د/محمد حشاد-استشارى طب الأطفال وحديثى الولادة

22/04/2026

مواعيد العمل بالتوقيت الصيفي كل عام وانتم بخير

18/02/2026

🌙✨ كل عام وحضراتكم بخير بمناسبة حلول شهر رمضان المبارك ✨🌙
نسأل الله أن يجعله شهر خير وبركة وصحة وسعادة على حضراتكم وعلى أطفالكم 🌸
📢 مواعيد العيادات خلال شهر رمضان الكريم:
🏥 عيادة عيّاش 🕖 يوميًا من الساعة 8:30 مساءً حتى 10:30 مساءً 📍 ما عدا يوم الجمعة إجازة
🏥 عيادة المحلة 🕑 الأحد والخميس من الساعة 2:00 ظهرًا حتى 3:30 عصرًا 📌 بالحجز المسبق..
نسعد دائمًا بثقتكم، ونتمنى لكم رمضانًا مليئًا بالصحة والطمأنينة 🤍
🌙 رمضان كريم

📱 📞 للحجز والاستفسار:
📱 واتساب : 01014106462
📱 رقم الاستفسار والاتصال:01551837175

01/11/2025

مواعيد العمل ف العيادة

🏥 عيادة المحلة:
📅 الأحد – الإثنين – الأربعاء – الخميس
🕒 من 3:00 إلى 5:00 مساءً
(يرجى الحجز مسبقًا لتجنب الانتظار)

🌙 عياده عيّاش:
📅 يوميًا ما عدا الجمعة
🕖 من 7:30 إلى 10:00 مساءً

📱 📞 للحجز والاستفسار:
📱 واتساب : 01014106462
📱 رقم الاستفسار والاتصال:01551837175

💙 لا تنسوا مشاركة المنشور لدعم وصوله لكل من يحتاج الرعاية لأطفاله، وشكرًا لثقتكم بنا.

01/11/2025

04/09/2025

🌸✨ بمناسبة المولد النبوي الشريف ✨🌸
نهنئكم ونهنئ أنفسنا بذكرى مولد خير الخلق سيدنا محمد ﷺ، الذي أرسله الله رحمةً للعالمين.
نسأل الله أن يعيد هذه المناسبة المباركة علينا وعليكم بالخير واليمن والبركات، وأن يرزقنا وإياكم شفاعة الحبيب المصطفى ﷺ.

كل عام وأنتم بخير 💚

03/09/2025

(للكبار والصغار )
المرض محتاج توعية للجميع (أطباء ومرضي )لان معدله في ازدياد، وللاسف الحالات لو اتأخر تشخيصها بيكون الوضع سيء

أطول بوست فى التاريخ😂😂...((مهم جدا بجد))هنعمل تحدى للقراءة😂😂 وال يخلصه قرائة (يكتب تم )

هو مرض چيني وراثي AR ،، منتشر بين شعوب منطقة البحر الأبيض المتوسط ومنهم العرب والأتراك والأرمن واليهود،،
👈👈أعراضة:

بتكون متكرره علي شكل نوبات وبتاخد وقت من ١-٤ أيام ،، وممكن تاخد وقت أكبر علي حسب شدة النوبة ونوع الطفرة اللي موجودة عند المريض،، والوقت اللي بين النوبات بيكون الشخص فيها طبيعي جداً بدون اي أعراض ((تبدأ تلقائياً وتنتهي تلقائياً)) وكمان الفترة بين النوبات بتعتمد علي نوع الطفرة ومدي الإلتزام بالعلاج ،،
١- ارتفاع درجة الحرارة 🤒
بيكون بشكل متكرر ولفترة معينة ودا من اهم أسباب periodic fever syndrome
وخلافاً لقاعدة اسم المرض (حُمي) فيه ناس بيحصل معاهم النوبات بدون حرارة 🙃

٢- ألم البطن
٩٥٪؜ من المرضي بيحصل معاهم وبيختلف في مكانه وشدته لدرجة ان فيه ناس تم استئصال الزائدة الدودية او المرارة كنوع من التشخيص الخاطيء من شدة الألم قبل ما يكتشفوا طبيعة المرض 😡
٣- ألم في المفاصل
٧٠ ٪؜ بيحصل معاهم وبيكون غالباً في مفصل الورك أو الركبة أو الكعب أو اليد أوالكتف وممكن الفكين ،، بيجي علي شكل ألم أو إلتهاب وبعد النوبة بيختفي تماماً وكأن شيئاً لم يكن

