Dr Mohamed M Soliman / د محمد مجدي سليمان

Dr Mohamed M Soliman / د محمد مجدي سليمان د/ محمد مجدى سليمان
أخصائى - ماجستير المخ و الأعصاب و الطب النفسي
زمالة العلاج السلوكي المعرفي (هامبورج- ألمانيا)

25/04/2026

‏أوعى تقبل إن حد يساومك على كرامتك ، أمانك النفسي، حريتك ، تقديرك لذاتك مهما كان المقابل
مفيش حاجة أغلى من نفسك 🌟

19/04/2026

‏فى ناس بتعاني من النزعة الكمالية تجاه المشاعر، بيبقي عاوز دايما إن مشاعره تكون جميلة، إيجابية، مثالية، و ده تفكير غير واقعي.
تلاقيه دايما متضايق هو عشان حاسس بالوحدة أو بالحزن أو حتي مزاجه متعكر، بيستنكر بس المشاعر السلبية!.
لازم ندرك إن تقبل المشاعر السلبية من مفاتيح #الصحةالنفسية
المشاعر السلبية بتزيد لما تقاومتها و تتظاهر بالقوة والهروب من المعاناة، والضعف الحقيقي هو ورفض اللي بتمر بيه دلوقتي
أسمح لنفسك أنك تحزن وتضعف دلوقتى عشان تبقي أقوى ب #التقبل ..

18/04/2026

مش صح دايما قراءة كتب في مجال العلاقات بشكل عام بدون مرشد مختص
لإن كثرة الاطلاع من عامة الناس علي المواضيع دي بعشوائية خلت كل الناس بقت تقول
"أنا بتعامل مع شخصيات نرجسية" " أنا في علاقة مؤذية"
و كله كلام ملوش أساس لو انت بتقرأ لوحدك من غير مختص يوجهك و ان التطبيق غالبا غير موفق و علاقات كتير باظت بسبب ان طرف توهم انه فاهم و قال اللي بيعمل كدة زي اللي بيقرأ عن الأمراض النفسية فكل مرض حيقابله حيطبقه علي نفسه و يشخص انه مصاب بيه .

أكبر أزمة بتواجه علاج الأمراض النفسية - بشكل عام - هي معرفة المريض ان اللي بيعاني منه دا مرض نفسي و بعدها يقتنع انه المف...
15/04/2026

أكبر أزمة بتواجه علاج الأمراض النفسية - بشكل عام - هي معرفة المريض ان اللي بيعاني منه دا مرض نفسي و بعدها يقتنع انه المفروض يطلب المساعده النفسية، احصائية اتعملت من ( national institute of mental health)
ان الشخص العادي بيفضل في المتوسط 10 سنين بيعاني من المرض النفسي لحد ما يطلب المساعدة.

من العوائق الأساسية الي بتمنع وصول المريض للمساعدة النفسية وهي الوصمة المجتمعية والجهل بالأمراض النفسية، من أكتر الحاجات الي عندنا جهل بيها هي cutting/self harming
ايذاء النفس تعريفه: انها افعال متعمدة وإرادية من إيذاء الجسم يإما عن طريق التقطيع بآلة حادة أو الحرق أو أي شيء آخر يجلب الألم وليس الغرض منها الانتحار
الحقيقة ان الي بيؤذي نفسه دا مبيكونش عاوز ينتحر زي ماحنا فاكرين، والمجتمع بيشوف الشخص الي بيؤذي نفسه هو Attention seeker
الايذاء النفسي بيبقى غالباً نتيجة لمرض نفسي زي الاكتئاب او القلق او أمراض تانية بي دول أكبر سببين.

ولأن الآلام النفسية هي آلالام داخلية فالشخص العادي متعودش يتعامل معاها على عكس الآلام الخارجية زي انه يتجرح بالسكينة فهو عارف ان الحل انه يضغط على الجرح ويحط قطنة عليه.
ولأن المريض النفسي- غالباً- معندوش القدرة على انه يتحكم في آلالامه الداخلية فبينقل الآلام الداخلية الى خارجية محسوسة ودي محاولة منه للسيطرة على الآلام الداخلية.

