15/06/2023
🔅س/ إيه سبب العدوى؟
ج/ فيروس بيتنقل عن طريق الرذاذ المنتشر في الهوا بعد الكحة أو العطس من شخص مصاب ، أو ملامسة الطفح الجلدي.
🔅س/ إيه هي أعراضه؟
ج/ أهم حاجه بتميزه هي - - طفح جلدي أحمر يمر ب ٣ مراحل ( بقع حمرا -ثم بثور فيها ميه -ثم القشرة) .
أهم حاجة ممنوع الطفل يهرش في الحبوب..
الحبوب تظهر أولا على الوجه والصدر والبطن ممكن توصل لفروة الرأس والفم والأعضاء التناسلية.
* فيه أعراض ممكن تظهر قبل الطفح الجلدي( إرتفاع درجة الحرارة - صداع - فقدان الشهية)
🔅س/ العلاج إيه؟
ج/ علاج الأعراض فقط (خافض للحرارة - مضاد الحساسية - راحة تامة - تغذية جيدة-دش فاتر) ومتنسيش إنه فيروس يعني ملوش لازمه المضاد الحيوي إلا في حالات معينه يقررها الطبيب
🔅س/ هو معدي؟
ج/ اه معدي وسهل ينتقل من شخص لآخر . وبيكون معدي من أول فترة حضانة المرض إلى أسبوع بعد زوال الطفح الجلدي.
( فترة الحضانة هي المدة مابين الإصابة بالعدوى إلى ظهور الأعراض)
✴️ متقلقيش معظم الأطفال بتتحسن من غير مضاعفات.
✴️ لو إبنك عنده الجديري أعزليه عن الحوامل - حديثي الولادة - كبار السن - أي شخص مصاب بضعف المناعة.
