عيادة د.محمد اسامة عيسي - -امراض النساء و التوليد و الحقن المجهرى

18/12/2022

🍁 متابعة الحمل :

👉 المتابعة تبدا من اول معرفة الام بالحمل حتى الولادة.

👉 المتابعة اول ٨ شهور كل اسبوعين و أسبوعيا فى الشهر التاسع .

👉 السونار ضرورة للتأكد من سلامة الحمل و استبعاد حمل خارج الرحم .

👉 يتم متابعة وزن الام و متابعة قياس الضغط و علاج اى التهابات مهبلية لمنع الولادة المبكرة.

👉 بعد ٧ اسابيع يتم سماع و رؤية نبض الجنين للتأكد من سلامته .

👉 فى البداية يتم عمل تحاليل صورة دم و بول و فصيلة دم و Rh

💢 د. محمد اسامه عيسى

استشارى التوليد و امراض النساء و العقم و الحقن المجهري.

23/01/2021

بوست لتصحيح بعض العادات الطبية الخاطئة و حخليه بوست مفتوح بحيث كل اما افتكر حاجة ازودها هنا و طبعا اي حد حابب يضيف معلومة او غلطة طبية بيشفها يقلنا نزودها :

١) حقنة البرد :

كارثة و مش عارف مين الجاهل اللي اخترعها و لو حد اقترحها عليك ارفض لانها بتعمل مصايب في مرضي حساسية الصدر و الضغط .

٢) تدريج الكورتيزون :

الناس اللي بتاخد كورتيزون لفترة طويلة مينفعش نوقفه مرة واحدة والا حتحصل اعراض متعبة جدا لازم يقف بالتدريج تحت اشراف طبيب .

٣)الفولتارين :

ممنوع في مرضي حساسية الصدر و الضغط .

٤)السيدوفاج و الجلوكوفاج :

يتاخد بعد الاكل لانه متعب للمعدة ولازم تعرف انه حيتعبك اسبوعين و ممكن تاخد حاجة للمعدة لغاية الاعراض ما تروح .

٥) المسكنات :

لو مريض ضغط المسكن بتاعه بنادول ازرق او برامول ( باراسيتامول) الاحمر غلط و لو مريض كبد البرامول ( باراسيتامول ) فقط .

٦)الانسولين مكستارد ( المخلوط ) :

لا يصلح لسكر النوع الاول تماما و اي حد يقلك انك كمريض نوع اول سكرك حيتظبط عليه والله بيكدب :) .

٧)دوا الكولسترول او الدهون :

ليه معاد واحد فقط بعد العشا ، لان الكولسترول بيصنع الساعة تلاتة الفجر تقريبا فاحنا عايزين نوقف تصنيعه ، غير انه لو اتاخد علي مدار اليوم بيعمل وجع بالعضلات ووهن بالجسم و يقلل النشاط .

٨) كسل الغدة الدرقية :

دلوقتي بقي تاني اشهر مرض في تخصص الغدد الصماء بعد مرض السكر فلو فيه زيادة وزن ، كسل ، امساك ، جفاف جلد ، عدم تحمل البرودة ، اضطراب في الدورة الشهرية عند السيدات حلل غدة درقية .

٩) الحقن العضل ف الاطفال :

ممنوعة قبل سن سنتين و فيه كتب بتقول ممنوعة قبل خمس سنين لانها ممكن تعمل تليف في العصب او شلل لاقدر الله نتيجة عدم اكتمال عضلة الموخرة ، حقن الاطفال بالفخذ و اللي يديها دكتور ، صيدلي ، ممرض بلاش الناس الفهلوية اكتر ناس بيودوا في داهية .

١٠) الكورتيزون :

لا يستخدم لتعلية الضغط او لزيادة الوزن كده بتدمر جسمك.

١٠ ) مدرات البول :

لا تستخدم ف التخسيس تماما .

١١) دواء كوردارون (اميودارون ) :

بيجيب كسل في الغدة الدرقية و حصلت كتير في حالات شفتها بنفسي .

١٢ )تغير في الوعي في كبار السن :

اعمله تحليل بول وارد يبقي التهاب ف مجرى البول و محتاج علاج .

١٣) مريض السكر و القدم السكرى :

مينفعش يمشي حافي في البيت ولازم يدهن فازلين (ما عدا بين الاصابع ) ولا زم طبعا حذاء مناسب و مريح و فحص الارجل بانتظام قبل تكون جرح كبير ولو كده ياخد فيتامين سيه و زنك بتسرع التئام الجروح .