الايذاء النفسي هو محاولة للنجاة مش محاولة للانتحار، والشخص الي بيعمل دا مش شخص سيء انه بيطلب الاهتمام والانتباه هو شخص حاول بكل الصور انه يلفت الانتباه لمعاناته لحد ما اضطر يظهرها بالصورة دي.

ضيف للحاجات الي فوق اسباب تانية بتخلي الشخص يؤذي نفسه وهي ان لما يجرح نفسه بيطلع مادة الاندورفين (مادة مخدرة) بتخفف من الألم .

سبب كمان ممكن يشجع الانسان يؤذي نفسه هو احساسه بالخواء او البرود العاطفي ومش حاسس بحاجة نهائي لا بنفسه ولا بالي حواليه (numbness) فبيضطر يعور نفسه عشان يثبت لنفسه انه بيحس وان الالم موجودة.
يا ريت الناس لا تصدر أحكام على معاناة غيرها زي انه مثلاً بيحاول يلفت الانتباه و خلاص أو انه عاوز يتشهر بس , لأن كل شخص له قصته و معاناته اللي هو أعلم بيها , و لأن البيئة بتكون صحية أكتر كل ما كانت الأحكام judgments اللي بيوجهها أفرادها لبعضهم أقل .

14/04/2026

Our brains are wired for connection, but trauma rewires them for protection. That's why relationships are difficult for wounded people.

أدمغتنا متبرمجة عشان نتواصل مع الناس، لكن الصدمة بتعيد برمجتها كوسيلة حماية. وعشان كده العلاقات (بشكل عام) صعبة على الناس اللي لسه متعافتش من صدمة أو جرح نفسي.

مش كل اللي بيعاني من التشتت هو مريض بمرض تشتت الانتباه.مش كل اللي بيعاني من حزن هو مريض اكتئاب.مش كل اللي واثق من رأيه و...
13/04/2026

مش كل اللي بيعاني من التشتت هو مريض بمرض تشتت الانتباه.
مش كل اللي بيعاني من حزن هو مريض اكتئاب.
مش كل اللي واثق من رأيه وكلامه نرجسي.
مش كل اللي بيفكر في فكرة محددة هو مريض بالوسواس القهري.
مش كل طفل بيمشي على أطراف صوابع رجله عنده سمات توحد.
مش كل طفل اتأخر في الكلام هو مريض بالتوحد.
مش كل اللي بيعاني من تغيرات مشاعرية عنده اضطراب الشخصية الحدية.
مش كل اللي بيعاني من تقلبات مزاجية هو مريض بالاضطراب الوجداني ثنائي القطب.

التشخيص في الطب النفسي ليه شروط ومواصفات كتيرة، وبيحتاج لتطبيق شروط ومواصفات على الناس عشان نعرف إذا كانوا داخل إطار المرض أو خارجه.
كتير من الناس بتلجأ للقراية على الانترنت عن الأمراض النفسية ويطبقوا اللي بيقرأوه على نفسهم أو أهلهم، لكن الأمراض النفسية مش زي بقية الأمراض اللي ممكن أنك تشوف ملامحها واضحة بعينيك.
بالإضافة إلى أن في المشاكل النفسية بشكل عام صعب على الناس تشخيص نفسهم، الشخص مش من السهل أنه يشخص نفسه ويشوف مشكلته أو يوصل لمشكلة عنده.

متستعجلوش بتشخيص نفسكم أو تشخيص اللي حواليكم، حتى لو فضلت طوال اليوم تبحث على جوجل.
لو حسيت إن عندك مشكلة روح لطبيب متخصص يأكد أو ينفي المشكلة عندك، وبلاش تتقمص دور مش دورك.