٤- ألم بالصدر
٢٥٪؜ من المرضي بيحصل معاهم ودا بيكون سببه بنسبة كبيرة التهاب في الغشاء البلوري للرئة ،، وديماً بيكون في ناحية واحدة من الجسم 👌

٥- ألم في العضلات
بتحصل في ٢٥٪؜ علي شكل ألم في العضلات بدون مقدمات أو بسبب اجهاد عضلي

٦-طفح جلدي
بيجي بشكل مميز أحمر اللون من ١٠-١٥ سم علي الأطراف السفلية وخصوصاً تحت الركبة والكعبين و علي ظاهر القدمين

☝️فيه أعراض أقل حدوثا هنقولها سريعاً:
***********************************
📍التهاب في الأوعية الدموية
واللي ممكن يسبب نقص الصفايح الدموية "فرفرية".. او متلازمة بهجت في الاطفال.
📍ألم في الخصية للأطفال وغالباً بتكون في جانب واحد
📍ألم في منطقة الحوض للبنات
📍صداع متكرر
📍التهاب في العصب البصري
📍التهاب في الكبد وتضخم بالطحال

🚫أهم الأعراض وأخطرها ومالانتمناه:
Amyloidosis
ودا بيحصل إذا لم يتم التشخيص غير متأخر او عدم الالتزام بالعلاج،، واللي بيحصل ان البروتين "أميلويد A” بيعلي وبيترسب في الكليتين ويسبب الفشل الكلوي

☘️نروح للتشخيص :
*******************
كل ما يخص الالتهاب بيكون عالي زي
CRP-ESR-amyloid A protein-fibrinogen-C3 C4
وكرات الدم البيضا
كلللل دا بيكون عالي ،، ولكن !!؟
ليس دليل علي وجود حمي البحر المتوسط
ولكن دليل علي وجود التهاب شديد بالجسم أياً كان سببه..

بس فيه نقطتين مهمين:

☝️من اقوي اسباب ارتفاع الاميلويد A بيكون حمي البحر الابيض المتوسط

✌️لو حصل وانتظرنا علي ارتفاع كل دلالات الالتهاب بعد فترة زمنية بسيطة وبدون علاج هنلاحظ انها بتقل ،، ودا مش بيحصل غير في حمي البحر المتوسط

طب والتحليل الچيني molecular test !؟
يأكد الإصابة ولا ينفيها..
ودا لانه بيغطي ١٢ طفرة فقط وعدد الطفرات المسئولة عن المرض حوالي ٣٠٠ طفرة 😱

وأكثر الطفرات تواجداً هم:
M794V ودي أشدهم في الأعراض
M680I
M694I
V726A
E148Q ودي أخفهم في الأعراض

نتيجة التحليل الچيني بتكون بنوع الطفرة وهل هو
#حامل للمرض heterozygous
أم #مصاب homozygous ،،

حامل المرض بيكون معاه طفرة موروثة من أحد الأبوين ،، والمصاب بيكون معاه طفرتان موروثتان من الأبوين معاً ،، ‎وعلى حسب تعريف المرض لابد من وجود طفرتين لظهور الاعراض ، و في الحالة دي بيكون مصاب ، في بعض الحالات يوجد فيها طفرة واحدة فقط و بالرغم من كدا تظهر اعراض و بظهور الاعراض يكون مصاب ، في حالات تانية لا يظهر فيها طفرات معروفة على الإطلاق و بتظهر الاعراض و يحدث استجابة على الكولشسين و أيضا دا مصاب

بمعني اصح وبدون لخبطه .. طالما فيه أعراض اذن فالشخص مصاب ويبدأ في العلاج ،، ولو مفيش أعراض فهو حامل للمرض او ناقل 👍

يعني لا دلالات التهاب نافعه ولا تحليل چيني ممكن نعتمد عليه .. طب التشخيص يكون إزاي !؟

⬅️ بالفحص الإكلينيكي والأعراض المتكررة والهيستوري العائلية مع الاستجابة لعلاج #كولشيسين.
وعلشان يقننوا موضوع التشخيص عملوا زي جايد لاين وسموه..
Tel-Hashomer Diagnostic criteria

وهو عبارة عن أعراض كبيرة وصغيرة وقاعدة للتشخيص 👍

الاعراض الكبيرة:
***************
١- نوبات التهاب متكررة في البطن او الصدر او المفاصل او الجلد مع وجود ارتفاع في الحرارة.
٢- ارتفاع نسبة بروتين الاميلويد بدون سبب معين.
٣- الاستجابة للعلاج بالإستمرار علي الكولشيسن.