علامات القدم السكرى :
انتفاخ القدم ، تغير اللون ، حرقان احمرار ،قلة الشعور بالاطراف
تنميل ،وجود ظفر غائر ،وجود تشققات .

١٤) الرياضة و مرضي السكر مش علي طول مفيدة :

متعملش رياضة او تبذل مجهود قوى تماما و السكر عالي لو مريض نوع اول و حتعمل رياضة يبقي السكر اقل من ١٨٠ و نوع تاني اقل من ٢٠٠ .

١٥) جرعات تصحيح السكر :

تتاخد ف البطن مش الايد ولا الرجل.

١٦) لو مريض سكر و بتاخد كونكور خد بالك لانه مش حيخليك تحس باعراض انخفاض السكر يستحسن تغيره .

١٧) وقوع الشعر بكثافة :

غالبا له سبب غدة او انيميا او نقص فيتامين د لازم تحلل .

١٨) الاسبرين :

ميتخدش عمال علي بطال لازم تبقي مريض قلب ، جلطة ف المخ سكر ، ضغط عالي ، لان مشاكل الاسبرين كتير ممكن تعمل مشاكل معدة او قرحة او نزيف ف المخ او زيادة الاعراض في مريض حساسية الصدر فمتاخدوش من نفسك لازم وصف طبيب .

١٩) ادوية المعدة و السيدوفاج :

استخدامهم لفترة طويلة بيعمل نقص فيتامين ب١٢ لازم تعوضه .

٢٠) اوميجا ٣ مع اسبرين :

ممكن يعمل نزيف خد بالك .

•• د. محمد محمد اسامة عيسي .
•• اخصائي باطنة و غدد صماء و سكر .

21/12/2020

شكرا استاذ احمد خميس الصحفي المحترم بجريدة الجمهورية علي المقال الجميل ده
وفعلا في دكاترة كتير ابطال محدش يعرف عنهم حاجة بيحاربوا حرب ربنا وحده اعلم بصعوبتها
#ربنا يرفع الوباء

قدم الدكتور محمد محمد اسامة عيسي اخصائى الباطنة والغدد الصماء والشكر نصائحة  لحالات كورونا والمواطنين من خلال عمله  فى مستشفى ١٥ مايو للعزل أو فى إدارته مع مجموعات...

19/12/2020

معلومة خطيرة جدا لازم الكل يبقي عارفها الفترة ده

فيه دوا بيستخدم لعلاج الكورونا و للاسف يعتبر اهم دوا في العلاج مفيش بيت دلوقتي مش موجود فيه اسمه ( زيثرون ) و بدايله زي
_ زيسروسين
_ زيثروماكس
_ ازاليد
_ زيثروكان

الدوا ده بيتفاعل مع ادوية كتير و ممكن لاقدر الله يعمل مشاكل قد تصل للوفاة فلازم نبقي فاهمين كل حاجة عن الادوية الفترة ده

* لو خدت الزيثرون مع :

_ مضادات الحساسية حيعملك الم في الصدر غير محتمل .

_ الثيوفيلين ( موسع شعب ) ممكن يؤدى للوفاة ( الزيثرون و الكلاريثرومايسين بلاش الاتنين معاه ) .

_ بلاكونيل اللي في بروتوكول الكورونا بتاع الروماتويد و الملاريا اصلا ( لازم رسم قلب قبل ما تستخدمهم مع بعض و المتابعة لو لازم تاخد الاتنين في نفس الوقت ) .

_ زوفران و دانست ( نعدل الجرعات او نبعدهم عن بعض بفترة ) .

_ كلكسان ( نعدل الجرعة او الوقت ) .

_ لانوكسين ( لازم نعدل الجرعة بعد استشارة الطبيب ) .

مفيش داعي للقلق بس نعمل احتياطتنا و ناخد بالاسباب

•• د.محمد محمد اسامة عيسي .

•• اخصائي باطنة و غدد صماء و سكر .

15/12/2020

بعد الزيادة الواضحة في حالات الاصابة بكورونا ، و بحكم مخالطتي لحالات كورونا كتير جدا تقريبا لمدة تسع شهور سواء في شغل المستشفي الحكومي ( ١٥ مايو ) و اللي هي مستشفي العزل الرئيسية في القاهرة او شغلي في العيادة او شغلي مع حملة كورونا المحترمة الخاصة بالخانكة ، فحبيت اوضح كده شوية نقط و مفاهيم مش صح في التعامل مع كورونا اتمني نغيرها حفاظا علي الصحة و الوقت و الفلوس ،،،

