دكتور العيله لطب الاطفال د عبدالله معروف

14/06/2023

05/05/2023

عليه الصلاه والسلام

23/03/2023

ركز فى أهم ١٠ حاجات ممكن تاخد بالك منهم :
١- ماتتكلمش كثير وإنت صائم، ماتهزرش كثير، ماتعليش صوتك..
ليه..؟
حديث النبى.. فإن كان صوم أحدكم فلا يرفث ولا يصخب..
٢- لو حد ضايقك فى أى حاجة...ماتردش عليه..
قل : إنى صائم
٣- رمضان مش من الفجر للمغرب، رمضان ٣٠ يوم ليل ونهار، فلو الصيام بالجوارح بالنهار..فالصيام بالقلب بالليل والنهار
٤- كل الناس ممكن تصلى وتصوم وتقرا قرآن، بس مايعرفوش إن الهدف من ده كله هو التقوى..فركز إن سلوكك يتعدل ويتحسن..ركز إن قلبك يتعدل...ركز إن العبادات تغير فى المعاملات..لو بتكذب بطل..لو بتغتاب كفاية كده..لو بترتشى توب. اتغير سلوكيا بجد ..!!
٥- للصائم دعوة لا ترد..فجهز ماتريد من الدعوات.
٦- حط هدف إن كل يوم على الأقل تذكر ربنا على قد ما تقدر ...نوع فى الذكر..مابين تحميد وتسبيح وتكبير ...
٧ - ماتعديش يوم من غير صدقة، حتى لو جنية واحد..هتلاقى كرم مابعده كرم فى الدنيا قبل الآخرة...مانقص مال من صدقة...فيضاعفه الله اضعاف كثيره..
٨- المساجد فتحت للتراويح الحمدلله، صلى التراويح مع حد صوته وأدائه كويس علشان ماتزهقش وتكمل لأخر يوم.
٩- كل يوم ربنا ليه عتقاء من النار،اطلب من ربنا من كل قلبك كل ليلة إن ماكنش اعتقك قبل كده فيعتقك النهاردة، والله عتقاء من النار وذلك فى كل ليلة.
١٠ - خلى ختمة السنادى مش قراءة بس، العبرة مش بالكم، هات المصحف اللى فيه المعانى، وأقرأ معانى كل صفحة تقرأها...وشوف إنت فين منها..

كل عام وانتم بخير ، ربنا يتقبل منا ومنكم صالح الأعمال

29/09/2022

روشته لدخول المدارس للتركيز والمنفعه

23/08/2022

فيديو مهم

22/08/2022

‎ 😊

‎هل تعلم أن الأطفال في عُمر ما قبل الدراسة من سنتين إلى ٥ سنوات بيتميزوا بالآتي :-

‎⁦🏷️⁩ صوت صراخ الطفل في عُمر ٣ سنوات ممكن يغطي على مطعم مزدحم فيه ٢٠٠ فرد . 🔊🔊

‎⁦🏷️⁩ معدل الأسئلة اللي بيسألها طفل عُمره ٤ سنوات ممكن تصل إلى ٤٣٧ سؤال يومياً . 🤓🤓

‎⁦🏷️⁩ مُعدل الخطوات اللي بيخطيها الطفل في العمر دا ممكن يوصل ل ١٧٦ خطوة في الدقيقة 😳

‎⁦🏷️⁩ أكتر مرحلة عُمرية الطفل معرض فيها لحروق و جروح و كسور الأيدين ... لإنه بيبقى عنده فضول يجرب كل حاجه و أي حاجه .

‎⁦🏷️⁩الطفل في المرحلة العمرية دي لو راكب السيارة مع العيلة ممكن يشتت إنتباه السائق ١٢ مرة أكثر من الموبايل 😄📱

‎⁦🏷️⁩ الأطفال في العمر دا ممكن لو طلبت منهم يستخبوا هايغطوا عينيهم أو يغمضوا بكل بساطة 😊 .من منطلَق :
‎طالما أنا مش شايف حد ...يبقى محدش شايفني 😄😄

‎هو دا إنطباعه و بيكون مصدقه جدا لإنه في المرحلة دي بيفكر حرفياً بدون أي منطق .... و الموضوع دا أد ما هو مضحك و لذيذ أد ما هو خطير جداً..... لإنه مثلاً و بكل بساطة لو بيحب سوبرمان ممكن يبقى مقتنع إنه يقدر يعمل زيُه - طالما هو بيطير يبقى أكيد أنا كمان هقدر - و هايحاول يطير زيه من البلكونة ..😳😳
‎ف نخللي بالنا ... 🚫🚫

‎⁦🏷️⁩ من عٌمر سنتين إلى ٣ سنوات الطفل بيقدر يستخدم إيديه الإتنين بمنتهى المهارة ... بس بعد العمر دا بيتغير الوضع و حوالى ٩٠ ٪ منهم هايستخدموا إيدهم اليمين و ١٠٪ بس هايستخدموا الشمال 😊

‎⁦🏷️⁩ قدرة السمع عند الأطفال في المرحلة دي بتكون قوية جداً .. و أقوى مننا إحنا الكبار بمراحل كتيييييره .

‎⁦🏷️⁩ذاكرة حفظ الأحداث و الذكريات عند الأطفال بتبدأ تشتغل بعد عُمر ٣ سنوات بمعنى إن الطفل مع تقدم العمر مش بيفتكر أي حاجة حصلت ليه قبل عُمر ٣ سنوات صحيح في وقتها بيتأثر بيها سلباً أو إيجاباً بس مش بتتخزن في ذاكرته ...يعني لو ناويين تفسحوهم فسحة مميزة أو تعملوا ليهم حفلة كبيرة ...يا ريت يكون بعد عُمر ٣ سنوات علشان تتخزن في ذاكرتهم و يقدروا يفتكروها أو يفتكروا منها أي حاجة ... 😃😉

‎⁦🏷️⁩ الطفل في المرحلة دي لا يهتم أبدا برأيك في لبسه ... و لا إنه يكون لائق و شيك و ألا لأ ...و يا سلام لو حب تي شيرت أو فستان معين .. هايتلبس طول الوقت و مع كل حاجة و فوق كل حاجة .... هو مبسوط كده و لتذهب الموضة و الشياكة إلى الجحيم 😊

‎⁦🏷️⁩ في أغلب الأحيان الأطفال في العمر دا بيبقوا مؤدبين قدام الناس الغريبة عنهم ... مش علشان خايفين من المكان و لا الناس اللي فيه.... أبدا أبدا لا سمح الله 😄😄😄
‎هما بس لسه ما إختبروش أو مش واثقين في درجة صبر اللي قدامهم على أعمالهم التخريبية اللا منطقية ...
‎و مسيرك يا ملوخية تيجي تحت المخرطة 😄😄

‎مجرمين .... و متعبين ...... بس حلوييييين 😘⁦☺️⁩😍⁦❤️⁩

‎دمتم و إياهم سااااالمييييين⁦❤️⁩😊⁦❤️⁩

‎العيله # #دكتور

22/08/2022

اللي وصله البوست يقول تم