11/07/2025
رسالة منقولة من دكتور تخدير مصري لكل واحدة راحت تولد متمكيجة😉😂✋
عزيزتي المرأه الحامل ...
وحياة أبوكي يا شيخة ...
و حياة اغلى حاجة عندك ...
بلاش full make-up و إنتي داخلة العمليات ...
إنتي أساسا ممكن تقابلي وجه كريم و انتي علي ترابيزة العمليات دي ...
بصي ... هو موش تعسف خالص ...
هاحكيلك ليه ...😔
نبتدي من المانيكير ...😩💅💅
فيه صوبع بنحطه علي صوابعك بنحاول نعرف منه نسبة الأكسجين في دم سيادتك ... المانيكير بتاعك بيخلي الصوبع ده ما يقراش أو يقرا لنا أرقام غريبة لا هنعرف منها إنتي حية و لا ميتة و لا أي ...🤷
تاني حاجة ... الروچ ...💄💄
عارفة يا ست هانم ... لون شفايفك مؤشر مهم جدا علي نسبة الأكسجين في دمك و كمية الدم اللي واصلة لأجزاء جسمك ... فأما تحطي لي روچ أحمر أو بمبة أو بنفسجي ... أنا كده استفدت ايه - بصوت كابتن مرتضى منصور 😂 - ممكن تبقي أساسا ميتة و شفايفك حاليا زرقا أو بيضا و إنتي مخلياني عايش وهم إنك زي الفل ...
تالتهم ... الرموش الصناعية ...👀👀
بتطلع في البلاستر اللي بنقفل به، عينك لا مؤاخذة يعني ...
الرابعة ... توك الشعر المعدن ( ملقط شعر ) و الذي منه ...
وحياة أمي الغالية ممكن تحرق لك فروة راسك كلها مع استخدام جهاز الدياثيرمي و نعمل حفلة باربكيو علي شرف شعرك ...
الخامسة ... البودرة و كريم الأساس ...
و النعمة بيخفوا عن أمي تفاعلات الحساسية اللي بتحصل من الأدوية و بيخلوكي علي طول مورّدة - من الورد - حتي لو هيموجلوبينك ٣ ...
اعملي كل الحاجات الحلوة دى فحنة شيماء🤭😂😂...مش وانتي جاية تولدى🥺😂