عشان نتعامل صح لازم نقسم الحالات مجموعتين ، مجموعة الشخص السليم اللي جاله كورونا و مجموعة الشخص اللي عنده مرض مزمن و جاله كورونا ،

* اول مجموعة :

انت سليم و جتلك اعراض برد مش حتعمل حاجة غير انك تعزل نفسك لغاية الاعراض ما تنتهي و بعدها بتلات ايام تفك العزل

بتاخد علاج علي اد الاعراض فيه سخونية حتاخد مضاد حيوى اقراص و خافض حرارة ، كحة تاخد ليها دوا ، اسهال تاخد له دوا الخ ، الكورونا ملهاش علاج شافي خاص بيها ، انت بتاخد علاج لغاية مناعة جسمك ما تقضي علي الفيروس احنا بس بنديك علاج يريحك من الاعراض انما بيه او من غيره حتخف باذن الله ...

مترحش تحلل لان الكورونا ملهاش تحليل خاص بيها ،

ليه متحللش ؟
لانك حتروح تحلل و انت حالة اشتباه و بتاخد العلاج و برضه اما تطلع نتيجة التحليل ايا كانت سواء طلع فيها حاجة او لا حتفضل حالة اشتباه و برضه حتاخد نفس العلاج تصور !! :)

خد علاجك قيس الاكسجين في اي صيدلية او عند اي دكتور طلع تمام انت كده مش محتاج اي حاجة و خلاص عديت

لو حسيت بس بضيق نفس او اكسجينك قليل ساعتها حتعمل اشعة مقطعية عشان نزود علاج لتحسين التنفس و منع اي ضرر للرئة لا قدر الله غير كده متتحركش .

* تاني مجموعة :

جتلك اعراض برد و انت عندك مرض مزمن سكر ، قلب ، حساسية علي الصدر
ساعتها محتاج تعمل مقطعية علي الصدر بس لازم يكون عدي علي الاعراض ٤ _٥ ايام علي الاقل ( لان قبل كده مش حيظهر حاجة في الاشعة ) و ساعتها حنزود ادوية زي الكورتيزون بمشتقاته و مضادات حيوية اقراص او حقن حسب الاشعة
و ساعتها بقي لازم تحلل و ممكن تعمل كذا تحليل لتقييم الحالة خاصة تحليل اسمه d_dimer

عشان نعرف حنزود مضاد للتجلط ولا لا ..

* مفيش استخدام للجلسات لانه بينشر العدوى و لا يستخدم في المستشفيات بالمناسبة ، لو الاكسجين قل بتحتاج تتحط علي اكسجين صافي و ده لا ينشر العدوي و بيفيد المريض اكتر من الجلسة.

* مفيش مضاد تجلط من غير تحليل ده غلطة قاتلة و بشوف عيانين بينزفوا من كل حتة بسبب ان خد مضاد تجلط من غير وصف طبيب او تحليل .

* فقدان حاسة الشم غالبا عرض مميز جدا للكورونا انما مش ١٠٠٪ عندك كورونا اعزل نفسك و خد دواك .

* الخلاصة ايه ؟

_ حسيت باعراض

١_ اعزل نفسك .

٢_ استشير دكتور و خد الدوا اللي وصفهولك .

٣_كل كويس جدا .

٤_ اشرب سوايل كتييييير جدا ( الجفاف اخطر عامل بيضعف مريض الكورونا ) .

٥_ راحة تامة .

٦_ البس ماسك لو حتروح الحمام او لو اضطريت تنزل و طبعا النزول غلط ( خاف علي الناس عشان ربنا يعديهالك علي خير ) .

٧_ قيس الاكسجين ( ده كلمة السر و العلامة الفارقة في العلاج ) سلاح الدكتور لتقييم حالة الكورونا قياس
الاكسجين .

√ الماسك اهم حاجة و ممكن تغنيك عن القلق ده كله .

#ربنا قادر يسترها و يزيل الوباء قريبا بس انت خد بالاسباب و حافظ علي نفسك و علي كل اللي حواليك علي اد ما تقدر .

