24/03/2026
لأن الموضوع بقى متكرر و بدون نيه جادة وواضحه للإصلاح .. بالنسبه ليه الروشته بحاول تنكتب بوضوح وبفهم المريض علاجه ازاى ياخدة والصنف مكتوب جنبه علبه او شريط او اكتر و مع ذلك ادويه بتطلع لا هى بديل ولا مثيل ولا تقرب للدوا المكتوب وادويه مكتوب شريط يطلع علبه و ادويه مكتوب قرص كل ١٢ساعه شريط يطلع علبه شريطين وقرص كل ١٢ساعه وبالتالي ممكن تتلخبط استجابه العيان او تظهر اعراض جانبيه للعلاج وغيرها من فوازير فى صرف الادويه آسف مش لاقى وصف تانى . كتير اتكلمت مع زملاء بالحرص فى صرف الدوا ومين يقف فى الصيدليه مهم يعرف يقرى روشته و لو مش عارف يكلم الدكتور او الصيدلي . طبعا فى صيدليات بتتصل او تبعت الروشته واتس لو محتار فى صنف او مش متوفر لكن بردو مازالت المشكله مستمرة.
ياريت يا مريضنا العزيز حضرتك رحت صيدليه مفيهاش دكتور صيدلي شكرا أمشى و روح صيدليه فيها دكتور يحترم حقك فى صرف العلاج حضرتك لو جيت العيادة ملقتش الدكتور مش هتدخل السكرتاريه تكشف عليك رغم انها خبرة معايه فى الشغل ما شاء الله ١٨سنه يبقى لو سمحت احترم حقك فى صرف الدوا ويا زميلى الصيدلي العزيز ارجوك راعى صيدليتك بنفسك و تواجد او حط اى طريقه تمنع الاحطاء لأنها اتكررت وبقت ماسخه اوى