12/04/2026

نقول تاني و تالت .. المرض النفسي مش دليل على ضعف الشخصية أو قلة الايمان ، جوا كل واحد مننا استعداد للمرض النفسي ممكن يظهر مع كتر الضغوط ، و عدم قدرة الانسان على التكيف ،
طبعا قوة الايمان لها تأثير ايجابي على صحتنا النفسية بشكل عام ، ولكن المرض النفسي ممكن بكون سببه التنشئة أو التأثير البيئي أو الجينات أو الاستعداد النفسي

تأثير فيرتر vs تأثير بابا جينوWerther Effect vs Papageno effectفيرتر هو الشاب الرقيق المثقف بطل رواية "آلام فيرتر" للكات...
12/04/2026

تأثير فيرتر vs تأثير بابا جينو
Werther Effect vs Papageno effect
فيرتر هو الشاب الرقيق المثقف بطل رواية "آلام فيرتر" للكاتب الألمانى جوتة يفشل فى الزواج من حبيبته ويصيبه اليأس ويقرر الانتــحــ.ـار
الرواية انتشرت انتشار واسع ولوحظ بعدها انتــحــ.ـار العديد من الشباب بنفس طريقة فيرتر وهم حتى لابسين نفس ملابسه وفى نفس ساعة انتــحــ.ـاره .. الظاهرة كانت واضحة لدرجة إن بعض الدول حظرت تداول الرواية للسبب ده
عالم الاجتماع الأمريكي دافيد فيلبس والأستاذ بجامعة كاليفورنيا هو اللى صاغ مصطلح “تأثير فيرتر" في دراسة"
"بعنوان “تأثير الإيحاء على الانتــحــ.ـار
وأكد على إن التغطية الإعلامية الكبيرة وتكرار نشر التفاصيل الخاصة بحالات الانتحار تؤدي إلى زيادة حالات الانتــحــ.ـار ؛ حيث يؤدي ذلك إلى تشجيع الفئات الهشَّة والأكثر عرضة لمخاطر الانتــحــ.ـار على أخذ الخطوة الأخيرة..
يعنى الانتــحــ.ـار قد يكون معدى.. وخاضع للتقليد فيما يعرف بظاهرة ال
copycat su***de
تأثير فيرتر هو الأثر السلبى اللى ممكن تقوم بيه وسائل الإعلام ومواقع التواصل الاجتماعى.. فتكون سبب فى انتشار ظاهرة الانتــحــ.ـار ولو بدون تعمد منها لذلك

أما"تأثير باباجينو" فهو الأثر الإيجابى اللى ممكن تقوم بيه ويكون ليها دور وقائي فى ظاهرة الانتــحــ.ـار

باباجينو هو شخصيَّة المهرج في أوبرا ” الناي السحري The Magic Flute" لموتسارت
وأوشك باباجينو على الانتحار لكنه تراجع عن قراره بعد ما ٣ أرواح طرحوا عليه عدَّة بدايل

الانتــحــ.ـار ظاهرة مؤلمة وقاسية وتستحق نوليها الاهتمام
لكن هتختار تسلط عليها الضوء بأنهو طريقة؟
طريقة فيرتر ولا طريقة باباجينو؟
لو اخترت طريقة فيرتر فمعناها اختيارك نشر حدث الانتــحــ.ـار نفسه بكافة تفاصيل الحادث وتفاصيل حياة المنتــحــ.ـر وآخر كتاباته.. بخلفية درامية قد توحى بإن الانتــحــ.ـار استجابة مقبولة لمآسى ومشكلات الحياة
ممكن يكون تأثرك العاطفى باللى حصل للمنتــحــ.ـر ومعاه - وهو شعور نبيل ولا يخطّأ-هو دافعك الأساسى أو حتى الوحيد فى نشرك للحدث بالشكل ده، لكنه قد يكون سبب دون تعمد منك لده في تشجيع حد بينه وبين الانتــحــ.ـار خطوة فى إنه ياخد الخطوة دى فعلا.. وبكده تكون شاركت فى نشر عدوى الانتحار

أما لو اخترت طريقة باباجينو فده معناه الكلام عن الظاهرة بشكل عام.. بطريقة معتدلة ومتزنة.. فيها تفهم لمعاناة المنتــحــ.ـر دون تقليل منها.. وبدون مزايدة..
ومحاولة التوعية بضرورة رفع درجة التعاطف والمواجدة بيننا وتحقيق التواصل الحقيقى والواقعى..
والتفكير بصوت عالى فى البدايل - اللى بتكون اللى بيفكر فى الانتــحــ.ـار مش شايفها لأنه فى اللحظة دى بيكون شايف كل البيبان متقفلة-..
زى كيفية طلب المساعدة
أو تقديم نموذج واقعى لشخص كان عنده تحديات حياتية كتيرة وشبيهة بالأسباب اللى ممكن تكون دافعة للانتــحــ.ـار لكنه اختار التعامل معاها بشكل مختلف ونجح فى ده
أو الكتابة عن /الإشارة لوسائل معينة فى التعامل مع الضغوط الحياتية والأفكار الانتــحــ.ـاريه
بالطريقة دى انت إنسان محتفظ بتعاطفك الإنسانى السليم وفى نفس الوقت متحمل لمسئوليتك المجتمعية فى عدم مشاركتك فى نشر الظاهرة وكمان محاولتك إن يكون ليك دور وقائى فيها