د.محمد محمد اسامة عيسي
اخصائي باطنة و غدد صماء و سكر

21/09/2020

24/05/2020

* اعراض الكورونا ؟
_حرارة عالية
_كحة
_فقدان حاسة الشم او التذوق بشكل مفاجئ ، يعني مكنتش بتحصلك قبل كده

والاعراض بتبدا بعد ٢_١٤يوم من مخالطة شخص ايجابي او حامل للمرض و مش ظاهر عليه اعراض او لمس سطح عليه الفيروس و توصيلها للوجه

* الاعراض الخطيرة ؟
_ضيق في التنفس
_الم متواصل في الصدر
_تايه و مش قادر تركز
_لون ازرق في الوجه

* مين اللي لازم يحلل او يعمل مسحة لو حس باي اعراض ؟

_المرضي اكبر من ال٧٠ سنة
_اللي عنده امراض مزمنة في الرئة او القلب او الكلي او الكبد و مرضي الاورام
_مرضي السكر و السمنة المفرطة
_المرضي اللي بيستخدموا كورتيزون من فترة او مثبطات مناعة

* التحاليل ؟
_CBC
_crp
_ferritin
_D_dimer
_ct chest
الاشعة المقطعية حساسة للمرض اكتر من المسحات ( pcr)

العلاج ؟
_c_retard 500 mg مرة ف اليوم
_octozinc capsules مرة
_bit b12 مرة
_tavanic 500 tab مرة يوميا لمده خمس ايام
_paracetamol 500 عند اللزوم مسكن و خافض للحرارة
_mucosol syrup ٣مرات لو فيه كحة

*بنزود علي العلاج كليكسان بس بعد استشارة الطبيب و عرض التحاليل عليه
*التاميفلو و الهيدروكسيكلوروكين بذات مبيتاخدش غير تحت اشراف طبي و كل الابحاث دلوقتي بتقول انهم ملهمش اي دور ف علاج الكورونا

*** الجانب الايجابي الوحيد :) ان معظم اللي حيجيله كورونا حتبقي اعراض خفيفة و مش محتاج تحاليل ولا مستشفيات مجرد عزل منزلي في غرفة منفصلة عن اهلك و اخد العلاج اللي فوق عشان بس الاعراض تروح بسرعة و متطولش

#وربنا يسلم الجميع
د/محمد محمد اسامة

22/11/2019

الفرق بين الكيس الدهني و الورم

====================

الورم الحميد
يبدأ ككتلة صغيرة ثم تنمو بشكل متوسط، مكانها ليس تحت الجلد مباشرة و يمكن تحريكها و لكن بصعوبة
تظهر ببطء و تنمو ببطء
لا يتغير لون الجلد المصاحب لها
كتلة لينة و غالبا لا تؤلم
يجب عليك زيارة طبيبك و إجراء التحاليل اللازمة لمعرفة نوع الورم و الطريقة الصحيحة لعلاجه و متابعته
يتم علاجه غالبا بالجراحة و بنسبة كبيرة لا يعود مرة أخري
===================
الورم الخبيث
تبدأ كتلة صغيرة قد لا تلحظها على الإطلاق، ثم تنمو فى الحجم، و لا يمكن تحريكها تحت الجلد
تظهر فجأة و تنمو سريعا
قد يتغير لون الجلد فوقها
صلبة و قد تؤلم أو لا تؤلم
يجب زيارة طبيبك فورا إذا وجدت اي كتلة غريبة بالجسم قد ظهرت فجأة و تكبر فى الحجم
يجب بدء علاجه فورا و متابعة العلاج بشكل منتظم
====================
الكيس الدهني
كتلة صغيرة غالبا دائرية و يمكن تحريكها بسهولة بين إصبعيك و تشعر بها تحت الجلد مباشرة
تنمو ببطء و على مدار سنوات
لون الجلد فوقها لا يتغير
لينة و لا تؤلم (إلا إذا التهبت)
عليك بزيارة الطبيب لفحصها و تأكيد أنها كيس دهني، و فى هذه الحالة لست بحاجة لمتابعتها
علاجه بسيط ولا يعود مرة أخرى

#منقول

11/09/2019

باسبقية الحجز من خلال الموبايل

تزيين الأسنان بالكريستال هو إجراء غير جراحي سريع وفي غاية البساطة ، يتم به إضافة كريستالة واحدة لسن من الأسنان الأمامية، لإضفاء مظهر جميل وجذاب على الأسنان وخاصة أثناء الابتسامة

تثبيت الكريستالة على السن هو أمر في غاية السهولة ولا يستغرق أكثر من عشر دقائق ،ولا يحتاج لازالة اي جزء من سطح الأسنان ، ولكن قبل ذلك يقوم الطبيب بتنظيف السن جيدًا.

احصل الان على كرستالة الاسنان بسعر ١٥٠ جنيه فقط 💜

خصم ٥٠ جنيه لاول ١٠ اشخاص هتتبعتلنا رساله للحجز و تاكيد المعاد مع الخصم 🎁😉

للحجز والاستفسار من خلال رسائل الصفحة او الاتصال على الارقام التاليه 01025832867 / 01277638604