 متابعينا الكرام

📅 شهر أبريل هيكون استثناء في التواجد بالعيادة
⚠️ هيكون فيه أيام انقطاع متكررة خلال الشهر

🗓️ المواعيد هتتحدد في بداية كل أسبوع

📞 برجاء الاتصال قبل الحضور لتأكيد تواجد الطبيب

👨‍⚕️ الحجز هيكون لعدد حالات محدد يوميًا

🙏 وإن شاء الله ننتظم في التواجد مرة أخرى بدايةً من الشهر القادم

🎥 وإن شاء الله نرجع بتواجد ينال إعجابكم
بفيديوهات مفيدة جدًا

💬 البوست ده هيكون مرجع لكم
اللي حابب موضوع معين نجهزه إن شاء الله يكتبه هنا👇

⚠️ وللمرة الثانية خلال نفس الشهر… نفس السيناريو يتكرر!طفل جاي بـ:🔥 حرارة مرتفعة 😣 ألم شديد في البطن 🚫 بدون أي أعراض تن...
01/04/2026

⚠️ وللمرة الثانية خلال نفس الشهر… نفس السيناريو يتكرر!

طفل جاي بـ:
🔥 حرارة مرتفعة
😣 ألم شديد في البطن
🚫 بدون أي أعراض تنفسية واضحة اطلاقا

وكل شكوى الأم الم بالبطن

أول انطباع؟
👉 مشكلة في البطن فقط
وده اللي كان بالفعل بياخد علاج له

البطن كانت:
⬅️ محجرة
⬅️ منفوخة
⬅️الطفل بيئن من الوجع

لكن أثناء الفحص الشامل للطفل
وبفحص الصدر
❗ كان فيه انخفاض دخول الهواء في الناحية اليمنى من الرئه

⚠️ومن كتر العلامات اللي تشير أن المشكلة بالبطن

شكيت إن المشكلة ممكن تكون:
❗ Ascites
❗ أو ارتشاح بالبطن بسبب باطني وكمان انتشار هذا الارتشاح حول الرئه

كل ده كان بالفحص

انتقلنا لمرحلة الفحوصات

📸 تم عمل أشعة على البطن → مفيش حاجة واضحة
📸 لكن أشعة الصدر كانت الفيصل…

🎯 التشخيص:
👉 التهاب رئوي + ارتشاح في الرئة اليمنى
🚫 بدون كحة!

---

💡 الخلاصة المهمة:

في نوع من الالتهاب الرئوي:
🧠 بييجي بأعراض "خادعة"
🫁 بدون أعراض تنفسية واضحة
🤯 ويظهر كـ "ألم بطن شديد"

---

🚨 رسالة مهمة لكل الزملاء:

👂 متستهونش بـ Auscultation للصدر
حتى لو الشك كله رايح للبطن

📌 لأن:
👉 بعض حالات الـ Pneumonia
بتكون Silent
👉 وتشخيصها ممكن يتأخر بسهولة

---

⏳ الطفل ده كان تعبان بقاله أسبوعين بدون تشخيص

---

✍️

مدرس م طب الأطفال وحديثي الولادة

Address

El-Hamul

Telephone

+201092068588

Website

Alerts

Be the first to know and let us send you an email when دكتور أحمد عصفور Asfour Kids Clinic posts news and promotions. Your email address will not be used for any other purpose, and you can unsubscribe at any time.

Shortcuts

Share

Category