الأعراض الصغيرة:
******************
١- ارتفاع حرارة متكرر.
٢- طفح جلدي واحمرار.
٣- وجود قصة عائلية للاصابة بحمي البحر المتوسط من الاقارب للدرجة الأولي.

قاعدة التشخيص من خلال الاعراض الكبيرة والصغيرة وهي :

يستلزم وجود:
١من الاعراض الكبيرة + ١ من الاعراض الصغيرة

يستلزم وجود:
٢ من الأعراض الكبيرة
أو
١ من الأعراض الكبيرة + ٢ من الأعراض الصغيرة

☝️ملحوظة صغيرة :أعراض المرض ومدي الإستجابة للكولشيسين بيحدده عوامل كتير غير نوع الطفرة زي طبيعة الجسم والسلوك وطبيعة حياة الشخص نفسه ،، فممكن نلاقي اتنين اخوات بيحملوا نفس نوع الطفرة ولكن أعراضهم مختلفة وإستجابتهم للعلاج مختلفه

الكولشيسين بيحمي الكليتين من الداء النشواني وعلشان كدا بيستمر عليه المريض مدي الحياة ودا بيكون في مصلحته أكيد.. وبعدين دا مستحضر نباتي ياجماعه نعتبره ڤيتامين بيقوينا ويحمينا .. بلاش نوقفه لأي سبباً كان .. ُلي 💪

بنلجيء أثناء النوبة لمسكنات غير استروديه زي بروفين او ديكلوفيناك ،، واحياناً بنلجيء للبريدنيزولون في بعض الحالات .

الكولشيسين فيه منه انواع تجارية كتير ،، مصري - فرنسي- تركي- كندي - سوري
خد اللي يريحك بس خد بالك من تركيزه كام لانه بيختلف من نوع للتاني .. فيه 0.5 وفيه 0.6 وفيه 1mg

المتابعة بتكون مع طبيبك من خلال تحاليل دورية زي تحليل البول ونسبة الأميلويد A ووظائف الكلي

اذا لم يتم الاستجابه للكولشيسين بجرعاته القصوي ،، يتم تحويل المريض علي علاجات اخري بمعرفة الطبيب .

👈واخيرا بقي نفهم اية هى طبيعة حدوثه؟
بيحصل نتيجة خلل او طفرة في جين معين اسمه MEFV ،، الجين دا موجود علي الكروموسوم رقم ١٦ واللي مسئول عن بروتين اسمه "بيرين"..
البروتين دا بينظم حدوث الالتهابات في الجسم بطريقة معينة مش هشغلكم بيها ✋

#المهم ،، لما بيحصل طفرة في الجين دا فدور بروتين البيرين بيتأثر فبتحصل الإلتهابات في الجسم، واللي بدورها بتسبب ألم في مناطق من الجسم وارتفاع في درجة الحرارة ،، والإلتهابات بتزود في الجسم بروتين اسمه "أميلويد A” واللي بيترسب في الكُلي مع زيادته بصفة مستمرة ومتكررة ويؤدي لفشل كلوي لا قدر الله 😔

ربنا يحفظ اولادنا❤️❤️


#أطفال


للحجز والاستفسار📞
01551837175
01014106462
عيادة (١): المحلة الكبري...برج الجعلى أمام مركز خالد ديوان ...الدور الثامن..

عياده (2):عياش ..شارع السوق أمام صيدلية د.امل يونس..

مواعيد العمل:

المحلة الكبرى:-الاحد والتلات والخميس 4 عصرا: 5.30مساء
عياش:-يوميا من الساعة30 :8مساءا :11مساءا

31/08/2025

أن شاء الله 👶💉 تطعيم الإنفلونزا للأطفال هيكون متوفر بالعيادة على اخر شهر 9 واخر شهر 10...
📌 التطعيم بيحمي طفلك من مضاعفات الإنفلونزا اللي ممكن تسبب تعب شديد أو دخول المستشفى لا قدر الله.
⚡️ مهم جدًا للأطفال فوق سن ٦ شهور.
🛡️ بيقلل فرص الإصابة ويقوي المناعة في موسم البرد.

📍 للحجز والاستفسار
010 14106462 واتس
01551837175 إتصال

17/04/2025

ليه ابنك عصبي؟
خلينا نقولك على الأسباب اللي ممكن تكون ورا توتره وعصبيته:

1. الشاشات الكتير
📱 التعرض لفترات طويلة بيأثر على مراكز التركيز والمشاعر، وبيخليه أقل تحمّلًا لأي إحباط بسيط.

2. النوم المتأخر
🛏️ الطفل اللي مش بينام كويس، بيكون مش قادر يتحكم في مشاعره وتصرفاته.