الروح غالية.. هى أغلى ما نملك
و الانتــحــ.ـار حل لا رجعة فيه.. لمشكلات - مهما طالت- مؤقتة
والبدائل من الممكن جدا أن تكون متاحة.. لكنك - بسبب شعورك بالمعاناة- لا تراها
لا تتردد فى طلب المساعدة.. وباب مغلق لا يعنى أن كل الأبواب مغلقة
ردد معي:"لدىّ خيارات عدة.. ليس من بينها أن آخذ روحي".

12/04/2026

في ناس كتير بدأت تاخد خطوات في طريق التعافي، وناس لسه في البداية،
وده طبيعي… لأن كل واحد ليه رحلته وظروفه.

مهم نأكد على حاجة:
إن حد ما قدرش يوصل للمساعدة المناسبة، مش معناه إنها مش موجودة.
الدعم النفسي والعلاج موجودين، وفرص التحسن حقيقية.

كمان مهم ناخد بالنا إن نشر أخبار الانتــحــ.ـار أو أي محتوى صادم ممكن يأثر على ناس كتير حوالينا،
ويزود عندهم القلق والخوف، خصوصًا اللي بيمروا بوقت صعب.

لو انت فعلا موجوع علي أي شخص عمل كده…
متخليش رسالته وسيله نتوجع بيها على غيره…

لو إنت مش بخير، حاول ما تفضلش لوحدك…
كلم حد تثق فيه أو اطلب مساعدة من مختص.

إحنا هنا علشان نساعد.
والتعافي ممكن 🤍

11/04/2026

مهما مثلت تبلد المشاعر ، مهما انفصلت عن شعورك، مهما تعاملت مع الواقع بشكله المادي المجرد
هيجي موقف يهد كل تماسكك المزيف و يرجعك عشان تحس بأول ألم، أول صدمة، أول مرة قررت فيها أنك متحسش.
العودة دي مش هتكون متماسكة، و هتجبرك علي الانهيار.
اتعرف على شعورك و اتحسس قلبك، و متغمضش عينيك عشان تعدي و خلاص.

‏"ومِن الجميلِ في العلاقاتِ بشكلٍ عام، إنها تكون مريحةً مش مرهقة، إنك تحس فيها بخفة الحملِ مش بتقل الهم، بالإقبال مش بال...
10/04/2026

‏"ومِن الجميلِ في العلاقاتِ بشكلٍ عام، إنها تكون مريحةً مش مرهقة، إنك تحس فيها بخفة الحملِ مش بتقل الهم، بالإقبال مش بالنفور، إنك تستناها متستناش إنها تعدي ، إنك تشوف فيها نفسك اللي بتحبها مش نفسك اللي بتكرهها، إنك تحس إن أنت مش مضطر للشرح، ولا الحاجة للتفسير، ولا عبء التبرير"
💌

09/04/2026

تقدير الذات المنخفض وعدم فهم الفرد لاحتياجاته بيؤدي إلى شعوره بالدونية و يبدأ بتقليل من شأن ذاته و نلاقي لما حد بيمدحه بيحس آنها مجاملة بسيطة أو سخريه منه.

Address

El-Mahalla El-Kubra

Opening Hours

Monday 3pm - 9pm
Tuesday 3pm - 9pm
Wednesday 3pm - 9pm
Saturday 3pm - 9pm

Website

Alerts

Be the first to know and let us send you an email when Dr Mohamed M Soliman / د محمد مجدي سليمان posts news and promotions. Your email address will not be used for any other purpose, and you can unsubscribe at any time.

Shortcuts

Share

Category