3. السكريات والأكل السيء
🍬🍕 الأكل الغني بالسكريات بيخلّي المزاج متقلب، وبيأثر على توازن الهرمونات.

4. عصبية الأب أو الأم
⚡ الطفل مرآة للي حواليه.. لو البيت مشحون، الطفل كمان هيكون مشحون!

طيب نعمل إيه؟ الحل في التربية الواعية

❤️ التربية مش بس أكل ولبس، التربية:

إنك تسمع له

تديله وقتك

تعلمه الصح من الغلط

تهديه مش تزوده توتر

لما تربيه بحب وهدوء وصبر،
هيطلع إنسان متزن، عارف يتعامل، واللي يشوفه يقول: "ربنا يبارك في أهله!"

التربية مسئولية كبيرة.. بس نتيجتها تستاهل!

13/04/2025

طفلك مش بيكبر؟
وزنه ثابت ومش بيزيد؟
جربتِ كل فواتح الشهية والعلاجات ومفيش نتيجة؟
ممكن تكون المشكلة مش في الأكل...
ممكن تكون في الديدان 🪱‼️

سؤال مهم:
عملتي تحليل براز؟ 💩 شفتي ديدان؟
فيه أطفال الديدان معاهم أكتر من أصحابهم،
ومهما اتعالجوا... بترجع تاني!

ليه؟
لأن ببساطة أي طفل بيروح حضانة أو مدرسة
ممكن يتعرض للديدان كذا مرة في السنة‼️

---

ناخد بالنا من أعراض الإصابة بالديدان عند الأطفال:

1️⃣ مغص متكرر من غير سبب واضح
2️⃣ ضعف في الوزن أو ثباته حتى مع شهية كويسة
3️⃣ هرش عند فتحة الشرج خصوصًا بالليل
4️⃣ أنيميا مش بتتحسن رغم العلاج
5️⃣ ملاحظة الديدان في البراز أو حوالين فتحة الشرج
6️⃣ صداع مستمر بدون تفسير
7️⃣ الطفل ياكل كتير ومفيش أي زيادة في الوزن
8️⃣ جوع كاذب – يجوع بسرعة وياكل حاجة بسيطة
9️⃣ إمساك أو إسهال مصحوب بدم في بعض الحالات
🔟 خمول عام أو همدان
1️⃣1️⃣ سيلان اللعاب أثناء النوم (في بعض الأنواع)

معلومة مهمة:
مش لازم كل الأعراض تظهر...
عرض أو اتنين كفاية يخلو عندنا شك ونتصرف!

---

طيب... الديدان بتيجي منين؟
⬅️ لمس الطفل لمنطقة الشرج ثم الأسطح أو الأكل
⬅️ مياه أو أكل ملوث
⬅️ خضروات وفواكه مش مغسولة كويس
⬅️ التلامس مع حيوانات أو تربة ملوثة

---

إزاي نحمي أولادنا؟ والعلاج؟

(ده هتلاقوه في أول تعليق)

جديد مواعيد العمل وأرقام الحجز:

عيادة المحلة الكبرى:
الأحد – الثلاثاء – الخميس
الموقع: برج الجعلي، ناصية رموش، أمام مركز د. خالد ديوان للأشعة.
عيادة عياش:
يوميًا ما عدا الجمعة – من 8 لـ 10 مساءً
نحرص دائمًا على تقديم أفضل رعاية طبية لأطفالكم
ونوفر بيئة مريحة وسهلة الوصول لكل مريض.

للحجز والاستفسار:
واتساب الدكتور: 01014106462
للحجز والاستفسار 01551837175

13/04/2025

"التغذية الصحية من أول يوم هي سر المناعة القوية والصحة السليمة لطفلك"
هل لاحظتي إن طفلك مش بيحب ياكل؟
السبب مش دايمًا أنيميا أو ديدان!
فيه سبب مهم بننساه كتير:
"التغذية غير الصحية!"
السكريات الكتير، الشيبسي، والمأكولات المصنعة بتلخبط شهية الطفل، وبتأثر على جهازه الهضمي، وبالتالي مناعته.
طيب والحل؟
التغذية الصحية مش بس للأطفال الرُضّع…
حتى بعد سن السنة، الأكل الطبيعي والمتوازن هو الأساس لمناعة قوية وشهية كويسة.

عايزة جدول تغذية صحي ومناسب لطفلك؟
ابعتلي عمره، وأنا هبعتلك نموذج مناسب ليه بإذن الله.
ربنا يحفظ أولادنا جميعًا ويبارك فيهم..